2021 March Archive - People's Balita

July 4, 2024
Search in People's Balita
Ang Diyaryong Pinagkakatiwalaan

Archive for March, 2021

Saso may ₱178K grasya sa pagpuwestong ika-50

Posted on: March 23rd, 2021 by @peoplesbalita No Comments

MALAMYA ang pangatlo at pinaleng round ni Yuka Saso nang tumira lang two-over par 74 para sa 218 aggregate para humanay sa triple-tie sa ika-50 posisyon na may ¥400K (₱178K) bwat sa pagrolyo ng 12th T point x Eneos golf tournament sa Kagoshima Takamaki Country Club sa Kagoshima Prefecture, Japan nitong Linggo, Marso 21.

Pinagreynahan ang tatlong araw na hambalusan ng local bet na si Sakura Koiwai na may 70-206 para sa dalawang palong tagumpay sa tatlong mga kalahik na nagtablahan sa ikalawa-ikaapat na puwesto mga parehong total na 208s.

Sunod sa misyon ng 19-anyos na na Fil-Japanese, tubong San Ildefonso, Bulacan at top PH rrokie pro ang ¥80M (₱35.7M) 9th AxaLadies Golf Tournament in Miyazaki 2021 sa UMK Country Club sa Miyazaki Prefecture sa Marso 26-28.

Ang tatlong araw na torneo ang 18th leg ng 53rd Ladies Professional Golf Association (LPGA) of Japan Tour 2020-21 at pang-apat niya sa taong ito. (REC)

SHARON, nanawagan na ipagdasal ang kanyang ‘Pawiboy’ na may heart enlargement; netizens, napa-’sana all’ sa biniling LV collar

Posted on: March 23rd, 2021 by @peoplesbalita No Comments

MAY latest update si Megastar Sharon Cuneta sa kanyang inampon na Aspin na si Pawi.

Post niya sa kanyang IG account, “Latest update on my baby Pawiboy. PLEASE PRAY FOR MY DOGGIE…his heart is enlarged… @gumabaomarco Daddy Pawi pray for Pawiboy please.”

Agad namang nag-comment ang followers ni Sharon at nagpahatid na ipagdarasal nila si Pawiboy na mabilis na gumaling at ilang dito:

“He chose you, you were there to save him. Praying that he will be alright, he deserve a second chance to live with much love. I applaud you for your good heart.”

“Pawi will be fine. It says “slight enlargement” so nothing to worry about. I am sure the vet who is taking care of him will do everything in his power to make Pawi better so he will be reunited with his fur Mom – Miss Sharon ❤.”

“oh my praying for his speedy recovery god bless po.”

“Kung kelan nmn natagpuan na sya nng tunay na mgmamaahal sa knya.. Get well pawi boy antay ka ni mama shawie mo..”

“Naiiyak nman ako. Praying for your fast healing brave Pawiboy.In gods grace amen.”

Sa rami nag-react at nag-pray at nag-wish sa speedy recovery ni Pawi na para isa talagang tao, may isang netizen na nag-comment ng, “Prayers for the millions of Filipinos that are jobless and hungry right now and not for this dog.”

Sagot naman ng isang follower, “D dapt ng pray ka na deretso Instead of commenting here.. Tingin ko namn sa attitude mo Hindi ka nmn marunong mg pray.. Anong problema mo sa dog.”

“Eto pa ha sa tingin ko yong nagugutom ngayon at nawalan ng trabaho sila yong bumoto last 2016 ELECTION. Di po kasalanan sa aso ni maam shawie kong daming nagutom at walang trabaho.”

Muling nag-comment ang netizen, “All I’m saying is… I would rather give my prayers to the people who are inflicted with the disease, hunger and millions of people who doesn’t have a job because of the pandemic. #noargument #freespeach.”

Samantala, tinupad ni Sharon ang pinost ni bibilhan niya si Prince Pawi ng LV collar dahil part na ito na kanyang pamilya.

Caption ni Mega sa photo na kanyang pinost, “Pawiboy, your collar is on its way home from Italy. Now I’m just waiting for you!”

Maraming netizens naman ang napa-’sana all’ at nag-wish na sana naging aso na lang sila na minamahal ni Mega, na sa totoo lang, sobrang blessed and lucky naman ni Pawi.

“Wow ganda ng collar ni Pawiboy at LV pa nakss Pawi ibang level ka na Hahaha! Sana all si Pawi na lang Hahahaha.”

“Omg parang nanalo nang lotto si pawi, god guide pawi na lumapit sau mega, buhay tlga dmo masabi anong swerteng darating , grabeeee from poor to rich pawi.”

“Daddy Pawiii @gumabaomarco may collar na baby pawii nyo.”

“ay sana all… parang gusto ko na lang din maging dog arf arf… ms sha… baka naman po.”

“Thank u Ms Mega.. u really have a golden heart! Pawiboy u r lucky. Stay safe my Mega Star!”

“I am in tears, tears of joy and happiness. You are an angel sent from above Ms Sharon. One of the many reasons I admire and love you. God bless your beautiful soul.”

“Iba talaga magmahal ang isang @reallysharoncuneta.” (ROHN ROMULO)

PANAWAGAN ng LCSP – SIGURADUHIN ang MURANG HALAGA at SAPAT na SUPPLY ng FACE SHIELDS PARA SA COMMUTERS

Posted on: March 23rd, 2021 by @peoplesbalita No Comments

Mapagsamantalang mga negosyante at hoarders bantayan at kasuhan! Biglang nagkaubusan ng face shield at tumaas pa ang presyo nito matapos i-anunsyo ng DOTr na kailangan ay naka face shield at face mask na ang mga pasahero kung nais makasakay sa pampublikong sasakyan. Ibig sabihin – no face mask at no face shield, no ride!

Ang rason ay 99 percent risk reduction daw ng Covid-19 cases kapag may ganito at naka social distance ang nga tao. Pero bakit ngayon lang naisip ito? Ilang buwan na ang nakaraan?

Aba, akalain mo na 99 percent reduced risk – halos zero na ah! Malaking proteksyon ito. Pero bakit ngayon lang? Sa ibang bansa ba na mababa ang positibo sa Covid-19 may ganitong requirement sa mga pampublikong sasakyan? O sa atin lang ‘to?

Ang malungkot, kaka-anunsyo pa lang ay sinamantala na agad ng mga taong gustong pagkakitaan ang bagay na ito. Nagka-hoarding na ng supply at tumaas presyo ng face shields. Parang nung dati sa alcohol at face mask – libu-libo ang umoorder at milyong piso ang transaksyon.

Kaya naman una nang sinabi ng Lawyers for Commuters Safety and Protection (LCSP) na kung may magmamagandang loob ay magpamahagi na ng libreng face shield at bantayan din ng DTI ang presyo ng commodity na ito at siguruhin ang supply na maging available naman sa lahat sa tama at totoong presyo bago istriktongs ipatupad ito ng DOTr dahil ang hirap na nga ng public transportation hindi pa makakasakay dahil walang face shield.

Hindi rin magaan sa bulsa ito sa ordinaryong pamilya dahil kung may tatlo o apat sa pamilyang namamasahe at hindi lang isa ang bibilhin na face shield ay magastos din. Marami rin nagtanong kung huhulihin sila pag walang face shield. Hindi po. Ang polisiya ay galing sa DOTr at para lang sa mga pasahero. Kaya kung naglalakad ka lang hindi kailangan yun. Pero baka naman may makaisip na lagyan ito ng penalty ng multa tulad ng face mask at barrier sa motor? Utang na loob naman. Pero diba at lahat tayo ay maituturing na commuter?

At kahit hindi ka sumasakay sa public transport kung 99 per cent reduced risk nga ay bakit hindi ka magsusuot? So marahil dahil dito ay magiging parte na ng new normal ang face mask, social distance at face shield para sa lahat. Sabi nga ng iba – bakit hindi PPE na ang i-require? Aba mahirap yan!

Ganumpaman mainam na marinig natin ang opinyon ng mga medical experts sa effectiveness ng face shield laban sa Covid 19. Para malaman ng lahat na mahalaga ito at malaking tulong nga. At kung hindi naman ay malaman na rin ng tao ang detalye at dahilan para hindi magmukhang negosyo lamang ang polisiyang ito. (Atty. Ariel Enrile – Inton)

Mga pribadong kumpanya, maaaring makabili ng bakuna laban sa Covid-19

Posted on: March 23rd, 2021 by @peoplesbalita No Comments

TINIYAK ng Malakanyang na makabibili ng COVID-19 vaccines ang lahat ng pribadong kumpanya para sa kanilang mga empleyado.

May ilan kasing mambabatas ang nagpahayag ng pag-aalala sa di umano’y plano ng Department of Health (DoH) at National Task Force Against COVID-19 na hadlangan ang mga pribadong kompanya na ang negosyo ay sigarilyo, infant milk formula, softdrinks o soda at alak na pigilan ang mga pribadong kompanya na makabili ng sarili nilang bakuna.

Ani Sec. Roque, batay sa inamyendahang implementing rules and regulations (IRR) ng covid 19 vaccination law o republic act 11525 ay puwedeng makabili ng bakuna ang mga pribadong kompanya na ito.

“Isa pa pong paglilinaw, puwede na pong bumili ng bakuna ang lahat ng pribadong kumpanya, kasama ang cigarette companies,” ayon kay Sec. Roque.

“This is under the amended IRR of the COVID-19 Vaccination Law,” dagdag na pahayag nito.

Iyon nga lamang aniya ay kailangan pa rin aniya itong idaan sa tripartite agreement o kasama pa rin sa negosasyon at kasunduan ang gobyerno.

“Hindi po puwedeng mawala ang tripartite agreement [kasama ang gobyerno],” aniya pa rin.

Wala pa kasing commercial use authorization para sa mga bakuna kontra Covid -19 dahil lahat ng ito ay mga bago pa at sumasa ilalim pa sa mga clinical trials.

Kaya naman for emergency use authorization pa lamang aniya ang ipinalalabas ng FDA para sa mga Covid -19 vaccine kaya kailangang kasama pa rin ang gobyerno sa negosasyon, dahil kung sakaling may mangyaring hindi maganda sa mga taong mababakunahan, ang gobyerno ang magbibigay ng indemnification sa mga ito.

Aniya pa, draft pa lang naman ito dati at binabalangkas pa pero ngayon aniya ay tinanggal na ang ganung probisyon sa IRR. (Bishop Jesus “Jemba” M. Basco)

Mga simbahan agad na tumugon sa ‘di pagsasagawa ng misa sa loob ng 2 weeks

Posted on: March 23rd, 2021 by @peoplesbalita No Comments

Agad na tumugon ang lahat ng mga simbahan sa National Capital Region, Bulacan, Cavite, Laguna at Rizal sa panawagan ng gobyerno na itigil muna ang pagsasagawa ng misa simula Marso 22 hanggang Abril 4.

Ang mga simbahan sa nabanggit na lugar ay nag-post ng mga advisory sa kanilang mga social media pages para ipaalam sa kanilang mga deboto ang nasabing desisyon na huwag magsagawa ng misa simula ngayong araw sa loob ng dalawang linggo para tuluyang mapababa ang kaso ng nahahawaan ng bagong variant ng COVID-19.

Nanawagan na lamang ang mga ito sa mga mananampalataya na makibahagi sa mga online mass at ilang mga aktibidad sa panahon ng Semana Santa.

Paglilinaw naman nila na papayagan ang mga pagsasagawa ng kasal, binyag at libing pero hanggang 10 katao lamang.

Una nang inanunsiyo kahapon ni Presidential Spokesperson Harry Roque ang mga bagong patakaran sa gitna na rin nang pagsirit ng mga bagong kaso ng COVID-19.

20 PNP quarantine control points itinalaga sa mga boundaries ng NCR-Plus Bubble

Posted on: March 23rd, 2021 by @peoplesbalita No Comments

Naglabas na ng listahan ang Philippine National Police (PNP) ng mga lugar na nilagyan nila ng quarantine control points.

Ito’y makaraang isailalim sa bubble general community quarantine (GCQ) ang Metro Manila, Bulacan, Cavite,Laguna at Rizal dahil sa patuloy na pagtaas na kaso ng COVID 19.

Ayon kay PNP Spokesperson BGen. Ildibrandi Usana dalawang checkpoints Ingress at egress ibig sabihin dalawang border control point.

” Yung boundaries ng NCR plus doon sa strategic areas kung san doon yung boundary po ilo-locate yung checkpoint. Now outside the boundary meron din po yung border control kung sino po yung papasok sa NCR plus. So kung sila po ay essential worker definitely po sila ay papayagan pero kapag non-essential workers sasabihan lang po yung papasok na bumalik na po,” paliwanag ni BGen. Usana.

Ang mga itinalagang quaratine control points ay ang mga sumusunod:

Sa Bulacan hanggang sa boundary ng Pampanga, inilatag ang checkpoint sa : 1. DRT Highway, Brgy. Bulualto, San Miguel Bulacan hanggang Gapan, Nueva Ecija 2. Brgy. San Roque Road, Baliuag hanggang Candaba, Pampanga Mac Arthur, Brgy. Gatbuca, Calumpit, Bulacan hanggang Apalit, Pampanga at Brgy San Pascual, Hagonoy, Bulacan hanggang Sapang Kawayan, Masantol Pampanga.

Sa NLEX Southbound exit kasama ang may checkpoint ang: Pulilan ext; Sta Rita ext.; Bocaue ext; Philippine Arena ext; Meycauayan ext at Marilao ext.

Sa Cavite-Batangas boundaries naman: Brgy. Amuyong, Alfonso, Cavite hanggang Nasugbu, Batangas; Brgy. Sapatang 1, Ternate, Cavite hanggang Nasugbu, Batangas; Brgy. Sungay East at San Jose Tagaytay City hanggang Brgy. Guillermo, Talisay, Batangas

Sa Laguna-Batangas boundary: Brgy. Makiling, Calamba City hanggang Sto. Tomas, Batangas; Brgy. San Agustin, Alaminos, Laguna hanggang Sto. Tomas, Batangas

At sa Laguna-Quezon boundaries naman: Brgy. San Antonio 2, San Pablo City, Laguna hanggang Tiaong, Quezon City ; Brgy san Antonio Luisana, Laguna hanggang Lucba, Quezon ; Brgy. Tunhac, Famy Laguna hanggang Real, Quezon At Brgy. San Isidro Majayjay Madlena Road hanggang Lucban, Quezon.

Christopher Nolan’s ‘Tenet’, Finally Hitting to HBO Max This May

Posted on: March 23rd, 2021 by @peoplesbalita No Comments

HBO Max announced that Christopher Nolan’s espionage epic film Tenet will hit the Warner Media streamer May 1.

Tenet was originally scheduled for a July 2020 release, but as the COVID-19 pandemic forced theaters to shut down all around the world, Warner Bros. pushed the film back several times.

Some thought Tenet could be the film to bring people back to theaters, but its box office take was largely a disappointment.

Now with HBO Max, it has experienced a second life on on-demand and now it will become available for viewing on the streamer.

According to screenrant.com, the sci-fi action spectacle film is part of Warner Bros. repertoire and also would’ve been a big draw during any normal summer blockbuster season. The streamer has already experienced success with its release model after Wonder Woman 1984‘s Christmas release pushed the streamer over 40 million subscribers.

HBO Max also just released Zack Snyder’s Justice League and is coming up for two more blockbusters, Godzilla vs Kong and Mortal Kombat, to hit the streamer in the coming weeks.

Nolan, who wrote, directed and produced Tenet says in an interview last year, “The story takes on ideas of time and how we experience it—interacting a science fiction component with the classic elements of the spy genre.”

In the film, armed with only one word—Tenet—and fighting for the survival of the entire world, the new Protagonist (John David Washington) journeys through a twilight world of international espionage on a mission that will unfold in something beyond real time. Not time travel. Inversion.

John David Washington, who stars as the character known only as the Protagonist, says that while “at the core of it, ‘Tenet’ is about a man trying to save the world,” the intricately woven plot also explores some of our most firmly held precepts. “The movie challenges our traditional ways of interpreting time, interpreting what we perceive is real, our learned behaviors,” he continues.

“There’s a lot more going on. I had never read or seen anything like this before. Nobody has. Chris [Nolan] deals head on with how we understand the physics of time, all through the lens of this character. I don’t know what his fascination with time is, but I love how he deals with it in his movies.”

Kenneth Branagh, who plays the malevolent antagonist of the film, Andrei Sator (and previously worked with Nolan on “Dunkirk”) comments, “‘Tenet’ is a hair-raising, high-stakes thriller from an extraordinary filmmaker. I think Chris makes a couple of contracts with the audience. One is to absolutely, positively entertain them; there’s no question about that. But I think the other contract he makes is with their intelligence, their interest, and their passion. This is a man who is about the telling of the story through cinema. I can almost feel in this project a re-affirmation, a declaration, of how exciting it can be to be in a darkened room, with massive images, for a story that that kind of treatment supports and deserves.”

“This could not be more of a Chris Nolan movie,” adds castmate Robert Pattinson, whose character, Neil, is teamed with the Protagonist. “There is such a singular vision to every one of his films and making this one was a spectacular feat in every way. It’s pretty amazing…there’s literally nothing comparable.”

Nolan concludes, “With ‘Tenet,’ what I’m hoping is to give audiences a reason for re-approaching and re-experiencing action cinema, and the spy movie genre in particular. I want to give them a different way of looking at it, so they get some of the sense of excitement that I had as a kid watching those kinds of films. We’re trying to give the audience a new experience that re-injects that sense of the unknown in movie action sequences. We really want to give people a ride like nothing they’ve had before.” (ROHN ROMULO)

Panawagang tambalang Duterte-Duterte sa 2022 presidential election, hindi galing sa gobyerno-Sec.Roque

Posted on: March 22nd, 2021 by @peoplesbalita No Comments

HINDI nanggaling sa administrasyong Duterte ang panawagan na Duterte-Duterte tandem sa 2022 presidential polls.

Lumutang kasi ang ticket na Davao City Mayor Sara Duterte para sa pagka-pangulo habang ang kanyang ama naman na si Pangulong Rodrigo Roa Duterte, bilang kanyang running mate.

“Hindi po galing sa gobyerno yang Duterte-Duterte,” pagtiyak ni Sec. Roque.

Aniya ang pagpapahayag ng personal na opinyon ay hindi dapat na ihayag o ipakahulugan bilang official position.

“Kung merong mga taong gobyerno na nag-e-express, ‘yan po ay personal na opinyon po nila,” giit ni Sec. Roque.

Aniya, ang marching orders aniya ng Pangulo ay tugunan ang nagngangalit na COVID-19 pandemic na nagresulta ng pagkamatay ng 12,000 katao at mahigit 4 na milyong nawalan ng hanapbuhay.

Kahapon ay tinawag ng Pangulo si Senator Bong Go bilang President. Tinatayang tatlong beses na niyang tiawag si Go ng President habang hinikayat naman nito si Labor Secretary Silvestre Bello III na tumakbo sa pagka-senador.

Sa ulat, kakain ng alikabok ang magtatangkang lumaban sa “Duterte-Duterte” tandem sa 2022 National Elections.

Ito ang binigyang diin ni Chief Presidential Legal Counsel Salvador Panelo makaraan niyang sabihin na nais niyang tumakbo bilang Bise Presidente si Pangulong Rodrigo Roa Duterte habang ang anak naman ng Pangulo na si Davao City Mayor Sara Duterte ang tatakbo sa pagkapangulo sa susunod na halalan.

Sinabi pa ni Sec. Panelo na hindi mag-o-overstay si Pangulong Duterte sa Malakanyang at tatapusin niya ang kaniyang termino sa kabila ng mga isyu sa kanyang kalusugan.

Binigyang diin nito na walang sinumang makatatalo kapag nag-tandem na ang mag-amang Duterte.

Sa katunayan, nangyari na aniya ito nang magsilbi noon si Pangulong Duterte bilang Bise Alkalde ng Davao City habang Alkalde naman si Inday Sara mula 2010 hanggang 2013.

May pagkakataon ding sinabi ni Sec. Panelo kay Mayor Sara na parehas sila ng tatahaking landas ng kaniyang ama. (Daris Jose)

Magkapatid na Mocon bobrotsa para sa RoS

Posted on: March 22nd, 2021 by @peoplesbalita No Comments

MAGIGING magkakampi pala ang magkapatid na Javee at Kenneth Mocon sa Rain or Shine sa pagsambulat ng 46th Philippine Basketball Association Phiippine Cup 2021 sa darating na Linggo, Abril 18 sa Ynares Center sa Antipolo City.

Kapuwa produkto ng San Beda University ang dalawa kung saan naging third round pick ng Elasto Painters si Kenneth noong isang Linggo sa Online 36th PBA Draft 2021 sa TV5 Media Center sa Mandaluyong.

Maaring mag-1-2 si Kenneth, samantalang kilalang defender at scorer si Javee na isa sa mahalagang bahagi ng rotation ni dating RoS coach Carlos Garcia, ngayo’y active consultant na ng mga magpipintura.

Sa unang opisyal na aktibidad niya bilang bagong coach, umaksiyon agad ni Chris Gavina para sa kakulangang armas ng E’Painters.

Malambot ang frontline ng team na pinagrerelyebuhan nina Beau Michael Vincent Belga at Jewel Ponferada, tinapalan ng prangkisang Raymond Yu-Terry Que nang kalabitin sa No. 5 overall si Santi Santillan.

Yakang-yakang umiskor ng big man dati ng De La Salle University-Taft, bukod pa sa may depensa na swak kina Belga at Ponferada.

Guards na ang sumunod na hinigot ng pintura, halatang puntiryang pagaangin ang playmaking job ni Rey Nambatac para mas masandalan sa opensiba.

Sa second round, tinawag pa ng RoS sina Franky Johnson, Anton Asistio at Andrei Caracut. Pagkaraan ni Mocon, kinuha rin si RJ Argamino at Philip sa fourth at fifth rounds.

Tumitirada sa labas ang mga na binunot na guwardiya ni Gavina, kaya dumami ang diskarte sa opensa ng team.

Aabangan ng Opensa Depensa kung tama ang mga pinaggagawa ni Gavina.

Subaybayan po ninyo ang RoS sa papasok na buwan. (REC)

SHARON, walang pakialam na pinost ang teaser ni POPS para sa ‘Centerstage’ kahit katapat ng ‘YFSF’

Posted on: March 22nd, 2021 by @peoplesbalita No Comments

MAPUPURI mo talagang magmahal ng friends niya si Megastar Sharon Cuneta.

Like na lamang nitong nakaraang ilang araw, nag-post si Sharon sa Instagram niya na humihingi ng dasal para sa kanyang TF, na si Fanny Serrano na na-stroke at dasal din niya, “Please Lord…don’t take him away from me yet…Don’t leave me, my dearest TF…I love you so, so much.”

Maraming sumagot sa kanyang request at ngayon ay nagkamalay na at nagpapagaling na si TF na naging make-up artist ni Sharon nang nagsisimula pa lamang siya sa showbiz.

At nang mag-start silang mag-shoot ng actress na si Rosanna Roces ng bagong movie nilang Revirginized ng Viva Films, nakilala raw niya ang actress na napakadaling mahalin dahil totoong tao, walang pretensions at napakalaki ng puso.

“It is MY honor to have a friend like you in my life. Wala akong pakialam sa imperfections mo kasi lahat naman ng tao walang perfect. Ang kaibahan mo, open ka, yung iba nagpapanggap na perfect at disente pero baligtad pala. I love you lablab ko!”

At wala ring pakialam si Sharon kung mag-post man siya ng teaser ng kaibigang si Pops Fernandez, para sa Centerstage ng GMA Network na napapanood every Sunday, 7:40 PM, na mga judges sina Aicelle Santos, ang dati niyang musical director sa Sharon noon na si Mel Villena at si Pops nga.

Okey lang naman ‘yun kahit katapat ang Your Face Sounds Familiar na isa rin siya sa mga judges, ng ABS-CBN. Nagpasalamat si Pops at miss na raw niya ang sis niya, sagot ni Sharon, “I love you, sis. Miss you too.”

Umabot ito ng more than 15K views matapost i-post ni Sharon.

***

PALAGAY na ang loob nina Shaira Diaz at Ruru Madrid na magkasama sa mga projects nila sa GMA Network.

Una sana nilang pagtatambal ay sa action-drama series na Lolong, pero inihahanda pa ang lock-in taping nito, nag-guest muna sila sa The Lost Recipe nina Mikee Quintos at Kelvin Miranda at saka sila nagtambal muna sa first episode ng Season 2 ng drama anthology na I Can See You: On My Way To You.

Simula na ngayong Monday, March 22, ang romantic-drama weekly series, hindi kaya magselos ang kani-kanilang loves?

No problem daw naman dahil open ang relasyon nina Shaira at EA Guzman at sina Ruru at Bianca Umali.

Natawa si Shaira, dahil ang tagal na raw nila ni EA, wala na raw silang selosan. Saka ngayon daw ay naiintindihan na ng audience ang pinapanood nila, na acting lamang ang ginagawa nila.

Sa ngayon ay busy ang apat na Kapuso actors, dahil kung magkatambal man sina Shaira at Ruru, may project ding ginagawa si Bianca, ang Legal Wives na isa siya sa asawa ni Dennis Trillo sa serye.

Si EA naman ay isa sa katambal ni Julie Anne San Jose sa Heartful Cafe na malapit na ring mapanood sa GTV channel ng GMA simula sa April 5.

Gaganap na isang run-away bride si Shaira, tatakbuhan din ba niya si Ruru? Mapapanood na simula ngayong gabi, March 22, ang ICSY: On My Way To You, after ng First Yaya sa GMA-7. (NORA V. CALDERON)