DAHIL nag-anunsiyo na si Sam Versoza na tatakbo siyang alkalde ng siyudad ng Maynila, walang dudang si Isko Moreno ang isa sa mahigpit niyang makakalaban sa eleksyon sa Mayo sa isang taon.

Sa tanong namin kay Sam kung magkakilala ba sila ng personal ni Isko, ang sagot ni Sam ay…

“Ilang beses na rin kaming nagkasabay, mga awards night. Sabay kami na pinarangalan.

“Nagkasama rin kami nung magtayo ako ng E-skuwela sa Maynila para sa mga kabataan noong pandemya.

“Pumunta si Isko. May pictures kami.

“Marami kaming pictures ni Isko so masaya ako, nakilala ko siya at nakatulong kami na magkasama.

Samantala, happy si Sam sa kanyang recent Ayuda Na Hindi Trapo event dahil mataginting na “Mayor” na ang tawag sa kanya ng mga taga-Barangay 128, Zone 10 sa Smokey Mountain.

“Ngayon lang siguro nangyari ito sa buong Barangay 128,” kuwento ni Sam o SV.

“Buong Tondo, sabi ko lahat ng pamilya dito, gusto kong mabigyan ng biyaya.Walang uuwing malungkot.

“Lahat uuwing masaya, may ngiti sa mukha at may pag-asa.”

Kaya kahit abala bilang isang businessman via Frontrow, TV host (with his GMA show Dear SV) at Tutok To Win Party-list Representative, nais ni Sam na paglingkuran ang mga mamamayan sa Maynila.

Iyong ayuda raw na dalawang libo kada buwan para sa mga senior citizens, sisiguraduhin niya na lahat ay mayroon at hindi na kakailanganin pang pumila, bagkus ay kusa ng papasok sa ATM card na bawat senior.

At kung nasanay na raw ang marami sa ayudang murang noodles at sardinas, Spam at bigas at gatas na Ensure ang pangako ni Sam.

***

ARGENTINIAN ang ama, Pinay ang ina, parehong nasa Pilipinas ang mga magulang ni Chanty Videla; sa katunayan, kasama niya ang mga ito sa mediacon ng kinabibilangang youth-oriented show, ang MAKA ng GMA.

Miyembro ng South Korean girl group si Chanty, ang Lapillus ay may anim na miyembro na kinabibilangan rin nina Shana, Yue, Bessie, Seowon, and Haeun.

Pinagkuwento namin si Chanty kung paano siya naging member ng Lapillus.

Aniya, “Well, our company decided to create an international group.

“The company that handles our group, our management.”

Ang MLD Entertainment na nangangalaga sa kanyang career at ng Lapillus ang tinutukoy ni Chanty.

Pagpapatuloy niya, “Decided to create an international group, kaya po napasali yung mga foreigners just like me na half Pinay and Argentinian.

“Nag-audition din po ako and meron din po kaming members na Japanese and Chinese- American and the rest are Korean.

“So medyo we’re a mix of different countries.”

Si Chanty lamang ang nag-iisang may dugong Pinoy sa grupo.

Gaano katagal na ang Lapillus?

“We are two years old pa lang po. Bago pa lang po talaga.

“Yes, we debuted last 2022 and we debuted with our song called Hit Ya! And Korean song po siya. And nakatatlo na po kaming songs so far and hopefully, meron po kaming newer songs po in the future and that’s what we’re praying for.”

Nakilala na ni Shanty si Sandara Park o Dara na miyembro ng 2NE1.

“Na-meet ko po si Ms. Sandara po sa promotion po sa Korea, kasi nagkasabay kami ng promotion one time.”

Nakausap niya si Sandara?

“Yes, naka-meet… nakausap ko po siya.”

Nag-Tagalog raw sila pareho.

“Nag-Tagalog po kami. Nag-TikTok pa po kami together, so sobrang saya po ng experience po.”

Sparkle artist na si Chanty ngayon pero hindi siya umalis sa Lapillus.

Sa MAKA, nabanggit ni Chanty na hindi man siya all-out bully bilang si Chanty Villanueva pero medyo may pagka-bully siya sa show.

Nasa MAKA rin sina Zephanie, Ashley Sarmiento, at Marco Masa, at ang iba pang Sparkle teen talents na sina Olive May, John Clifford, Dylan Menor, Sean Lucas, at May Ann Basa na kilala rin bilang si Bangus Girl.

Bida rin sa MAKA si Romnick Sarmenta kung saan kasama rin ang mga kapwa niya That’s Entertainment alumni na sina Tina Paner, Jojo Alejar, Sharmaine Arnaiz, at Maricar De Mesa, at ang beteranang aktres na si Carmen Soriano, sa direksyon ng best-selling author na si Rod Marmol.

(ROMMEL L. GONZALES)

KINUMPIRMA ng “The Voice Kids Philippines” coach na si Billy Crawford ang malungkot na balita noong Linggo, Sept. 22.

Sa pamamagitan ng kanyang social media, ibinahagi ni Billy sa biglaang pagkamatay ng kanyang ama na si Jack Crawford na nakatira sa Texas, USA.

Wala pang ibinigay na detalye si Billy tungkol sa dahilan ng pagpanaw ng kanyang ama.

Sa kanyang IG post, nag-sorry si Billy sa kanyang daddy na hindi man lang nakita at nakausap bago ito namayapa.

“I’m sorry, Dad. I wasn’t there to say goodbye, give you a last hug, or tell you how much I love you. You’ll always be in my heart,” post ni Billy.

“Thank you for being the greatest dad I could ever have! May you finally rest and forever be happy in the arms of Our Lord Jesus Christ.

“I’ll truly miss you, my main man! Love, your son. Billy Joe CRAWFORD.”

Noong Mayo 2022, nag-celebrate ng 40th birthday si Billy kasama ang kanyang parents, asawa na si Coleen Garcia, at anak na si Amari, na first time nakita ang kanyang Lolo Jack.

Bumuhos ang mga mensahe ng pakikiramay sa pamilya ni Billy na nagluluksa, mula sa celebrities, content creators at netizens.

***

INILABAS na ng Movie and Television Review and Classification Board (MTRCB) ang mga bagong pelikulang napapanood sa mga sinehan ngayon.

Ang pelikulang “Transformers One” ay nakatanggap ng Rated PG (Patnubay at Gabay ng Magulang). Sa desisyong ito nina MTRCB Board Members (BMs) Bobby Andrews, Jose Alberto, at Juan Revilla.

Rated PG din ang pelikulang “Coraline,” isang 3D remastered film na niribyu nina BM Andrews, Revilla, at Racquel Maria Cruz. Maging ang dokyumentaryong konsyerto na pinamagatang “Jung Kook: I Am Still,” na pinagbibidahan ng kilalang Korean pop star na si Jungkook. Niribyu ito nina BM Jan Marini Alano, Michael Luke Mejares, at Mark Anthony Andaya.

Paliwanag ni MTRCB Chairperson and CEO Lala Sotto-Antonio, “Sa ilalim ng rated PG, mayroong mga tema, lenggwahe, karahasan, sekswal, at katatakutan na posibleng hindi angkop sa mga batang manonood na may edad labingdalawa (12) at pababa, at kinakailangan ng paggabay ng magulang o nakatatanda,”

Ang pelikulang “Taklee Genesis” ng Warner Bros. naman ay nakatanggap ng Restricted-13 (R-13) dahil sa komplikadong tema at eksenang karahasan at katatakutan na posibleng nakakabahala at hindi angkop sa mga edad 12 at pababa. Sa desisyong ito nina BM Alano, Mejares, at Lillian Gui.

Restricted-16 o R-16 naman ang pelikulang “Never Let Go” na pinagbibidahan ni Halle Berry. Ang R-16 na pelikula ay para lamang sa mga edad labing-anim at pataas. Paliwanag nina BM Andrews, Alano, at Katrina Angela Ebarle, ang naturang materyal ay may mga lenggwahe, tema, karahasan at pag-uugali na hindi angkop para sa mga edad labinlima (15) at pababa.

Patuloy namang hinihikayat ni Chair Sotto-Antonio ang mga magulang at nakatatanda, na habang ine-enjoy ng pamilyang Pilipino ang sinematikong panonood, nararapat lang na gabayan ng mga magulang o nakatatanda ang mga kasamang bata partikular ang pagpili ng mga pelikulang angkop lamang sa kanilang edad.

(ROHN ROMULO)

MAY entry uli ang premyadong aktor na si Piolo Pascual sa MMFF 2024, ang “The Kingdom” kung saan makakasama niya sina Vic Sotto, Cristine Reyes, Sue Ramirez at Sid Lucero.

Ang epic drama film ay mula sa direksyon ni Michael Tuviera under APT Entertainment.

Ayon sa naging pahayag ni Papa P, “We’re part again of the MMFF (Metro Manila Film Festival), MIFF (Manila International Film Festival). And MMFF is celebrating its 50th year so to be part of that, you’re a clear representation of the industry, so I want to be part of that.”

Last year, isa sa naging blockbuster MMFF entry ang “Mallari na pinanbidahan ni Piolo na kung saan tinanghal siyang best actor.

Kaya naman looking forward siya na maging bahagi ng mga makabuluhang pelikula na hindi lang sa bansa tatangilikin kundi pati na rin sa iba’t ibang panig ng mundo.

“With MIFF, I hope that there are more projects or more films that we can showcase to the world to really just empower us, to have something that we can be proud of as Filipinos,” sey ng aktor.
First time na makakasama ni Papa P si Bossing Vic sa movie at nagkataon na pasok pa sa MMFF ngayong December.

Ayon pa sa panayam sa aktor, “I grew up kasi watching him and for me to be acting alongside with a cinematic icon, kailangan kong tanggalin ang pagka-fan ko so I have to deal with it and cross the bridge when I’m already there because we have a lot of scenes together.

“When (Michael Tuviera) pitched this concept to Bossing he said yes right away. When he pitched it to me a couple of days later, I said yes.

“Within weeks we were doing pre-production, so it just fell into place. I mean, we’re both busy but if there is a project that you can work on and make things happen to make it happen, it will happen.

Pag-amin pa niya, “I thought hindi ako magpi-filmfest this year because I did so much last year pero nung pumasok, okay trabaho tayo sa Pasko.”

(ROHN ROMULO)