MAGKATAMBAL sa pelikulang My Future You sina Seth Fedelin at Francine Diaz na official entry ng Regal Entertainment, Inc. sa 50th Metro Manila Film Festival na mapapanood simula December 25.

Kaya natanong si Seth kung ano ang gusto niyang mangyari sa future niya, “Gusto ko magkaroon ako ng talagang taong magmamahal at kikilalanin ako, and sa tingin ko naman malapit na.”

Natanong din siya kung si Francine ba ang tinutukoy niya, na buong ningning na sinagot ng binata ng, “Opo!”

Sa tanong din kung bakit para kay Seth ay malapit na siyang magkaroon ng taong magmamahal sa kanya…

Lahad niya, “Kasi hindi na ako lalayo. Pero may isang pangako lang akong kailangan kong tuparin… yung pangako ko sa magulang ni Francine.

“Alam naman po natin na hindi biro ang samahan namin. Hindi biro na bawiin yung tiwala ng magulang ni Francine.

“Hindi po biro ang pinagdaanan ko na makaabot ulit dito na nahahawakan ko yung kamay ni Francine. Hindi po biro yun.

“At yun po yung goal ko, na gusto ko pong maramdaman nila… safe si Francine sa akin. Yun yung gusto kong maramdaman nila.

“Kaya ko nasabing malapit na kasi yun na lang yung parang kailangan kong gampanan para masabi kong nandito na siya.

“So, anong kailangan ko? Lakas ng loob, paninindigan, tapang, respeto, and pagmamahal.

“Lahat po ng bagay na yun ay hindi mo makukuha ng isang araw o isang buwan.

“Malaking pogi points kapag kakampi mo yung magulang, di ba? Malaking pogi points kapag mahal ako nung magulang.

“So, iyon yung plano ko talaga.”

Wala pang anumang pag-amin pero makahulugan na ang mga salita ni Seth tungkol sa kung ano ang sitwasyon sa pagitan nila ni Francine.

Sinabi niyang sinsero siya sa nararamdaman para kay Francine.

“Kasi, guys, hindi talaga biro, alam naman po natin yan, lalo na nung mga nakaraan. Hindi po biro na bawiin yung tiwala ni Francine at ng magulang niya,” pahayag ni Seth.

“Sobra ko pong ginalingan, and alam kong kulang pa, alam kong meron pa akong kayang magawa, alam ko na meron pa akong kayang ibigay.

“And yun yung gusto ko, para pagdating ng panahon na anuman ang mangyari, mahal nila ako.

“Kahit ano mang mangyari, mahal nila ako, yun lang ang plano ko. Kaya kapag tinatanong kami na ‘Kayo na, e.’

“Hindi po biro na kami agad.”

Inamin rin ni Seth na may blessing na ng mga magulang nila ni Francine ang pagiging malapit nila sa isa’t isa.

Ayos lang kay Seth kung matagal ang proseso ng panliligaw niya kay Francine.

“Wala sa isip namin na madaliin yung mga bagay-bagay, i-pressure yung mga sarili namin na magmahal, na mag-commit, na magganyan.

“Pero hindi ibig sabihin nun, ganyan lang kami, ay sisirain ko yung tiwala ni Francine.

“No, binubuo ko nga yung tiwala ni Francine.

“Kaya kahit ganito kami, ime-make sure ko na yung trust namin sa isa’t isa, malakas yan, na kahit sino hindi yan kayang sirain.

“Pagdating ng mahabang taon, yung trust namin malakas. Maraming tao ang nakaalalay sa amin.”

Ang ‘My Future You’ ay mula sa direksyon ni Crisanto B. Aquino, kasama rin sa movie sina Mosang, Almira Muhlach, Christian Vasquez, Peewee O’Hara, Bodjie Pascua, at Izzy Canillo.

(ROMMEL L. GONZALES)

DESIDIDO na at wala nang atrasan si Mahra Tamondong sa pagtakbo bilang mayor ng Maynila sa darating na May 2025 elections.

Handang-handa na raw niyang sagupain at harapin si incumbent Mayor Honey Lacuna, ang gustong magbalik-puwesto na si Isko Moreno at sina Congressman Sam Verzosa at Raymond Bagatsing.

Unang-una raw sa rason sa pagtakbo ni Super Mahra ay ang senior citizens na tila napapabayaan daw sa lungsod ng Maynila.

“Sila talaga ang nagtulak sa akin na lumahok sa nalalapit na halalan, senior citizens advocate po kasi ako” panimula niya.

“Dahil sa pagtulong natin, even after 2022 elections, dito nakita ko talaga ang kakulangan sa kailangan nila. Kaya ang biggest challenge sa akin ang programa ko na maibaba sa taong bayan at talagang may personal touch na isang naglilingkod sa taga-Maynila.”

Tungkol sa mga babanggain niyang mga pader sa pagka-mayor sa Maynila…

“Pag tinatanong nila ako, kung natatakot ba ako at kung ano ang nararamdaman ko. Parang wala akong nararamdaman at all, kasi para sa akin, sila ‘yun pader na hindi matibay.

“Ang alam ko, ang kailangan ay isang maglilingkod na totoo, magmamahal talaga at magmamalasakit. Yung hindi lang nakikita pag eleksyon at gusto magpabida. Dapat kahit walang eleksyon o behind the camera, dapat tumutulong ka.

“So, yun ang nagpatibay akin na mas matibay pa sa pader. Kaya ako ay lalaban na walang katakot-takot.”

Dagdag pa niya, “si Raymond nakasama siya last election, tumakbo siyang Vice Mayor, at ngayon ‘di ko inakala na tatakbo rin siyang mayor.

“Personally, wala akong kilala są kanila, si Isko parang once or twice kong na-encounter, parang vice mayor pa lang siya noon.

“Si Mayor Honey, na-encounter ko siya recently dahil nagkasabay kami sa organization at saka sa Buling-Buling festival sa Pandacan na kung saan pareho kaming Hermana Mayor.

“Si Sam Verzosa naman na representative ng party-list, hindi ko pa siya nakasabay sa pagtulong lalo są mga senior citizens. Pero dapat talaga siyang tumulong dahil nakaupo siya at ngayon ay mas visible siya.

“Ang sa akin lang, sana totoo talaga ang ginagawa niyang pagtulong lalo na sa mga senior citizen, na nahihirapan lalo na pag nagkakasakit.”

Pangako pa ni Super Mahra sa mga taga-Manila, “isusulong ko po na madagdagan ang benipisyo ng senior citizens at gawing dalawang libo kada buwan, mula sa 500.

“Pangalawa, mabigyan sila ng recreational center at livelihood programs sa bawat distrito sa Maynila.

“Para naman sa mga kabataan, maglalagay ako ng libreng wifi para sa mga kabataan.

Marami rin hindi natutukang programa, kaya maraming tambay na kabataan na hindi nakakapag-aral. Isa yun sa magiging concern namin, kasi ang gusto namin ay ang tamang paglilingkod, pamamahala at talagang totoong programa na makikita ng mga tao.”

May isa pang binigyang-diin ni Mahra tungkol sa Maynila, na kung gustong paglingkuran, “kailangang maging transparent ang programa ng mayor. Tulad ng sinasabi na pabahay para sa mahirap ba ‘yun 5 thousand to 8 thousand pesos na babayaran? Kahit empleyado, mahihirapan na magbayad.

“Kaya ang gusto ko pong mangyari na ang budget ng Maynila na 34 billion a year, kailangan ipakita nila kung saan programa napunta, lalo na yung hindi naman makakatulong sa atin.

“Para malaman ng taong bayan kung magkano talaga ang pumapasok at saan napupunta ang binabayad nating mga tax at amilyar, na talagang pinaghirapan ng mga tao.”

Bukas ang pahayagang ito para naman sa magiging komento ng iba pang tumatakbo bilang Mayor ng Maynila.

(ROHN ROMULO)