TINANONG namin si Alex Gonzaga, sa launch niya bilang endorser ng Chef Ayb’s Paragis Tea and Capsule kung anong bashing ang nasaktan o naapektuhan siya.

“Hindi ako nasaktan personally. Pero tingin ko kailangang mag-stop yung kapag sinasabihan kang baog.”

“Sa gender, very sensitive na po tayo ngayon. Even sa body shaming. Pero bakit sa babae, kapag walang anak, bakit parang very loosely ginagamit ‘yung nalaglag, baog?“We really have to be sensitive about it. Sa akin, kaya ko, puwede naman. What if may mga taong very sensitive talaga sa kanila yung ganung issue?

“May mga ganun talaga akong kilala na they can’t even talk about it. Naisip ko, we have to be careful na gamitin yung words na yun sa mga kababaihan kasi maraming inner struggles ang mga babae na hindi natin alam,” lahad ni Alex.

At para makasiguro mna mahinto ang mga ganito kahit papaano….

“Mayroon akong nademanda diyan. Ngayon, maglalabas na siya ng kanyang statement. Hindi ito para sa akin na nasaktan ako, pinapaayos lang namin yung apology.”

“But because gusto kong maging conscious na tayo para lang hindi na dapat ginagamit yung salitang baog, nalaglag.”

Pinatawad ni Alex ang naturang basher pero kailangan raw na maglabas ito ng maayos na apology.

Kasama ni Alex na endorser ng Paragis Tea and Capsule by Chef Ayb ang mga magulang niyang sina Mommy Pinty at Daddy Benoy Gonzaga.

“Nakaka-proud na suportahan ang isang brand na Filipino made. Nakakatulong pa tayo sa mga tao. Lahat ng blessings na ito ay galing sa Kanya.”

***

CUTE at kinaaliwan online ang viral video ni Zia Dantes sa concert ni Olivia Rodrigo.

Super happy ang unica hija nina Marian Rivera at Dingdong Dantes lalo na noong kawayan it oni Olivia habang kumakanta sabay-sabing, “Hi up there!”Tuwang-tuwa naman si Zia na nagsabing, “Mama, she said hi to me.”

Nagkuwento si Marian tungkol sa panonood nila ng concert.

Lahad niya, “Actually, yung pagbili nga, hindi namin alam kung makakakuha kami, e. Kasi di ba, random yun tapos maghihintay ka?

“So nagbakasakali kami. E pinalad naman.

“E di okay. E di pila. E di hintay. E di upo. Alam mo yung ganun? Yung tipikal.”

At tulad ng lahat ng dumalo sa concert, pumila rin sina Marian, Zia at Dingdong.

“Kasi ginagawa namin ito for her, e. Kasi request niya talaga ito dati pa.”

Samantala, nasa cloud nine si Marian ngayong may nationwide screening na ang ‘Balota’, ang pelikula niya na entry sa Cinemalaya Independent Film Festival nitong August kung saan wagi siya bilang Best Actress.

“Nakakakilig. Kasi sabi ko, bakit ngayon lang? Dapat after, di ba?”

Nauunawaan raw niya raw kung bakit na-delay ang showing ng Balota dahil nag-premiere muna ito sa 44th Hawaii International Film Festival noong October 6.

“Kasi si Hawaii, ayaw nila na mauna dito sa Manila. Kailangan dun muna sa kanila.”

Excited na si Marian na mapanood ng mas maraming viewers ang Balota ngayong October 16.

(ROMMEL L. GONZALES)

HALOS kinumpirma na ng mga netizen kung sino ang “K” na pinahuhulaan sa TV5 na magiging host ng “Face 2 Face” na hino-host ni Karla Estrada, ay Korina Sanchez na at wala nang iba pa.

Matatandaang umere muli ang “Face 2 Face” last May 2023. Ang mga naunang hosts nito ay sina Amy Perez at Gelli De Belen.

Sa publicity promo ng naturang TV show na pinahuhulaan ay makikita ang silhouette ng isang babaeng may mahabang buhok, na ipinagpalagay ng mga netizen na si broadcast-journalist Korina Sanchez na nga.

After umalis sa channel 2 ay halos napapanood sa iba’t ibang TV network si Korina.

Sa comment section ng pahulaan lahat ay nagkakaisa ng netizens na si Korina nga ang pinahuhulaan.

Makikipagsapalaran kasi sa pulitika si Karla Estrada.

Tiyak magiging abala na ang ina ni Daniel Padilla bilang bahagi at nominee ng Tingog party-list na nagpasa ng certificate of nomination and acceptance (CONA) kamakailan para sa 2025 midterm elections.

Si Karla rin ang nagsisilbing Director for Community Engagements ng nabanggit na partido.

Batay pa rin sa mga komento ng mga netizens mukhang pabor sila at tanggap nila si Korina bilang kapalit ni Karla, dahil tiyak daw na kayang-kaya ng misis ni dating Senador Mar Roxas na pagharapın at pag-ayusin ang nagbabangayang dalawang partido.

***

DINAGSA nang libu-libong taga-movie and TV industry ang PhilSports Arena (dating ULTRA) sa Pasig City, noong Linggo, October 13, 2024.

Ito ay para sa Bagong Pilipinas Serbisyo Fair (BPSF), na proyekto nina Pangulong Bongbong Marcos at Speaker Martin Romualdez kasama ang mga kaalyadong mga pulitiko.

İsa sa namataan namin na kasama sa entablado ay ang aming ipinagmamalaking congressman ng district one na si Congressman Ernix Dionisio.

Bilang constituents at isang brgy opisyal ng Tondo ay tunay pong Nakaka proud na kasama ang aming “working congressman” sa mga nagmamalasakit sa movie and TV industry kasama siyempre kaming mga taga-PMPC at Mowelfund members.

Punong puno ng mga taga-movie and TV industry na nagpalista para mabiyayaan ng ayuda mula sa naturang proyekto.

Lahat ay nakatanggap ng tigli-limang libong piso, limang kilong bigas, at naabutan pa ng pagkain.

Nagsagawa rin ng assistance ang iba pang sangay ng gobiyerno na kagaya ng renewal ng passport, Philhealth, NBI clearance, at iba pa.

Ang araw na ‘yun ay para sa para sa mga taga-entertainment industry kaya present din ang kakampi ng administration na ilang pulitikong taga-showbiz.

Present ang mag-asawang Senator Bong Revilla at Congresswoman Lani Mercado, Cong. Arjo Atayde, Congressman Erwin Tulfo, dating DILG Secretary Benhur Abalos, at si Congressman Roman Romulo.

(JIMI C. ESCALA)

PATULOY na inaabangan at tinatangkilik ang bagong family drama ng TV5 na Ang Himala ni Niño.

Kuhang-kuha ng kwento ang puso ng mga manonood, lalo na dahil sa husay ng batang bida nito na si Zion Cruz. Inaabangan naman ang pagpasok ng award-winning actor na si Cedrick Juan sa naturang serre.

Siguradong magdadala ng panibagong emosyon at excitement ang tambalang ito nina Cedrick at Zion sa seryeng sinusubaybayan ng maraming manonood araw-araw.

Si Zion ay isang homegrown talent ng MQuest Artist Agency (MQAA) na gumaganap bilang si Niño. Sa kabila ng kanyang batang edad, mahusay siyang nakikipagsabayan sa mga magagaling na artistang kasama niya sa serye.

Sa pagpasok naman sa serye ng multi-awarded Best Actor na si Cedrick bilang Kuya Victor, bibigyang buhay nya ang karakter na magkakaroon ng impluwensya sa mga taong nakapaligid sa kanya.
Kilala sa kanyang mga critically acclaimed roles, inaasahan ang mahusay na pagganap ni Cedrick sa mga eksenang tatatak sa puso ng mga manonood.

Kasama rin sa Ang Himala Ni Niño ang mga batang artistang sina Ryrie Sophia bilang Kring-Kring, Kenneth Mendoza bilang Butchoy, at Achilles Ador bilang Joco. Sila ang mga bagong talents ng TV5 na nagbibigay saya at puso sa kwento.

Abangan sa mga darating na linggo dahil haharapin ni Niño ang mabigat na pagsubok ng pag-iwan sa kanya ng kanyang ina. Dahil dito, ang samahan nila Kring-Kring, Butchoy, at Joco ay magiging mas matibay at magdadala ng pag-asa at suporta kay Niño.

Ang kanilang pagkakaibigan ay maghahatid ng mas malalim pang emosyon sa kwento ng Ang Himala ni Niño. Sa gabay ng mga seasoned actors tulad nina K Brosas at Freddie Webb, mas nahuhubog pa ang mga batang ito bilang magagaling na artista ng bagong henerasyon.

Huwag palampasin ang pagdating ni Cedrick Juan sa Ang Himala ni Niño, mapapanood Lunes hanggang Biyernes, 11:15 AM sa TV5. Abangan ang kahanga-hangang kwentong ito at ang mahusay na pagganap ni Zion Cruz bilang si Niño.

Para sa karagdagang updates, bisitahin ang www.tv5.com.ph at i-follow ang TV5 sa kanila social media pages.

(ROHN ROMULO)