TULOY na tuloy na ang premyadong broadcaster na si Korina Sanchez sa programang “Face to Face” at niya si Karla Estrada.

Iba na rin daw ang co-host ni Korina, si KaladKaren na.

Ayon pa sa nakausap ay parang naunahan lang daw ni Karla ang management dahil nakaplano na raw talaga na mag-reformat ang programa at kasama sa papalitan ang mga host.

Katuwiran pa ng source naman ay hindi raw talaga umangat ang “Face to Face” mula nang umere ito.

Kaya tuloy na ang pag-take over ni Korina sa programa ng TV5. Kahit sinasabing si Korina na nga ang host ng “Face to Face” pero it’s new version na sa pagpasok ng magaling na host.

Hindi raw pumayag ang asawa ni Mar Roxas na basta na lang maging tagasalo ni Karla, na kaya umalis sa programa dahil sa ambisyon at kakandidatong Mayor ng Sta. Rita, Samar, huh!
Naka-plano na raw lahat ng mga gagawin ni Karla hanggang sa 2025.

Noong nakaraang local elections ay pang 3rd nominee si Karla ng Tingog Partylist pero hindi nga pinalad maupo ang nanay ni Daniel Padilla.

Pero binigyan naman ang aktres at TV host ng posisyon sa office ni House Speaker Martin Romualdez.

***

ILANG araw na lang ay magpapa-file na ng kanilang COC ang lahat ng mga lalahok sa local elections.

Habang papalapit ito ay mukhang mas nagkakainitan ang mahigpit na magkakalaban for Manila mayoral candidates na sina Isko Moreno at incumbent Mayor Honey Lacuna.

Kung dati ay nasa minority ang kampo ni Isko ay mukhang makukuha nila Ang majority.

Lumipat kasi mula sa grupo ni Mayora ang kapatid ni Vice Mayor Yul Servo sa partido ni Isko.

So, isang kunsehal na lang ang lilipat tiyak majority na ang grupo ni Isko.

Ang nakalulungkot lang, may feelers daw na maaring tatalon na rin sa partido ni Yorme si Vice Mayor Yul.

Kung magkatotoo anong posisyon ang tatakbuhan ni Yul?

Hindi pwedeng bise alkalde dahil naka-posisyon na si Chi Atienza na lalong lumalakas sa survey.

Hindi na rin pwedeng balik-Congressman dahil ang kapatid na Apple Nieto ang inilagay ni Yorme, huh!

Ang gulo di ba?

(JIMI C. ESCALA)

LIFE-CHANGING nga raw ang maging isang parent ayon sa comedienne na si Ethel Booba.

Ina si Ethel sa isang 5-year-old daughter named Ella mula sa kanyang partner na si Jessie Salazar.

“Nag-mature ba ako? Ako rin nga nagugulat e. Nag-mature talaga ako nu’ng naging nanay ako. Oo, iba na ‘yung priorities ko. Ngayon hindi na ako bumibili ng mamahaling damit, kailangan mura na lang kasi mayroon akong pinagkakagastusan kasi ang mahal ng gatas, diaper.

“Ngayon, iniisip ko kailangan ko talagang mag-ipon dahil ‘yung future niya, ‘yung pag-aaral niya doon ako nanganganib kasi Inglesera e. Hirap na hirap talaga ako e. Minsan sasabihin ko ‘ah ok’, minsan magtatanong Ingles, sasabihin ko na lang ‘later i’m busy.’ Kaya ‘yung asawa ko tawang-tawa talaga sa akin kasi hindi ko na talaga siya masagot kasi hirap na hirap ako talaga,” sey ni Ethel.

Bukod nga raw sa pagiging stand-up comedienne, founder din si Ethel ng sarili niyang beauty business sa tulong ng kanyang partner na very supportive at maayos ang communication nila kahit pa busy sila.

“Mas peaceful talaga at kung gusto mo ng pang-matagalan, for lifetime, mas non-showbiz. Communication. Kailangan talaga nag-uusap kayo palagi na alam mo ‘yung huwag mong kimkimin ang sama ng loob mo, kailangan maging open ka sa kaniya. Okay lang na masaktan siya pero kailangan malaman niya kung ano ang mali at malaman ko rin kung ano ang mali ko at doon kami nag-meet.”

Masusundan na kaya si Ella?

“Kung ibibigay. Nag-usap nga kami ni Vice Ganda kasi inanak niya ‘yan e. Sabi ko, ‘parang hindi na.’ Sabi niya, okay din iyan, para mayamang-mayaman siya. Biniro ko na lang na dadagdagan ko, mag-do-donate ka ba pang educational plan’ kasi ‘yun ang pinakamabigat talaga,” tawa ni Ethel.

***

NAKILAHOK ang ilang Sparkle artist at GMA employee volunteers sa isinagawang International Coastal Cleanup Drive sa Pasay City noong nakaraang Sabado, Sept. 21.

Isinagawa ang cleanup drive sa Pasay sa Central Park sa SM by the Bay, na pinangunahan ng Department of Environment and Natural Resources, Philippine Coast Guard, kasama na rin ang GMA Network sa pamamagitan ng Kapuso at Kasambuhay ng Kalikasan.

Nakibahagi ang Sparkle stars na sina Shuvee Etrata, Nikki Co, John Clifford, Seb Pajarillo at Zyren Dela Cruz, at 30 GMA employee-volunteers sa ika-39 Coastal Cleanup na may temang “Clean Seas for Blue Economy.”

Ang paglilinis ay parte ng taunang International Coastal Cleanup Drive na isinasagawa tuwing ikatlong Sabado ng Setyembre, ayon na rin sa Presidential Proclamation 470.

Dala-dala ng volunteers ang kanilang mga sako, face mask, tumbler para sa iinuming tubig at rake para sa paghahakot ng basura.

Daan-daang indibiduwal pa ang nakisali mula sa iba’t ibang tanggapan ng gobyerno, NGOs, mga estudyante at pribadong sektor.

Sa dami ng basura, kinailangang gumamit ng dump truck para mahakot ang mga ito, kung saan ang karamihan ay mga plastic, styrofoam, kawayan at mga driftwood na inanod sa lugar dahil sa mga nagdaang bagyong Carina, Enteng at Habagat.

Ilang ambulansiya pa ang nakaantabay kung sakaling kailangan ng tulong medikal.

Inaasahang aabot sa tone-toneladang basura ang mahahakot sa baybaying dagat ng Manila Bay.

Pinakamalaking nahakot ng SM sa ika-38 International Cleanup noong nakaraang taon ang umabot ng 100,000 kilos ng basura.

(RUEL J. MENDOZA)

ANG action-advocacy series na “West Philippine Sea” ay isang kwento ng pag-asa at katatagan.

Sinasaliksik nito ang kapangyarihan ng pag-ibig, ang kahalagahan ng pagkakaisa, at ang di-natitinag na diwa ng isang bansang determinadong ipaglaban ang kinabukasan nito.

Ito ay nagpapaalala sa atin na kahit na sa harap ng napakatinding pagsubok, ang espiritu ng tao ay maaaring manaig, na pinalakas ng pagmamahal, determinadong determinasyon, at ang hindi natitinag na paniniwala sa kapangyarihan ng sama-samang pagkilos at ang tunay na diwa ng nasyonalismo at pagkamakabayan para sa tunay na debosyon sa bayan at mamamayan.

Sa serye, ang Kagawaran ng Sandatahang Maharlikeño para sa Bagong Pilipinas na Inaasam o KSMBPI ay isang patagong cyber-security agency na lihim na tumutulong sa bansang nakikipagbuno sa nagbabantang banta ng nuklear na nagmumula sa mga salungatan sa soberanya laban sa isang mabigat na nuclear superpower habang kasabay nito ang sikreto nito.

Ang mga agent (tinatawag na WPS DEFENDERS) ay humaharap sa mga pang-araw-araw na personal na isyu ng kanilang sarili.

Ang kwentong ito ay nagbubukas sa malapit na hinaharap na Pilipinas na binu-bully ng isang Nuclear Superpower Nation, ang Kaharian ng Manchuria.

Sa gitna ng tumitinding tensyon na ito, ang lihim na organisasyon na binubuo ng mga bihasang espiya at mga dalubhasa sa cyber-security, ay kumikilos sa anino, na nagpoprotekta sa mga interes ng kanilang bansa.

Sa loob ng nasabing lihim na organisasyon, tatlong kontrobersyal na pag-iibigan ang uusbong sa mga versatile agents, humahamon sa mga pamantayan ng lipunan at naglalayag sa mga kumplikado ng kanilang mga mapanganib na propesyon.

Ang isang mas maliit na bansa, ang Pilipinas, ay tumatayo bilang simbolo ng pagsuway, tumatangging sumuko sa mga kahilingan ng Manchuria. Ang Pilipinas, na nahuli sa mga crosshair ng geopolitical conflict na ito, ay nahaharap sa banta ng pagiging isang larangan ng digmaan.

Mangibabaw ba ang pag-ibig sa mga panahong ito ng pagsubok?

Maaari bang malampasan ng isang maliit na bansa ang isang malakas na pambu-bully?

Bida sa “WPS” sina AJ Raval, Ayanna Misola, Ali Forbes, Aljur Abrenica, Mossimo Scofield, Jerica Madrigal, Lala Vinzon, Roi Vinzon, Rannie Raymundo, Jeric Raval, Daiana Menezes, at Lance Raymundo. Mula ito sa direksyon ni Karlo Montero.

Ang theme song ng TV series ay “Huwag Mong Palampasin” na inawit ng The Company.

Ang “WPS” ay produced ni Dr. Michael Raymond Aragon, ang chairman ng Kapisanan ng Mga Social Media Broadcasters sa Pilipinas Inc. (KSMBPI).

***

SAMANTALA, tuluyan na raw tatalikuran ng Vivamax star na si Ayanna Misola ang paghuhubad sa mga pelikula.

Ayon ito sa naging pahayag ni Ayanna naganap na presscon ng upcoming advocacy series.

“Yung role ko po dito, iba din po sya sa mga napapanood ninyo na sa Vivamax. Isa po ako sa mga defender dito and meron po kaming connection ni Lance (Raymundo). ‘Yung role ko po is mayaman, medyo of Chinese culture,” pahayag ng sexy star ng Vivamax.

Dagdag pa ni Ayanna, “I think, ito po ‘yung first project ko na wala talagang sexy role and sobrang nagte-thank you ako kay Boss Mike Aragon kasi kung hindi dahil sa kanya siguro po, na-lock, na-stereotype na ‘ko sa mga sexy roles.

“Siya po ‘yung nagbigay sa ‘kin ng opportunity para maipakita ko po ‘yung sarili ko dito sa bagong branding.

“Masaya rin po kasi dati ko pa po gusto na maging famous sa maayos na way. Yung may impact talaga para sa mga kaedad ko,” sabi pa ng Vivamax star.

Patuloy pa niya, “Si Boss Mike din po ‘yung nagbigay ng opportunity sa amin para ipakita na kaya naming mag-change image.

“And also, kasi nga po, gusto ko po talagang maging good influence sa generation natin ngayon. Hindi lang basta sikat sa social media, gusto ko rin ‘yung may impact for future generations din,” aniya pa.

Ang grupo nina Dr. Mike, ang nasa likod ng pagsasampa ng kaso laban kina Vice Ganda at Toni Fowler dahil sa mga pinaggagawa umano ng mga ito sa iba’t ibang platforms.

Bukod dito, nagsampa rin ng KSMBPI ng criminal cases laban sa mga Vivamax stars kasama si Ayaana, AJ Raval at Azi Acosta for alleged violation of the cybercrime law, citing “obscene publication.”

Nabasura naman ang mga kaso pero nasundan ito ng magandang partnership sa pagitan ng KSMBPI at ng mga nabanggit na Vivamax stars.

At ngayon nga ay magkakasama sa “West Philippine Sea”.

(ROHN ROMULO)