MAHIGIT dalawampung taon na rin sa showbiz si Jake Cuenca.

Hanggang ngayon ay aktibo pa rin naman sa showbiz ang Kapamilya ng aktor.

Kung si Jake ang tatanungin ay kailangang magkaroon ng pagmamahal at dedikasyon sa trabaho kung nais nitong magtagal sa mundo ng pelikula at telebisyon.

“I believe when I started 23 years ago, I still believe it today. What stays true is your passion and dedication to your work.

“So, even at the highest of high winning awards or stuff like this. The next day, what grounds you is your dedication and your commitment to work,” pahayag pa niya sa ABS-CBN News.

Dagdag pa ni Jake na hindi na raw kinakailangan na maging bida palagi sa mga ginagawa niyang project.

Ang importante lang daw ay mai-portray mo nang mabuti at pagbutihin nang husto ang trabaho as an actor.

Ayon pa sa magaling na aktor kahit maliit o maiksi lamang ang karakter na gagampanan ay kailangan pa rin umanong paghusayan ang ginagawa.

“Sa totoo lang naman the smaller the role is, the more you have to elevate it, the more you have to shine through and make an impact.

“Kahit may maliit kang role na nagagawa when you’re starting out, you put so much weight on that. Make it like your biggest project ever.

“Believe me, you will shine through. That’s how I did for the past 23 years and I’m still here,” pagmamalaki pa ni Jake.

Proud din naman si Jake sa pagiging kapamilya at sa muling pagpirma ng kontrata sa ABS-CBN.

Kaya ganun na lang ang pasasalamat ng aktor sa pamunuan ng Kapamilya network dahil sa patuloy na tiwala sa kanya at hindi siya nawawalan ng proyekto.

“You always have to constantly show them something new. Show them how good you really are. Just as long as ABS-CBN needs me, I’m here.

“But the day na feeling ko na hindi na nila ako kailangan, I would gracefully exit. Gracefully bow out and exit myself,” seryosong pahayag pa rin ng premyadong aktor

(JIMI C. ESCALA)

ISANG compilation video ng bonding moments nila ang ibinahagi ni KC Concepcion sa kanyang Instagram, bilang pagbati sa kanyang daddy na si Gabby Concepcion, na nag-birthday noong November 5.

Caption niya, “It’s November, and that means celebrating the birth month of my sweet, kind, and guapo Papa love!” (smiling with sunglasses emoji)
“I thank God everyday for our effortless bond, and the chance He gave us to be closer than ever as father-daughter.

“Always grateful for the parents God chose for me. I love you [white heart emoji].”

Pahabol pang mensahe ni KC ang isang rebelasyon tungkol kay Gabby…

“People abroad sometimes think he’s my boyfriend when they catch us talking on video call, nakakahiya! Hahah.” @concepciongabby

Maraming netizens ang nag-agree na parang vampire si Gabby dahil hindi raw ito tumatanda. Kaya may ilang nagsabing para lang silang magkapatid.

“I thought napagkakamalan kayong siblings [grinning face with sweat emoji].”

“Just like twins [fire emoji] so good looking both of ya Kayce.”

“Pogi naman kasi ng tatay mo noh! [laughing, happy face with heart eyes, fire emojis]”

“Vampire kasi ang most handsome actor ng Philippine cinema! [red heart emojis]”

“May pinagmanahan ka sa pagka-vampire miss face.”

“Kasi naman….Gwapo talaga ni Mr. Concepcion!!! [laughing, happy face with heart eyes, fire emojis] Yes to Wellness [clapping hands, fire, red heart emojis].”

“Your dad is iconic. Handsome then and now.”

“KC still a very lucky girl. Grape na Rabat pa ang tatay.”

“Grabe naman kasi ‘di halata sa mukha age eh ‘di tumatanda. Happy birthday!”

Noong October 2023 huling nagkasama sina Sharon Cuneta, Gabby at KC dahil sa reunion concert na ‘Dear Heart’, na ngayon ay mag US-Canada tour na nag-start noong October 26.

Kaya wish ng isang netizen, “sana sumunod ka dito sa concert tour, chance to be with them alone.”

***

INILABAS na ng Movie and Television Review and Classification Board (MTRCB) ang listahan ng mga pelikulang nakatanggap ng angkop na klasipikasyon para sa linggong ito.

Rated G (General Patronage) ang “Swan Lake,” mula sa desisyon nina Board Members Angel Jamias, JoAnn Bañaga, at Jerry Talavera. Ibig sabihin, ito ay pwede sa lahat ng manonood.

PG (Patnubay at Gabay) naman ang ibinigay ng Board sa mga “Abner,” isang lokal na pelikula na pinagbibidahan nina Enzo Pineda, Rosanna Roces, at Mygz Molino, at ang “Red One,” na may pampaskong tema na kasama ang mga kilalang Hollywood actors na sina Dwayne Johnson at Chris Evans.

Sa PG, kailangang may kasamang magulang o guardian ang mga batang edad 12 at pababa sa sinehan.

Ang animated na pelikulang “My Hero Academia: You’re Next,” na hango sa isang sikat na anime series, at ang romantic-drama na “We Live in Time,” ay rated R-13, na tanging mga 13 gulang at pataas lang ang pwedeng manood.

R-16 o pwede lamang sa edad 16 at pataas ang mga pelikulang horror na “Pusaka: The Heirloom,” mula Indonesia at “Decade of the Dead.”

Payo ni MTRCB Chairperson at CEO Lala Sotto-Antonio sa mga nakakatanda na patuloy na gabayan at ipaliwanag sa mga batang kasama ang pelikula na kanilang papanoorin.

“Iminumungkahi rin natin sa mga magulang at sa pamilyang Pilipino na maging responsableng manonood at gawing gabay ang mga angkop na klasipikasyon na ibinigay ng MTRCB sa mga pelikula,” sabi ni Sotto-Antonio.

(ROHN ROMULO)

OPISYAL nang pumirma si Korina Sanchez-Roxas bilang host ng ‘Face to Face: Harapan,’ isang bagong yugto para sa iconic program ng TV5.

Simula Nobyembre 11, mapapanood ang ‘Face to Face: Harapan’ mula Lunes hanggang Biyernes, alas-4 ng hapon, bago ang ‘Wil to Win’ sa TV5.

Ang award-winning journalist na si Korina Sanchez-Roxas ang siyang magdadala ng naiibang authoritative perspective sa programa. Malugod siyang tinanggap ng mga MediaQuest at TV5 executives, kasama sina Jane Jimenez-Basas, President at CEO ng MediaQuest Holdings, Cignal TV, at MQuest Ventures; Guido R. Zaballero, President at CEO ng TV5; at John L. Andal, Group Finance Officer ng MediaQuest Holdings.

Sa produksiyon ng MQuest Ventures at Cignal TV, nananatili ang ‘Face to Face: Harapan’ sa orihinal na tema nito habang bibigyan ng mas malalim at balanseng pagtalakay sa mga tunay na isyu ng buhay.

Bukod sa pagdinig sa mga panig ng Sa Pula at Sa Puti, bibigyan din ni Korina ng sariling evaluation ang bawat episode, batay sa narinig mula sa magkabilang panig at sa payo ng Harapang Tagapayo.

“Bata pa lang po ako, hanggang dito sa aking karera, malapit po ako sa masa. Ang aking pong hinahanap na mga kwentong buhay ay ang mga kwento ng mga totoong tao,” pahayag ni Korina sa contract signing. Dagdag pa niya, “At ako po ay sanay na mag-referee sa pagitan ng mga nag-aalitang panig. That led me to say YES!”

Nagustuhan din niya ang format ng programa. “I think it’s something that can still grow and improve. And malay n’yo, magka-spinoff pa ito, right? But again the brand is all about quality, consistency, and authenticity.”

“We welcome our newest Kapatid, Korina Sanchez-Roxas, as the new host of Face To Face: Harapan,” sabi ng TV5 President at CEO na si Guido Zaballero. “Her ability to connect with people and tackle complex issues make her the ideal person to lead the show into this new era.”

Pahayag naman ni Jane Jimenez-Basas, President at CEO ng MediaQuest Holdings, Cignal TV, at MQuest Ventures, “Korina has long been one of the most recognized faces of Philippine media, with her remarkable history as a journalist. She definitely adds fresh dynamics to Face To Face: Harapan. I’m sure our Kapatid viewers will pick up some life lessons while enjoying the show.”

Sa pamumuno ni Korina Sanchez-Roxas, asahan ang mga engaging na kwento at insights sa ‘Face to Face: Harapan’ na siguradong kagigiliwan ng mga manonood tuwing hapon sa TV5.

(ROHN ROMULO)