MATAPOS na isiwalat ng GMA sa kanilang official statement na pormal nang nagsampa ng reklamo si Sandro Muhlach są network laban kina Jojo Nones at Richard Cruz na hindi na idinetalye ang nilalaman nito, ay pinarating ang abogado ng daalwang independent contractors.

Ayon kay Atty. Garduque, na iniulat ng “24 Oras” noong Huwebes nang gabi, nalulungkot at nasasaktan sina Nones at Cruz dahil sa kaliwa’t kanang pambabatikos.

Na kahit hindi pa raw kasi napatutunayang may nagawa silang kasalanan kay Sandro ay nahusgahan na sila na parang mga kriminal.

“Our clients are deeply saddened by the serious allegations hurled against them circulating on social media.

“And though these allegations do not mirror the true accounts of the event, we would like to reserve the right to respond in a proper forum when we receive a copy of the formal complaint.

“For the meantime, we urge the public to respect the investigation being conducted on this case and we advise people who have no personal knowledge of the incident to refrain from posting baseless defamatory allegations and therefore unfairly subjecting both parties to publicity trial,” sabi ng abogado ng dalawa.

Samantala, ayon naman sa ama ni Sandro na si Niño Muhlach, naghahanda na sila sa pagsasampa ng kaukulang kaso laban sa mga taong nang-abuso sa anak.

Sinabi pa ng aktor at dating child wonder na lalantad siya at magsasalita sa tamang panahon. Balitang plano rin daw magsalita ni Sandro kapag may resulta na ang imbestigasyon ng GMA.

At sa latest post ni Niño sa kanyang Facebook account, humihingi siya ng dasal at nagpapasalamat sa lahat ng sumusuporta…

“Our family has suffered so much because of the unspeakable and vile acts done to our son. We ask for your prayers to help us muster enough strength and courage to withstand the horror of re-living the dastardly acts of the perpetrators as we seek justice through our legal system.

“Thank you for all your support and kind words and your gracious gift of space. We truly appreciate it.”

***

PATULOY ang pagtaas ng bilang ng child pornography at illegal gambling sites na nahaharang ng Globe.

Mula Enero hanggang Hunyo 2024, hinarang ng Globe ang 1,718 domains at 190,167 URLs na patungkol sa child pornography. Malaking pag-angat ito mula sa 1,295 domains at 129,652 URLs na na-block noong 2023.

Napigilan din ng Globe ang pag-access sa 2,726 domains ng mga illegal gambling sites, kumpara sa 1,828 noong nakaraang taon.

Sinisiguro ng Globe na ang mga programa ng kumpanya ay naaayon sa Anti-Child Pornography Act of 2009 (Republic Act 9775). Ang batas na ito ay nag-aatas sa mga internet service providers (ISPs) na gamitin ang teknolohiya para maiwasan ang access sa child pornography.

“Misyon ng Globe na gawing ligtas ang internet para sa lahat, lalo na sa mga bata. Ang mas pinaigting naming pagsisikap na pigilan ang access sa mga mapanganib na content ay patunay ng aming dedikasyon sa online safety,” ayon kay Anton Bonifacio, Chief Information Security Officer at Chief AI Officer ng Globe.

Nag-invest ang Globe ng higit sa $2.7 milyon sa mga advanced content filtering systems para mas mapaigting ang pagharang sa illegal content.

Nakikipagtulungan din ang Globe sa iba’t ibang organisasyon tulad ng Department of Information and Communications Technology (DICT), Department of Justice (DOJ), Philippine Chamber of Telecommunications Operators, at mga non-government organizations para mas palakasin pa ang proteksyon ng mga bata online.

Ayon sa pag-aaral ng US-based National Center for Missing and Exploited Children (NCMEC), ang Pilipinas ay isa sa mga nangungunang pinagmumulan ng Online Sexual Abuse and Exploitation of Children (OSAEC) content.

Kaya naman hindi lang pagharang sa nakasasamang content ang ginagawa ng kumpanya.

Sa pamamagitan ng #MakeITSafePH campaign na inilunsad noong 2017, nagsasagawa ang Globe ng educational programs at awareness activities para bigyang kaalaman ang mga mamamayan kung paano protektahan ang kanilang sarili online.

Layunin ng Globe na maging responsable ang lahat sa paggamit ng teknolohiyang digital at matiyak na mas ligtas na internet para sa lahat ng Pilipino.

Para sa karagdagang impormasyon tungkol sa Globe, bisitahin ang https://www.globe.com.ph/.

(ROHN ROMULO)

SI Star for All Seasons Vilma Santos-Recto ang featured celebrity para sa Cultural Wednesdays ng Deparment of Foreign Affairs.

Punong-puno ang bulwagan ng DFA at lahat ay nakikinig sa mga ibinabahagi na experiences ni Ate Vi sa Philippine Film industry.

At yung mga karanasan niya na naging dahilan kung bakit narating sa kınalalagyan niya ngayon na pangarap, siyempre ng lahat ng nasa industriya na at sa mga nagbabalak pang pasukin Ang showbiz.

“Well, sharing my experiences sa mga new blood. Hindi rin naman biro ang dinaanan ko na willing akong I share kaya ako nandito,” bungad pa ni Ate Vi after her more or less two hours speech sa harap ng mga executives and employees of DFA.

“In my more than 6 decades, but I started young pero hindi rin biro Ang dinaanan ko sa industry. Hindi Ito overnight na bigla Star for All seasons ka bigla, sweat and tears din naman ang puhunan ko.

“Learning process at utang ko rin sa mga directors, colleagues and a lot of people and things para mabuo ka at abutin mo ito,” dugtong rin ng pinakasikat na aktres among her contemporaries.
Ano ba talaga Ang sekreto ni Ate Vi?

Kumbaga, lahat halos ng mga kapanabayan niya ay hindi na aktibo at maski na yung mga naging karibal niya ay medyo timiklop na ang ningning ng mga Iio at bukod tanging ang isang Vilma Santos na lang namamayagpag.

Career, personal life, politika ay numero uno pa rin ang aktres.

“Secret? Well love your career and your career will love you yun lang,” maikling tugon pa ni Ate Vi.

Katunayan pa rin nag-number one sa Netflix ang movie niyang “When I Meet You In Tokyo”.

Ano pakiramdam ng isang Ate Vi?

“Well, so very happy and I’m very proud of this movie. Maaring sabihin na it’s very simple movie. Pero Ang importante dito, eh, yung message ng pelikula.

“Kumbaga, kung nakuha mo yung message mo ng movie panalo na kami. Ito yung forgiveness, hope, second chances, how important love is, family values.

“Kung panoorin mo talaga yung movie ang importante lang doon yung nakuha mo yung mensahe at sa story andun lahat and for that I am very proud.

“Kaya doon sa hindi pa nakapanood at makapanood na I asked them to watched them again,” lahad pa rin ng most awarded actress.

***

STILL on Vilma Santos.

Kaliwa’t-kanan ang offers ngayon sa original grand slam actress to do a movie plus yung offer to do a TV shows.

Sa rami ng lumabas na gagawin niya na raw including a sitcom with Luis Manzano, ano ba talaga ang uunahing gagawin ni Ate Vi?

“Alam mo sa totoo lang I am blessed. Maraming good offers kaya lang hindi ko naman kayang gawin lahat.

“Naniwala ako in a perfect time. Ayoko naman yung basta makagawa ako ng pelikula okey na.

“Nasa point ako ng career ko ngayon na I will do a movie na I knew it will challenge me again. At this point in time hindi ko naman kayang sumunod sa kanila na kailangan may movie ka na pang-MMFF, na kailangan makagawa ka ng pelikula, not anymore.

“Modesty aside naka-graduate na naman ako doon, kung gagawa ako ng movie, yun ang gusto kong gawin it will inspire me and challenge me for another character,“ sey pa niya.

Kalat na kalat na tatakbo siyang muli bilang Governor sa Batangas, does it mean na iiwan niya muli ang showbiz?

“Well I am still waiting for a sign and praying for it. And if ever given a chance I won’t mind serving Batangas again,” sambit pa ng the one and only Star for All Seasons.

(JIMI C. ESCALA)