ALINSUNOD sa pagdiriwang ng 26th Charter Day ng Valenzuela City, pinangunahan ni Mayor WES Gatchalian ang pagpapasinaya at pagbabasbas sa bagong gawang Malinta Pumping Station, at dalawang bagong gusali ng Pinalagad Elementary School sa Barangay Malinta.

Ang bagong gawang pumphouse ay matatagpuan sa Barangay Malinta na isang mahalagang proyekto ng Lungsod bilang solusyon para maiwasan ang mga pagbaha sa panahon ng tag-ulan sa mababang lugar ng Malinta at mga karatig barangay ng Lungsod ng Malabon.

Sa kasalukuyan, may kabuuang bilang na 24 pumping station ang lungsod kabilang itong bagong bukas na pumphouse na may tatlong unit ng 270-horsepower water pump na may kapasidad na 2 cubic meters para sa bawat pump at isang 500 KW electric generator para sa backup.

Bukod dito, pinangunahan din ni Mayor WES ang pagbubukas ng dalawang bagong 4-storey school building sa Pinalagad, Barangay Malinta na nakatayo sa 300-square-meter na lote na donasyon ng pamilya Gan kung saan mayroon itong 24 na silid-aralan, isang activity center, isang cafeteria, at isang administrative at faculty office.

Ang bagong Pinalagad Elementary School na ito ay maaaring tumanggap ng humigit-kumulang 1,000 mag-aaral bawat araw at tumutugon sa pangangailangang magtayo ng bagong paaralan sa loob ng komunidad ng Pinalagad.

Sa kanyang maikling pahayag, ibinahagi ni Mayor WES ang kanyang inspirasyon kung paano siya nakabuo ng mga makabuluhang proyekto para sa Pamilyang Valenzuelano sa Sitio Pinalagad.

“Sa totoo lang, hindi ko po nakikita ang vision noong panahon, dahil alam kong napakasikip ng lugar natin. Nagsisikipan ang mga bahay dito, nagsisiksikan ang mga tao dito, dahil wala po tayong lupa. Pero pwede palang mangyari ang isang bagay na akala natin ay imposible. Dito sa Pinalagad ay nagtayo po tayo ng gusali na maaaring magbigay ng classroom sa mahigit isang libong estudyante,” aniya.

Nagpahayag din ng pasasalamat si Mayor WES kay Mr. Kelvin Gan at sa kanyang pamilya sa pagbibigay ng lote kung saan matatagpuan ang bagong pampublikong paaralan. (Richard Mesa)

INAPRUBAHAN ni Pangulong Ferdinand Marcos Jr. at in-adopt ang 10-year Maritime Industry Development Plan 2028 (MIDP), magsisilbi bilang whole of nation roadmap ng bansa para sa integrated development at strategic direction ng maritime industry.

Sa apat na pahinang Executive Order No. 55 na nilagdaan ni Executive Secretary Lucas P. Bersamin noong Pebrero 8, tinukoy ni Pangulong Marcos ang pangangailangan na aprubahan at i-dopt ang MIDP upang mapagtanto at mauunawaan ang potensiyal ng Pilipinas bilang maritime nation.

“To fully realize our potential as a maritime nation, the country requires a clearly defined and coordinated roadmap that shall accelerate the integrated development of the Philippine Maritime Industry,” ayon sa Pangulo.

Sinabi ng Pangulo na “the MIDP envisions a strong and reliable Philippine Merchant Fleet, which addresses sea transport requirements in support of national development, consistent with the country’s “AmBisyon Natin 2024” of a strongly rooted, comfortable and secure life for all Filipinos.”

Sinabi pa rin nito na dapat na mag-adopt ang MARINA Board ng sistema para sa epektibong implementasyon, monitoring at pagrerebisa ng MIDP, at component programs, kabilang dito ang modernisasyon at pagpapalawak ng

domestic shipping at promosyon at pagpapalawak ng overseas shipping industry.

“The modernization, expansion and promotion of shipbuilding and ship repair industry; promotion of highly-skilled and competitive maritime workforce; enhancement of maritime transport safety and security; and promotion of environmentally sustainable maritime industry are also part of the component programs,” ayon sa EO.

Kabilang naman sa component programs ang implementasyon ng “maritime innovation, transformation, digitalization at knowledge center” at adopsyon ng epektibo at episyenteng maritime administration governance system.

Ang lahat naman ng ahensiya ng pamahalaan at instrumentalities ay dapat na nakahanay at naaayon ang kanilang mga polisiya at ‘courses of action’ upang matiyak ang epektibong implementasyon habang ang MIDP Technical Board (TB) ay nilikha para tumulong sa board sa pagpapatupad, pagmo-monitor, updating at pagrerebisa ng programa.

Ang MIDP TB ay bubuuin ng mga kinatawan mula sa MARINA Board na may ranggo na hindi mas mababa sa Assistant Secretary, o katumbas nito habang maaaring namang mag-imbita ang board o humikayat ng mga kalahok mula sa ibang kaugnay na ahensiya o instrumentalities bilang karagdagang miyembro, kung kinakailangan sa pagganap at tungkulin ng MIDP TB.

Samantala, maaaring makakuha ng buong kopya ng EO 55 sa Official Gazette kung saan nakasaad ang mga tungkulin ng MIDP TB. (Daris Jose)

IPAGDIWANG ang pagmamahal sa sarili ang “friendly reminder” ni Pangulong Ferdinand Marcos Jr. sa mga “Bagong Pilipino” ngayong nalalapit na ang Araw ng mga Puso.

Sa short video message ng Chief Executive sa kanyang  official Instagram account, sinabi ni Pangulong Marcos na alam ng mga “Bagong Pilipino”  kung paano pangangalagaan ang kanilang sarili.

“Kaya’t ngayong Buwan ng mga Puso, ipagdiwang natin ang pagmamahal sa ating mga sarili,” ang sinabi ni Pangulong  Marcos habang nasa treadmill.

“Alagaan natin ang ating mga puso dahil walang ibang mag-aalaga diyan kung hindi ikaw lang, lalo na kung single ka,” ang paalala ng Punong Ehekutibo.

Samantala, ang Valentine’s Day sa Pebrero 14 ay hindi lamang pinagdiriwang ang Araw ng mga Puso kundi ito rin ay hudyat ng pag-sisimula ng pag-aayuno, pagsasakripisyo’t pinetensya.

Ang Ash Wednesday o may opisyal na pangalang Day of Ashes ay araw ng pag-aayuno at unang araw ng Lenten Season sa mga debotong katoliko at ilang relihiyon na naniniwala dito.

Ang abo ay ginagamit noong sinaunang panahon bilang tanda ng pighati. Kaya naman bilang tanda ng pagsisisi at pag-amin sa mga kasalanang nagawa. Ipinagpatuloy ng mga kristiyanong katoliko ang paggamit sa abo bilang palatandaan sa noo at minsan ay inilalagay sa ulo na umpisa na ng Miyerkules ng Abo. (Daris Jose)

NAKIISA si Pangulong Ferdinand R.Marcos Jr. sa Muslim community sa pagdiriwang ng ‘Isra Wal Mi’raj” o The Night journey and Ascension of the Prophet Muhammad.

“As one of the most celebrated events in Islam, The Night journey and Ascension of the Prophet Muhammad (peace be upon him) gives a perfect picture of the rewards that our Muslim brothers and sisters may reap by having faith in the All-Hearing and All-Seeing Allah,” ang bahagi ng mensahe ni Pangulong Marcos.

“More than that, the narrative also magnifies the glory and might of Allah who revealed, during this difficult and perilous journey, the virtue of pursuing righteousness and the incomparable prize that await us when we remain true and devoted to our faith and our convictions,” ayon pa rin sa Pangulo.

Binigyang-diin ng Chief Executive na ang nasabing okasyon ay pinagmumulan ng lakas para mapanghawakan at maharap nila ang mga mahihirap at mabibigat na mga pangyayari sa kanilang buhay.

“Through these, we are forged to become not only living witnesses of our faith but also Allah’s agents of transformation a n d renewal here on Earth,” aniya pa rin.

“Let this occasion imbue us with increased courage and optimism as w e collectively face and transform the future of our nation to be more peaceful, inclusive, and progressive for all Filipinos to enjoy,” dagdag na wika ng Pangulo.

Para sa mga Muslim, ang araw na ito ay nauugnay sa paglalakbay ni Propeta Mohammad mula sa Mecca patungong Jerusalem at sa kanyang pag-akyat sa langit. (Daris Jose)

MULI  namang nanindigan si Abalos na isang paglabag sa konstitusyon kung may magtatangkang ihiwalay ang Mindanao sa Pilipinas.

Kung sa posibilidad naman aniya ng paghahabla sa dating Punong Ehekutibo kasunod ng mga naging pahayag nito na may kaugnayan sa pagnanais nitong ihiwalay na ang Mindanao sa Republika ng Pilipinas, bahala na aniya ang DOJ ukol dito.ang Department of Information and Communications Technology (DICT) sa posibleng pagtaas ng “deepfakes at Iba pang artificial intelligence-generated fake videos” lalo pa’t nalalapit na ang 2025 mid-term elections near.

Ang Deepfake ay isang pamamaraan ng paglikha at pag-publish ng maling impormasyon sa anyo ng mga video, audio at mga larawan.

Sa gitna ng nasabing banta, nanawagan ang mga stakeholders ng isang batas na tutugon sa concerns o alalahanin na ito sa nasabing teknolohiya.

“Mas advanced lang ngayon ang cognitive warfare because they can mimic actual personalities. This is the use of fake news or disinformation in order to shape people’s opinion,” ang sinabi ng DICT Undersecretary Jeffrey Ian Dy sa House Committee on Information and Communications at House Committee on Public Information, araw ng Martes.

“There are news reporters na nag-endorse daw ng isang produkto gamit ang kanyang video, pati ang kanyang audio recording dinub sa video niya to make it look like that she is endorsing a particular product when in fact she did not,” paliwanag nito.

“We believe that especially with the upcoming elections, this particular threat might increase, and we might be unable to cope with the volume of the expected influx of requests to take down AI-generated false statements and false news,” ayon pa rin kay Dy.

“Na-obserbahan ko, wala pa tayong batas sa deep fakes, malapit na pong mag-eleksyon, dapat gumawa tayo ng batas tungkol dito para mapagbawalan o ma-regulate ang paggamit ng AI,” ang sinabi naman ni cybersecurity analyst Art Samaniego Jr.

Ayon sa DICT, ang mga biktima ng deepfakes ay maaaring magtungo sa departamento at Cybercrime Investigation and Coordinating Council upang sa gayon ay maaari nilang ipaalis ang online material.

Hinikayat naman ng mga eksperto ang publiko na suriing mabuti ang mga video at mga ilarawan na nakikita nila sa online, lalo na sa mga kahina-hinalang accounts.

Binigyang diin ni Samaniego ang pangangailangan na turuan ang publiko ukol sa panganib ng cyberattacks at kung paano manatiling ligtas sa online. Pinayuhan niya ang pamahalaan na mamuhunan sa “research” at kumuha ng bagong “cybersecurity technologies and solutions.”

Samantala, nagpatawag ng briefing si House Speaker Ferdinand Martin Romualdez mula sa DICT sa gitna ng kamakailan lamang na cyberattacks sa ilang Philippine government websites na sinasabing di umano’y mula sa Chinese hackers.

“The breaches have targeted domains such as the cabsec.gov.ph, coastguard.gov.ph, cpbrd.congress.gov.ph, dict.gov.ph, doj.gov.ph, ncws.gov.ph, and the private domain of President Ferdinand “Bongbong” Marcos Jr,” ayon sa ulat.

Sinabi ng DICT na may ebidensiya na nagtuturo na ang mga perpetrators ay maaaring nago-operate sa pamamagitan ng Chinese networks, subalit wala namang ebidensiya na direktang magu-ugnay sa insidente sa Chinese government.

“Investigation showed that the attackers have multiple IP addresses coming from cnc.net, which is located in China. OWWA detected a total of 17,144 attempts from January alone, coming from multiple Chinese IP addresses,” ayon kay Dy.

“Our investigation currently holds circumstantial evidence suggesting that alleged perpetrators may have operated through Chinese networks and utilized tactics, techniques and procedures associated with known Chinese advanced persistent threat actors. However, it is crucial to understand that at this stage, we lack direct evidence conclusively linking these incidents to be having the authorization of the Chinese government,”diing pahayag ni Dy. (Daris Jose)

PALALAKASIN ng Department of Agriculture (DA) ang hybrid rice para pagaanin ang epekto ng El Niño phenomenon sa mga apektadong lupang sakahan.

“Iyong pakay natin doon sa programa ng ating Masagana Rice Industry Development Program ay iyong pagpapalakas ng hybrid, dahil alam natin na kapag dito sa dry season, maganda iyong performance ng hybrid ,” ayon kay DA spokesperson, Assistant Secretary Arnel De Mesa.

Sinabi ni De Mesa na hindi kasi sapat ang tubig sa rain-fed areas lalo pa’t inaasahan na bibigwas ang El Niño mula Pebrero hanggang Marso at hihina naman pagdating ng Abril.

Aniya, kasunod ng kanilang pagbisita noong nakaraang linggo sa mga lugar sa Pampanga, Bulacan, Nueva Ecija, Ilocos, at Cagayan Valley, sinabi niya na sapat pa naman ang irigasyon.

“Sapat pa naman iyong tubig lalo na sa Angat at Pantabangan Dam at inaasahan natin na maganda iyong tayo ng ating mga palayan doon ,” ayon kay De Mesa.

At upang matulungan ang mga magsasaka sa lugar na labis na maaapektuhan ng El Niño, naghanda naman ang DA para sa cloud seeding operations at distribusyon ng small-scale irrigation projects.

Hinikayat din ng departamento ang mga magsasaka na magtanim ng mga pananim na hindi na kakailanganin ang sobrang tubig at obserbahan ang “alternate wetting and drying” para mabawasan ang pangangailangan para sa water consumption sa mga lupang sakahan.

“Naglaan din ang Philippine Crop Insurance Corporation ng PHP1.8 billion, para ma-insure iyong mahigit sa 916,000 na magsasaka mula January hanggang June ngayong taon at naglaan din kami ng halos kalahating bilyong piso (500 million) para sa mahigit 200,000 na mga magsasaka na puwedeng maapektuhan ng El Niño,” ani De Mesa.

At nang tanungin kung ang Pilipinas ay maaaring maging self-sufficient sa rice supply sa 2028, tinuran ni de Mesa na titiyakin ng DA na ilalatag nito ang lahat ng kanilang proyekto lalo na sa irigasyon upang masiguro na tataas ang lokal na produksyon ng bigas. (Daris Jose)

MAPIPILITAN ang national government na gumamit ng kapangyarihan at puwersa laban sa mga taong magtatangka na ihiwalay ang Mindanao mula sa Pilipinas gaya ng ipinanawagan ni dating Pangulong Rodrigo Roa Duterte.

“The National Government will not hesitate to use its authority and forces to quell and stop any and all attempts to dismember the Republic,” ayon kay National Security Adviser Secretary Eduardo Año.

“Any attempt to secede any part of the Philippines will be met by the government with resolute force, as it remains steadfast in securing the sovereignty and integrity of the national territory,” diing pahayag ni Año.

Binigyang-diin ni Año ang kahalagahan ng “national unity, security and stability” sabay sabing ang panawagan na dibisyon o paghahatid sa bansa ay “only serve to undermine our collective progress and prosperity.”

“The strength of our country lies in our unity and any attempt to sow division must be rejected by all sectors unequivocally,” ani Año.

Si Año ay nagsilbing Armed Forces of the Philippines (AFP) Chief of Staff at Kalihim ng Department of the Interior and Local Government (DILG) sa ilalim ng administrasyong Duterte.

“It is imperative for all Filipinos to uphold the principles enshrined in our Constitution which espouses the unity and territorial integrity of our nation. Any suggestion of secession not only runs counter to the Constitution but also threatens to undo the hard-won gains of peace and development, particularly in Mindanao,” ayon pa rin kay Año.

Noong nakaraang linggo, inihirit ni Digong Duterte ang paghiwalay ng Mindanao sa Pilipinas.

Sa pulong balitaan sa Davao, sinabi ng dating Pangulo na ito ay maisasagawa sa pamamagitan nang pagkalap ng mga pirma.

Kasabay naman ng panawagan ni Digong dumistansya ang mga senador sa plano na isulong ang paghihiwalay ng Mindanao sa Pilipinas. (Daris Jose)

KINONTRA ni dating Pangulong Rodrigo “Digong” Roa Duterte ang naging pahayag ng Philippine Drug Enforcement Agency (PDEA) na wala at hindi kailanman nakasama ang pangalan ni Pangulong Ferdinand Marcos Jr. sa drug watch list nito.

Ang pangako ni Duterte, ipalalabas niya ito sa publiko kapag nakuha na niya ang nasabing dokumento.

Araw ng Linggo, nanguna si Digong Duterte sa prayer rally laban sa people’s initiative at Charter change.

Sinabi pa nito na si Pangulong Marcos ay nasa drug watch list ng PDEA.

Hayagang itinanggi naman ng PDEA nitong Lunes na kasama si Pangulong Marcos sa kanilang drug watchlist.

Matatandaang nitong Linggo, isiniwalat ni dating Pangulong Rodrigo Duterte na kasama raw sa drug watchlist ng PDEA si Marcos.

“Sabi mo ngayon, ‘yung PDEA wala raw record. Itong mga PDEA, mga ugok ‘to. Sino ba namang PDEA magbigay… ‘Sir, ito yung record mo du’n sa narco,” ayon kay Digong Duterte.

“But anyway, hanapin ko ‘yun. As soon as it is in my hands, I will release it,” dagdag na pahayag nito sabay sabing “Yung Presidente manghingi ng sarili niyang derogatory report, ibigay mo? Tingnan mo kung wala na si Marcos, maglabasan uli ‘yan.”

Samantala, tinawanan na lamang ni Pangulong Marcos ang mga alegasyon sa kaniya ni dating Pangulong Duterte na umano’y nasa drug watch list siya ng PDEA.

Sa ambush interview dito sa Villamor airbase bago umalis ang pangulo patungong Vietnam, sinabi ni PBBM na ang mga tirada ni dating Pangulong Rodrigo Duterte laban sa kanya ay maaaring dahil sa paggamit umano ng fentanyl o pain killer. (Daris Jose)

NANANATILI si Pangulong Ferdinand R. Marcos Jr. sa kanyang posisyon na plantsahin sa pamamagitan ng mapayapang resolusyon ang territorial dispute sa South China Sea (SCS) kasama ang China at Iba pang claimants.

Sinabi ni Pangulong Marcos kina Vietnamese President Vo Van Thuong at Vietnamese Prime Minister Pham Minh Chinh sa magkahiwalay na pakikipagpulong sa Hanoi na nais ng Pilipinas na kagyat na matugunan ang maritime row sa pamamagitan ng mapayapang dayalogo at konsultasyon.

“On regional and international issues, the South China Sea remains to be a point of contention,” ayon kay Pangulong Marcos.

“We are firm in defending our sovereignty, sovereign rights, and jurisdiction against these Chinese provocations. But at the same time, we are also seeking to address these issues with China and all other partners through peaceful dialogue and consultations as two equal sovereign states,” dagdag na wika nito.

Dismayado naman ang Chief Executive sa “unilateral and illegal actions that violate our sovereignty, sovereign rights, and jurisdiction, and exacerbate tensions” ng China sa SCS.

Ikinalungkot naman niya ang agresibong aksyon ng Tsina na nauwi sa insidente sangkot ang Chinese at Philippine vessels.

Sa kabila nito, tiniyak ng Pangulo na ang posisyon ng Pilipinas sa isyu ng SCS “has been consistent, clear, and firmly anchored in the 1982 United Nations Convention on the Law of the Sea.”

“As a maritime nation, we share a similar assessment of the current state of our regional environment with other maritime nations of the Asia-Pacific. Our countries have crucial roles to play in shaping the regional security discourse and in upholding the rules-based international order,” ayon sa Punong Ehekutibo.

“I also wish to stress that the Philippines has an independent foreign policy. The Philippines considers both the United States and China as key actors in maintaining peace and security, as well as economic growth and development of our region,” aniya pa rin.

Binigyang diin ni Pangulo na ang “sailings at air traffic” sa SCS ay dapat na “remain free” para sa malaking halaga ng kalakalan na dumadaan sa naturang katubigan.

At dahil na rin sa patuloy na interest ng Vietnam na magsagawa ng Joint Submission on Extended Continental Shelf to the United Nations Commission on the Limits of the Continental Shelf (CLCS), winika ng Pangulo na handa ang Pilipinas na maktrabaho ang nasabing bansa sa joint submission subalit “sa tamang panahon.”

Committed aniya ang Pilipinas na makatrabaho ang ibang “like-minded” states para matiyak ang rules-based international order sa Asia-Pacific region na may gabay ng international law.

“Our support for ASEAN (Association of Southeast Asian Nations) centrality and the ASEAN Outlook on the Indo-Pacific as the foremost regional framework and as the architecture for collective peace, stability and prosperity remains steadfast,” anito.

Samantala, nanawagan naman ang Pangulo para sa “long-lasting” resolution ng international conflicts.

Nabanggit ito ng Pangulo dahil na rin sa tumitinding tensyon sa Taiwan Strait, Myanmar, Gaza, Lebanon at Red Sea.

“The Philippines stands ready to work with other countries towards a long-lasting resolution to the conflict in accordance with pertinent UN (United Nations) Security Council Resolutions and the general principles of international law,” ayon kay Pangulong Marcos.

Samantala, pinasalamatan naman ng Pangulo ang Vietnam para sa pagsuporta nito sa hangarin ng Pilipinas na masungkit ang pagiging non-permanent member ng UN Security Council para sa taong 2027-2028. (Daris Jose)

ISINUSULONG  ng isang mambabatas ang panukalang pagataw ng mas mabigat na parusa sa law enforcers at ibang persons in authority na sangkot sa pagtatakip o paggalaw sa ebidensiya sa mga kaso na may kaugnayan sa drugs at iba ang heinous crimes.

Sa panukala ni Bicol Saro Partylist Rep. Brian Raymund Yamsuan, nais nitong patawan ng 20 taong pagkabilanggo ang napatunayang nagkasala mula sa kasalukuyang maximum 12-taong pagkakakulong.

“Law enforcers and other persons in authority are responsible for  maintaining public order and preventing crime.  They should be held to a higher standard of behavior and conduct as protectors of the people,” ani Yamsuan, dating assistant secretary ng Department of the Interior and Local Government (DILG).

Ayon sa mambabatas, kung sila mismo ang magiging problema sa kaso kapag naging kasabwat o accessories sa krimen ay tatanawin silang ‘hoodlums in’ na nararapat na mapatawan ng mabigat na parusa sa ilalim ng batas.

Upang maipataw ang mabigat na parusa, layon ng House Bill (HB) 7972 na maamyendahan ang Article 19 ng Revised Penal  Code upang maisama sa mapapatawan ng mas mabigat na parusa ang mga persons in authority na nagsilbing kasabwat sa komisyon ng krimen.

Sinabi ni Yamsuan na sa ilalim ng kasalukuyang batas, ang heinous crimes tulad ng drug trafficking ay may parusang reclusion perpetua o pagkakakulong ng 20-40 taon habang ang nagsilbing accesories o kasabwat ay may parusang 6-12 taong pagkakakulong.

Sa HB 7972, nais ng mambabatas na mapatawan ng mabigat na parusa ang kasabwat na law enforcersat iba pang persons in authority kung saan ang parusa ay  reclusion temporal o pagkakakulong ng 12-20 taon.

Nakapaloob sa Republic Act 7659, kasama sa heinous crimes ay ang “importation, distribution, manufacturing and possession of illegal drugs. Other offenses classified as heinous crimes are treason; piracy in general and mutiny on the high seas in Philippine waters; qualified piracy; qualified bribery; parricide; murder; infanticide; kidnapping and serious illegal detention; robbery with violence against or intimidation of persons; destructive arson; and rape.” (Ara Romero)