NABIGO si Joanie Delgaco na makapasok sa diretsahang puwesto sa quarterfinals ng rowing event.

Pero nagpatuloy ang kanyang pag-asa matapos masiguro ang pangalawang pagkakataon sa pamamagitan ng repechage round sa women’s single sculls ng 2024 Paris Olympics sa Vaires-sur-Marne Nautical Stadium.

Ang Filipina rower ay nagtala ng pitong minuto at 56.26 segundo upang magtapos na ika-apat sa anim na miyembro ng kompetisyon.

Tanging ang tatlong nangungunang kalahok mula sa bawat heat ang magpapatuloy sa quarterfinals habang ang iba pang mga kalahok ay kailangang makipaglaban pa rin sa repechage stage.

HINDI nahadlangan ng ulan ang Olympic spirit ng mahigit 10,000 atleta at opisyales na dumalo sa opening ceremony ng 20­24 Paris Olympics.

Masaya ang Team Phi­lippines na pumarada sa opening rites na ginanap sa Seine River.

Hindi pa man nagsisi­mula ang parada, kitang-kita ang excitement ng lahat sa kabila ng pagbuhos ng ulan.

Nakasakay sa bangka ang bawat delegasyon na nagparada sa pamosong River Seine.

Nanguna sa Team Phi­lippines si Olympic silver medalists Carlo Paalam at Nesthy Petecio na siyang nagwagayway ng bandila ng Pilipinas.

Kasama nina Paalam at Petecio sina fencer Samantha Catantan, boxers Hergie Bacyadan at Aira Villegas, swimmers Kayla Sanchez at Jarod Hatch, gymnasts Aleah Finnegan, Emma Malabuyo at Levi Ruivivar, at sina hurdlers John Cabang Tolentino at Lauren Hoffman.

Bahagi rin ng mga nagparada sina Philippine chef de mission Jonvic Re­mulla, Association of the Boxing Alliances in the Philippines (ABAP) secretary general Marcus Manalo, Philippine rowing president Patrick Gregorio, at Philippine athletics chief Agapito “Terry” Capistrano.

Kasama ng Pilipinas sa bangka ang delegasyon ng Poland at Puerto Rico.

Hindi na kasama sa parada sina rower Joanie Delgaco at gymnast Carlos Yulo na pormal nang sumabak kahapon sa kani-kanyang events.

Aarangkada ngayong araw sina gymnasts Aleah Finnegan, Emma Mala­buyo at Levi Ruivivar sa women’s artistic gymnastics all-around qualification na gaganapin sa Bercy Arena.

Pare-parehong na­sa Subdivision 3 sina Fin­negan, Malabuyo at Ruivivar.

NAGPAKITANG-gilas si Carlos Yulo sa kanyang dalawang pet events sa men’s gymnastics individual qualification sa 2024 Paris Olympics sa Bercy Arena.

Namayagpag ang 24-anyos na Filipino gymnast sa kanyang paboritong floor exercise, at nakapagtala ng 14.766 puntos, provisionary second spot sa naturang event.

Nangunguna sa floor exercise si Jake Jarman ng Great Britain, na may 14.966 puntos.

Pasok na rin si Yulo sa final round ng floor exercise at gymnastics vault, kung saan provisionary sixth spot ito sa vault event.

Sa ngayon, nasa ikawalong pwesto si Yulo sa all-around ranking kung saan 24 na mga manlalaro ang aabante sa finals.

Gayunpaman, nahirapan si Yulo sa pommel horse (13.066), rings (13.000), parallel bars (14.533), at horizontal bar (13.466) at hindi makakaabante sa final round sa apat na apparatus na ito.

HINDI natinag ang ilang milyong mga katao na nanood ng pormal na pagbubukas ng 2024 Paris Olympics.

Nagdala ng mga payong at kapote ang karamihan para masaksihan ang makasaysayan at kakaibang pagbubukas ng Olympics na ginaganap sa River Seine.

Hindi gaya sa mga nakagawian na sa mga stadium ito ginaganap ngayon ay sa River Seine kung saan nakasakay sa mga bangka ang mga kalahok habang pumaparada.

Magkatabi naman sina French President Emmanuel Macron at International Olympic Committee (IOC) President Thomas Bach para panoorin ang parada.

Gaya ng tradisyon ay mauuna sa parada ang pagparada ng Olympic Torch na sinundan ng barko ng Greece dahil doon nagsimula ang makasaysayang Olympics.

Aabot sa 10,500 ang atleta ng Greece na pinangunahan nina NBA superstar Giannis Antetokounmpo at two-time Olympian race walk Antigoni Ntrismpioti.

Pinatunog din ang kampana sa kauna-unahang pagkakataon ng Norte-Dame de Paris Cathedral.

Ito ang unang pagkakataon na tumunog ang kampana mula ng matupok ng apoy noong Abril 2019.

Nanguna naman ang singer na si Lady Gaga sa pagkanta sa Opening ceremony.

Kinanta niya ang “Mon truc en plumes” ng iconic French artist Zizi Jeanmaire.

Sumunod naman nagtanghal ay ang 28-anyos na singer na si Aya Nakamura.

Namangha rin ang lahat sa magandang awitin ni Celine Dion habang nasa stage sa ilalim ng Eiffel Tower, maituturing itong makasaysayan.

Sa ilalim kasi ng Republic Act 10699 o ang The National Athletes and Coaches Benefits and Incentives Act, ang isang Olympic gold medalist ay tatanggap ng P10 milyon bilang cash incentive.

Hindi rin mawawalan ang mananalo ng silver at bronze medal dahil bibigyan sila ng P5 milyon at P2 milyong bonus, ayon sa pagkakasunod.

Sa pagbuhat ni lady weightlifter Hidilyn Diaz sa kauna-unahang Olympic gold ng Pinas sa 2021 Tok­yo Games ay tumanggap siya ng P10 milyon bukod sa P5 milyon mula sa Phi­lippine Sports Commission (PSC) base sa RA 10699.

Halos umabot sa P57 milyon ang nakuhang insentibo ng tubong Zam­boanga City galing sa mga sports patrons kagaya nina Manny V. Pangilinan ng MVP Sports Foundation at Ramon S. Ang ng San Miguel Corporation.

Tumanggap din ng cash incentives sina Tokyo Olympics silver medalists Nesthy Petecio at Carlo Paalam at bronze medal winner Eumir Felix Marcial ng boxing.