MENTAL Health Awareness Month ang buwan ng Oktubre at sa buwan na ito, pinapaalam ng marami ang nagiging epekto sa tao kapag hindi nabantayan ang kalagayan ng kanilang mental health.
Dahil sa COVID-19 pandemic, maraming tao sa buong mundo ang nakaranas ng depression, anxiety, restlessness at yung iba ay umabot na sa pagkakaroon ng suicidal thoughts. Kaya importante na ma-check ang mga taong ito na may mental health problem para ipaalam sa kanila na magiging maayos din ang lahat.
Isa nga sa binabantayan ang kalagayan ng kanyang mental health ay ang Kapuso comedian- TV host na si Betong Sumaya. Hindi kaila sa marami na may pinagdaanan na matinding anxiety si Betong noong magkaroon ng lockdown.
Para maibsan daw ang kanyang anxiety, umiwas daw muna itong manood ng mga balita sa telebisyon.
“May times na ayoko manood muna ng news. Hindi ko sinasabi na hindi importante, napakaimportante ng news. Pero may point minsan na parang naa-alarm ako. Kasi parang nakikita mo parang ‘yung cases nararamdaman mo,” diin ni Betong.
Nakatulong ang dasal kay Betong para mapawi ang kanyang nararamdamang lungkot.
“‘Yung faith mo talaga kay Lord, wala tayong ibang makakapitan ngayon kung hindi si Lord talaga ‘di ba, sa dami ng mga nangyayari sa atin.”
Mabuti raw at meron siyang online weekly show na Quiz Beh! at panay ang video chat niya sa kanyang pamilya.
“Ako po, home alone talaga ako; 7 months na akong home alone dito sa Quezon City. Pero siyempre, I have to make a way na makausap ko ‘yung family ko so very thankful ako na meron tayong Facetime at iba’t ibang ways na makausap sila.” (RUEL J. MENDOZA)
HULI ang may 33 mga tsuper ng bus dahil sa pag labag sa Inter Agency Task Force on Emerging Diseases o IATF. Sa isinagawan inspeksyon ang Inter- Agency Council for Traffic (IACT), Land Transportation Office (LTO), Land Transportation Franchising and Regulatory Board (LTFRB) at Philippine National Police-Highway Patrol Group (PNP-HPG) sa mga Public Utility Bus (PUB) na bumibiyahe sa Commonwealth Avenue, Quezon City ay buking nag mga ito.
SOBRANG kaligayahan ang nadama ni Philippine SuperLiga o PSL star Rachel Anne Daquis sa pagbabalik ng 45th Phlipppine Basketball Association o PBA 2020 Philippine Cup eliminations bubble nitong Linggo sa Clark Freeport and Special Economic Zone sa Angeles, Pampanga.
HINDI pa rin maka-move on si Matthew Wright sa pagkamatay ni National Basketball Association o NBA legend Kobe Bryant, magsisiyam na buwan na matapos ang helicopter crash na kumitil sa buhay ng kanyang idol.