ANG RESULTA ng isang recent survey na nagbanggit ng bahagyang pagbaba nang mahigit isang milyong pamilyang nakararanas ng gutom at kahirapan ay patunay na epektibo ang mga direktiba at programa ng gobyerno sa sektor ng agrikultura.

Ito ay ayon kay National Anti-Poverty Commission (NAPC) Secretary Lope Santos III, na ginawa ang pahayag matapos iulat ng OCTA Research na mahigit 1.3 milyong pamilya ang nakaraos sa gutom, samantalang 1 milyong pamilya naman ang umangat mula kahirapan.

“We defied the odds,” pahayag ni Santos, nang pinuri niya ang mga direktiba ng Malacanang na kontrahin ang rice hoarding, tanggalin ang pass-through fees, palakasin ang produksyon ng mga Pilipinong magsasaka at ibenta ang NFA rice nang mura sa merkado.

Sinabayan pa ito ng targeted na ayuda sa mga namamasada ng pampublikong sasakyan at pagbuhos ng production support tulad ng abono and binhi sa mga magsasaka.

Isinagawa ang survey noong Setyembre 30 hanggang Oktubre 4. Matatandaan na naharap ang bansa sa samu’t saring krisis tulad ng El Niño at nakaambang pagtaas ng presyo ng langis at bigas.

Ngunit sa kabila nito, tumaas nang 5.9% ang Gross Domestic Product ng Pilipinas at bumagsak sa 4.9% ang inflation.

Ayon kay Santos, bumalik din ang tiwala ng mga negosyante at foreign investors na nahikayat maglagak ng kapital sa ating bansa bunsod ng tamang polisiya at direksyon ng goberyno.

Aniya, inaasahan ding mas determinado na ang Malacanang mga polisiya nito tungo sa mas masaganang sektor ng agrikultura at tuloy-tuloy na pag-angat ng mga Pilipino mula sa kahirapan. (Daris Jose)

KAPWA pino-proseso na ng Pilipinas at Estados Unidos ang pagsusuri sa kung paano pa nila mapapabuti ang kakayahan at  pagtutulungan saklaw ang  military, politikal at ekonomiya.

Tinanong kasi ang Pngulo ukol sa bagong commitment ng Estdos Unidos sa pagtulong na matamo ang kapayapaan sa West Philippine Sea matapos bisitahin ang  United States Indo-Pacific Command (Indopacom) sa Honolulu, Hawaii.

“Well, again, it’s a process. We are in the middle of many assessments, many discussions kung (on) how we can improve our capabilities, how we can improve our coordination with the US, not only in the military, but also the political leadership,” ayon sa Pangulo.

“That encompasses not only security concerns, but also economic concerns because the thinking in this day is that you cannot be strong and you cannot be able to defend yourself if you are economically weak,” dagdag na pahayag nito sabay sabing “Both sides are working based on that premise.”

Ani Pangulong Marcos, napag-usapan  din ang seguridad, commitment sa ekonomiya, investments at  public private partnership (PPP).

Partikular na tinukoy nito ang pagdalo sa  Asia Pacific Economic Cooperation Leaders’ Meeting sa San Francisco, California, na aniya’y nangibabaw sa pag-uusap ukol sa teknolohiya.

“Karamihan ‘yung meeting namin was about technology and with tech companies. Bagay kasi nandyan ka na. San Francisco, Silicon Valley is just nearby. So we were able to do that,” ayon sa Pangulo.

“We were able to come to terms on some significant projects, programs that we would like to undertake in the Philippines. We talk about it so much about digitalization, about cybersecurity. And we made a lot of progress on this trip to make that part, that sector of our economy, that sector of our country a better one, a stronger one and a safer one,” aniya pa rin.

Nauna rito, binisita ni Pangulong  Marcos ang United States Indopacom Headquarters kung saan inilatag sa kanya ang “regional situation at security objectives” ng Estados Unidos at Pilipinas.

Si Admiral John Aquilino, Indopacom commander ang nagbigay sa Pangulo ng itinakdang briefing hinggil sa  kalagayan ng  Indo-Pacific, US Indo-Pacific Strategy at ang  “corresponding role” ng  Indopacom, at ang kakayahan na maaaring ibigay ng Estados Unidos sa Pilipinas bilang suporta sa “common security objectives” nito. (Daris Jose)

ITINUTURING ng  Southeast Asian bloc ASEAN na ang labanan sa military-ruled Myanmar ang pinakamabigat at mahirap na isyu para tugunan.

Sinabi ni Pangulong Ferdinand Marcs Jr., na may maliit na progreso tungo sa resolusyon at tumitinding labanan.

Sa pagsasalita ng Pangulo sa isang forum sa Hawaii streamed live sa Pilipinas, winika nito na mayroong commitment mula sa Association of Southeast Asian Nations (ASEAN), subalit ang usapin ay kumplikado kabilang na ang humanitarian impact.

Sinabi ng United Nations na mahigit sa milyong katao ang na-displaved  mula nang ilunsad ng military ang kudeta sa Myanmar noong 2021.

“There is a great deal of impetus for ASEAN to solve this problem. But it is a very, very difficult problem, ayon sa Chief Executive.

Samantala, ang PIlipinas naman ang uupong chairman ng ASEAN sa 2026 matapos  palitan nito ang Myanmar para sa nasabing taon. (Daris Jose)

TINATAYANG  80 infrastructure projects, ang maaaring pondohan sa pamamagitan ng Maharlika Investment Fund (MIF).

Ipinahayag ito ng Pangulo sa  isinagawang  Philippine Economic Briefing sa  Ritz-Carlton Hotel.

“In addition, we look forward to the operationalization of the Maharlika Investment Fund, the country’s first ever sovereign investment fund. It will serve as an additional source and mode of financing for priority projects of the government, including the infrastructure flagship. These projects offer high returns and significant social economic impact,” ayon sa Pangulo.

“Currently, we have identified about 80 potential infrastructure projects that are financeable through that fund, the Maharlika Investment Fund,” dagdag na wika nito.

Tinuran pa ng Pangulo na ang MIF ay magsisilbi bilang karagdagang “mode of financing” para sa mga proyekto ng gobyerno. (Daris Jose)

WINELCOME ng European Union (EU) at ni US ambassador Marykay Carlson ang paglaya ni dating Senador Leila de Lima matapos ang mahigit na 7 na taong pagkakabilanggo dahil sa kasong ilegal na droga.

Sa  kanyang X ( dating Twitter) account,  sinabi ni EU Ambassador Luc Veron  na siya ay  “Very pleased by the news of Leila de Lima’s release. A significant step for rule of law in the Philippines.”

“A positive turn in the pursuit of justice! I hope that resolution of the remaining charges will be accelerated,”  ayon pa kay Veron.

Kung matatandaan,  matagal nang ipinanawagan ng EU ang pagpapalaya kay de Lima, kasabay ang apela ng European Parliament  sa mga awtoridad ng Pilipinas na  “drop all politically motivated charges against Senator Leila de Lima, to release her while she awaits trial, to allow her to freely exercise her rights and duties as an elected representative, and to provide her with adequate security and sanitary conditions while in detention.”

Taong 2017,  inaprubahan ng  parliamentarians  ang isang joint resolution na nananawagan na palayain si de Lima at rebisahin  ng war on drugs  ng administrasyong Duterte.

Samantala, winelcome din ni US Ambassador to the Philippines MaryKay Carlson  ang pagpapalaya kay de Lima’ at sinabing patuloy nilang susundan ang kaso nito.

“Welcome news to see Leila de Lima approved for release at long last. We continue to follow her case closely and look forward to seeing the remaining charges against her resolved in accordance with Philippine law,” ang tweet ni Carlson.

Sa ulat, nakalaya na si de Lima makaraang payagan ni Muntinlupa  City Regional Trial Court Branch 206 Judge Gener Gito na makapagpiyansa ang dating mambabatas sa kinahaharap nitong kaso.

“Sweet freedom” ang unang naging pahayag ni de Lima nang makalabas ng kulungan.

Nakulong si De Lima noong panahon ni dating Pangulong Rodrigo Roa Duterte dahil sa umano’y pagtanggap ng pera mula sa mga nakakulong na drug lord sa National Bilibid Prison. (Daris Jose)

TITIYAKIN ng kamakailan lamang na ipinalabas na implementing rules and regulations (IRR) ng Maharlika Investment Fund (MIF)  na mayroong “accountability, openness, at efficacy” sa pagpapatupad ng batas.

Sinabi ni Department of Budget and Management Secretary Amenah Pangandaman na siniguro ni Pangulong Ferdinand R. Marcos Jr. sa mga miyembro ng  Maharlika Investment Corporation (MIC) Board, kung saan ang pangunahing trabaho nito ay “to rule and administer” ang MIC, assets nito, at investments” na naaayon sa batas,  “will have the necessary freedom to oversee the fund without undue political interventions that will impede its fulfillment of functions.”

“I am glad of this development, as this shall allow the MIC Board to have the liberty and flexibility to fulfill its mandate, and explore beneficial investment opportunities while adhering faithfully to the letter of the law and ensuring high-impact investments that are in line with the country’s socioeconomic development policies and programs,” ayon sa Kalihim sa isang kalatas.

Kumpiyansa naman si Pangandaman na sa pagtatapos ng taon ay magsisimula na ang operasyon ng MIF.

“The MIC, created under Republic Act (RA) 11954 or the Maharlika Investment Fund Act of 2023, shall act as the sole vehicle for mobilizing and utilizing the MIF for investments in transactions to generate optimal returns on investments while reinvigorating job creation and accelerating poverty reduction by sustaining the economy’s high growth trajectory,” ayon kay Pangandaman.

“The MIC will identify financially and commercially viable infrastructure projects to invest in and will formulate investment strategies covering emerging megatrends, such as environment, social and governance, digitalization, and health care,” aniya pa rin sabay sabing “As a member of the Philippine economic team, I commit my full and unequivocal support for the smooth implementation of the MIF’s IRR, with trust and confidence that MIF’s managers will perform their duties and responsibilities to the best of their abilities for the good of the nation.”

Matatandaang, tinintahan ni Pangulong Marcos ang RA 11954 upang maganp na batas noong Hulyo,  ito ang “first ever sovereign investment fund” na itinatag sa bansa. (Daris Jose)

NAGHAIN ng diplomatic protest ang Pilipinas laban sa Tsina  matapos ang panibagong insidente ng harassment at panghaharang ng Chinese Coast Guard at Chinese Maritime Militia sa barko ng Pilipinas habang nagsasagawa ng routine resupply at rotation mission sa BRP Sierra Madre sa Ayungin Shoal, araw ng Biyernes, Nobyembre 10.

Sa isang kalatas, iginiit ng  National Task Force-West Philippine Sea (NTF-WPS) na kailangang umalis ng bisinidad ng Ayungin Shoal ang  CCG vessel 5203 ginamitan ng water cannon ang M/L Kalataan at Unaizah Mae 1 para itaboy ang mga ito.

“The Philippine Embassy in Beijing has demarched the Chinese foreign ministry and protested these actions,” ayon sa  NTF-WPS.

“The Department of Foreign Affairs has also reached out to them and conveyed our protest directly through the Maritime Communications Mechanism,” dagdag na wika nito.

Ayon pa rin sa  NTF-WPS, bukod sa water cannon, nalagay din sa panganib ang dalawang barko dahil dinikitan sila ng mga barko ng Tsina.

“CCG vessel 5203 deployed a water cannon against Philippine supply vessel M/L Kalayaan in an illegal though unsuccessful attempt to force the latter to alter course,” ayon sa NTF-WPS.

“Supply boats Unaizah Mae 1 (UM1) and M/L Kalayaan were also subjected to extremely reckless and dangerous harassment at close proximity by CCG rigid-hulled inflatable boats (RHIB) inside Ayungin Shoal lagoon during their approach to BRP Sierra Madre,”  dagdag na pahayag ng NTF-WPS.

Sa ulat, sa kabila ng panghaharang, nagawa pa rin ng mga barko ng Pilipinas na maituloy ang resupply mission.

“The systematic and consistent manner in which the People’s Republic of China carries out these illegal and irresponsible actions puts into question and significant doubt the sincerity of its calls for peaceful dialogue,” ayon sa NTF-WPS.

“The Philippines, for its part, has acted responsibly, consistent with a rules-based international law, on the basis of UNCLOS and the 2016 Arbitral Award. Peace and stability cannot be achieved without due regard for the legitimate, well-established, and legally settled rights of others,” anito pa rin. (Daris Jose)

“ON the right track” ang admkinistrasyon ni Pangulong Ferdinand R. Marcos Jr. para magbigay ng affordable o abot-kayang halaga ng bigas sa merkado.

Sinabi ni National Economic and Development Authority (NEDA) Undersecretary Rosemarie Edillon sa press briefing sa Malakanyang na magpapalabas ang administrasyong Marcos ng “economies of scale” na sa kalaunan ay magiging daan para maisakatuparan na makapagbigay ng affordable rice sa merkado.

Inulit naman ni Edillon ang ipinahayag ni Pangulong Marcos sa sectoral meeting na ang agricultural production ay dapat na nasa commercial scale upang sa  gayon, ang mga magsasaka ay magawang makapaglagay sa tamang investment at ang “research at development” ay dapat na mapanatili sa iba’t ibang panig ng bansa.

“That is the general direction that we will be going to – kumbaga may economies of scale ka. So, kung ganun, going forward, yes, we can attain that pero, ayon nga, marami pang kailangan mangyari muna,” anito.

Hiningan kasi si Edillon ng reaksyon ukol sa naunang pahayag ni  Department of Agriculture (DA) Secretary Franciso Tiu Laurel Jr. na malabo pa sa ngayon ang P20.00 kada kilo ng bigas.

“But for now, rice prices in the market will remain the same, “At this time, hindi pa talaga pwede.” ayon kay Edillon sabay sabing “So, with respect to improvements ng R&D (research and development), ‘yung irrigation natin. Sa ngayon, ang ginagawa natin is ‘yung clustering of farms, farm consolidation, para maging malalaki ang mga, you know farm sizes. We should be able to replicate that across the country.

At nang tanungin kung ang presyo ng bigas ay maaaring gawing  P20.00 kada kilo bago matapos ang termino ni Pangulong Marcos, ang tugon ni Edillon ay ‘isa itong mithiin’ ni DA Secretary Laurel,  giit  ni Edullon na mas maalam o marunong ang DA Secretary  pagdating sa agriculture sector.  (Daris Jose)

“WALANG personalan, trabaho lang,” ito ang naging pahayag ni Speaker Ferdinand Martin Romualdez laban sa mga kritiko, pagbabanta, at pananakot saan man ito nanggaling.

Sa kanyang talumpati sa muling pagbubukas ng sesyon, tinuligsa ni Romualdez ang iilan na ang intensyon ay lumikha umano ng pagkakawatak-watak ng bansa.

“Tatayo ako laban sa sinuman na mananakot sa atin para masunod lamang ang gusto nila. Titindig ako – tayong lahat – para sa kapakanan ng bayan. Nagkakaiba man tayo ng pananaw at paniniwala, nagkakaisa tayong tumitindig kung intaatake ang ating institusyon. Hindi rin natin papayagan ang sinuman na pigilan tayo sa paggampan ng ating mandato sa ating mga kababayan,” ani Speaker.

Sinabi pa nito na bagama’t ang Kamara ay mayroong mga miyembro na nanggaling mula sa iba’t ibang grupo, isinasantabi umano ang mga pagkakaibang ito upang ipagtanggol ang institusyon at miyembro nito laban sa mapagsamantalang motibo na nais lamang alisin ang kanilang atensyon sa pagganap ng kanilang mandato.

Binigyan-diin ni Romualdez na ginamit ng Kamara ang kapangyarihan nito ng ilipat ang bahagi ng panukalang budget para sa susunod na taon sa mga proyekto at programa na sa tingin nito ay mas kinakailangang mapondohan.

Sinabi ni Speaker na ginagawa lamang ng mga miyembro ng Kamara ang kanilang trabaho.

Ayon kay Romualdez, handa siyang tumayo upang ipaglaban ang aksyon at desisyon ng Kamara kaninuman.

Idinagdag nito na sa kabila ng mga nagawa ng Kamara ay mayroon pa ring mga sektor o indibidwal na hindi nasisiyahan dahil iba ang kanilang prayoridad kaya kanilang sinisiraan ang institusyon.

Nagpasalamat naman si Speaker Romualdez sa kanyang mga kasamahan sa kanilang pagpupunyagi kaya maganda ang pagtingin ngayon sa Kamara.

Patunay umano rito ang mataas na rating na kanyang nakuha sa OCTA Research survey na mula 38 porsyento noong 2022 ay umakyat sa 60 porsyento ang kanyang trust rating sa survey noong Oktobre 2023.

Tumaas din ang performance rating ni Romualdez na mula 44% noong 2022 ay naging 61% sa survey noong Oktobre.

Ang rating na nakuha ni Speaker noong Oktobre ay mas mataas din ng tig-6% kumpara sa resulta ng survey noong Hulyo.

Ang resulta ng survey, ayon sa lider ng Kamara ay pagpapakita na tama ang direksyong tinatahak ng Kamara.

Naalala rin ni Romualdez ang kanyang pangako noong siya ay nanalong Speaker na isusulong ang parehas na distribusyon ng resources ng gobyerno saang partido man ito nanggaling.

Sinabi pa ni Speaker na marapat na hayaan ang mga nagawa ng Kamara upang maipakita ang loyalty nito sa bansa, Konstitusyon, at mga Pilipino. (Ara Romero)

WELCOME kay Pangulong Ferdinand R. Marcos Jr. ang mas pinalaking “Bagong Pilipinas Serbisyo Fair” (BPSF) sa Santa Cruz, Laguna kung saan naghahandog ng serbisyo ang gobyerno.

Sinabi ni Special Assistant to the President Antonio Ernesto Lagdameo Jr., tumayong kinatawan ni Pangulong Marcos, layon ng BPSF na makapagbigay ng mabilis at maayos na serbisyo mula sa pamahalaan.

“Ito po ay alinsunod sa adhikain ng ating Pangulo na maisulong ang isang Bagong Pilipinas kung saan naipa-aabot ang paglilingkod ng gobyerno sa paraang mabilis, maayos, at abot-kamay ng bawat Pilipino,”  ayon kay Lagdameo sa kanyang naging talumpati.

“Tandaan po ninyo na ang gobyerno ay palaging buong-puso at handang umagapay sa inyo sa lahat ng oras, lalong-lalo na sa mga kababayan nating pinakanangangailangan,” aniya pa rin.

Ang government services gaya ng aplikasyon para sa “renewal of application” at iba pang kahilingan para sa tulong ay ibinibigay sa  panahon ng  BPSF, nilahukan ng national at  local government offices.

Kasabay ng  BPSF ay ang paglulunsad ng Cash and Rice Distribution (CARD) Program, isinagawa sa pakikipagtulungan sa Mababang Kapulungan ng Kongreso at Department of Social Welfare and Development.

Sa ulat, sabay-sabay na ikinasa ang CARD Program sa 33 legislative district ng  Kalakhang Maynila  na may 10,000 “poor and vulnerable beneficiaries” bawat isa para sa kabuuang bilang na 330,000 recipients.  ang distribusyon ay hinati sa apat na payouts.

Mayroon din namang 3,000 benepisaryo sa  City of Biñan at 2,000 sa City of Santa Rosa sa lalawigan ng Laguna.

Matatandaang, pinangunahan ni Pangulong Marcos ang BPSF national launch sa Nabua, Camarines Sur noong Setyembre 23, kasabay sa idinaos na paglulunsad sa Monkayo, Davao de Oro; Tolosa, Leyte; at Laoag, Ilocos Norte.

“Ang programang ito ay isa lamang sa mga unang hakbangin ng pamahalaan upang magkaroon ng bagong pag-asa at bagong simula ang mga Pilipino. Magkakahiwalay man ang ating mga isla, pinagbubuklod-buklod naman tayo ng isang diwa at isang pangarap – isang bagong Pilipinas para sa bagong Pilipino,”  ayon sa Pangulo sa kanyang naging talumpati sa Camarines Sur Polytechnic College gymnasium.

Samantala, pinasalamatan naman ni Lagdameo  ang mga lokal na opisyal na nag-isip at isinakatuparan ang proyekto at hiniling sa mga ito na patuloy na makipag-ugnayan para suportahan ang lahat ng mga inisyatiba ng  national government.

Pinaalalahanan din nito ang mga opisyal na buksan ang puso sa pagsisilbi sa mga kapwa-tao.

“Makasisiguro po kayo na hindi titigil ang ating administrasyon, sa pangunguna ng ating mahal na Pangulo, sa pagsisilbi sa bayan at sa pagtiyak na lahat ng mga mamayan ay kasama natin sa kaunlaran,” ayon kay Lagdameo. (Daris Jose)