HINDI na naman napigilan ni Megastar Sharon Cuneta na patulan ang tila panglalait ng isang basher na nag-comment sa kanyang picture post sa Instagram na kuha nasa taping ng Your Face Sounds Familiar.

Caption ni Mega, “Girl in love and so loved! And not cutting her hair short. Repost from @gens_khaycee78. My barbie super cute.”

Nag-react nga si @nak_namara, “Good thing noon ka nag-artista. Kung ngayon ka sumabay kina Bea, Liza, Anne Curtis baka di ka napansin.  Kung kamukha mo sana mommy mo, pede ka sumabay kaso daddy mo ang kamukha mo, e.”

Agad naman siyang ipinagtanggol ng followers niya sa IG at sey ni @netski027, “Si Bea at Anne ang tatay foreigner. Si Sharon pure pilipino ang magulang. But ang ganda nya di ba? Kaya n’ya makipag sabayan kahit kanino. Golden girl na siya pero tingnan mo nman maganda pa din. Ang nag-iisang Megastar lahat ng pelikula blockbuster at lahat ng in-endorse nya patok lahat.”

Reaksyon naman ni @dhonskie88 na inis na inis sa pambabastos kay Sharon, “@nak_namara, pag bastos ka talaga, bastos kang tao, mal edukado lang ang peg mo. Wala cguro nag mamahal sayo kasi ang napaka -ungkot ng buhay mo naninira ka ng Matinong tao at ubod ng bait at pag mamahal sa kapwa. Nag iisip nga ako if tao kaba talaga???

“C Ate Sharon @reallysharoncuneta pa ang sasabihan mo ng di maganda ehh morethan 40 years na namumukadkad sa larangan ng pinilakang tabing halos lahat ng kasabay nya xa lng namumukod tanging sikat at visible pa until now kahit mga new generations actress ni re-respeto c Ate Sharon tapos ikaw na wla ka man lng ambag sa mundo maninira at mag sabi ng masasakit na salita? Ang tawag cguro sayo mag kano ba bayad sayo para manira kay Mega?? Wla ka na bang makain??”

Hindi nga nakapagpigil si Sharon kaya sinagot niya ang bastos na basher at sa huli’y natawag pa niyang ‘Engot!’.

“@nak_namara, Eh di ka nag-iisip. Sa dami na ng dumaan bago pa dumating sina Bea at lahat sila, e, maganda na ako!

“Marunong akong kumanta, sumayaw, umarte. Nagpayaman ng producers dahil lahat ng ginawa ko sobra ang kinita. At nandito pa rin ako!” tila naiiritang post ni Sharon.

Dagda pa ng mommy ni KC Concepcion, “Alam mo ang ganda, sampusampera. Ang di maipaliwanag ng at sa tao ay ‘yung tinatawag na X-Factor. Puwede ba ako sumikat ng di milyon ang sumuporta at nagmahal sakin?”

Dumagsa rin ang iba pang netizens na nagtanggol kay Sharon at may nadismaya rin na dapat daw ay hindi niya pinatulan ang basher.

Sabi nila:

“Point is, mali yung basher. Sa status ni Sharon, dapat Di na siya binabastos ng ganyan. But Sharon shouldn’t have said anything back too. I agree with Sharon though, dami nang dumating before and after Bea etc but she’s still the Megastar. That’s all.”

“Ok na rin, she set the record straight. I agree with her. Ang importante hatak. She had it kahit walang love team. Siya Lang nagdadala sa movies nya.”

“Yep. I like Bea, Anna at Liza pero kahit na pagsabayin pa ang mga accomplishments nilang tatlo, ang LAYO paren kay Sharon! Not even close sorry.”

“si Sharon , nagkapangalan yan dahil siya ang IT girl nung panahon niya. Mayaman, may talent, minahal ng masa. Hindi pa nauuso ang retokada nung panahon ni Sharon, talent ang puhunan.

“Agree with Shawie. Yan ang kulang sa first child niya — x- factor.

“Hindi rin, iba pa din ang kalibre ni sharon nung kabataan niya compared anne,bea and liza. tisay lang sila kaya sumikat but nothing special about them.”

“Si Sharon mayaman, may breeding. Kolehiyala ang mga roles, may talent din sa pagkanta. May hosting skills din kaya napaka in demand niya mapa mayaman or mahirap, fans niya.”

“Trulalu naman ang nagmamarka lang naman sa showbiz eh yung mga merong x-factor! Yung mga binanggit ni basher puro magaganda w x-factor same with MEGASTAR. Yown lang.”

“sa mga binanggit nung basher parang si Anne lang yung pwede icompare kay Sharon sa pagiging multimedia star at endorsements left and right though I think mas magaling umarte naman si Sharon kay AC. Si Bea hindi ko pa masabi yung bankable ba talaga ang movies niya without John Lloyd, si Liza marami pang bigas na kakainin.”

“tama si Sharon, haha supalpal yung basher. At any given time, maraming magagandang nag-artista, pero hindi sumikat ng kasing-sikat ni Sharon. Talent and x-factor indeed. BRAVO SHARON.

”Sina Bea, Liza, at Anne pagawin mo ng solo variety show, tignan mo kung tumagal. Yung kay Sarah nga di tumagal, kasi kulang sa class. Si Anne pang maramihan lang na host, di pwedeng main kasi kulang sa wit unlike Vice Ganda.”

“tama si sharon. kahit anak mayaman siya, nakakagulat yung appeal niya sa masa. at that time, may space for someone who can succeed sila vilma and nora in terms of talent. eh, magaling si sharon. tama lang na engot niya si basher.”

“Actually, okay lang din sinagot nya ung basher para at least may natutunan din si basher. Yes, mayabang ung sagot pero may point naman eh. Yung beauty ni Shawie nung kabataan nya is incomparable and hindi naman sya half-bred, walang retoke nung time na yun and she’s smart at a young age. Yung ibang sikat ngayon pag ininterview ni hindi makabuo ng comprehensive sentence.”

“I think mas nainis siya dun sa sinabi ng basher na hindi siya maganda kasi kamukha niya ang daddy niya. Parang ang insinuation kasi is pangit ang daddy niya. Sharon’s known to be a daddy’s girl kaya understandable na talagang aalma siya.”

“Megastar is megastar, mga basher kasi di naman nila kapahunan, ako nga 20’s lang ako pero sobrang pinapanood ko mga classic movie nya na mapapahanga ka na lang talaga sa pagarte at ganda ng boses niya kaya pala siya nagig Megastar.”

“After Sharon Cuneta, wala na talagang nakasunod sa yapak nya. Si Judy Anne, almost, but hanggang doon lang. I cannot say the same for Anne, Bea and Liza cz same lang sila. Walang social media nuon sa time ni Sharon but halos lahat ng sine taas ng pila at palaging puno if it’s Sharon Cuneta.

“But I didn’t know ganito pala attitude nya. Sharon is right but she should not stoop down sa level ng bashers at magyabang ng milyones nya.” (ROHN ROMULO)

SUNUD-SUNOD ang pambubulabog ni Max Collins sa pag-post nito sa social media ng kanyang post-baby body pagkatapos nitong manganak last year.

Eight months na ang nakaraan noong isilang ng Kapuso actress noong July 2020 si Skye Anakin. Pero mabilis na naibalik ni Max ang dati niyang seksing katawan bago siya nabuntis.

Bukod sa bikini photos na pinost niya sa Instagram noong makapag-beach na siya kasama ang ilang mga kaibigan, pinost ni Max kelan lang sa IG ang isang photo shoot niya kunsaan makikita na achieved na niya ulit ang dating katawan niya.

Nilagyan ito ni Max ng caption na: “This girl is on fire!”

Maraming naiinggit na netizens sa post ni Max dahil mabilis daw na naibalik nito ang dating katawan. May iba  kasi, inaabot ng isang taon bago mawala ang tinatawag na baby weight.

***

MARAMING beki ang nabitin sa topless photos ni Miguel Tanfelix.

Nag-post ang Kapuso leading man ng dalawang photos habang nakababas siya sa dagat. Nilagyan niya ito ng caption na: “Breather.”

Ready na raw ang ilang beki netizens sa ipo-post na topless photos ni Miguel para masilayan ang mga pandesal nito sa tiyan. Pero binitin ni Miguel ang mga abangers dahil lubog sa dagat ang katawan niya.

Pero may isang fan pa rin na masilip ang abs ni Miguel sa tubig. Nag-comment ito ng: “Nakikita ko ‘yung abs mo sa second pic.”

Mapapanood si Miguel bilang Steve Armstrong sa Voltes V: Legacy series. Nag-train pa ang aktor kung paano magpaputok ng baril with the 730th Combat Group of the Philippine Airforce in Nasugbu, Batangas.

“Kinakabahan ako at first kasi this is my first time na makahawak at makagamit ng totoong baril. Pero, habang tumatagal, mas lalo aking ginaganahan at gusto ko na siya gawin regularly, and possible na maging hobby ko na ang firing,” sey ni Miguel.  (RUEL J. MENDOZA)

NAKAHAHANGA ang 16-hectare farm owned by actress Bea Alonzo sa Iba, Zambales, ang Beati Firma Farm. 

Ang meaning ng name ay “Blessed Farm.” Maganda, malinis parang sa ibang bansa ang farm.

Ni-launch ni Bea ang kabuuan ng farm sa kanyang YouTube channel last Saturday evening, March 13, titled “Welcome To Our Farm” (Beati Firma Farm Tour Part 1).

Kuwento ni Bea, nabili niya ang farm sa pamamagitan ng actress na si Isabel Rivas na may farm din doon, nang sabihin sa kanyang may ipinagbibiling farm doon.

Year 2011 niya iyon nakuha na isang puno at isang tree house lamang ang naroon.  Pero ngayon, napakaganda na ng farm, napakaraming punong nakatanim, tulad ng mahogany tree (5,000 daw ito pero nung dumaan ang bagyong Ulysses, isang puno ang nabuwal, pero ngayon ay tumutubo na ulit), mangoes, calamansi, at iba pang fruit-bearing trees, may palayan din, kaya kumikita na ang farm na pinamamahalaan ng mommy ni Bea at ng katiwala nilang si Doy.

Kasama rin ng mommy niya roon ang brother niya at ang wife nito (anak ni Bayani Agbayani) at ang baby girl nila.

Kasama ni Bea, sakay ng golf cart, si Doy sa paglibot niya sa farm, dahil hindi raw siya kilala ng mga baka, at hinahabol siya.  May mga baboy, sheeps, ducks, gansa at mayroon na rin silang tilapia fish farm.

Organic farm ang tawag ni Bea sa farm niya dahil hindi sila gumagamit ng mga insecticides at antibiotics, mga natural food ang kinakain ng mga hayop doon.  May small community na sa loob ng farm dahil ipinagpagawa na ni Bea ng kanilang mga bahay ang mga staff niya na nagtatrabaho roon.

Mahusay daw mamahala ang mommy niya na taga-Quezon kaya marunong ito tungkol sa farming at masinop ang ina sa perang kinikita niya.

May kasunod pa ang YouTube, part 2, na isasama na ni Bea ang viewers sa bawat lugar ng farm.

***

NAGSIMULA na ngang mapanood ang romantic-comedy series na First Yaya na  first time ding pagtatambal nina Gabby Concepcion at Sanya Lopez.

Pero ang mga viewers, hinihintay na kung paano pahihirapan ng dalawang beauty queens na parehong kontrabida sa serye, si former Miss Universe 1967 na si Ms. Pilar Pilapil na masungit na nanay ni President Glenn (Gabby), si Blesilda, kaya magkakaroon sila ng hindi pagkakasundo ni Yaya Melody (Sanya).

At si Maxine Medina, former Binibining Pilipinas Miss Universe 2016, as Lorraine na may gusto rin kay President Glenn, kaya magkaribal sila ni Yaya Melody sa puso nito.

Handa na ba si Maxine sa kanyang role?

“Yes, ready at excited na akong ilampaso, sampalin, saktan, si Yaya Melody,” sagot ni Maxine.

“Tapatan at tagisan kami ni Sanya, pero siyempre sa eksena lamang iyon. Best of friends kaming lahat sa seryeng ito, dahil magkakasama kami araw-araw sa lock-in taping namin.  Hindi pa kami tapos at nagti-taping pa rin kami hanggang ngayon.”

Ang First Yaya ay sa direksyon ni LA Madridejos at napapanood gabi-gabi, pagkatapos ng 24 Oras, sa GMA-7. (NORA V. CALDERON)