NAKATIYAK na ang USA na panalo sa 2024 Paris Olympics.

Kasunod ito sa anunsiyo ng International Olympic Committee na magbabalik sa Salt Lake City sa Utah ang Olympics sa 2034.

Isinagawa ang anunsiyo ng aprubahan ng Olympics ang unang Esports Olympics at doon ibinahagi ang mga lungsod na magsisilbing host ng naturang international competition.

Hindi na bago ang Salt Lake City na maging host ng Olympics dahil naging host na ito noong 2002.

Tanging ang Salt Lake City ang nagpahayag ng interest na maging host ng torneo dahil maraming lugar ang umatras bunsod ng malaking gastusin at problema sa climate change.

Sasalang si Yulo sa men’s individual all-around sa Hulyo 27 na magsisilbing qualifying round para sa tsansang makapasok sa final round.

Idaraos ang final round ng men’s all-around sa Hulyo 31.

Target ni Yulo na makapasok sa Top 3 sa men’s all-around.

Pakay din ni Yulo na makahirit ng tiket sa finals ng men’s floor exercise at men’s vault kung saan ito may pinakamalakas na tsansang makasungkit ng gintong medalya.

May prediksiyon pa ang ilang international group na masusungkit ni Yulo ang gintong medalya sa floor exercise habang pilak naman ang maiuuwi nito sa vault.

Mapapalaban si Yulo sa floor exercise dahil nariyan pa rin si Artem Dolgopyat ng Israel na siyang nakasikwat ng gintong medalya noong Tokyo Olympics.

Magiging tinik din sa daanan ni Yulo si Luke Whi­tehouse ng Great Britain kasama pa ang ilang pambato ng Japan at China na palaban din sa gintong medalya.

Gayunpaman, han­dang handa si Yulo na sumabak sa pagkakataong ito kumpara noong Tokyo Olympics.

“This time I can definitely say that I’m healthier mentally and emotionally. I’m more confident to perform better execution,” ani Yulo.

Bantay-sarado rin ang diet ni Yulo para masigurong nasa perkpektong kundisyon ito.

Hindi lamang sa pisikal na aspeto dahil tinututukan din ng team ni Yulo ang mental na usapin.

Isang engrandeng palabas ang inaasahang ilalatag ng host France sa programang magsisimula sa alas-7:30 ng gabi (ala-1:30 ng madaling araw sa Maynila).

Ito ang unang pagkakataon na idaraos ang opening ceremony ng Olympic Games sa labas ng isang Olympic stadium dahil gaganapin ito sa pamosong Seine River.

Aabangan ng samba­yanan ang pagmartsa ng Team Philippines na pa­ngungunahan nina Tokyo Olympics silver medalists Nesthy Petecio at Carlo Paalam na magsisilbing flagbearers ng delegasyon.

Susuotin ng mga atleta at opisyales ang magandang barong na idinisenyo ng kilalang designer na si Francis Libiran.

Tinawag itong ‘Sinag’ na may disenyo ng bandila ng Pilipinas.

“Every element of the design showcases the rich cultural heritage of the Phi­lippines,” ayon sa post ni Libiran sa kanyang social media.

Kasama sa parada sina Aira Villegas at Hergie Bac-yadan ng boxing, Lauren Hoffman at John Cabang Tolentino ng athletics, Kayla Sanchez at Jarrod Hatch ng swimming, Aleah Finnegan ng gymnastics at Samantha Catantan ng fencing.

Ilang miyembro ng Team Philippines ang hindi makakasama sa parada kabilang na sina Eumir Felix Marcial ng boxing, Carlos Yulo ng gymnastics at Joanie Delgaco ng rowing.

Magpapahinga sina Marcial, Yulo at Delgaco dahil sasabak na agad ang mga ito sa unang araw ng kumpetisyon sa Hulyo 27.

Wala rin sa opening ceremony si EJ Obiena ng pole vault gaundin sina Vanessa Sarno, John Febuar Ceniza at Erleen Ann Ando ng weightlifting.

Ang iba pang miyembro ng Team Philippines ay sina Emma Malabuyo at Levi Ruivivar ng gymnastics, Bianca Pagdangan at Dottie Ardina ng golf, at Kiyomi Watanabe ng judo.

Isang magarbong pa­labas ang inihanda ng France para sa bilyong ma­nonood ng opening ce­remony mula sa iba’t ibang panig ng mundo.

Aabangan din ang makukulay na fireworks sa huling bahagi ng palabas at ang pagbubukas ng Olympic flame na magsisilbing hudyat ng opisyal na pagsisimula ng palaro.

NAPILI si US women’s tennis star Coco Gauff na isa sa magiging flag bearer ng America para sa opening ceremony ng Paris Olympics.

Makakasama niya si NBA superstar LeBron James.

Ang 20-anyos na tennis player ay itinuturing na pinakabatang flag-bearer sa kasaysayan ng US sa Olympics.

Nakuha nina James at Gauff ang boto ng mga kapwa nilang atleta sa US.

Sinabi nito na hindi siya makapaniwala na mapipili itong maging flag bearer ng kanilang bansa.

PLANTSADO na ng Philippine Team ang kanilang gagawing pag-martsa para sa opening ceremony ng Paris Olympics.

Sinabi ni Philippine Olympic Committee (POC) President Abraham “Bambol” Tolentino na pangungunahan nina Pinoy boxer Nesthy Petecio at Carlo Paalam ang parada kasama ang 16 na ibang mga atleta.

Hindi makakasama si Tolentino sa parada dahil pinili niyang umupo sa family section sa gilid ng River Seine.

Makakasama nina Paalam at Petecio ay sina kapwa boksingero na sin a Aira Villegas at Hergie Bacyadan, hurdlers Lauren Hoffman at John Cabang Tolentino, swimmers Kayla Sanchez at Jarrod Hatch, gymnast Aleah Finnegan at fencer Samantha Catantan.

Nakasakay naman sa bangka na nakatalaga sa Pilipinas sina Chef de Mission Juanito Victor “Jonvic” Remulla at ilang sports officials Michael Angelo Vargas ng swimming, Marcus Manalo ngboxing, Cynthia Carrion Norton ng gymnastics, Patrick Gregorio sa rowing at Agapito “Terry” Capistrano sa athletics.

Hindi naman makakasama ang mga boksingerong sina Eumir Marcial, gymnast Carlos Yulo at rower Joanie Delgaco dahil naghahanda sila sa kani-kanilang laban sa araw ng Sabado habang si pole vaulter EJ Obiena ay nakatuon pa rin sa kaniyang pre-game preparations sa Normandy.

Ang mga tatlong weightlfters na sina Vanessa Sarno, John Febuar Ceniza at Erleen Ann Ando ay hindi pa natatapos ang kanilang training sa Metz at nakatakdang dumating sa Olympic Village sa Agosto 6.

Kukumpleto sa 22-atleta ng bansa ay sina gymnast gymnasts Emma Malabuyo at Levi Ruivivar, golfers Bianca Pagdangan at Dottie Ardina at judoka Kiyomi Watanabe.

Magsisimula ang Opening ceremony ng dakong ala-7:30 ng gabi sa Paris o 1:30 ng madaling araw sa Pilipinas ng Sabado.

Magiging makasaysayan ang nasabing Paris Olympics dahil hindi ito gagawin sa isang stadium at sa halip ay gagawin ito sa River Seine.

PINATUNAYAN ni two-division world champion Marlon Tapales na may ibubuga pa ito matapos magtala ng first-round knockout win para makuha ang WBC Asian Continental super bantamweight title sa labang ginanap sa Midas Hotel and Casino sa Pasay City.

Mabibigat na suntok ang pinakawalan ni Tapales para mabilis na tapusin si Nattapong Jankaew ng Thailand sa 2:15 marka sa first round.

Sa umpisa pa lang ng laban, hindi na nagpatumpik-tumpik pa si Tapales nang rumatsada agad ito ng kaliwa’t kanang kumbinasyon para mapabagsak ng dalawang beses ang Thai pug.

Hindi na nag-aksaya pa ng panahon si Tapales nang muli itong bumanat ng solidong atake dahilan para magulpi ng husto si Jankaew at tuluyan nang itigil ng referee ang laban.

Ito ang ika-20 knockout win ni Tapales para uma­ngat ang rekord ng Pinoy champion sa 38-4.

Bagsak naman ang Thai fighter sa 12-4 marka.

Hindi naman pinalad ang isa pang Pinoy bet at dating world title challenger na si Reymart Gaballo matapos matalo kay Mexican boxer Kenbun Torres.

Nag-anunsyo na ng pagreretiro ang 22-time Grand Slam champion na si Rafa Nadal matapos mabigo kay Czech Jiri Lehecka sa Madrid Open nitong Martes.

Ito na umano ang kanyang huling pagpapakita sa isang torneo.

Nabatid na nanalo siya ng limang beses sa Madrid Open sa mga nakalipas na taon.

Sa loob ng dalawang oras, naharang ni Lehecka ang pag-asa ni Nadal na maabot ang kanyang ika-100 Masters 1000 quarter-final matapos ang isang fairytale run sa kaniyang ikalawang torneo mula noong Enero habang ang Spanish superstar ay nahihirapan dahil sa injury.

Sinabi ni Nadal na inaasahan niyang magretiro pagkatapos ng 2024 season.

“I’m happy. It was a very special week for me, very positive in every way. I was able to play again on a court that gave me a lot, also on an emotional level,” wika ni Nadal.

Tiniyak ni dating NBA star Dwight Howard na tutulungan niya ang Taiwan matapos na tamaan ito ng malakas na paglindol.

Si Howard ay kinuha ngayon ng Taoquan Leopards ng Taiwan Basketball League mula pa noong 2022.

Naglabas ito ng video kung saan tiniyak niya sa mga mamamayan ng Taiwan na tutulungan niya ang mga ito.

Magugunitang tumama ang magniture 7.4 na lindol sa Taiwan na ikinasawi ng 23 katao at ikinasira ng maraming mga gusali.