LUNGSOD NG MALOLOS – Siyam na Bulakenyo na naghahanap ng trabaho ang matagumpay na nakakuha ng trabaho sa 2024 Singkaban Job Fair for Local Employment na inorganisa ng Provincial Public Employment Service Office (PPESO) na naganap sa WalterMart Malolos sa Brgy. Longos noong Setyembre 13, 2024.

Mula sa 238 na mga rehistrado, pinahanga ng mga masuwerteng indibidwal na ito ang 20 lumahok na employer at agad na natanggap sa trabaho.

Sa kanyang mensahe na ipinabatid ni Tricia Salviejo, kinatawan ni Gobernador Daniel R. Fernando, hinihikayat niya ang mga dumalo na maging pinakamahusay na bersyon ng kanilang mga sarili.

“Mga minamahal kong kababayan, narito na ang simula ng panibagong kabanata ng inyong buhay. Umaasa ako na buong puso ninyong ipamamalas ang inyong husay, sipag at determinasyon anuman ang makuha ninyong trabaho. Ipakita ninyong karapat-dapat kayo sa ipinagkaloob na tiwala ng inyong mga employers at pagsumikapang lalo pang linangin ang inyong kaalaman at kakayahan upang maging pinakamahusay kayong bersyon ng inyong mga sarili,” ani Fernando.

Sa naturang pagtitipon, iginawad ng Department of Labor and Employment (DOLE) ang iba’t ibang starter kits para sa paggawa ng tinapay at pastry, pananahi, pagtitingi ng bigas, at grocery packages sa 30 piling benepisyaryo mula sa mga magulang ng sektor ng mga child laborer bilang bahagi ng Integrated Livelihood Program (DILP) nito.

Isa pang makabuluhang aspeto ng fair ay ang pamamahagi ng livelihood grants na naaayon sa malawakang pamamahagi ni Pangulong Ferdinand R. Marcos, Jr. ng Comprehensive Governance Assistance sa ilalim ng temang “Handog ng Pangulo, Serbisyong Sapat para sa Lahat.” Layon ng inisyatiba na ito na magbigay ng suporta at lumikha ng mga oportunidad para sa mga komunidad.

SINAMPAHAN ng National Bureau of Investigation (NBI) ng kasong human trafficking ang isang ama matapos itong arestuhin sa aktong pagbebenta ng kanyang 11-buwang sanggol sa halagang P55,000.

Kinasuhan sa Quezon City Prosecutor’s Office si Kenneth Crisologo na naaresto noong Setyembre 3 sa isinagawang entrapment operation ng mga ahente ng Special Task Force (NBI-STF) ng NBI.

Sinabi ng NBI na nag-ugat ang kaso mula sa impormasyong natanggap ng NBI-STF na si Crisologo ay sangkot sa pagbebenta ng sariling anak sa online.

Dahil dito, ipinag-utos ni NBI Director Jaime B. Santiago sa operatiba ng NBI-STF na magsagawa ng entrapment operation sa Barangay Pag-asa, Quezon City na nagresulta sa pagkakadakip kay Crisologo.

Matapos maaresto, ang bata ay dinala naman sa Social Services Development Department ng Quezon City. GENE ADSUARA

MARAMING enforcers na tapat na pinatutupad ang batas ay naaalanganin kapag ang kanilang hinuhuli ay nag na-name drop ng mataas na opisyal para takasan ang batas.

Sa traffic enforcement lang ay napakarami na ang nag viral na ang hinuhili ay nagpapakilalang kamag anak ni Heneral, ni Mayor, Senador o sino pang bigatin sa pamahalaan.

Minsan na nasangkot si Sen. Bong Revilla sa name dropping at ang resulta ay katakut-takot na pang ba-bash sa kanya sa social media gayung wala naman siyang kinalaman sa issue na kinasangkutan ng driver na nag name drop sa kanya.

Ganun din sa mga ibang Ahensya ng pamahalaan na nag na-name drop para makakuha ng pabor na hindi dapat.

Ang “name dropping” ay isang offshoot sa palakasan system na matagal nang umiiral sa pamahalaan. Kaya naman ang mga pobreng kawani ng pamahalaan na takot ay pagbibigyan sila.

Panukala ng Lawyers for Commuters Safety and Protection (LCSP) ay gawing criminal offense ito.

Kapag nag-name drop para matakasan ang batas o paghingi ng pabor, totoo man o hindi, nakilala o kamaganak ng taong pinagmamalaki, ay pwede siya makasuhan sa panukalang ANTI- NAME DROPPING ACT .

Kung maisasabatas ito ay mababawasan ang palakasan system at lalakas ang loob ng mga nagpapatupad ng batas dahil may masasandalan silang batas na magpapataw ng parusa sa mga name droppers.

Ang panukala ng LCSP ay ganito:
An Act penalizing the practice of NAME DROPPING for the purpose of evading an apprehension, seeking undue advantage in government whether the person name dropping is actually related or connected to the official being name dropped.

Kaya kapag ang isang tao ay hinuli dahil sa paglabag sa traffic at mag name drop para takasan ang huli ay hindi lang siya pananagutin sa violation ng apprehension, pwede rin siya kasuhan under the Anti -Name Dropping Act.

Ano po tinggin ninyo?

ATTY. ARIEL INTON

TINAYA ni Agriculture Secretary Francisco P. Tiu Laurel, Jr. na sa Enero ng susunod na taon pa mararamdman ng taumbayan ang bagsak presyo ng bigas sa bansa.

Ito ayon kay Laurel ay kahit na nagdesisyon ang pamahalaan na bawasan ang taripa sa importasyon ng bigas simula sa susunod na buwan ng Oktubre.
Aniya, hindi pa nakakabangon ang mga rice traders sa naging epekto sa kanila ng nagdaang El Nino Phenomenon kayat bagama’t nagdesisyon ang pamahalaan na ipatupad ang pagbabawas sa tariff imports sa bansa ay sa Enero pa ng susunod na taon mararamdaman ang bagsak presyo ng bigas dahil sa nagdaang kalamidad.

Una nang nalagdaan ni Pangulong Ferdinand Marcos, Jr. ang Executive Order 62 na nagsasaad ng pagbaba ng taripa sa rice imports ng 15% mula sa dating 35%. Sa pamamagitan nito ay inaasahan ang pagbaba ng halaga ng bigas.

Tinaya ng mga economic managers na aabutin ng P5 hanggang P7 ang bawas presyo sa bigas kada kilo dahil sa pagbaba ng tariff imports.
Sa ngayon ang presyo sa mga palengke at pamilihan ng well miled rice ay nasa P37 hanggang P42 kilo, Sinandomeng – P36 hanggang P42, Denorado – P48 hanggang P55, Angelica- P43 hanggang P46, Jasmine P46-P52 at Malagkit P60 kada kilo.