INIHAIN sa Kamara ni Akbayan Partylist Rep. Perci Cendaña ang “Kian Bill” o ang Public Health Approach to Drug Use Act na naglalayong magpatupad ng makataong solusyon sa problema sa droga sa pamamagitan ng pagbibigay proteksyon sa karapatan ng mga indibidwal.

Ayon kay Cendaña, ang kaniyang panukala ay magsisilbing 180 degree turn mula sa administrasyon ni dating Pangulong Rodrigo Duterte na nagpatupad ng bloody drug war na ikinasawi ng libu-libong pinaghihinalaang drug personalities.

“The Kian Bill prevents the killing of more innocent Kians. The proposed law bans the use of Tokhang or drug lists, torture, unlawful police interference, and other cruel methods used in the drug war,” anang solon.

Magugunita na ang noo’y 17-anyos na si Kian de los Santos ay napas­lang sa anti-drug operations sa Caloocan City noong Agosto 2017 kung saan matapos ang ilang taon ay nahatulan ng murder ang tatlong pulis na sangkot sa pagpatay sa nasabing binatilyo.

Sa depensa ng mga pulis nanlaban umano ang biktima pero pinasubalian ito ng CCTV footage na nakitang hinila ito sa madilim na lugar sa kabila ng pagmamakaawa ng biktima saka pinagbabaril.

Ang Kian Bill ay may counterpart na panukala sa Senado na inihain ni Sen. Risa Hontiveros. (Vina de Guzman)

SINIBAK sa puwesto si Presidential Anti-Organized Crime Commission (PAOCC) spokesperson Winston Casio at kasalukuyang nasa ilalim ng administrative investigation kasunod ng sinasabing mistreatment sa isang Filipino national sa isinagawang pagsalakay sa Philippine offshore gaming operator (POGO) hub sa Bagac, Bataan.

Sa isang text message sa mga Palace reporter, araw ng Martes, sinabi ni Executive Secretary Lucas Bersamin na ipinag-utos kay Casio na “explain actuations in writing.”

May isa kasing footage si Casio kung saan sinampal nito ang isang POGO worker sa isinagawang pagsalakay sa (POGO) hub sa Bagac, Bataan noong Oktubre 31.

Ito ang nag-udyok sa PAOCC na magpalabas ng memorandum nagbigay ng mandato sa kanya na magsulat ng isang written explanation sa loob ng 24 oras.

Ipinalabas din ng memorandum kay Casio na sya ay “relieved of [his] responsibilities as spokesperson for PAOCC effective immediately and until the completion of the investigation.”

“The incident occurred following the execution of a Search Warrant at that location and is reported to have been documented, with the footage now circulating on social media platforms,” ang nakasaad sa memorandum.

“Your immediate response is crucial, as it will significantly influence the Office’s consideration of any subsequent actions. It is critical for you to comprehend that any failure to provide your explanation will be deemed a waiver of your right to contribute to this process,” dagdag na wika nito. (Daris Jose)

HINDI umubra sa mga pulis ang pagiging siga-siga umano ng isang lalaki matapos magwala habang iwinawasiwas ang bitbit na baril sa Navotas City.

Sa kanyang report kay Northern Police District (NPD) OIC Director P/Col. Josefino Ligan, kinilala ni Navotas Police Chief P/Col. Mario Cortes ang naarestong suspek na si alyas “John”, 26, residente ng lungsod.

Ayon kay Col. Cortes, habang nagsasagawa ng covert operation ang mga operatiba ng Station Intelligence Section (SIS) sa ilalim ng pangangasiwa ni P/Capt. Luis Rufo Jr sa Taganahan St., Brgy., BBN nang matiyempuhan nila ang suspek na nagwawala habang iwinawasiwas ang bitbit na baril na nagdulot ng labis na takot sa mga residente sa lugar dakong ala-1:10 ng madaling araw.

Maingat na pinalibutan ng mga tauhan ni Capt. Rufo ang suspek bago sinunggaban saka kinumpiska sa kanya ang hawak na isang revolver na kargado ng apat na bala at isang belt bag.

Nang wala siyang maipakitang kaukulang papeles hinggil sa ligaledad ng nasabing baril ay walang maipakita ang suspek kaya pinosasan siya at binitbit ng mga operatiba ng SIS.

Himas-rehas ang suspek sa custodial facility unit ng Navotas police habang mahaharap sa kasong paglabag sa Art. 155 of RPC at R.A 10591 o ang Comprehensive Firearms and Ammunation Regulation Act. (Richard Mesa)

NAGPAABOT ng kanilang pasasalamat sina Mayor John Rey Tiangco at Cong. Toby Tiangco kay Pangulong Ferdinand R. Marcos, Jr. sa paglagda nito sa Republic Act No. 12052, na nagbibigay daan para sa pagtatatag ng tatlong karagdagang sangay ng Regional Trial Court at dalawang sangay ng Metropolitan Trial Court sa Navotas.

“We thank President Ferdinand R. Marcos, Jr. for signing Republic Act No. 12052, which paves the way for the establishment of three additional Regional Trial Court branches and two Metropolitan Trial Court branches in Navotas. This legislation will significantly enhance the delivery of justice for our residents by reducing case backlogs and ensuring quicker resolution of legal matters that impact their daily lives”, ani Mayor Tiangco.

“This milestone is especially meaningful, as when I was in Congress, I also filed House Bill 3013 to address the need for more accessible and efficient justice services in our city”, dagdag niya.

“These additional court branches are a significant and much-needed step toward easing the heavy caseloads faced by our existing courts. This will help ensure more timely justice and greater efficiency in resolving cases for our community”, pahayag naman ni Cong. Tiangco.

“The original House Bill 3013 was filed by then-Congressman and now Mayor John Rey Tiangco. We re-filed it to address the needs of our growing community and to help prevent delays in the resolution of cases in our local courts”, dagdag ng mambabatas.

Ipinaaabot din ni Mayor Tiangco ang kanilang pasasalamat kay Cong. Tiangco at iba pang mga kasosyo na nagtulak at sumuporta sa inisyatiba na ito. Aniya, Sama-sama tayo na magtatayo ng mas maliwanag, mas makatarungang kinabukasan para sa Navotas City. (Richard Mesa)

DALA na rin sa nakakaalarmang ulat ukol sa mga Pilipina na iligal na nire-recruit at pinadadala sa ibang bansa para magsilbing surrogate mothers, pinaiimbestigahan ni OFW Party List Rep. Marissa Magsino ang naturang isyu.

Layon ng House Resolution 2055 na malaman ng mambabatas na matukoy at matugunan ang gaps sa labor recruitment, migration policies, at anti-human trafficking laws upang mapigilan ang eksploytasyon ng mga kababaihan.

Base sa huling imbestigasyon, nasa 20 Overseas Filipino Workers (OFWs) ang na-engganyo ng isang local agency na magtrabaho sa Thailand, subalit pinuwersa sa infant-trafficking scheme sa Cambodia.

Labing-tatlo sa mga ito ang sinasabing buntis sa pamamagitan ng artipisyal na pamamaraan at nakaharap sa human trafficking-related na kaso habang ang natitirang pitong ofw ay nanganganib na mapa-deport dahil sa paglabag sa immigration laws.

“Surrogacy must not come at the cost of our women’s dignity and rights. These women were promised legitimate jobs, only to find themselves victims of a heinous trafficking scheme. We must take immediate action to protect them and ensure such exploitation is curbed,” anang mambabatas.

Layon din ng imbestigasyon ang implikasyon ng trafficking schemes, na isang paglabag sa karapatang pantao partikular na laban sa karapatan ng mga babae at bata.

Habang minomonitor ng Department of Justice (DoJ) at Inter-Agency Council Against Trafficking in Persons (IACAT) ang naturang mga kaso, isinusulong ng resolusyon na masiguro na hindi na magiging biktima ang mgapinay sa mga ganitong panloloko sa hinaharap. (Vina de Guzman)

ITO ay batay sa ipinalabas na resulta ng tanggapan ni Davao City Rep. Paolo Zimmerman Duterte sa isinagawang hair follicle drug test ng Hi-Precision Diagnostics Center na ginawa noong Oktubre 23, 2024.

Ang test na kilala bilang “Hair 7 Drug Panel Test,” na ginawa sa nakuhang hair sample mula sa mambabatas, ng Omega Laboratories, isang certified testing facility.

Kasama sa naging screening ang ilang drugs tulad ng Amphetamine, Methamphetamine, Cocaine/Metabolites, Opiates, Extended Opiates, Phencyclidine (PCP), THC Metabolite (Marijuana), at Benzodiazepines.

Lahat ng ginawang pagsusuri ay lumabas na negatibo, na nagpapakita na wala ni isa sa mga naturang substances ang nakita sa sistema ni Duterte.

Nakalagay sa official document, na may petsang October 28, 2024, na sinertipikahan ng Hi-Precision Diagnostics, ang ginawang screening process gamit ang advanced techniques tulad ng ELISA (enzyme-linked immunosorbent assay) para sa initial testing at GC/MS (gas chromatography/mass spectrometry) o LC/MS/MS (liquid chromatography/tandem mass spectrometry) para sa confirmation. (Vina de Guzman)