IPINAG-UTOS ni Pangulong Ferdinand R. Marcos Jr. ang konsolidasyon ng panukalang pagbabago o amiyenda sa decades-old Republic Act (RA) 9184 o  Government Procurement Reform Act (GPRA).

Nagbigay ng direktiba ang Pangulo ayon kay Budget Secretary Amenah Pangandaman sa sectoral meeting sa Palasyo ng Malakanyang kasama ang mga miyembro ng gabinete.

“During our meeting with the President, we were directed to have a consolidated amendments to the existing GPRA that we will present to House and the Senate,” ani Pangandaman sa press briefing sa Malakanyang.

“Isusulat lang po namin ng maayos ito in a form of an amendment doon sa mga provision, sa mga  existing provisions and then we will sit down with the House and Senate counterparts,” dagdag na wika nito.

Ani Pangandaman, ang “specific  amendments” sa umiiral na probisyon ng  GPRA ay ipalalabas sa loob ng dalawang linggo.

Binigyang diin na  “a lot of amendments” ay gagawin,  sinabi ni Pangandaman na ang panukalang revisions ay hahatiin sa anim na items, ito ay ang “innovative procurement methods; efficiency in the procurement process; procurement planning and budgeting; digitalization and innovation; green procurement; at amendments to miscellaneous provisions.”

Ang panukala aniyang pag-amiyenda ay naglalayong tugunan ang usapin na nakasasakit sa  public service delivery at tugunan ang underspending ng ilang  government agencies.

“We have also been hounded by controversies linked to the Philippine procurement system. That’s why our President is correct that we need to make government procurement more attuned to our changing times. Procurement affects us everyday, not just us in the government but the Filipino people,”ayon sa Kalihim.

“Of our total national budget, up to 25 percent po diyan  is done to procurement. So, for this year, our total budget is PHP5.268 trillion so it’s roughly PHP1.3 trillion. So, it’s quite a huge amount. These are the reasons that these reforms have become necessary albeit tedious,” dagdag na wika nito.  (Daris Jose)

SINABI  ni  Department of Budget and Management (DBM) Secretary Amenah F. Pangandaman na naglaan ang gobyrno ng P2 billion sa panukalang 2024 National Expenditure Program (NEP).

Binigyang diin ng Kalihim ang “prevention, treatment, at control of non-communicable diseases” gaya ng  cancer bilang isa sa “key priorities” ni Pangulong Ferdinand R. Marcos, Jr.

Tinuran ni Secretary Pangandaman na ang 18,695 cancer patients ang makikinabang mula  sa  P1.024 billion na pondo sa ilalim ng  Prevention and Control of Non-Communicable Diseases,  sakop nito ang  procurement ng 61 na iba’t ibang cancer commodities gaya ng  Trastuzumab 600 mg/5mL, Docetaxel 40 mg/mL, at Paclitaxel 6 mg/mL.

“Kapag nakikita ko ang mga pasyente, lalo na ‘yung mga bata… minsan, hindi ko mapigilan umiyak. But I know in my heart that I need to be strong. And I remain strong in finding better ways to give them all the help and support they need,” ayon sa Kalihim.

Idagdag pa sa  Cancer Control Program, may P1 billion  ang ilalaan sa  Cancer Assistance Fund (CAF) para i- subsidize  ang patuloy na medical aid para sa  6,666 cancer patients na nakarehistro sa  31 cancer access sites sa buong Pilipinas.

“The CAF will partially finance outpatient and inpatient cancer control services. This include,  but is not limited to, therapeutic procedures and other cancer medicines needed for the treatment and management of cancer and its care-related components,” ayon sa DBM.

“The CAF aims to fill the financial gap in cancer diagnostics and laboratories, which PhilHealth does not cover. On average, Filipino families spend approximately P150,000 per patient for these treatments,” ayon pa rin sa departamento.

Samantala, ang natitirang  P682.709 million ng  P1.7 billion na inilalaan sa ilalim ng Prevention and Control of Non-Communicable Diseases initiative ay gagamitin sa mental health patients na tinatayang umabot na sa  124,246.

Ang nasabing halaga ay gagamiting pondo para sa  mental health medications kabilang na ang Sodium Valproate 250 mg, Paliperidone Palmitate 100 mg, at Haloperidol 5 mg/mL para sa 362  pasyente na may mental health sa iba’t ibang lugar sa bansa. (Daris Jose)

“AFRICA positioning itself as an emerging major economy has brought global excitement, and the Philippines could seize the opportunity by forging stronger partnership with Ethiopia, one of the region’s major economies.”

Ito ang sinabi ni Pangulong Ferdinand R. Marcos Jr. matapos na mainit na tinanggap si Ethiopian Ambassador Dessie Dalkie Dukamo sa Palasyo ng Malakanyang.

“I think the whole world is very excited about — how most of Africa is positioned in terms of — now coming and emerging… as major economy, as they already are,” aniya pa rin.

Ani Pangulong Marcos, ang Pilipinas at Ethiopia ay maaaring mag-explore ng maraming bagay pagdating sa larangan ng kalakalan, transfer of technology at iba pang  exchanges o pagpapalitan.

Sinabi pa nito na kinilala ng Pilipinas ang agrikultura bilang priority sector dahil sa pangangailangan na suportahan ang mga kailangan ng mga mamamayang Filipino at panatilihing maayos ang ekonomiya kabilang na ang serbisyo at manufacturing sectors, bilang batayan ng developmet o pag-unlad ng bansa.

Para naman kay Dukamo, kinokonsidera ng Ethiopia ang development trajectory ng Pilipinas bilang  “something to look at.”

“We know how the Philippines is growing from traditional agriculture to services and manufacturing industry, especially in the area of technical and vocational training. The way how the Philippines makes its people…skilled and dedicated and productive,” anito sabay papuri sa mga manggagawang Filipino para sa kanilang dedikasyon, hard work at disiplina.

“We know well the Philippines through its workers. We are so grateful and we can share a lot in the area of trade and industry. From the fastest growing economy, we can share a lot. Ethiopia is also now growing larger, step by step (becoming) a large country and the largest economy in East Africa with huge potential in trade and investment,” ayon kay Dukamo.

“Philippine businessmen can invest in Ethiopia’s industrial area, particularly with their expertise in manufacturing especially electronics, which they could introduce to Ethiopia,” ang winika ni Dukamo sabay sabing maliban sa pagiging malaking bansa sa Africa, ang kanyang bansa ay isa ring “gateway” sa nasabing rehiyon.

“It’s geographically located bridging the Middle East and the rest of Africa and also Western countries. So, if Filipino businessmen come and invest in Ethiopia, it’s possible to take advantage of Africa market,” ayon kay Dukamo.

Binanggit din nito ang pangangailangan  na  itatag ang  air linkages sa pagitan ng  Ethiopia at Pilipinas para palakasin ang  bilateral cooperation sa iba’t ibang larangan na maaaring lumawig ‘regionally’ sa  Africa.

“Let’s work on that. Let that be the first job that we give ourselves. We make that connection easier. I think it’s never a bad thing to start with people-to-people relations that are always so important,” ang naging tugon ni Pangulong Marcos.

“Sometimes I say that foreign diplomacy is best conducted by ordinary people rather than diplomats. Which I’m sure you’re happy about. Because we are proud of our citizens They are all good ambassadors for our country. Any good contact for us is necessarily a good thing,” aniya pa rin.  (Daris Jose)

HIMAS-REHAS ang dalawang tricycle driver na kapwa tirador umano ng mga cable wire matapos maaresto ng mga rumespondeng pulis sa Malabon City, kahapon ng madaling araw.

Kinilala ni Malabon police chief P/Col. Jonathan Tangonan ang mga naarestong suspek na sina Chester Esmundo, 27 ng Sto Niño St., Brgy. Concepcion at Crisanto Magallanes, 37 ng Kasarinlan St., Brgy. Muzon.

Lumabas sa imbestigasyon ni PSSg Michael Oben na habang nagsasagawa ng checkpoint ang mga tauhan ng Malabon Police Sub-Station 6 sa kahabaan ng Gen. Luna St., Brgy. Concepcion nang isang concerned citizen ang nagreport sa kanila hinggil sa dalawang lalaki na nagpuputol ng cable wire malapit sa nasabing lugar.

Kaagad namang rumesponde sa nasabing lugar ang mga pulis kung saan naabutan nila ang dalawang lalaki na isinasakay sa kanilang getaway tricycle ang pinutol na cable wire bago umalis sa lugar, dakong alas-4:20 ng madaling araw.

Hinabol naman sila ng mga pulis hanggang sa maaresto at nakumpiska sa kanila ang nasa 12 meters globe cable wire na nagkakahalaga ng P25,649, cutter fliers, PVC pipe cutter, ice pick at gamit nilang tricycle na may plate No. (547QXI).

Pinuri naman ni Northern Police District (NPD) Director P/BGen. Rizalito Gapas ang Malabon police sa masigasig na pagtugis sa mga kawatan, kasabay ng panawagan sa mga mamamayan na huwang mangiming lumapit sa pulisya at isumbong ang anumang nasasaksihan nilang krimen. (Richard Mesa)

MATATAPOS sa Setyembre ang ginagawang reassessment ng Department of Social Welfare and Development (DSWD) sa listahan ng Pantawid Pamilyang Pilipino Program (4Ps).

Sinabi ni DSWD Secretary  Rex Gatchalian sa press briefing sa Malakanyang na may 700,000 pamilya ang ni-reassessed upang makita kung kailangan na ikonsidera pa ang mga ito bilang mahirap at maging benepisaryo ng  cash assistance program ng gobyerno.

“So ongoing iyong reassessment ngayon at matatapos iyan ng September para talagang masigurado natin na masala natin nang mabuti iyong dapat kasama sa 4Ps program, kasama sa program – iyong dapat hindi na kasama sa program, hindi na kasama sa program,”  ani Gatchalian.

“Sinigurado lang natin talagang na… like I said, na nafi-filter nang maayos. Pero come end of September, tapos na iyong reassessment na iyon and then what we can do next is now start paying them. At mabilis naman sa department dahil nga naka-cash card naman ‘yang mga ‘yan – once the fund is obligated, disburse kaagad iyon,” dagdag na wika nito.

Matatandaang inatasan ni Pangulong Ferdinand  Marcos Jr. ang DSWD na ituloy ang pag-calibrate sa Pantawid Pamilyang Pilipino Program (4Ps) at pagbuo ng iba pang social protection initiatives ng gobyerno.

Nanawagan si Marcos sa ahensya na ipagpatuloy din ang pagpapatupad sa Unconditional Cash Transfer program upang makapagbigay ng cash grants para sa mahihirap na households at indibidwal.

Maliban dito, pinaiigting din ng Punong Ehekutibo ang Social Pension Program para sa mga Indigent Senior Citizens bilang paraan para ma-augment ang kanilang araw-araw na pangangailangan at medical needs.

Samantala, kinilala naman ng Pangulo  ang mga hakbang ng DSWD sa pagbawas sa kahirapan at gutom, maging ang pagkamit sa upper-middle income status sa 2025.  (Daris Jose)

HANDA na ang  Presidential Communication Office (PCO) na ipatupad ang Media and Information Literacy (MIL) Campaign Project ng administrasyong Marcos.

Sa katunayan, magkakaroon ito ng ceremonial signing ng  Memorandum of Understanding (MOU) kasama ang mga  partner agencies sa darating na Lunes, Agosto 14, 2023.

Ang aktibidad ay gagawin sa Hilton Manila sa Pasay City.

Ang  MIL ang tugon ng administrasyon sa “disinformation at misinformation”  na salot sa digital landscape ng bansa, nakatuon sa pagpapahusay sa mga kabataan na maging mas  maunawaing consumers ng media

Sa kabilang dako, ang iba pang ahensiya na kasama sa inisyatiba ay ang Department of Education (DepEd), Commission on Higher Education (CHED), Department of the Interior and Local Government (DILG), at Department of Social Welfare and Development (DSWD).

“These agencies will collaborate with the PCO on a comprehensive execution plan crafted to target the identified root causes of the issue. The MIL will be integrated into the higher education curriculum, community-based trainings, and family-oriented programs,” ayon sa Malakanyang.

Inaasahan naman ang mga social media companies at kanilang mga plataporma na makikipag-sanib puwersa sa pamahalaan sa pamamagitan ng pagpapahiram ng

‘tools’ o gamit at kasanayan para labanan ang “disinformation at misinformation.”

Samantala, kabilang maman sa mga ito ay ang  Google (YouTube), Meta (Facebook, Instagram, at Threads), TikTok at  X (formerly Twitter).  (Daris Jose)

NAGING ganap na batas na  ang ipinasang panukalang batas na layong palawigin ang deadline ng pagkuha ng estate tax amnesty ng dalawa pang taon o hanggang June 2025.

Kahit wala ang pirma ni Pangulong Ferdinand Marcos Jr., “the availment of the estate tax amnesty  lapsed into law on August 5.

Nakasaad sa Republic Act No. 11956, pinalalawig ang Estate Tax Amensty  period  ng hanggang Hunyo 14, 2025 at kasama rito ang estates  o  ari-arian ng mga namatay sa araw mismo o bago ang  Mayo 31, 2022.

Naka-uploaded ito sa Official Gazette, araw ng Martes, Agosto 8.

Nakapaloob sa Section 4 ng batas na pinahihintulutan ang pagbabayad ng installment sa loob ng dalawang taon mula sa original payment date na walang kaukulang civil penalty at interest.

Ang pagbabayad ng amnesty tax  ay maaaring gawin sa pamamagitan ng  “electronically o manually, at the time the Return is filed with any authorized agent bank, Revenue District Officer through the Revenue Collection Officer or authorized tax software provider.”

Inaatasan naman ang  Secretary of Finance, na makipag-ugnayan sa Commissioner ng Bureau of Internal Revenue, sa pagbalangkas ng rules and regulations sa loob ng 30 araw mula sa effectivity ng batas.

Ang nasabing  batas ay magiging epektibo, 15 araw matapos ang publikasyon sa  Official Gazette o sa dalawang pahayagan na may general circulation. (Daris Jose)

UMABOT na sa P2.9 bilyong piso ang pinsala at pagkalugi sa sektor ng agrikultura dahil sa  Southwest Monsoon (Habagat) na pinalakas ng mga bagyong  Egay at Falcon.

Base sa pinakabagong situational report ng National Disaster Risk Reduction and Management Council (NDRRMC), ang  Department of Agriculture (DA) ay nakapagtala ng P2,944,689,603.82 sa production loss o halaga ng pinsala sa  Ilocos Region, Cagayan Valley, Central Luzon, Calabarzon, Mimaropa, Western Visayas, Bangsamoro Region, at Cordillera Administrative Region (CAR).

Tinatayang may 108,729 mangingisda at magsasaka ang apektado ng  napinsalang 153,268.39 ektarya na lugar ng pananim.

Habang 132,074.62 ektarya ang  partially damaged at nananatiling may tsansa na makabawi. May 20,104.44 ektarya ang totally damaged at wala ng pag-asa na makabawi pa.

Sa kabilang dako,  ipinaskil naman ng National Irrigation Administration (NIA) ang P137,781,000 halaga ng danyos sa Mimaropa at CAR.

Dahil sa masungit at masamang panahon pa rin, nawasak ang  573 istraktura, nagkakahalaga ng  P3,631,012,164.44 sa infrastructure damage.

Nakapagtala naman ang CAR ng pinakamataas na  infrastructure damage na may 347 structures na may halagang P2,261,635,339.74.

Ang napaulat na casualty ay nananatili naman sa  29, dalawa rito ang kumpirmado. Mayroon namang 11 iba pa na nawawala at 165 ang sugatan.

Dahil sa bagyong  Egay at Falcon at Habagat, naapektuhan ang  3,032,077 katao o 806,836 pamilya sa 4,833 barangay sa buong bansa.

Mayroon ding 648 evacuation centers na pinagdalhan sa  51,000 displaced individuals o 13,000  pamilya habang mahigit naman sa 233,000 katao o 57,000 pamilya ang nanunuluyan sa labas ng evacuation centers.

Nakapagtala naman ang NDRRMC ng  60,991 nawasak na bahay dahil sa  weather disturbances. Sa mga nasabing bahay, mayroong 58,610 ang partially damaged, at 2,381 ang totally damaged.

Mayroon ding 62 mga kalsada at apat na tulay ang hanggang sa kasalukuyan ay hindi pa rin nadadaanan.

Sinabi pa ng  NDRRMC na may  P269,448,936.61 na tulong ang ipinagkaloob sa mga apektadong rehiyon.  (Daris Jose)

NANINIWALA si Pangulong Ferdinand Marcos Jr. na nasa tamang daan ang Pilipinas tungo sa pagbawi at pagbangon ng ekonomiya.

Iyon ay dahil sa tulong  mula sa  Medium-Term Fiscal Framework (MTFF)  para sa bansa na makamit ang “economic transformation.”

Sa kanyang budget message sa isinumiteng 2024 National Exependiture program, sinabi ni Pangulong Marcos na may ilang nagsisilbing hadlang sa daan ng Pilipinas tungo sa economic recovery noong nakalipas na taon nang maupo siya bilang halal na Pangulo ng bansa.

“Last year, there were strong headwinds that cobfronted us in our path to econbomic recovery, among which was inflation. TO strategically address these, the MTFF was formulated by our economic managers,” ayon kay Pangulong Marcos.

Ang MTFF ay inaprubahan kapwa ng Senado at Mababang Kapulungan ng Kongreso sa kaparehong taon.

“This MTFF was supported by the two Houses of Congress.. a first in our history. It now serves as the bedrock of pur plan for economic transformation,” aniya pa rin.

Sa ilalim ng MTFF, layon ng administrasyon na sa taong 2028, nakamit na nito ang 6.5% hanggang 8% ng real Gross Domestic Product (GDP), 3% national government  deficit sa GDP ratio, mas mababa sa 60% national government debt-to-GDP ratio.

Target din nito na magkaroon ng poverty rate ng 9% o mas mababa at gross national income per capita na $4,256US dollars.

Aniya pa, ang Philippine Development PLan mula 2023 hanggang 2028 ay naglalayon na “secure the people’s purchasing power while ensuring quality jobs and world -class products.”  (Daris Jose)