2024 September 16 Archive - People's Balita

September 27, 2024
Search in People's Balita
Ang Diyaryong Pinagkakatiwalaan

Archive for September 16th, 2024

Bulacan, ipinagdiwang ang gay pride, kinoronahan ang kauna-unahang La Baklakenya sa Singkaban Festival 2024

Posted on: September 16th, 2024 by @peoplesbalita No Comments

LUNGSOD NG MALOLOS – Bumida ang matitingkad na kulay ng LGBTQ+ communities nang parehong ipagdiwang ng Singkaban Festival ang pagiging inklusibo at pamanang kultural sa pamamagitan ng Bulacan Gay Pride 2024 sa The Pavilion, Hiyas ng Bulacan Convention Center dito kamakailan.

Dinaluhan ang gala night ng iba’t ibang LGBTQ+ federations na may mahigit 500 mga miyembro na sama-samang itinataguyod ang pagkakapantay-pantay sa lalawigan kung saan ilan sa mga beauty contestant ay naglaban para sa kauna-unahang titulo ng ‘La Baklakenya 2024’, habang naggawad din ng special awards para kilalanin ang katangi-tanging mga indibidwal at grupo na nagbigay ng mahahalagang ambag sa LGBTQ+ community at pangkalahatang Bulakenyo.

Kabilang sa mga titleholder sina Izza Galvez ng Lungsod ng Malolos para sa kauna-unahang La Baklakenya 2024 award na may premyong P10,000 at mga parangal na Tradisyonal na Kasuotang Baklakenya at Talento Baklakenya na kapwa may P2,000 na premyo; Anjo ‘Sofia’ Bautista ng Bocaue para sa La Baklakenya Turismo na may premyong P7,000 at Kasuotan Panlangoy award na may premyong P2,000; Lian Tadeo mula Bustos para sa La Baklakenya Sining at Kultura na may premyong P5,000, Harlin Budol ng Lungsod ng Meycauayan para sa La Baklakenya Kasaysayan na may P3,000 premyo at Jane De Leon ng Plaridel para sa Saya La Baklakenya award na may premyong P2,000.

Kinilala rin ang Creative Guild of Marilao bilang Most Active Club at Bahaghari de Mayumo ng San Miguel bilang Most Compliant Club na kapwa nag-uwi ng premyong P10,000, habang si John Carlo Manahan ng San Miguel ang kinilala bilang Most Compliant Secretary, Eduard Raymundo ng Marilao bilang Most Active President, at Miguel Migs Delos Reyes ng San Miguel bilang Most Compliant President, lahat ay nag-uwi ng P5,000 papremyo.

Sa kanyang mensahe, inanunsyo ni LGBTQ+ Bulacan Federation President Peter John T. Dionisio ang pagka-apruba kamakailan ng resolusyon na nagkakaloob ng isang LGBTQ+ scholar bawat barangay sa lalawigan, gayunpaman, pinaigting ni Gobernador Daniel R. Fernando ang kanyang suporta para sa komunidad sa pamamagitan ng pagdoble ng bilang ng mga iskolar na dalawa bawat barangay.

Samantala, sa pamamagitan ni Crispin De Luna, inihayag ni Fernando ang kaniyang paghanga at suporta sa LGBTQ+ community, at sinabi na malapit sa kaniyang puso ang mga miyembro nito dahil sa kanilang mga natural na talento at kasiyahang ibinibigay nila sa mga komunidad.

“Ano mang anyo ng mukha at pag-ibig, ito ay dapat na ipinagdiriwang, ibinabahagi at ipinadarama. Iisa lamang ang hiling ng bawat isa, ay kalayaang magmahal at mahalin, malayo sa mapanghusgang mata ng ating lipunan. Kaya naman magkakapit-bisig ang Pamahalaang Panlalawigan ng Bulacan at LGBTQ+ community sa pagsusulong ng peace, unity and gender equality,” anang gobernador.

Sinayaw din ng ilang mga kinatawan ang Rigodon De Honor na isang elegante at sopistikadong sayaw na dinala sa Pilipinas ng mga Pilipinong naglakbay sa ibang bansa noong panahon ng Kastila.

Pamasahe sa mga airlines tataas dahil sa travel cost adjustments

Posted on: September 16th, 2024 by @peoplesbalita No Comments

INIHAYAG ng Air Carriers Association of the Philippines (ACAP) noong Miyerkules na asahan na ng mga pasahero na magkakaron ng pagtaas ng pamasahe sa mga airlines dahil sa gagawing adjustment sa travel costs.

Kapag nag take-over na ang New NAIA Infrastructure Corp. (NNIC) sa operasyon at pagmimintina ng Ninoy Aquino International Airport (NAIA) ay magkakaroon ng tiyak na pagtaas ng pamasahe dahil sa ipapatupad na bagong rate sa terminal at airport fees.

“We look forward to the anticipated infrastructure improvements and their positive impact on passenger experience. Thus, passengers may expect adjustments in travel costs once new airport fees are implemented,” wika ng ACAP.

Ang grupo ay binubuo ng mga malalaking carriers sa bansa tulad ng AirAsia Philippines, CebGo, Cebu Pacific, Philippine Airlines (PAL), at PAL Express.

Sinabi ng ACAP na patuloy silang makikipagtulungan sa NNIC at pamahalaan upang mabawasan ang epekto ng travel cost adjustments at ng masiguro ang interest ng airlines at pasahero ay magkakaron ng representasyon. Ang ACAP ay committed din na makipag-ugnayan sa NNIC at sila ay umaasa na ang adjustments sa fees ay magreresulta sa pagkakaroon ng isang enhanced operational efficiency sa NAIA.

Dati pa sinabi ng Department of Transportation (DOTr) na tataas ang terminal at airport fees kapag nagkaron na ng pagsasapribado ng NAIA.

“Terminal fee will be increased and that will be in 2025. We are looking at P950,” sabi ni DOTr Secretary Jaime Bautista.

Ayon kay NNIC general manager Angelo Alvarez na nakalagay sa kanilang nilagdaan na kasunduan sa pamahalaan na ang pagtataas ng fees ay magiging epektibo isang taon pagkatapos na ang NNIC ay mag take over sa NAIA.

Sa ngayon, ang terminal fees sa NAIA ay P200 sa domestic travelers at P550 sa international na mga pasahero. Dagdag naman ni Bautista na ang huling pagtataas ng terminal fees ay nangyari pa noong nakaraang 24 na taon.

Magkakaron rin ng re-assignment ng terminal para sa mga airlines. Sa ilalim ng bagong plano para sa mga airlines, sinabi ng NNIC na ang NAIA Terminal 1 ay gagamitin lamang ng Philippine Airlines at ang Terminal 2 naman ay magiging isang domestic terminal na lamang kasama na ang operasyon ng Cebu Pacific. Habang ang Terminal 3 ay ilalaan sa mga foreign airlines na sa ngayon ay nasa Terminal 1. Ang Terminal 4 naman ay para sa Air Asia flights na ngayon ay nasa Terminal 2.

Dati ang conglomerate ay tinatawag na SMC SAP & Co. Consortium bago naging NNIC. Ang grupo ay lumagda sa P170.6 billion na concession agreement sa Department of Transportation (DOTr) upang sila ang mag take-over sa operasyon ng NAIA matapos na sila ang magbigay ng may pinakamataas na share para sa future revenues sa pamahalaan.

Magbibigay ang grupo ng P122.3 billion sa capital investments sa loob ng 25 taong concession period o P4.89 billion kada taon. Kailangan din na magbigay sila ng upfront payment na P30 billion sa pamahalaan at kasunod ang P2 billion na annual payments sa buong ilang taon ng kontrata. LASACMAR

Publiko, binalaan ng DOH vs imported mpox vaccines

Posted on: September 16th, 2024 by @peoplesbalita No Comments

PINAG-IINGAT ng Department of Health (DOH) ang publiko laban sa isang uri ng imported mpox vaccine na sinasabing available na sa bansa.

Sa inilabas na health advisory kahapon, sinabi ng DOH na nakarating sa kanilang kaalaman na may organisasyon o mga indibidwal ang nag-aalok ng naturang imported mpox vaccines.

Kaugnay nito, binalaan naman ng DOH ang publiko na kaduda-duda ang bisa at kaligtasan ng mga naturang bakuna dahil ang mga ito ay ipinasok sa bansa nang hindi dumaraan sa kanilang ahensiya at maging sa Food and Drug Administration (FDA).

Paliwanag ng DOH, ang mpox vaccines ay nangangailangan ng maayos na storage at handling condition, gaya ng cold chains.

Kung wala anila ang masusing pagbabantay ng DOH at FDA, walang paraan upang matiyak ang kaligtasan at bisa ng naturang bakuna.

Payo pa ng DOH, mas makabubuting mag-avail na lamang ng bakuna laban sa mpox, sa sandaling nasa bansa na ito, upang magkaroon ng tunay, ligtas at epektibong bakuna.

MTRCB released “age-appropriate ratings” for films which are showing on big screen this week

Posted on: September 16th, 2024 by @peoplesbalita No Comments

The Movie and Television Review and Classification Board (MTRCB) has released its “age-appropriate ratings” for films that are showing in the silver screen this week.

A local film produced by Channel One Global Entertainment Production titled “Seven Days” earned a PG (Parental Guidance) rating. The review committee composed of MTRCB Board Members (BM) Juan Revilla, Glenn Patricio, and Fernando Prieto cited that the material contains themes of kidnapping and mental torture that requires parental supervision and guidance for children below thirteen (13) years of age.

MTRCB Chairperson and CEO Lala Sotto-Antonio advises parents or supervising adult that “under PG classification, a movie may contain themes, language, violence, nudity, sex, or horror, whose treatment is not suitable for very young audiences.”

“Survive” produced by 888 Films also earned rated PG from the review committee composed of Jose Alberto, Bobby Andrews, and Mark Anthony Andaya. They explained that the film contains brief and infrequent depiction of horror and frightening scenes, mild and infrequent swear words, menacing language, minimal and non-graphic depiction of violence and sufferings that needs parental supervision for viewers 12 and below.

Meanwhile, the movie “Speak No Evil” received R-13 from the review committee composed of BMs Antonio Reyes, Jan Marini Alano, and Federico Moreno which explained that the film contains depictions of frightening scenes, infrequent and non-graphic depiction of violence.

Under R-13 classification, aged twelve (12) and below are restricted to watch the film.

“Hellboy: The Crooked Man” produced by Viva Communications earned the same rating. The review panel composed of Reyes, Patricio, and Michael Luke Mejares said that the film contains depictions of horror, frightening scenes and occasional gore. Similarly, “Usher: Rendezvous in Paris” also earned R-13. The review committee comprised of Reyes, Wilma Galvante, and Racquel Maria Cruz, explained that the material contains discreet, infrequent, brief and non-graphic depictions of sexual acts that are not fit for children below 13 years old.

The horror movie “Strange Darling” by Pioneer Films earned Restricted-16 rating. R-16 films are for ages 16 and above only. The material was reviewed by Mejares, Cruz, and Alberto, who said the horror movie has a graphic but non-gratuitous depiction of violence and gore, language, non-graphic depiction of sexual activity, and non-gratuitous depiction of drugs or their use.

MTRCB Chair Sotto-Antonio assured the public that the ratings determined by the Board, are deemed appropriate for viewers of specific age groups. The agency’s chief also encouraged everyone to become responsible viewer and guide those children below the age restrictions to become discerning and informed new generation of Filipinos towards Bagong Pilipinas.

(ROHN ROMULO)

Binalikan dahil may pangakong gagawa ng horror movie: JUDY ANN, na-realize na napakalalim ang pagkakaibigan nila ni direk CHITO

Posted on: September 16th, 2024 by @peoplesbalita No Comments

“NAKAKA-EXCITE siyempre kasi ang tagal kong hinintay ito e,” ang umpisang kuwento ni Judy Ann Santos tungkol sa horror movie na ‘Espantaho’.

“Nakakakaba din kasi ang tagal ko ng hindi gumagawa ng horror.

“Mostly drama or action/drama or, like with Starla na medyo light. So when direk Chito called me, mga ano ‘to January, February, unang tanong niya pa lang na, ‘Gawa tayo ng horror may script ako’, ‘Sure!’

“Yung wala pang ano, walang, hindi… wala pang casting, wala pang lahat, sabi niya, ‘Okay ka?’ ‘Oo naman! Ikaw pa ba? Ituloy na natin ito.’

“Kasi nga hindi kami natuloy sa Feng Shui.”

Si Judy Ann dapat ang bida sa 2004 blockbuster horror film na ‘Feng Shiu’ na tinanggihan ng manager niya na si Alfie Lorenzo kaya napunta ang role kay Kris Aquino, sa direksyon rin ni Chito Roño na direktor ng ‘Espantaho’.

“Sabi niya [Chito], ‘Oo kasi may pangako ako, e!’

“Doon ako siyempre talagang… iyon yung nag-ano sa akin, hindi nag-trigger to say yes kasi um-oo na ako bago pa siya natuloy.

“Doon ako talagang, doon ko na-realize na napakalalim nung naging pagiging magkaibigan namin ni direk Chito para balikan niya ako.

Dagdag pa ni Juday, “Kasi hindi na nga ako nag-expect e, kasi parang feeling ko ang dami na ring nangyari, alam mo yun?

“Iyong kung ano yung bigay ni Lord na blessing sa akin hanggang ngayon.

“Basta makaramdam ako ng gut… wala pa akong script na nababasa, sa Feng Shui kasi nung nabasa ko yung script tsaka ako um-oo.

“Dito hindi ko pa nababasa yung script, wala pa, um-oo na ako sa kanya, regardless what… but sinabi naman niya sa akin yung buod pero yung trust ko kasi kay direk Chito, iba, e.

“May ganun, di ba? May ganun ka e, yung basta may tiwala ka sa craftsmanship ng kahit na sino na professional, na direktor, artista, writer, kahit ano yan, hindi mo na tatanungin.

“Kasi nga nandun yung trust and nandun iyong malaking factor ng pagkakaibigan,” pahayag pa ni Juday.

Nasa ‘Espantaho’ rin si Lorna Tolentino bilang nanay ni Juday, at sina Janice de Belen, Chanda Romero, JC Santos, Nico Antonio, Kian Co, Mon Confiado, Tommy Abuel at Eugene Domingo.

Wala pang playdate ang pelikula at kasalukuyang tinatapos.

(ROMMEL L. GONZALES)

Muling nakasama ang pamilya at mga kaibigan: BB, todo pasasalamat kay MARIEL sa pagho-host ng welcome party

Posted on: September 16th, 2024 by @peoplesbalita No Comments

MASAYA si Nadine Samonte sa kanyang big acting comeback sa upcoming Kapuso afternoon series na “Forever Young.”

Kasama ni Nadine sa proyekto ang “Firefly” award-winning child star na si Euwenn Mikaell.

Gaganap na mag-ina sa serye sina Nadine at Euwenn, na magbibigay ng matinding emosyon sa mga manonood.

“Sobrang natuwa ako sa GMA kasi nabigyan ako ng chance na mailabas ko ‘yung acting ko. Masasabi ko dito talagang binigay ko ‘yung best ko talaga kasi parang, sabi ko, ‘This is my comeback.’

They really need to watch, it’s nakaka-touch. Iba talaga ‘yung bonding namin and connection namin ni Euwenn, malalim,” saad ng aktres.

Puring-puri din ni Nadine ang child star na iba raw mag-isip sa edad nito.

“Si Euwenn ang direktor namin dito. Minsan siya ang director, siya yung lapel, lahat siya na. Alam mo ‘yun lahat pabiro pero iba talaga yung isip ni Euwenn, hindi siya isip bata eh, sobrang mature niya mag-isip,” natatawang sabi ni Nadine.

Ang “Forever Young” ay kuwento ng isang 25-anyos na si Rambo (Euwennn), na nakakulong sa katawan ng pang-10 taong gulang dahil sa rare medical condition na panhypopituitarism.

Kasama sa cast sina Michael de Mesa, Eula Valdez, Alfred Vargas, Chanda Romero, Althea Ablan, Yasser Marta, Matt Lozano, Bryce Eusebio, at James Blanco.

***

MULING nagbabalik sa bansa sa BB Gandanghari.

Sa Instagram account ni Mariel Padilla, ang asawa ng kapatid ni BB na si Sen. Robin Padilla, makikita ang inihandang pag-welcome ng pamilya ni BB sa Pilipinas. Ito rin ay ang kaniyang birthday celebration.

Ani Mariel, “Happiest birthday @gandangharibb. welcome home!!!”

Sa comments section ng naturang post, makikitang nag-reply ng pasasalamat si BB kay Mariel.

“Super thank you my dearest @marieltpadilla for not only hosting my grandest party ever 😘 you also took the time to invite people who are dear to me, My heart is full. You are the best among the rest… haha. Love you.”

Sa Instagram account naman ni BB ay nagpasalamat siya sa selebrasyong ito.

Ani BB, “Sa lahat ng bumati… maraming salamat sa Inyo. I feel your joy for me. Happy na, Birthday pa‼️ Super grateful @robinhoodpadilla and @marieltpadilla #FamilyTies #ToMamaWithLove #FamilyTime #Bonding 🎉❣️”

Tinawag niya rin ang event na ito na kaniyang homecoming.

Ani BB, “A moment of love, joy and peace amongst family and friends”

***

HINDI makalilimutan ni ‘American Idol’ season 7 runner-up David Archuleta ang Pilipinas dahil sa pagmamahal na binigay ng kanyang Pinoy fans sa kanya noon at hanggang ngayon.

“I miss the Pinoy Archies (fans) and the Pinoys, the people, the culture, the food. I feel like the Philippines is so good in making people feel at home and feel welcome. I’ve been waiting six long years to come back, there’s the whole pandemic and everything that happened. When I come here, not only are they big fans of ‘American Idol,’ the songs I have released. But I feel like we act the same,” sey ni David na nagkaroon ng concert sa New Frontier Theatre.

Pakiramdam daw ni David na Pinoy siya sa dati niyang buhay.

“When I come I’m like, I see myself so much in the Filipino culture, so I’m like, oh my gosh, am I Filipino? Everyone thought so. I just feel so a part of everyone here, and they’re a part of my life now,” sey pa ng 33-year old American-German-Honduran singer na paborito ang mangga, sisig, pancit, bangus at adobo.

Back in 2012, pinagbida si David sa teleserye ng TV5 titled ‘Nandito Ako’ kunsaan nakatambal niya sina Jasmine Curtis-Smith at Eula Cabalero.

(RUEL J. MENDOZA)

Sa patuloy na tagumpay bilang aktor at politician: ARJO, top priority pa rin si MAINE at pabuo ng pamilya

Posted on: September 16th, 2024 by @peoplesbalita No Comments

MULI ngang ipinamalas ng actor-public servant na si Cong. Arjo Atayde ang kanyang status bilang internationally-acclaimed artist, matapos niyang magwagi sa 2024 ContentAsia Awards.

Itinanghal si Arjo bilang Best Male Lead in a TV Program/Series para sa kanyang paganap sa papel ni Anton dela Rosa, ang complex at intense central character ng ‘Cattleya Killer’.

Ang ‘Cattleya Killer’ ay isang Filipino crime-thriller series mula sa ABS-CBN at Nathan Studios. Nag-premiere ito globally sa Prime Video nuong June 1, 2023.

Sa direksyon ni Dan Villegas at panulat niDodo Dayao, umiikot ito sa murder investigation na kunektado sa lumang kaso sangkot ang isang notorious serial killer.

Pinagsama-sama ng show ang suspense, mystery, at psychological drama, habang pinapasok ang madidilim na lihim ng mga karakter at ang kuneksyon nila sa mga pagpatay.

Nakakuha ang show ng worldwide acclaim for its gripping plot, high production value, and strong performances, lalo na si Arjo, kaya naman naka-posisyon ang ‘Cattleya Killer’ bilang isa sa mga most significant Filipino crime dramas in recent years.

Sa awards ceremony sa Taipei, ipinahayag ni Arjo ang kanyang heartfelt gratitude sa lahat ng tumulong upang makamit niya ang victory na ito.

“Thank you to everyone. I’m forever indebted to all the actors that I work with, to the people behind the camera, to everyone who’s helped me be here, gather all this power to actually pull through this good series.”

Patuloy na pinasalamatan ni Arjo ang kanyang pamilya, lalo na ang kanyang asawa na si Maine Mendoza.

“It’s my first time in Taipei, this is such a reward for a first time here,” sabi pa niya.

“Last but not the least, my family. Thank you so much to my family for supporting so much, to my wife who understands so much of the hard work that we have to pull through to be able to do this.”

Pinasalamatan din niya ang ABS-CBN sa suporta nito.

“To ABS-CBN, Tita Cory Vidanes, Sir Carlo Katigbak, and of course, to Sir Ruel Bayani, thank you so much for this opportunity. To the Filipinos, to ABS-CBN, maraming, maraming salamat po,” pahayag pa ni Arjo.

Ang pinamalas na kahusayan ni Arjo sa ‘Cattleya Killer’ na bumihag sa mga manonood at kritiko, ang tumalo sa lima pang mga nominado para masungkit niya ang prestigious award.

Ito ang pinakabago sa string of international accolades para kay Arjo. It follows his 2020 Best Actor win at the Asian Academy Creative Awards for his role in Bagman, kung saan ginampanan niya ang papel ng isang barbero na sangkot sa mapanganib na mundo ng pulitika. At si Arjo ang unang Pilipino na naparangalan ng pinaka-prestihiyosong platform para sa creative excellence ng rehiyon.

Maliban sa kanyang thriving acting career, nagsisilbi din si Arjo bilang Representative ng Unang Distrito ng Quezon City, isang position na kanyang napanalunan by a landslide nuong 2022 elections.

His commitment to both his craft and public service showcases his multifaceted contributions to Philippine society.

Sa kanyang unwavering passion at dedication, patuloy na nai-inspire at ina-uplift ni Arjo ang pelikulang Pilipino at industriya ng telebisyon sa global stage.

Samantala, sa ginanap na thanksgiving party/Christmas party last Friday, September 13, inamin ni Arjo na kabila ng mga tagumpay na tinatamasa bilang actor at pinupuri bilang mahusay na congressman, top priority pa rin niya ang kanyang pamilya, lalo na ang pagiging asawa ni Maine.

At kahit sobrang busy nila sa kani-kanilang career, pag may pagkakataon na mag-travel ang ginagawa nila. Tulad noong first wedding anniversary nila last July 28.

Nilinaw din ng premyadong aktor na ‘di totoong buntis na ang asawa. Nagbakasyon sila kaya hindi nakapag-report si Maine sa ‘Eat Bulaga’.

Tungkol naman sa pagkakaroon ng baby, ang say ni Arjo, “of course, we talk about it, but that’s between us, muna. For now, we’re really enjoying each other’s time. Kasi hindi naman po ito mauulit na kaming dalawa na lang together.

“So, secret na lang po kung kailan, but definitely, we talk about it.”

(ROHN ROMULO)

Football star Cristiano Ronaldo may mahigit 1-B followers na

Posted on: September 16th, 2024 by @peoplesbalita No Comments

PANIBAGONG record na naman ang naitala ng football star na si Cristiano Ronaldo.

Umabot na kasi sa kabuuang isang bilyon ang kaniyang followers sa kaniyang iba’t ibang social media accounts.

Ang nasabing bilang ay mula sa lahat ng kaniyang social media accounts.

Itinuturing na siya lamang ang unang katao na nakaabot ng nasabing bilang.

Ikinukumpara naman siya ng kaniyang mahigpit na katunggali na si Argentinian star Lionel Messi na mayroong mahigit 623 milyon na followers sa lahat ng kaniyang social media accounts.

Magugunitang noong nakaraang buwan ay nagbukas si Ronaldo ng kaniyang YouTube Channel kung saan sa loob lamang ng isang linggo ay pumalo na sa mahigit 50 milyon ang kaniyang followers.

Yulo at ibang mga atleta nakatanggap ng dagdag na insentibo

Posted on: September 16th, 2024 by @peoplesbalita No Comments

NAKATANGGAP ng dagdag na insentibo si double gold Olympic medalist Carlos Yulo at mga atleta ng bansang sumabak noong Paris Olympics.

Nagbigay ng P10-milyon na cash ang grupong International Container Terminal Services, Inc. (ICTSI) dahil sa tagumpay niyia sa men’s artistic gymnastics.

Mayroon namang tig-P2-milyon ang mga boksingerong sina Aira Villegas at Nesthy Petecio matapos na makasungkit ng bronze medal.

Habang ang mga hindi nakakuha ng medalya ay nakatanggap ng tig-P200,000.

Ayon kay ICTSI executive vice president Christian Gonzales na hindi matatawaran ang naging sakripisyo at pagod na kinaharap ng mga atleta kaya mahalaga na bigyan sila ng pagkilala.

Pinasalamatan naman ni Philippine Olympic Committee (POC) President Abraham “Bambol” Tolentino ang mga kumpanya dahil sa walang sawang pagsuporta sa mga atleta ng bansa.

US golf star Tiger Woods sasailalim muli sa operasyon

Posted on: September 16th, 2024 by @peoplesbalita No Comments

SASAILALIM sa panibagong operasyon si American golf star Tiger Woods.

Sinabi nito na sa mga susunod na araw ay sasailalim siya sa microdecompression surgery para ayusin ang mga nerve issue sa kaniyang lower back.

Dagdag pa nito na mula pa noong nakaraang mga buwan sa mga torneo na kaniyang sinalihan ay kaniya na itong dinaramdam.

Umaasa ito na kapag natapos na ang operasyon ay makakabalik na ang kaniyang normal na pamumuhay lalo na ang paglalaro nito ng golf.

Magugunitang hindi na itinuloy ni Woods ang torneo sa Genesis Invitational noong Pebrero dahil sa kirot na naramdaman.

Ito na sakali ang pang-anim na pagsasailalim ni Woods na operasyon sa loob ng ilang taon.

Noong 2021 ay sumailalim ito sa microdiscectomy para matanggal ang bone fragment na nagpapasakit sa kaniyang nerve.