2020 March 02 Archive - People's Balita

July 3, 2024
Search in People's Balita
Ang Diyaryong Pinagkakatiwalaan

Archive for March 2nd, 2020

MMDA: C-5 “deadliest road”

Posted on: March 2nd, 2020 by @peoplesbalita No Comments

SA loob ng tatlong magkakasunod na taon, ang Circumferential Road (C5) ang naitalang “deadliest road” sa Metropolis ayon sa nalikom na numbers ng fatal accidents na naitala ng Metropolitan Manila Authority (MMDA).

Ayon sa datos mula sa Metro Manila Accident Reporting and Analysis System report ng MMDA, ang C5 ay nangunguna sa listahan na may 31 fatalities mula sa vehicular accidents noong 2019, 27 noong 2018 at 23 noong 2017.

“C5 became Metro Manila’s deadliest road because of its and roads and conditions as well as the presence of trucks and motorcycles along the narrow highway,” wika ng MMDA. Ang C5 ay may habang 32.5 kilometers na bumabaybay mula sa Valenzuela, Quezon City, Pasig, Makati, Taguig, Pasay, Parañaque, at Las Pinas.

Samatalang ang Commonwealth Avenue sa Quezon City na tinawag na “killer highway” ay pumapangalawa na may 23 fatal road crashes hanggang 10 na patay noong 2018 at 17 naman noong 2017.

Ang 12.4 kilometer na Commonwealth Avenue ay nagtala ng pinakamataas na number ng aksidente dahil sa overspeeding ayon sa MMDA.

“Commonwealth Avenue registered fewer deaths than C5 because it is the country’s widest highway,” wika ni MMDA traffic chief Bong Nebrija.

Habang ang EDSA naman ay naitalang ikatlong deadliest road na may 19 fatalities mula sa vehicular mishaps noong 2019. Mas mababa ito kumpara sa 21 na deaths noong 2018 at 19 noong 2017.

Ang Radial Road 10 sa Navotas ay nasa ika-apat sa naitalang deadliest road na may 13 fatalities noong 2019 na mas mataas ng 8 deaths noong 2018. Habang ang MacArthur Highway sa Valenzuela ay may 10 fatalities noong 2019. Naitala naman ang EDSA na mas pinaka-accident-prone na highway sa Metropolis ng ikatlong beses hanggang 2019 na may kabuoang 17,382 na road crashes mula sa fatal at non-fatal na siyang dahilan ng injuries at damage sa properties.

Sinabi rin ng MMDA na may 17,276 na vehicular accidents ang nangyari sa EDSA noong 2018 kung saan mas mataas ito kumpara noong 2017 na may 12,635 lamang na aksidente.

Ang C5 naman ay ikadalawa sa may mataas na bilang ng road crashes na naitalang 8,735 noong 2019 mula sa 8,252 noong 2018 kasunod ang Commonwealth Avenue na may 4,998 noong 2019. Samantalang ang Ortigas Avenue naman ay may naitalang 2,922 na accidents kasunod ang Miindanao Avenue sa Quezon Ctiy na may 2,896; Roxas Boulevard na may 2,737 at Quezon Avenue na may 2,635 noong 2019. (LASACMAR)

Miyembro ng sindikato ng gun running arestado sa buy-bust sa Pasay

Posted on: March 2nd, 2020 by @peoplesbalita No Comments

HINDI na nakapalag ang isang sinasabing miyembro ng isang gun running syndicate nang arestuhin siya ng mga pulis sa parking lot ng Mall of Asia sa Pasay City.

Kinilala ang suspek na si Wilson Kho Bolante, 39 anyos at residente ng Garden Villas sa Sta. Rosa City, Laguna.
Sa ulat, naaresto si Bolante sa pagpapatupad ng Oplan Paglalansag Omega at Oplan Salikop ng pinagsanib na puwersa ng CIDG, Special Action Force at Regional Intelligence Unit alas 9:50 Huwebes ng gabi.

Kabilang sa mga nakuha sa suspek ang dalawang M4 rifles at isang PNP athletic shirt.

Base sa intelligence report, miyembro ng Nido Group si Bolante at ang kanyang grupo ay ilegal na nagbebenta ng mga baril.

Nahaharap siya sa kasong paglabag sa RA 10591 o ang Comprehensive Firearm and Ammunition Act.

Petecio, Diaz major awardees ng SMC-PSA

Posted on: March 2nd, 2020 by @peoplesbalita No Comments

BOXING world champion at Olympic silver medalist ang mangunguna sa gagawaran ng major awards sa susunod na buwan sa taunang SMC-PSA (Philippine Sportswriters Association) Awards Night sa Centennial Hall ng Manila Hotel.

Sila ay sina Nesthy Petecio at Hidilyn Diaz na kabilang sa 12 personaheng major awardees mula sa pinakamatagal na media organization sa bansa sa gala night sa Marso 6 na mga itataguyod ng Philippine Sports Commission, MILO, Cignal TV, Philippine Basketball Association, Rain or Shine, at Air Asia.

Ang dalawang babaeng atleta ay miyembro ng Team Philippines na kabilang sa Athlete of the Year award dahil sa matagumpay na pag-angkin sa 30th Southeast Asian Games 2019 overall title.

Nagwagi ang 27-anyos na si Petecio ng medalyang ginto sa featherweight sa AIBA Women’s World Boxing Championships sa Ulan-Ude, Russia noong Oktubre, habang nakapagbuhat si Diaz, 29, ng silver medal sa 2016 Rio Olympics at sa nakaraang taong Asian Championships at tanso sa World Weightlifting Championships.

Ang unang qualifier ng bansa sa Tokyo Olympics sa pole vault na si Ernest John Obiena ang isa rin sa mga major awardee dahil sa pagwawagi sa qualifying meet sa Chiara, Italy bukod pa ginto sa Asian Athletics Championship at Summer Universiade.

Dalawang iba pang world boxing champion ang nasa honor roll list — reigning International Boxing Federation (IBF) super-flyweight title holder Jerwin Ancajas at World Boxing Organization (WBO) bantamweight king Johnriel Casimero.

Major awardees din sa basketball ang bumubuo sa walang talo at sixth-time UAAP women’s champion National University, five-time PBA Philippine Cup winner San Miguel Beermen, at si five-time MVP June Mar Fajardo.
Kukumpleto sina golfers Juvic Pagunsan, Aidric Chan, at Princess Superal, pati na ang Horse of the Year na si Union Bell.

Kikilalanin din ang mga may special citation, magiging MILO Junior Athletes of the Year, ang regular na Tony Siddayao awardees, at ang Chooks-To-Go Fan Favorite Award.

‘Cease and desist’ vs MRT 7, binawi ni Belmonte

Posted on: March 2nd, 2020 by @peoplesbalita No Comments

BINAWI na ni QC Mayor Joy Belmonte ang inisyung ‘cease and desist order’ sa ‘above ground construction’ ng Metro Rail Transit (MRT) 7 sa Quezon Memorial Circle station matapos na maplantsa ang mga usapin.

Ayon kay Belmonte, sa pulong ng mga opisyal ng QC Local Government Unit (LGU), EEI Corporation, San Miguel Corporation, Department of Transportation (DOTr) at iba pang stakeholders, pinakita ang revised design ng istasyon.
Sa nirebisang disenyo, 426 square meter na lang ang area ng construction, mula sa 11,000 sqm. May taas itong 6 meter mula sa dating 12 meter.

Sa panukala, sinasabing magiging ‘utility room’ na lamang ang above-ground structure.

Dahil dito, sinabi ni Belmonte na wala nang ‘obstructions’ sa libingan ni dating Pangulong Manuel Luis Quezon at may ‘open space’ pa para sa mga residente.

Nagpasalamat naman ang DOTr sa tinawag ng ahensyang ‘win-win solution’ na napagkasunduan ng lungsod at concerned agencies.

Magugunitang nitong naka-raang February 18, sinuspinde ng QC LGU ang ‘above ground construction’ ng MRT QMC station upang panatilihin umano ang integridad ng naturang landmark at heritage site.

IWAS COVID-19

Posted on: March 2nd, 2020 by @peoplesbalita No Comments

PANDEMIC na ang COVID-19, sambit ng World Health Organization (WHO) na ibig sabihin ay mala-king bahagi na ng daigdig ang kinalatan ng virus.

Maging ang Switzerland at Austria na masyadong mahigpit sa pagbabantay para hindi makapasok ang virus ay mayroon nang tig-isang kaso. Maski sa Middle East ay nakapasok na ang COVID-19 ma-karaang may dapuan sa Iran at mismong ang de-puty health minister doon ang tinamaan. Marami na rin ang nagkaroon ng sakit sa Italy.

Sa ngayon ay nangangamba naman ang Japan na maaaring hindi matuloy ang Tokyo Olympics dahil sa pagkalat ng virus. Pumapangalawa ang South Korea sa may pinakamaraming tinamaan ng virus na umaabot na sa 1,260 at 12 na ang namamatay.

Dito sa Pilipinas, nananatili pa ring tatlo ang nagpositibo at pawang Chinese ang mga biktima na nakauwi na sa kanilang bansa. Isa naman ang naiulat na namatay.

Wala pang Pinoy na direktang nahawahan ng sakit. Ibig sabihin, naipatutupad ng pamahalaan ang mga pag-iingat at sinisigurong walang makakapasok na may taglay na virus.

Ang partial travel ban na pinag-utos ng pamahalaan sa South Korea ay isang magandang hakbang para mapigilan ang pagkalat ng COVID-19. Sa ilalim ng travel ban, hindi makakapasok sa bansa ang mga turistang nanggaling sa North Gyeongsang province, South Korea. Sa nasabing lugar nagsimula ang outbreak makaraang isang Chinese umano ang dumalo roon para sa religious rites. Halos buong miyembro ng religious sect ay nahawahan umano ng sakit.

Lahat nang paraan ay ginagawa ng pamahalaan para maiwasan ang COVID-19.

Ipatupad pa ang paghihigpit para hindi makapasok ang virus sa bansa. Ipagpatuloy ng Department of Health (DOH) ang pagpapaalala na laging maghugas ng kamay ang lahat para hindi mahawahan ng COVID-19.

Gumamit ng face mask subalit huwag namang mag-panic sa pagbili nito at baka naman maubusan ang hospital workers. Sa pag-iingat at pagiging malinis at malakas ang katawan, kusang mamamatay ang virus.

BATAS SA GAME FIXING, INIHAIN SA KAMARA

Posted on: March 2nd, 2020 by @peoplesbalita No Comments

MALALIM na usapin ang game-fixing, ngunit walang pangil ang batas para maabatan ang isyu.
Nagkakaisa ang Mababang Kapulungan na napapanahon na para mapagtibay ang batas na magpapataw ng kaparusahan sa mga opisyal, coach, player at sinumang sangkot sa game-fixing.

Ito ang nilalaman ng dalawang bill sa Kongreso na sisimulang talakayin sa House Committee on Youth and Sports Development sa pamumuno ni Rep. Eric Martinez sa Marso 4.

Nakahain sa Kongreso ang panukalang HB No. 1226 ‘An Act Redefining The Crime of Game-Fixing and Prescribing Stiffer Penalties’ na inihain nina Rep. Enrico Pineda at Pacman Partylist Rep. Mikee Romero, may-ari rin ng Northport Batang Pier sa PBA.

Nakahain din ang HB. No. 5281 “An Act Redefining the Crime of Game Fixing and Providing Penalties’ na si Rep. Angelo Marcos Barba ang may akda.

Kabilang sa inimbitahan bilang ‘resource speaker’ sina Games and Amusement Board (GAB) Chairman Abraham ‘Baham’ Mitra, Philippine Sports Commission (PSC) Chairman William ‘Butch’ Ramirez, PBA Commissioner Willie Marcial, MPBL president Sen. Manny Pacquiao, gayundin ang kinatawan ng UAAP at NCAA.

Matagal nang isyu ang game-fixing na nagsimula noong dekada 70s sa PBA na kinasangkutan ng mga star players nito, subalit walang naparusahan sa kabila ng serye ng imbestigasyon.

Sa UAAP at NCAA – dalawang malaking collegiate league sa bansa – ay sentro rin ng kontrobersya, ngunit walang natukoy at naipit na sangkot dito.

“Kami sa GAB ay hindi nagkukulang para mabantayan namin ang mga liga na sanctioned ng ahensiya. We’re doing our best para malagay sa tama ang lahat. Actually, yung illegal bookies at illegal on-line cockfighting ay nilalabanan namin yan. At para masiguro na lehitimo ang mga tao na involve dyan, inimpose d namin yung pagkakaroon ng mga lisensya ng lahat ng involve sa sabong,” pahayag ni Mitra.

Ngunit, sa pro league tulad ng basketball, football, at boxing, mabigat na usapin ang game-fixing kung kaya’t napapanahon ang naturang panukalang batas.

“Kung mataas ang penalty at mabigat ang kaparusahan, magdadalawang isip sigurado ang mga gustong ma-involved sa game-fixing,” pahayag ni Mitra, dating Palawan Governor at Congressman.

Kamakailan, mismong si Senador Manny Pacquiao ang naglahad ng game-fixing sa kanyang liga kung saan nasa National Bureau of Investigation (NBI) na ang kaso. (E.Rollon/Ara Romero)

Designated area itakda: Hithit ng vape sa pampublikong lugar, bawal na

Posted on: March 2nd, 2020 by @peoplesbalita No Comments

PINAGBABAWAL na rin ngayon ang paggawa, pagbebenta at pag-advertise ng mga hindi rehistradong electronic cigarettes o vape at iba pang mga naglalabasang bagong uri ng tobacco products.

Ipinalabas ng Palasyo ang Executive Order 106 na naglalayong amiyendahan ang nauna ng Executive Order 26 na nagbabawal ng paninigarilyo sa mga pampublikong lugar.

Nakasaad sa EO 106 na iniulat ng Department of Health (DOH) na ang paggamit at pagkakalanghap ng usok mula sa e-cigarettes o vape ay nagdudulot ng kahalintulad na respiratory illness, cardiovascular diseases, addiction, cancer, neurodegeneration, brain development retardation at iba pang sakit na dulot ng paninigarilyo.

Inatasan din ang lahat ng e-liquids, solutions ng Electronic Nicotine and Non-Nicotine Delivery Systems (ENDS/ENNDS) o heated tobacco products (HTPs) na magparehistro sa Food and Drug Administration (FDA).
“Other novel tobacco products shall be regulated in accordance with RA NO. 9211 and other relevant issuances, and are subject to the jurisdiction of the Inter-Agency Committee-Tobacco (IAC-T), established under the said law,” sabi ng EO 106.

Sa ilalim ng ng EO 106, bawal ang vaping sa mga pampublikong lugar.

Kaya nga sa halip na “No Smoking Zone” ang ipapaskil na babala ay gagawin na itong “Non-Smoking/Vaping Buffer Zone” habang Designated Smoking/Vaping Area” (DSVA) ang mga lugar sa isang gusali na itatalagang pwedeng mag-yosi o mag-vape.

Sinasabing dapat ding iisa lamang ang “Designated Smoking/Vaping Area” sa isang gusali, dapat sarado ito at hindi makalalabas ang usok sa open air.

Nakapaloob din sa EO na kung dati ay mula 18-anyos lamang ang pwedeng bumili o bentahan ng sigarilyo, itinaas na ito sa edad na 21.

Tinintahan ni Pangulong Rodrigo Roa Duterte ang EO 106 nitong Pebrero 26 at epektibo sa loob ng 15-araw makalipas ang publikasyon sa pahayagang may national circulation.

Sa kabilang dako, inaatasan ng EO 106 ang Food and Drugs Administration (FDA) na bumuo ng implementing rules and regulations (IRR) sa loob ng 30 araw matapos maging epektibo ang EO.

“Non-Smoking/Vaping Buffer Zone” (Buffer Zone) is a ventilated area between the door of a DSVA not located in an open space and the smoke/vape-free area. There shall be no opening that will allow air to escape from such Non-Smoking/Vaping Buffer Zone to the smoke/vape-free area, except for a single door equipped with an automatic door closer. Such door is distinct from the door of the DSVA, which shall be at least two (2) meters away from the other,” ang bahagi ng nakasaad sa EO 26. (Daris Jose)

Go sa gov’t workers: Mababang sahod di rason sa korupsyon

Posted on: March 2nd, 2020 by @peoplesbalita No Comments

“Hindi rason ang mababang suweldo para maging corrupt.”

Ito ang idiniin ni Senator Christopher Lawrence “Bong’’ Go kasabay ng pagpapayo sa mga kawani ng gobyerno na hindi makuntento sa kanilang suweldo na magbitiw na lang sa serbisyo at ibigay ito sa mga taong nais maglingkod nang tapat sa ating bayan.

“Marami pong Pilipino ang gustong magtrabaho ng tapat. Para sa mga hindi kuntento sa pagseserbisyo nang tapat, mas mabuting ibigay n’yo na lang po ang inyong trabaho sa ibang tao na ginugustong magserbisyo sa bayan at hindi ang magpayaman,’’ ani Go.

Sa nakaraang Senate inquiry, lumitaw na may ilang empleyado ng Bureau of Immigration (BI) na humihingi ng lagay o “kotong” sa mga travel agencies o turista na pumapasok sa bansa kahit na walang visas.

Ikinatuwiran nila na wala kasi silang overtime pay kasabay ng hiling na itaas ang kanilang sahod.

Ngunit ayon kay Sen. Go, “Pumasok tayo sa gobyerno para magserbisyo. Hindi po para yumaman. Hindi rason ang mababang suweldo para maging corrupt. Prayoridad natin ang maglingkod sa tao. Kapakanan ng kapwa Pilipino ang palagi nating unahin.’’

Sinabi ng senador na ginagawa ng Duterte administration ang lahat upang matugunan ang pangangailangan at kapakanan ng mga kawani ng gobyerno sa pamamagitan ng pagbibigay sa mga ito ng mas maayos na kompensasyon.
“Early this year, President Duterte signed into law the Salary Standardization Law 5, which I authored, increasing the salaries of government civilian employees,’’ aniya.

“As to the appeal of Bureau of Immigration employees for increased pay, this administration continues to provide augmentation pay in accordance with the law,’’ dagdag ng senador.

Sinabi ng mambabatas mula Davao City na noong 2018 at 2019, nag-isyu ang Office of the President ng Memo Order 24 s. 2018 at Memo Order 39 s. 2019, ayon sa pagkakasunod, na nagpapahintulot na gamitin ang Express Lane Fees bilang suportado sa pasahod sa BI personnel.

“And they continue to receive the same this year, subject to certain conditions, as authorized by the General Appropriations Act 2020,’’ ani Go.

Itinutulak ng Immigration Officers Association of the Philippines Inc. sa Kongreso na aprubahan na ang nakabimbing panukala na palitan na ang outdated Immigration Act of 1940 o and Salary Standardization Law na magtataas sa salary grade ng BI officers.

Tiniyak naman ni Go sa BI employees na suportado niya ang nasabing panukala at hihilingin niya na agad itong maisabatas.

‘’Being a worker in government for the past 21 years, I understand what government employees go through,’’ aniya.
“Mahirap maging empleyado ng gobyerno. Malaking sakripisyo ito para sa pamilya dahil hindi ganun kataas ang sweldo kumpara sa pribadong sektor. Pero iba ang katuparang nadadama dahil nakapagserbisyo ka sa ating bayan.’’
“Patuloy naming isinusulong ng Pangulo ang kapakanan ng mga empleyado, katulad ng mas magandang benepisyo, para naman maalagaan ang kanilang mga pamilya,’’ aniya.

“Gagawin po namin lahat ng pwedeng gawin basta naaayon sa batas. Ang hiling lang namin ay basta magserbisyo kayo ng tapat sa bayan at sa inyong kapwa,’’ kanyang idiniin.