PINAG-IINGAT ng Department of Health (DOH) ang publiko laban sa mga heat-related illnesses, gaya ng heat stroke, ngayong nakakaranas ang bansa ng napakatinding init ng panahon.

Nauna rito, iniulat ng PAGASA na ang temperatura ng bansa ay maaaring umabot ng hanggang 45°C degrees Celsius sa ilang lugar mula Marso 28 hanggang kahapon, Abril 3, 2024.

Ang temperatura na nasa 33-41°C ay kinaklasipika ng PAGASA bilang “extreme caution” o matinding pag-iingat habang ang 42-51 ay “danger” o mapanganib.

“Such temperatures can lead to heat cramps and heat exhaustion, characterized by symptoms such as fatigue, dizziness, headache, vomiting, and light-headedness. Prolonged heat exposure increases the probability of heat stroke, a serious condition characterized by loss of consciousness, confusion, or seizures, which can be deadly if left untreated,” ayon sa DOH.

Kung maobserbahan ang mga naturang sintomas ay kaagad na magsagawa ng mga first aid measure.

Kabilang dito ang pagdadala sa pasyente sa malilim at malamig na lugar at pagbibigay ng sapat na bentilasyon, pagtatanggal sa outer clothing ng pasyente at pag-aplay dito ng cold compresses, ice packs, malamig na tubig o malamig at basang tela sa balat, partikular na sa ulo, mukha, leeg, kilikili, pulso, bukung-bukong at mga singit.

Kung gising o conscious ang pasyente, dapat na madalas ngunit mabagal itong pasipsipin ng malamig na tubig. Makabubuti din kung kaagad na tatawag ng emergency services at dalhin ang pasyente sa pagamutan.

Pinapayuhan rin naman ng DOH ang publiko na regular na i-monitor ang mga ulat mula sa PAGASA at magsagawa ng mga preventive measures laban sa mga heat-related illnesses.

Kabilang dito ang pag-inom ng maraming tubig, pag-iwas sa iced tea, soda, kape at alcoholic drinks; paglilimita sa oras sa labas ng bahay, lalo na sa pagitan ng 10AM hanggang 4PM; at paggamit ng proteksiyon laban sa sunburn gaya ng sumbrero, payong, at sunblock at pagsusuot ng maluluwag at magagaang damit. (Daris Jose)

KASUNOD ng pagbabalik-eskwela matapos ang Mahal na Araw, hinimok ni Senador Win Gatchalian ang mga punong-guro na magpatupad muna ng blended learning sa gitna ng pangamba ng mga magulang sa banta ng pertussis o whooping cough at mainit na panahon.

“Nais nating paalalahanan ang mga punong-guro na kung may banta sa kaligtasan ng ating mga mag-aaral, maaaring magpatupad ang mga paaralan ng blended learning lalo na’t pinangangambahan natin ang banta ng pertussis at mas mainit na panahon. Maipagpapatuloy na natin ang edukasyon ng mga bata, mabibigyan pa natin ng prayoridad ang kanilang kalusugan at kaligtasan,” ani Gatchalian, Chairperson ng Senate Committee on Basic Education.

May anim na lokal na pamahalaan sa Western Visayas ang nagsuspinde na ng klase nitong Abril 1 dahil sa init ng panahon. Nagsuspinde naman ang Iloilo City ng klase noong Abril 1 at ngayong Abril 2 mula pre-school hanggang senior high school dahil sa matinding init.

Upang matiyak ang pagpapatuloy ng edukasyon, nakasaad sa Department of Education (DepEd) Order No. 037 s. 2022 na kasunod ng pagkansela o pagsuspinde ng mga klase, maaaring magsagawa ng modular distance learning, performance tasks, o make-up classes.

Matapos ang konsultasyon sa mga stakeholders, kabilang ang mga guro at mga mag-aaral, inurong ng DepEd ang pagtatapos ng School Year 2023-2024 sa Mayo 31 mula Hunyo 14.

Iniulat din dati ng PAGASA na bagama’t mas kaunti ang mga maulang araw at kanselasyon ng klase dahil sa bagyo sa ilalim ng kasalukuyang school calendar, mas marami naman ang mga araw na tumatama sa matinding init.

Samantala, nagdeklara naman ng mga pertussis outbreaks sa Quezon City at Iloilo City. Nasa ilalim naman ng state of calamity ang Cavite dahil sa pertussis outbreak.

Iniulat ng Department of Health (DOH) noong Marso 27 na umabot na sa 40 ang namatay dahil sa pertussis mula Enero 1 hanggang Marso 16. (Daris Jose)

LUMIKHA si Pangulong Ferdinand R. Marcos Jr. ng isang Inter-Agency Committee for Right-of Way (ROW) Activities para sa National Railway Projects para i- streamline ang proseso ng land acquisition na kailangan para sa implementasyon ng lahat ng railway projects sa bansa.

“The Inter-Agency Committee for ROW Activities for National Railway Projects (Committee) is hereby created to study and devise an efficient and collaborative mechanism to streamline the process of land acquisition necessary for the implementation of all railway projects,”ang sinabi ni Pangulong Marcos sa pagpapalabas ng Administrative Order No. 19, may petsang Marso 25.

Kabilang sa kapangyarihan at tungkulin ng komite ay “coordinating the implementation of railway policies and projects, crafting and approving project-specific policies and programs, and identifying the appropriate services or programs concerning land acquisition and other ROW activities, such as livelihood, income restoration, and resettlement.”

Tutukuyin din nito ang mga epektibong umiiral na polisiya, kasunduan, kontrata at iba pang kahalintulad na arrangements sa pagitan at hanay ng mga ahensiya ng pamahalaan, i- consolidate at i-mobilize ang agency resources para i-streamline ang “budgeting, deliberate and resolve issues, grievance at create technical working groups” para ipatupad ang kautusan.

Itinalataga naman ng administrative order (AO) ang Kalihim ng Department of Transportation (DOTr) bilang chairperson habang ang pinuno naman ng Department of Human Settlements and Urban Development ang tatayo bilang co-chair ng komite.

Kabilang naman sa mga magiging miyembro ng komite ay ang Department of the Interior and Local Government (DILG); Department of Social Welfare and Development (DSWD); Department of Environment and Natural Resources (DENR; Department of Finance (DOF); Department of Budget and Management (DBM); Department of Justice (DOJ); at Office of the Solicitor General (OSG).

Ang Philippine National Railway (PNR) ang magsisilbi namang Secretariat ng komite at dapat na mag-provide ng administrative at technical support sa body.

Pinahihintulutan naman ng Republic Act (RA) No. 10752, o “Right-of-Way (ROW) Act” ang gobyerno na “to acquire real property needed as ROW site or location for any national government infrastructure project through donation, negotiated sale, expropriation, or any other mode of acquisition.”

Sa ilalim ng Philippine Development Plan 2023-2028 ng administrasyon at 8-Point Socioeconomic Agenda nito, layon nito na paghusayin at ayusin ang Philippine transportation sector sa pamamagitan ng pagbibigay ng “sustainable at affordable transportation options” na mag-uugnay sa mga komunidad sa economic, social at cultural centers.

Samantala, ang Metro Manila Subway Project, North-South Commuter Railway System, Mindanao Railway Project, at PNR South Long Haul ay kabilang sa mga pangunahing infrastructure projects ng administrasyon sa sektor ng transportasyon na naglalayong palakasin ang mobility, i-enhance ang connectivity at i- promote ang growth centers sa labas ng urban-industrial region. (Daris Jose)

PINANGALANAN ni Pangulong Ferdinand R. Marcos Jr. si Police Major General Rommel Francisco Marbil bilang pang-30 Hepe ng Philippine National Police (PNP).

Pinalitan ni Marbil si Police General Benjamin Acorda Jr. na nagtapos ang termino dahil sa kanyang pagreretiro kahapon, araw ng linggo, Marso 31, 2024.

“Police Major General Rommel Francisco Marbil is designated as the chief, Philippine National Police effective April 1, 2024 by the direction of President Ferdinand Romualdez Marcos Jr.,” ang nakasaad sa appointment paper ni Marbil.

Si Marbil ay miyembro ng Philippine Military Academy (PMA) Class 1991.

Ang pagkakatalaga kay Marbil ay inanunsyo sa isinagawang change of command at retirement honors para kay Acorda sa Camp BGen Rafael T. Crame sa Quezon City.

Bago pa ang kanyang appointment bilang PNP Chief, si Marbil ay naging pinuno ng Directorate for Comptrollership at nagsilbi bilang Regional Director of the Police Regional Office 8 (PRO-8), at Director of the Highway Patrol Group (HPG), bukod sa iba pa.  (Daris Jose)

NAKATAKDANG ikasa rin sa mga susunod na araw at pagkakataon ang fire drill sa mga gusali sa Malacañang, Complex makaraang ikasa ang earthquake drill ngayong taon .

Ayon kay Architect Reynaldo Paderos ng Office of the President (OP) Engineering Office, nangangasiwa sa gusali ng New Executive Building (NEB) sa Malacañang, Complex, itatakda nila ang fire drill para bigyan din ng kaalaman ang lahat ng opisyal at kawani sa iba’t ibang tanggapan sa Malakanyang kung papaano tutugon sakali’t magkaroon ng malaking sunog sa alinmang bahagi ng Malacañang, Complex.

Winika pa ni Paderos mahalaga ang ganitong mga pagsasanay para maiwasan ang anupamang insidente ng pagkasawi o pagkasugat ng mga tao.

Winika naman Jerald Bautista, OIC ng general services division ng NEB na may nakatakdang pondo sila para sa taong ito para ipambili ng mga emergency equipment, medical at fist aid kits para magamit sa panahon ng emergency at ganitong mga uri ng pagsasanay.

Sa kabilang dako, maayos namang naisagawa ang earthquake drill ngayong umaga sa NEB.

Tinuran ni Padernos, kumpiyansya siya sa mas matatag ngayong new executive building at iba pang gusali sa Malakanyang, dahil isinagawa muna rito ang retrofitting bago ang renovation.

Gayunpaman, mayroon lamang ilang tao na napuna si Arch Padernos na hindi nagsilabas ng kanilang tanggapan sa kasagsagan ng earthquake drill.

Kaya sinabihan nito ang ilang mga opisyal na in-charge sa drill na dapat sa susunod na pagkakataon ay kinakailangang palabasin na ang lahat ng tao kahit saang department o opisina pa nakatalaga ang mga ito bilang pagtalima sa memorandum at bilang pakikiisa sa epektibong pagtugon sa anupamang sitwasyon. (Daris Jose)

NAARESTO  na si dating Negros Oriental Representative Arnolfo “Arnie” Teves Jr.

Ayon sa Department of Justice (DOJ) inaresto siya ng mga otoridad ng Timor-Leste.

Nahaharap si Teves ng kasong murder, frustrated murder at attempted murder dahil sa sya ang itinuturong mastermind sa pagpatay kay Negros Oriental Governor Roel Degamo noong Marso 4, 2023.

Matapos kasi ang insidente ay nagtago si Teves sa Timor-Leste kung saan sinubukan niyang kumuha ng asylum dito subalit tinanggihan siya.

Bukod sa pamamaril kay Degamo ay kinasuhan din ito sa pagpatay sa tatlong indibidwal sa Negros Oriental noong 2019.

Noong Agosto 2023 ay idineklara siya kasama ang 11 iba pa bilang terorista dahil sa kinasangkutang patayan at harassments sa Negros Oriental.

Noong Agosto ay sinibak siya ng House of Representatives dahil sa disorderly conduct at ang mahabang pagliban kahit na expired na ang kaniyang travel authority.

Nitong Pebrero ay inilagay si Teves sa red notice list ng International Criminal Police Organization (INTERPOL).

Ang red notice ay isang kahilingan sa mga alagad ng batas sa buong mundo para matukoy ang kinaroroonan ng tao na may nakabinbin na extradition para ito ay sumuko at arestuhin. (Daris Jose)

PORMAL na binuksan ng Pamahalaang Lungsod ng Valenzuela ang kanilang kauna-unahang drug treatment at rehabilitation facility na tinawag na “Balai Banyuhay” sa Barangay Punturin, Huwebes ng umaga.

Pinangunahan nina Mayor WES Gatchalian at Senador Ronald “Bato” Dela Rosa ang ceremonial launching ng center para sa buong operasyon nito para sa mga residente at hindi residente ng lungsod na kasalukuyang nahaharap sa mga hamon tulad ng pag-abuso sa mga ipinagbabawal na sangkap upang mabigyan sila ng mahusay at makataong rebabilitative measures.

“Naniniwala kami na ang problema sa droga ay hindi lamang problema ng isang lugar. This is an interconnected issue, which transcends the physical borders of our city,” pahayag ni Mayor WES matapos buksan ang mga pintuan ng Balai Banyuhay sa kanilang mga kalapit na lungsod.

Sa panig naman ni Senador Dela Rosa na nagsilbing panauhing pandangal, nagbigay siya ng payo sa mga doktor at nagtatrabahong kawani ng center na isaisip na ang problema sa droga ay problema sa kalusugan ng publiko at hindi lamang problema sa kaayusan ng publiko.

“It is important then that we offered the best kind of health as equal for the sake of every patient. Let us take this addiction problem to mind but with the stake the recovery to heart,” ani Senator Bato.

Ang Balai Banyuhay ay itinatag sa bisa ng Ordinansa Blg. 603 Series of 2009 na inakda ni Konsehal Atty. Bimbo Dela Cruz at Konsehal Ramon Encarnacion. Ang salitang balai na ang ibig sabihin ay tahanan at banyuhay na para sa bagong anyo ng buhay o pagbabagong-anyo kung saan ang mga Valenzeulano na nalulong sa ipinagbabawal na droga ay tuluyang makabawi at magiging mga constructive na miyembro ng komunidad.

Ang five-storey drug rehabilitation center ay una nang pinondohan ni Sen. Win Gatchalian sa pamamagitan ng paglalaan ng P50 milyon at dagdag na P115 milyong puhunan mula sa Lungsod ng Valenzuela. Ang kabuuang puhunan ng lungsod ay nagkakahalaga ng P180,476,448.65 na kinabibilangan din ng restoration at repair nito at mga karagdagang kasangkapan.

Kasama sa mga serbisyo at pasilidad ng Balai Banyuhay, ay isang 100-bed capacity na sleeping headquarters, detoxification section, medical consultation section, psychological section, clinical laboratory, drug-testing laboratory, dental section, workshop area, lounge area, kusina, mini garden, multi- layuning lugar ng palakasan, silid-aralan, at iba pang mga opisina. (Richard Mesa)

NAISABATAS na ang 14 mula sa 57 priority bills ng administrasyong Marcos.

Ito ang inihayag ni Pangulong Ferdinand Marcos Jr., sa katatapos lamang na pagpupulong ng ika-apat na Legislative Executive Development Advisory Council (LEDAC) sa Palasyo ng Malakanyang, araw ng Martes, Marso 19.

Kabilang naman sa mga priority bills na naipasa na ay ang mga sumusunod:

1. SIM Card Registration Act
2. Postponement of Barangay/SK elections
3. Strengthening Professionalism in the AFP
4. New Agrarian Emancipation Act
5. Maharlika Investment Fund
6. Trabaho Para sa Bayan Act
7. Public-Private Partnership Code of the Philippines
8. Regional Specialty Centers
9. Automatic Income Classification of LGUs
10. Internet Transactions Act
11. Ease of Paying Taxes Act
12. Tatak Pinoy (Proudly Filipino) Act
13. Philippine Salt Industry Development Act
14. New Philippine Passport Act

Sinabi ng Malakanyang sa isang kalatas na mayroong 43 natitirang CLA bills ang hindi pa naipapasa para maging ganap na batas.

Gayunman, sinabi ng LEDAC na mayroon pang karagdagang limang priority measures na susuporta sa social at economic initiatives ang nakatakdang ipasa sa June 2024.

Ang mga ito ay ang “Open Access in Digital Transmission Act, Enterprise-based Education Program (Apprenticeship Act), CREATE MORE (Corporate Recovery and Tax Incentives for Enterprises to Maximize Opportunities for Reinvigorating the Economy), An Act Creating the Department of Water Management, at Amendments to the Universal Health Care Act.”

Sa kabilang dako, sa LEDAC meeting pa rin, sinabi ni Senate President Juan Miguel Zubiri na desidido silang tapusin ang kabuuang 23 priority bills bago mag-Hunyo.

“So ‘yan ang commitment namin sa House of Representatives together with the President. But we’re on track to pass all of these by June,” ayon sa senador.

Sinabi naman ni House Speaker Martin Romualdez na nai-trasnmit na rin sa Senado ang lahat ng LEDAC priority measures.

“At ‘yung dahilan kung bakit nauna po kami kaya kailangan tapusin naman natin talaga yung House bago i-akyat natin sa Senate. Kaya parati nating tinutukan ‘yung ating mga LEDAC priority measures para hindi madedelay ang deliberasyon sa Senate kaya parating hindi naman sa minamadali pero ino-overtime talaga natin sa House,” ayon kay Romualdez.

Samantala, kabilang naman sa 15 priority measures na ipapasaa sa pagtatapos ng Hunyo ay ang “Amendments to Anti-Agricultural Smuggling Act/Anti-Agricultural Economic Sabotage Act, Self-Reliant Defense Posture Act, Philippine Maritime Zones Act, Real Property Valuation and Assessment Reform Act, Philippine Ecosystem and Natural Capital Accounting System (PENCAS), at ang Negros Island Region Act.”

Kabilang din sa listahan ang “Anti-Financial Accounts Scamming Act; Value-Added Tax on Digital Services; Amendments to the Government Procurement Reform Act; Blue Economy Act; Waste-to-Energy Bill; Mandatory Reserve Officers’ Training Corps (ROTC) and National Service Training Program (NSTP); Unified System of Separation, Retirement, and Pension of Military and Uniformed Personnel; E-Government Act/E-Governance Act; at Academic Recovery and Accessible Learning (ARAL) Program Act.” (Daris Jose)

INIREKOMENDA  ng Bureau of Fire Proteksyon (BFP) ng pag-overhaul sa electrical system ng Philippine General Hospital.

Kasunod ito sa naganap na sunog sa nasabing pagamutan noong nakaraang linggo.

Balik sa normal operasyon na ang emergency room ng pagamutan matapos na naayos na ang napinsala ng sunog.

Magugunitang itinaas sa ikalawang alarma ang sunog kung saan nasa 180 na pasyente ang inilkas na mayroong pinsala na aabot sa mahigit P1-milyon. (Daris Jose)