2021 March Archive - People's Balita

July 4, 2024
Search in People's Balita
Ang Diyaryong Pinagkakatiwalaan

Archive for March, 2021

500K hanggang 1 milyong vaccination kada linggo

Posted on: March 25th, 2021 by @peoplesbalita No Comments

TARGET ng pamahalaan na mabakunahan ang 500,000 hanggang isang milyong indibidwal bawat linggo simula sa buwan ng Abril.

Ito’y dahil na rin sa inaasahang pagdating ng mas maraming mga bakuna sa nalalapit na pagsapit ng 2nd quarter.

“So ang targeted vaccination natin by April and May, hinahabol namin na magkaroon tayo ng 500,000 to 1 million per week.

Sa ngayon, medyo mabagal tayo dahil kasi po ang ating binabakunahan ay mga healthcare workers, at talagang ang ginagawa natin pine-phase natin talaga dahil kasi iniingatan po natin na mabakante ang mga hospital lalo na ngayon na umaangat po ang ating mga kaso,” ayon kay vaccine czar Secretary Carlito Galvez Jr.

Tatlo aniya ang pagkukunan ng pamahalaan na mga bakuna para sa ikalawang bahagi ng 2021na pawang manggagaling sa Sinovac, Gamaleya at COVAX.

Tinatayang aabot aniya sa 11.5 million doses ang inaasahan nila para sa April deliveries habang may paparating pang bakuna sa susunod na linggo na isang milyong doses na binili sa Sinovac bukod pa sa 4 na raang libong donasyon nito sa bansa.

“Iyong sa second quarter delivery natin, ‘yong tatlo ang pagkukunan po natin: ‘yong Sinovac, Gamaleya at saka COVAX.

Dahil nagkaroon na ng EUA ang ano, Emergency Use Authorization ang Gamaleya, puwede na tayong bumili . And then ‘yong Sinovac, March 29, ay 1 million ang atin matatanggap. Ito ‘yong nabili natin na ide-deploy nila at kukunin ng Philippine Airlines in two shuttles this coming ano March 29 po,” anito.

Sa kabuuan aniya ay umabot sa 2. 379 million doses ang parating na bakuna para sa 1st quarter.

“So ang total doses na darating ngayong ano ngayong first quarter is 2.379 million doses. At sa ngayon po mayroon na po tayong activated na 1,523 na vaccination site. Sa April deliveries naman po, magkakaroon tayo ng more or less 11.5 million doses,” ang pahayag ni Galvez. (Daris Jose)

FACE SHIELDS, BARRIERS, ROADBLOCKS, CURFEW SA PANAHON ng PANDEMYA, ATBP.

Posted on: March 25th, 2021 by @peoplesbalita No Comments

Pinatupad na sa public transport ang “no face mask, no face shield, no ride” policy. Sa mga mangagawa ay ipinagutos na rin ang pagsuot ng face shield. May ilang business establishments na may polisiya na rin ng “no mask, no face, shield no entry.

“Kaya naman nagsisiguro na ang ating mga mamamayan na magsuot ng face mask at face shield para sigurado na nga naman! Yun dating “encouragement”o paghikayat na magsuot ng face shield ay mukhang naging “requirement”na.

Dahil dito ay namigay ng sariling gawang faceshield ang Lawyers for Commuters Safety and Protection(LCSP) at ‘Ang Bumbero’ng Pilipinas sa mga pasahero at manggagawa. Ilang LGU at NGO na rin ang sumunod at namigay na rin ng libreng face shields.

Samantala, inalis naman ng IATF ang polisiya na gumamit ng barrier sa mga family-used motorcycles kapag ang rider at naka-angkas ay ‘members of the samehousehold. Matatandaang pinalagan natin ang polisiyang ito mula pa nung una. Ito ang panukala noon pa ng LCSP!

Pero itinuloy pa rin ang nasabing polisiyang kaya imbes matuwa ay binatikos ito ng mga may-ari ng motorsiklo dahil sa gumastos na sila tapos babawiin rin pala.

Ganyan ang mga polisiyang hindi gaanong pinagaralan bago ipatupad. Ang isa pang dapat alisin ay ang mga road barriers sa mga kalye. Mistulang mga pang-gyera ang mga ito na humaharang sa daloy ng trapiko.

Kung ang objective nito ay para walang makapasok na ibang tao o sasakyan ay hindi rin nangyayari dahil may nadadaanan din namang iba para makakapasok sa kalyeng sinarahan.

Piliin na lang talaga ang kalyeng dapat isara at huwag gawing pahirap sa mga residente at motorista ang mga barriers. Ang curfew naman ay mananatili dahil sa nakatutulong din ito sa pagbaba ng krimen at umuuwi sa bahay ng maaga ang mga tao.

Maraming salamat sa mga sumusunod sa pagtulong sa paggawa at pamimigay ng libreng faceshields – ‘Ang Bumbero ng Pilipinas’ sa pangunguna ni Chairman Leninsky Bacud, Robert Garcia, Squidpay, Marvin dela Cruz at Riverforest Development Corporation at mga LCSP at ABP volunteers. (Atty. Ariel Enrile-Inton)

Pamahalaan, ipag-uutos na ipasara ang simbahang Katoliko

Posted on: March 25th, 2021 by @peoplesbalita No Comments

KAAGAD na ipag-uutos ng pamahalaan ang pagpapasara sa mga Simbahang Katoliko na tututol sa naging direktiba ng Inter-Agency Task Force (IATF) na nagbabawal sa religious gathering sa panahon ng National Capital Region (NCR) Plus bubble mula Marso 22 hanggang Abril 4 sa gitna ng COVID-19 pandemic.

Ito ang naging tugon ni Presidential Spokesperson Harry Roque sa naging tagubilin o Pastoral Instruction ni Manila Auxiliary Bishop Broderick Pabillo na nagsasabing ang mga religious worship ay gagawin sa loob ng simbahan na may 10% capacity simula Marso 24—araw kung saan magsisimula ang unang araw ng Holy Week na gugunita sa paghihirap at kamatayan ng Poong Hesukristo.

“That will be contrary po to the decision of the IATF and we ask Bishop Pabillo not to encourage, iyong disregard of IATF rules. Ito naman po ay para sa kabutihan ng lahat,” ayon kay Sec. Roque.

“In the exercise of police powers, we can order the churches closed. Huwag sana pong dumating doon, Bishop Pabillo. Wala po tayong makakamit na kahit anong objective if you will defy and you will force the state to close the doors of the Church,” dagdag na pahayag nito.

Giit ni Sec. Roque ang magiging hakbang ng pamahalaan ay hindi paglabag sa probisyon ng Saligang Batas hinggil sa “separation of church and state.”

“This goes beyond freedom to believe and the prohibition to endorse a religion. That will be an enforcement of police powers to protect the public good,” ani Sec. Roque.

“We understand po that this is Holy Week, but a Christian myself, as a practicing Christian, I have a relationship with God. At kasama din po sa obligasyon ng estado ay sumunod din doon sa mga talaga ng Panginoon na mamuno,” aniya pa rin.

Nauna rito, napaulat na nilabag ng IATF ang religious freedom at separation of church and state dahil sa paglalabas ng kautusan nang walang konsultasyon.

Tiniyak ni Bishop Pabillo na ipagpapatuloy ang mga pampublikong misa at mga gawaing simbahan ngayong Semana Santa maging ang pagdiriwang ng Linggo ng Pagkabuhay.

Sa IATF restrictions, kasama sa pagbabawal ang mga religious mass gatherings dahil sa pagtaas ng kaso ng iba’t ibang variants ng novel coronavirus.

“So, dyan mali na sila at hindi dapat tayo sumunod sa ganiyang pamamalakad na walang konsultasyon and it somehow breaks the separation of church ang state, sila ang nagse-separate ngayon. Sila na ang tumatanggi sa separation at yan ang sinasabi na hindi pwedeng pagbawalan ng state ang religious activities within their own ambient,” ayon sa pahayag ni Bishop Pabillo sa programang Barangay Simbayanan Apostolic visit on-air ng Radio Veritas.

Ayon sa Obispo, tuloy tayo ang mga activities ngunit limitado at may social distancing pati ang online activities ay tuloy din.

“Ini-encourage natin pero kung sinong faithful na gustong um-attend within our limits at tayo ang maglilimit sa loob ng simbahan natin hindi sila, ipagpapatuloy natin,” ayon kay Bishop Pabillo.

Base sa inilabas ng kautusan ng IATF, 10 katao lamang ang papayagang makapagsimba sa mga parokya sa ilalim ng General Community Quarantine na umiiral sa National Capital Region, Bulacan, Cavite, Laguna at Rizal o tinawag na NCR.

Iginiit ni Bishop Pabillo, tuloy ang mga pagdiriwang sa mga parokya at sa pamamagitan ng online activities para sa mamamayan na nais na tumanggap ng Eukaristiya.

Tiniyak din ng obispo na itatakda rin ng simbahan ang mga nararapat na limitasyon at safety health standard para na rin sa kaligtasan ng publiko mula sa nakakahawang sakit.

“Dapat magsalita tayo at saka we believe religious services are essential services, they may not be essential economically but they are very essential to our well-being,” dagdag pa ni Bishop Pabillo.

Dagdag pa ni Bishop PAbillo, “Wala tayong inorganize na activities outside the church, ‘yan sa loob ng simbahan lang. At yan ay mahalaga para sa atin, we have to serve our own faithful, if the faithful feel they need to be in touch with God lalung-lalu na sa komunyon sa banal na misa sa mga activities na ito within the limit that we set at hindi sila.”

Sa nakalipas na malakihanng pagdiriwang ng simbahan tulad ng simbang gabi at traslacion ay lumabas sa pag-aaral na hindi ito naging dahilan sa pagtaas ng bilang ng mga nahawaan ng virus. (Daris Jose)

PAOLO, inamin na may ‘herniated disc’ dahil nasa lahi nila

Posted on: March 25th, 2021 by @peoplesbalita No Comments

SA Instagram account (@pochoy_29) ni Paolo Ballesteros, may isang netizen na nagtanong sa isa sa host ng Eat Bulaga sa kapansin-pansin na posture niya.

Comment ni @irmabaylen78, “Hi, Pao! I always watch eat bulaga. Stress reliever ko kayong lahat. Medyo bothered ako sayo Pao. Napansin ko kse yun likod mo. May scoliosis ka ba? Seryoso ha. Wag ka sana magalit. Nag aalala kse ako sa posture mo.”

Na sinagot naman ni Paolo, “@irmabaylen78 ay meron po herniated disc. Pero onti pa lang hehe. Lahi namen eh. sister at brother ko meron bakal sa leeg at lumbar.”

Sagot naman ng netizen na nagtanong, “@pochoy_29 awww. So sorry to hear that. Kami naman scoliosis kaya nung napansin ko yun likod mo, nag alala ako. My cousin had to go through braces pero wala din nangyari. Wala ka ba nararamdaman na pain?”

Nagpakita naman ng concern at pag-aalala ang kanyang mga followers:

“kuyaaa magpagaling ka po. Isa po kayo sa lagi kung inaabangan sa eat bulaga ei. Kapag walang Paolo, di ganun kasolid. Sending our prayers to you kuya Pao.”

“hope and pray everything goes well. Masaya kami when you’re around (eat bulaga) sending hugs and.”

“will be praying for you Pao. Hope to meet you soon, together with the Eat Bulaga Fam. Number 1 fan here. Take care ❤”

”Stay safe po kuya sana hindi na po lumala at sana gumaling na po. ingat po kayo lagi, love u kuya pao!”

“Get well soon po. Bawal po jhan ang matagal sa pag tayo. May ganyan ako ka work dati. Nag leletter “S” ang kanyang spinal. We will pray for you po.”

“pagaling kpo isa ka po sa nagpapasaya sa aming mga dabarkads.”

Samantala, kuwelang-kwela pa rin ang mga segments ng Eat Bulaga tulad ng ‘Bida Voice, Shy Singing Competition’, ‘Bawal Judgmental’, Social Dis-Dancing’ at ‘Juan For All All For Juan Agad-Agad’.

Magsisimula na rin ang online search para sa ‘Little Miss Philippines’ na napapanood sa youtube channel ng EB ng M-W-F tuwing 5 p.m. (ROHN ROMULO)

LIZA, nagdurugo ang puso para sa mga Pinoy na apektado ng pandemya; may sagot sa pumuna sa kanyang tweets

Posted on: March 25th, 2021 by @peoplesbalita No Comments

SIGURO nga, expected na ‘yung mga DDS o loyalista ng Pangulo ng bansang Pilipinas ay against sa naging tweet ni Liza Soberano.

Pero mas marami ang saludo sa Kapamilya actress. Mas marami ang nagsasabing “sana all” ay Liza Soberano.

Hindi lang siya beauty at talents, may brain at may compassion talaga para sa bansa at sa mga mamamayan.

Partida pa na si Liza, hindi pa purong Filipino citizen, pero nagiging boses ng maraming Pinoy ngayon na wala na rin magawa at nakakaramdam ng kawalan ng pag-asa sa takbo ng gobyerno.

Magkakasunod ang naging tweets ni Liza sa kanyang Twitter account. Mga tweet na nagtatanong.

Ayon kay Liza, dahil nga sa lockdown at mga bagong restrictions na ini-impose ngayon dahil sa pag-surge na naman ng COVID-19, after almost a year, nagdurugo raw ang puso niya sa mga Pinoy na walang trabaho, walang makain, hindi maka-afford na mag-stay at home lang.

“My heart bleeds for all the people who cannot afford not to go out and work. They literally have to choose between dying of starvation or dying of covid. Is our country really this poor to no be able to provide stimulus?? Genuine question lang po.”

Hindi rin niya naiwasang maikumpara ang bansa sa America kunsaan, marami na ang nabakunahan at tapos na ang iba sa second phase ng vaccine.

Aniya, “America has received 2 rounds of stimulus already, waiting on the 3rd. Covid testing is free, vaccination is free. Where is the support for the poor in our country? Madali lang naman po mag stay at home if everyone has food on the table and money to pay the bills.

“Hayy I honestly don’t even know if my tweets/ my voice is actually doing anything. We can only pray for compassion now. Good night everyone! God bless all of you. Stay home if you can.”

May nag-comment kay Liza na tipong huwag daw nitong ikumpara ang Pilipinas sa Amerika. From 1^st world to 3^rd world country.

Na sinagot ni Liza nang, “So what do we do? Just sit back and wait for a miracle to happen? Pray that covid just disappears. I believe God works wonders but I believe that he gives us the instruments to make that happen. Sad thing is the instruments/decision making are not in our hands.”

***

SIMPLENG statement lang mula kay Teddy Boy Locsin Jr., pero walang-duda na naipakita nito ang pagmamahal kay Kris Aquino.

Pagkatapos nga ng emosyunal na outburst ni Kris sa kanyang social media accounts, ni-re-tweet ni Teddy Boy ang isang tweet ng netizen. Obviously ay sinang-ayunan din niya.

Sabi ng netizen tungkol kay Kris, “Kris Aquino is someone who is always misunderstood but that girl has a very big heart! She is someone who has the guts to face everything that life throws at her! I admire her for that!”

Tinawag ni Teddy Boy na “basura” o social trash daw ang mga critics or bashers ni Kris. Na-misinterpret lang yata ng iba nang sabihin niya sa dulo na “next” na akala ng ibang netizens, wala siyang paki sa emote ni Kris ngayon.

Lumabas sa isang broadsheet kaya sinagot ni Teddy Boy sa pamamagitan naman ng kanyang Instagram account . Nakalagay kasi sa headline na “Locsin skips ‘serious’ tweets to defend Kris Aquino from online bashers.”

Sabi nito, “No, I didn’t skip “serious” tweets; my tweet to Kris is my most serious tweet since I started on Twitter. That girl was put under my protection by her mother and that obligation outlived her.”

At para kay Kris, na idinaaan sa lyric ng kanta ang reaksiyon o pasasalamat kay Teddy Boy, kung may isa man daw kaibigan na puwedeng matira sa kanya, si Teddy Boy na raw ang pipiliin niya.

“If I had only one friend left, I’d want it to be YOU… Thank you.” (ROSE GARCIA)

DISTRIBUTION OF SHALLOW TUBE WELLS AND MINI FOUR-WHEEL TRACTOR

Posted on: March 25th, 2021 by @peoplesbalita No Comments

Bulacan Gov. Daniel R. Fernando (far left) awards the Certificate of Grant to Marites Victoria (center), president of Samahang Magsasaka ng Barangay Barangka, Baliwag, Bulacan, for one unit of mini four-wheel tractor in line with the Provincial Government of Bulacan’s Farm Machinery and Equipment Assistance Program held at the Hiyas ng Bulacan Convention Center, City of Malolos, Bulacan yesterday. Also in the photo are (far right) Ronaldo Silvestre, chairman of Municipal Agriculture and Fishery Council and Nenita Caguingin (at the back), Supervising Agriculturist of the Provincial Agriculture Office. INSET. Three of the 17 units of shallow tube wells that were distributed to Samahan ng Magsasaka at Kooperatiba in the province of Bulacan held at the Bulacan Capitol Gymnasium.

Ipinagkaloob ni Bulacan Gob. Daniel R. Fernando (dulong kaliwa) ang Katibayan ng Pagkakaloob kay Marites Victoria (gitna), pangulo ng Samahang Magsasaka ng Barangay Barangka, Baliwag, Bulacan, para sa isang yunit ng mini four-wheel tractor kaugnay ng Farm Machinery and Equipment Assistance Program ng Pamahalaang Panlalawigan ng Bulacan na ginanap sa Hiyas ng Bulacan Convention Center, Lungsod ng Malolos, Bulacan kahapon. Nasa larawan din sina (dulong kanan) Ronaldo Silvestre, tagapangulo ng Municipal Agriculture and Fishery Council at Nenita Caguingin (nasa likod), Supervising Agriculturist ng Provincial Agriculture Office. INSET. Ang tatlo sa 17 yunit ng shallow tube well na ipinamahagi sa Samahan ng Magsasaka at Kooperatiba sa lalawigan ng Bulacan na ginanap sa Bulacan Capitol Gymnasium.

Ads March 25, 2021

Posted on: March 25th, 2021 by @peoplesbalita No Comments

Sotto tuloy lang sa training sa US

Posted on: March 25th, 2021 by @peoplesbalita No Comments

Tuloy lang sa pagpapalakas si Kai Sotto sa Amerika.

Walang masyadong ingay ang kampo ni Sotto upang makaiwas sa kaliwa’t kanang bashers.

Subalit hindi tumitigil ang 7-foot-3 cager sa pagsasanay upang lubos na maihanda ang kanyang sarili sa pangarap na makapasok sa NBA.

Sa katunayan, kasama ni Sotto sa training ang mahuhusay at beteranong coaches upang mas lalo pang mahasa ang skills nito.

Ilang larawan ang lumabas sa social media kung saan sumasailalim ito sa workout kasama ang beteranong trainer na si Stanley Remey.

“Potential is only potential if you work hard to make it a reality. Great work this weekend @kzsotto, the sky is truly the limit,” ayon sa post ni Remy.

Kilalang skills trainer si Remy dahil ilang NBA players na ang dumaan sa kamay nito kabilang na sina dating NBA MVP James Harden at Cleveland Cavaliers center Andre Drummond gayundin sina Hassan Whiteside, Trevor Ariza, Greg Monroe at Brandon Knight.

May larawan pang lumabas na kausap ni Sotto si Drummond matapos ang workout.

Nagdesisyon ang kampo ni Sotto na manatili sa Amerika sa halip na muling bumalik sa Pilipinas para samahan ang Gilas Pilipinas pool sa training camp nito sa Inspire Sports Academy sa Calamba, Laguna.

Kasama si Sotto sa mga inimbitahan ng Samahang Basketbol ng Pilipinas (SBP) para maglaro sa FIBA Asia Cup Qualifiers at FIBA Olympic Qualifying Tournament.

Gaganapin ang Asia Cup Qualifiers sa Clark, Pampanga sa Hunyo habang sa Belgrade, Serbia naman idaraos ang Olympic qualifiers na magsisimula sa Hunyo 29.

Parks hindi ban sa PBA — Marcial

Posted on: March 25th, 2021 by @peoplesbalita No Comments

Hindi maba-ban si Bobby Ray Parks Jr. sa PBA.

Ito ang binigyan linaw ng pamunuan ng PBA kung saan tiniyak nitong walang ipapataw na ban sa Talk ’N Text guard.

Nagsulputan sa social media ang ilang larawan na umano’y binigyan ng ban ng PBA si Parks matapos ang ginawa nitong biglaang pagliban sa Season 46.

Sinabi ni PBA commissioner Willie Marcial na hindi napag-usapan sa anumang board meeting ng liga sa usapin patungkol sa “ban” kay Parks.

“Hindi namin napapag-usapan ‘yan (ban),” ani Marcial.

Subalit ipinaliwanag ni Marcial wala itong kontrol sa anumang desisyon ng Board of Governors sa pagkuha ng mga players.

Hindi nakikialam ang liga sa anumang desisyon ng team owners sa usapin sa pagkuha o pag-trade ng isang player.

Ang trabaho ng PBA ang mamagitan sa anumang mapagkakasunduan ng sinumang koponang nais mag-trade o kumuha ng players.

Nagsulputan ang usapin sa ban nang maglabas ng saloobin si PBA chairman Ricky Vargas patungkol kay Parks.

Sa ulat, hinamon nito si Parks na lumipat sa ibang team upang magkaalaman kung may kukuha rito.

Nag-umpisa ang hindi pagkakaunawaan sa pagitan ng TNT at ni Parks nang magdesisyon ang huli na lumiban sa season na ito upang pagtuunan ang kanyang problemang pang-pamilya.

Subalit natuklasan ng TNT management na nasa La Union lamang ito at wala sa Amerika na una nang sinabi ni Parks sa kanyang paalam sa team.

Surfing champion ng El Salvador patay matapos tamaan ng kidlat

Posted on: March 25th, 2021 by @peoplesbalita No Comments

Patay matapos tamaan ng kidlat ang 22-anyos na surfing champion ng El Salvador na si Katherine Diaz.

Ayon sa surfing federation ng El Salvador, nasa gitna ng El Tunco ang 22-anyos na surfing champion ng tamaan ng kidlat

Hindi na naagapan ang buhay ng biktima ng ito ay dalhin sa pagamutan.

Kuwento ng kaniyang tiyuhin na si Beto Diaz, na tumilapon din ito matapos ang pagtama ng nasabing kidlat.

Nagsasanay kasi ang 22-anyos na si Diaz para sa 2021 Surf City El Salvador World Surfing Games na gaganapin mula Mayo 29 hanggang Hunyo 7 sa La Bocana at El Sunzal.

Ang sinumang manalo sa torneo ay pasok na sa Tokyo Olympics.

Naging pambato na si Diaz ng kaniyang bansa sa ISA World Surfing Games at ISA World Junior Surfing Championship.

Bumuhos naman ang pakikiramay ng ilang mga surfing champion sa iba’t-ibang bansa ng malaman ang nangyari kay Diaz.