NAARESTO ng Bureau of Immigration (BI) fugitive search unit (FSU) ang isang South Korean national na wanted sa kanilang bansa dahil sa illegal gambling.

Sinabi ni BI Commissioner Joel Anthony na inaresto si Choi Jonguk, 42, sa isang sikat na entertainment area sa Brgy. Tambo, Paranaque.

Si Choi ay nasa wanted list ng BI noon pang 2019 dahil sa pagpapatakbo ng isang illegal gambling website na ang mga customer nito ay mga Koreano na tumataya sa resulta ng isang sports competitions.

Sinasabing kumikita siya sa pamagitan ng pagbenta ng ticket on line a isang paglabag sa kanilang bansa sa national sports promotion act.

Iniulat din ng BI ang pagkakaaresto sa isa pang South Korean national na wanted ng mga awtoridad sa kanilang bansa dahil sa illegal drugs trading.

Kinilala ni Viado ang pugante na si Seo Jungchul, 37, na inaresto sa Clark Freeport Zone sa Angeles City, Pampanga ng mga ahente ng BI FSU.

Nasa listahan din siya ng Interpol red notice at matagal ng overstaying sa Pilipinas upang makatakas sa pag-aresto at prosecution sa kanyang mga kaso sa Korea.

Isang warrant para sa pag-aresto sa kanaya ang insiyu ng Seoul Central District Court noong 2017 matapos siyang idawit dahil sa paglabag sa narcotics control act.

Ayon sa mga awtoridad ng South Korean, si Seo ay sangkot sa purchase, consumption at trading ng Philopon, isang bahagi ng methamphetamine, isang drug substance sa Korea.

Sina Choi at Seo ay maituturing ng undocumented aliens matapos kanselahin ng kanilang gobiyerno ang kanilang pasaporte. GENE ADSUARA

BINITBIT sa kulungan ang isang binata matapos balikan ang kanyang wallet na may lamang shabu nang mapulot ng security guard ng mall sa Malabon City, kamakalawa ng gabi.

LUMAGDA sa isang manipesto ang limampung lider mula sa iba’t ibang alyansa at multisectoral groups sa iba’t ibang panig ng Pilipinas nitong 18 ng Oktubre 2024, upang ilunsad ang People’s Alliance for Democracy and Reform (PADER ng Demokrasya) para suportahan ang pamumuno ni PBBM at ipagbunyi ang mga magagandang programa at repormang kanyang nasimulan para sa tuloy-tuloy na kapayapaan at kaunlaran tungo sa bagong Pilipinas.

“Ating dakilang adhikain at tungkulin sa ating makasaysayang pagkakaisa ay para palakasin ang ating bansa at lubos na itinataguyod at nagtatanggol sa mandato ng taumbayan na ipinagkaloob sa ating mahal na Pangulong Ferdinand “BongBong” Romualdez Marcos Jr. sa pagtitiyak ng isang Bagong Pilipinas para sa magandang kinabukasan ng mga kabataan at mamamayang Pilipino. Bilang isang nagkakaisang koalisyon, kami ay naninindigan kasama ang mamamayang Pilipino sa isang pagpapakita ng matatag na pagkakaisa para sa pagnanais ng tuloy-tuloy na kapayapaan at kaunlaran ng ating bansa sa pamumuno ni PBBM”, ayon sa pinirmahang manipesto ng koalisyon.

“Pinapahayag namin ang malakas at mahigpit na suporta sa pamumuno ni PBBM. Naniniwala kami na si Pangulong BongBong Marcos Jr. ang tamang lider na may lubos na dedikasyon, sinseridad, paninindigan, “Political Will” at integridad para ipatupad ang mga kritikal na programa para sa ikabubuti at ikauunlad ng bansa. Ang kanyang patnubay at pamumuno ay napakahalaga para sa pagbabago at kaunlaran ng bansang Pilipinas,” dagdag ng nilalaman ng manipesto.

Nangako rin ang koalisyon na PADER, na maninindigan kasama ang mamamayan at pamahalaan sa pagtitiyak ng isang maayos na pamamahala, mapayapang pamayanan at maunlad na kinabukasan para sa sambayanang Pilipino.

Buong-buo ang tiwala ng mga lider na suportahan ang pamumuno ni Pangulong BongBong Marcos Jr. at naniniwala sila na hindi kailanman bibiguin ng Pangulo ang kanyang sinumpaang tungkulin sa bayan. (PAUL JOHN REYES)

BUKAS na muli ang Land Transportation Franchising and Regulatory Board (LTFRB) para sa aplikasyon ng mga sasakyan na sasailalim sa consolidation system na bahagi ng PUV mo­dernization program ng pamahalaan.

Ayon kay LTFRB Chairman Teofilo Guadiz, binuksan muli nitong Oktubre 15 ang pagtanggap ng aplikasyon para sa consolidation bilang tugon sa kahilingan ng Senado upang mapagbigyan ng pagkakataon ang mga hindi nakahabol sa consolidation.

Sa ilalim ng consolidation, mawawala na ang franchise ng mga pampasaherong sasakyan at pagsasamahin ang mga PUVs sa isang kooperasyon o kooperatiba para mabigyan ng permit ng LTFRB na makapa­masada.

Nilinaw ni Guadiz na­ dapat na samantalahin ito ng mga drivers at ope­rators hanggang Nobyem­bre 29 lamang ito. Ani Guadiz ang mga newly-consolidated drivers at operators ay awtomatikong nakakatanggap ng P10,000 fuel subsidy.

Nilinaw naman ni Guadiz na ang mga bagong magpapa-consolidate ay dapat sumama sa mga existing cooperatives at hindi maaaring magbuo ng bagong kooperatiba.

Matatandaang ang naitakdang final deadline ng LTFRB para sa consoli­dation ay noong April 30, 2024 upang makasama sa moder­nization program ang mga pampasaherong sasakyan.

Kontra pa rin sa consolidation ang Piston at Manibela dahil pag-phase out ito ng traditional jeepney na papalitan ng mga pampasaherong sasakyan ng mga airconditioned vehicles na ang bawat unit ay umaabot sa higit P2 milyon.