Walang sinasayang na panahon si Gilas Pilipinas coach Chot Reyes na simulan ang ensayo nila kahit wala pang mga pangunahing manlalaro nila.

Ang nasabing ensayo ay bilang paghahanda ng ika-anim at huling window ng FIBA World Cup Asian Qualifiers na gaganapin sa Pebrero sa bansa.

Ayon kay Reyes na ginamit na lamang nito at sinanay ang ilang mga baguhan gaya nina Jerom Lastimosa, Mason Amos at Schonny Winston.

Nakasabay ng mga baguhang manlalaro si Gilas veteran JuneMar Fajardo.

Masyado pa maaga pa ngayon aniya kung mayroon na itong napipiling final 12 na isasabak sa nabanggit na torneo.

Makakalaban ng Gilas ang Jordan sa Pebrero 24 habang sa Pebrero 27 ay ang Lebanon na gaganapin ang mga ito Philippine Arena. (CARD)

Naibenta sa auction ang 1997 Upper Deck Game Jersey Patch Autograph Card ni NBA superstar Michael Jordan sa halagang $840,000.

Dahil dito ay ito na ang naging pinakamahal na Jordan card na naibenta.

Ang nasabing card ay naglalaman ng bahagi ng jersey ni Jordan na isinuot niya noong 1992 All-Star Game at ito ay may pirma din niya.

Kabilang ito sa sixth-highest selling Jordan card sa kasaysayan ng card collecting.

Naging especial ito dahil mayroong 23 card lamang ang inilabas sa buong mundo. (CARD)

Nagbalik sa lineup ang Lakers star big man na si Anthony Davis laban sa San Antonio Spurs, umiskor ng 21 puntos sa 113-104 panalo sa Los Angeles habang nagmula sa bench sa unang pagkakataon sa halos isang dekada.

Si  Davis, na wala sa nakalipas na 5½ linggo dahil sa bali ng buto at stress sa kanyang kanang paa, ay pinaglaro pagkatapos ng kanyang pregame warmup noong Miyerkules mga dalawang oras bago ang tipoff.

Nag-check in si Davis sa unang pagkakataon may 4:22 na natitira sa opening quarter at naglaro ng 26 minuto habang pinangangasiwaan ng team ang kanyang workload. Bilang karagdagan sa kanyang nangunguna sa koponan na 21 puntos sa 7-of-15 shooting, nag-ambag siya ng 12 rebounds at 4 na blocks.

Ang huling pagkakataong lumabas si Davis sa bench sa isang laro ay noong Disyembre 18, 2013, sa Los Angeles laban sa Clippers sa kanyang ikalawang season sa New Orleans Pelicans.

Si Rui Hachimura, nakuha sa isang trade sa Washington Wizards mas maaga nitong linggo, ay ginawa ang kanyang Lakers debut laban sa Spurs at lumabas din sa bench, nag-check in kasabay ni Davis. Sinalubong sila ng malakas na palakpakan ng Lakers crowd.

Nagtapos si Hachimura na may 12 puntos sa 4-of-7 shooting sa loob ng 22 minuto. (CARD)

Pasok na sa semifinal rounds ng Australian Open si Novak Djokovic.

Ito ay matapos talunin si fifth seed Andrey Rublev sa score na 6-1 6-2 6-4.

Ito na ang pang-44 beses ng Serbian tennis star na nakaabot sa semifinals ng Grand Slam tournaments.

Labis ang kaniyang kasiyahan at hindi ito makapaniwala na nakaabot na siya ng semifinals ng nasabing torneo.

Susunod na makakaharap nito sa semifinal round si Tommy Paul ng US. (CARD)

NAKATAKDANG dumaan sa paglilitis ang kasong kinasasangkutan ni Filipino boxing legend Manny “Pacman” Pacquiao na isinampa ng Paradigm Sports Management ni founder at CEO Audie Attar sa darating na Marso 3 sa California sa Amerika.

Ayon sa inilabas na statement ni Attar mula sa inilathala ng badlefthook.com ni Scott Christ, nalalapit na umano ang pagdinig sa kasong isinampa kay Pacquiao na “Breached of Contract” na nagdulot umano ng malaking pagkalugi sa kumpanya.

“Manny’s days of thumbing his nose at our contractual rights are almost at an end. We have an overwhelming case against him and look forward to justice being served. The Court has already entered an Order stating that – due to his consistent violation of court orders – Pacquiao is now deemed to have admitted that he breached his contract with Paradigm and that Paradigm has suffered more than $20 million in damages,” ayon sa statement na inilabas ni Attar.

Maaari rin umanong masangkot sa isasampang kaso ang mga promoter, manager at iba pang naka-transaksyon ng nag-iisang eight-division world champion kaantabay ang panibagong kontrata.

“If any promoters, managers, fighters or broadcasting networks are considering entering into an agreement with Manny prior to the trial, they are now on notice that Paradigm will immediately commence an action against them for tortious interference with contract and seek both an injunction and damages.”

Sakali rin umanong magtagumpay ang Paradigm sa paglilitis ay makasisigurong lahat ng opurtunidad na mayroong laban sa loob at labas ng Amerika sa 44-anyos na dating Philippinesenator ay kanila ring hahabulin at papananagutin.

“Once Paradigm wins at trial in March, we will cut off 100% of Manny’s opportunities to earn money in the United States from any source because any revenue he generates will be attached to his judgment. Additionally, Paradigm will aggressively pursue enforcement of its judgment in any foreign country where Manny seeks to fight, ” ayon pa sa statement. (CARD)

Namatay ang American wrestling star na si Jay Briscoe noong Martes, Enero 17 (Miyerkules, Enero 18, oras sa Maynila) kasunod ng isang aksidente sa sasakyan isang linggo bago ang kanyang ika-39 na kaarawan.

Inihayag ng lahat ng Elite Wrestling founder at chief executive officer na si Tony Khan ang pagkamatay ng icon ng Ring of Honor.

“Nakakalungkot, si Jamin Pugh ay namatay na. Kilala ng mga tagahanga bilang Jay Briscoe, siya ay isang bituin sa ROH sa loob ng higit sa 20 taon, mula sa unang palabas hanggang ngayon,” isinulat ni Khan sa Twitter.

“Gagawin namin ang lahat para masuportahan ang pamilya niya. Magpahinga sa kapayapaan, Jamin.”

Binuo ni Briscoe ang isa sa pinakamakapangyarihang tag team sa kasaysayan ng wrestling kasama ang kanyang kapatid na si Mark nang kinoronahan sila ng Ring of Honor world tag team champions nang 13 beses.

Nakamit ng Briscoe brothers ang kanilang ika-13 paghahari noong nakaraang Disyembre nang talunin nila ang FTR duo nina Cash Wheeler at Dax Harwood sa double dog collar match.

“Naluluha ako simula nang marinig ko ang balita. Wala lang akong mga salita. Rest in peace, Jay,” isinulat ni Wheeler sa Twitter.

Si Briscoe ay isa ring dalawang beses na Ring of Honor world champion – isa sa anim na wrestlers na nanalo ng titulo nang maraming beses mula noong itinatag ang promosyon noong 2002.

“Isang hindi kapani-paniwalang performer na lumikha ng malalim na koneksyon sa mga tagahanga ng wrestling sa buong mundo. Ang aking pakikiramay sa pamilya at mga kaibigan ni Jay Briscoe, “isinulat ng wrestling icon na si Paul “Triple H” Levesque sa Twitter. (CARD)

Tatlo’t kalahating oras ang kinailangan ni Rafael Nadal bago nakumpleto ang 7-5, 2-6, 6-4, 6-1 win kay 21-year-old Jack Draper sa round 1 ng Australian Open nitong Lunes.

Mukhang may kalawang pa ang Spaniard sa mga unang yugto ng paluan sa Rod Laver Arena pero nang makuha ang ritmo sa fourth set ay nagtuloy-tuloy na.

Nakaiwas si Nadal sa upset, kung nagkataon ay una sanang defending champion ang Spaniard na napatalsik sa first round pagkatapos ni Boris Becker noong 1997 – ang kumalos kay Becker ay si Carlos Moya, coach na ni Nadal ngayon.

“I need a victory, so that’s the main thing,” bulalas ni Nadal, 36. “Doesn’t matter the way.”

Sunod na makakatapat ni Nadal si Mackie McDonald, dating NCAA champion mula UCLA.

Nilaktawan ni McDonald si Brandon Nakashima 7-6 (5), 7-6 (1), 1-6, 6-7 (10), 6-4 sa match na inabot ng 4 hours. (CARD)

Labinsiyam na propesyonal surfers mula sa Siargao Island sa Surigao del Norte ang lalahok sa Enero 20 hanggang 26 sa World Surfing League (WSL) La Union International Pro.

“Nasa competition site na ang mga surfers natin since Jan. 16, Monday. Kailangan nilang gawing pamilyar ang surfing site lalo na ang mga alon ng Urbiztondo Beach sa La Union,” ayon organizers ng event.

Tampok sa international surfing event ang Men’s and Women’s Qualifying Series 3,000 at ang Longboard Qualifying Series (LQS) 1,000.

Ayon sa WSL,  ang La Union international surfing event ay “magiging isa lamang sa ilang mga Longboard event sa Asia Region sa 2023.”

“Pagkatapos ng dalawang kaganapan sa LQS, ang nangungunang lalaki at nangungunang babae sa mga ranggo ay bibigyan ng puwesto sa 2023 WSL Longboard Tour na tatakbo sa ikalawang kalahati sa apat na lokasyon sa buong mundo,” sabi ng WSL. (CARD)

Bumisita sa White House ang NBA defending champion na Golden State Warriors.

Mainit silang sinalubong ni US President Joe Biden at Vice President Kamala Harris.

Ayon kay Biden na nananatiling nakabukas ang White House para sa Warriors.

Tinagurian pa nito si Warriors star Stephen Curry na pinakamagaling na manlalaro.

Binigyan ng Warriors sina Harris at Biden ng kanilang basketball jersey.

Magugunitang tinalo ng Warriors ang Boston Celtics sa Game six para makuha ang kampeonato noong 2021-2022 season.

Noong panahon din ni dating US President Donald Trump ay hindi tumapak ang Warriors sa White House dahil sa kinontra nila ang ipinaglalaban nito. (CARD)

Matindi ang pagnanais ni Alyssa Valdez na makabalik sa wastong porma sa lalong madaling panahon para makasabak sa 6th Premier Volleyball League (PVL) Open Conference sa February at sa Cambodia 32nd Southeast Asian Games sa May.

Siniguro ng 29-anyos, 5’9’ ang taas na dalagang outside hitter ng Creamline sa kanyang mga tagahanga na ginagawa niya ang mahusay na therapy at pag-aalaga sa sarili para agad gumaling makaraang magka-right knee injury noong December sa Cool Smashers-Chery Tiggo game.

“I am not wasting time to be able to recover but we are making sure na it will not go to waste,” giit ni ‘Phenom’ sa Philippine Sportswriters Association (PSA) Martes sa Philippine Sports Commission (PSC) conference room ng Rizal Memorial Sports Complex sa Malate, Manila.

Hinirit ni Valdez sa talakayang mga hatid ng San Miguel Corporation (SMC), MILO, PSC, Philippine Olympic Committee (POC), at Philippine Amusement and Gaming Corporation (PAGCOR), na kasama sa kanyang motibasyon at inspirasyon habang nagpapagaling ang makatawan uli ang bansa sa 11-nation, biennial sportefst.

“Yes po, isa po iyun sa aking matinding inspirasyon sa ginagawa ko po na paunti-unting pagpapagaling kasi po gusto ko po talaga na mairepresenta ang Pilipinas lalo na sa SEA Games. Malapit na po iyun kaya po sinisiguro namin ang pinakatamang direksyon na makabalik po ako sa paglalaro,” panapos na sey ng Batangueña mula sa San Juan at produkto ng Ateneo Blue Eagles. (CARD)