TINIYAK ng Malakanyang na nakonsulta ang Bangsamoro leaders sa Anti-Terrorism Council sa pagpapatupad ng bagong lagdang batas na Anti, Terrorism Bill.

Umapela kasi si Bangsamoro Autonomous Region in Muslim Mindanao (BARMM) Chief Minister Ahod Ebrahim na magkaroon ng “representation” ang kanilang rehiyon sa nine-man council.

Aniya, required ang Anti-Terrorism Council, sa pangunguna ni Executive Secretary Salvador Medialdea, na magsagawa ng konsultasyon sa mga lider ng BARMM, pero hindi nga lang umano full membership.

Ang council ani Sec. Roque ay binubuo ng national security adviser at mga kalihim ng foreign affairs, defense, interior, finance, justice, at information and communications technology, kasama ang executive director ng Anti-Money Laundering Council na siyang bubuo ng implementing rules and regulations ng bagong batas.

Magugunitang, una nang umapela ang mga lider BARMM kay Pangulong Rodrigo Roa Duterte na i-veto ang Anti-Terrorism Bill, dahil sa hindi malinaw na depenisyon ng terorismo, surveillance sa mga suspek, interception at recording ng communications, at pagkulong nang walang judicial cause of arrest. (Daris Jose)

PATAY ang Manila Chief Inquest Prosecutors matapos tambangan ng hindi nakikilalang gunman sakay ng isang kulay itim na Sports Utility Vehicle sa Paco Maynila.

Sa inisyal na report ng Manila Police District (MPD)-Police Station 5, kinilala ang biktima na si Jovencio Senados y Bagares, 62 at taga Blk 53 Lot 19 Villa Palao, Calamba, Laguna.

Naganap umano ang insidente dakong alas-11:05 kahapon ng umaga sa panulukan ng Quirino Highway at Anakbayan St Paco nang dikitan ng suspek ang sasakyan ng biktima.

Ayon sa ulat ang mga suspek ay nakasakay umano sa kulay itim na SUV na may Plate number na ABG 8133.

Huli umanong nakita ang suspek sa westbound ng Quirino papunta sa Roxas Boulevard nang tumakas.

Samantala,kinondena naman ni Justice Secretary Menardo Guevarra ,ang ginawang pag ambush kay Senados.

Inatasan rin ni Guevarra ang National Bureau of Investigation (NBI) na kaagad magsagawa ng sariling imbeatigasyon sa pagpatay kay Senados.

“we are shocked by the audacity of this attack. it highlights once again the grave peril that our prosecutors face each day in the discharge of their duties. i have ordered the NBI to immediately step in and investigate this horrible murder,”ayon kay Guevarra.

Nalaman na isa sa kontrobersiyal na kaso na huling ini-inquest kay Senados ay noong Oktubre 2019 na may kaugnayan sa ginawang pamamaslang kay Batuan Masbate Vice Mayor Charlie Yuson III sa Vito Cruz ,Sampaloc,Maynila.

Nabatid na iniutos umano ni Senados ang pagpapalaya sa apat na suspek na sina Bradford Solis, Juanito de Luna, Junel Gomez at Rigor de la Cruz kung saan “referred for further investigation” ang naging resolusyon ni Senados. (GENE ADSUARA)