2021 April 05 Archive - People's Balita

December 19, 2024
Search in People's Balita
Ang Diyaryong Pinagkakatiwalaan

Archive for April 5th, 2021

Pagpapalawig ng ECQ may ilang bilyong pisong epekto sa ekonomiya – ECOP

Posted on: April 5th, 2021 by @peoplesbalita No Comments

Mayroong malaking epekto sa ekonomiya ang panibagong pagpapalawig ng isang linggong enhanced community quarantine (ECQ) sa National Capital Region at sa apat na karatig na lugar nito.

Ayon kay Employers Confederation of the Philippines (ECOP) president Sergio Ortiz-Luis Jr na bilyong piso ang magiging lugi ng mga negosyosa nasabing panibagong isang linggong ECQ.

Noong unang ECQ aniya sa Holy Week ay wala gaanong epekto nito dahil regular naman na nagpapatupad ng holiday ang mga employers tuwing Semana Santa.

Kung sinunod lamang aniya ng gobyerno ang paglalagay noon ng mga quarantine facilities ay hindi magkakaroon ng pagsisiksikan sa mga pagamutan.

Magugunitang pinalawig ng gobyerno sa Abril 4-11 ang ECQ sa NCR, Laguna, Bulacan, Rizal at Cavite dahil sa patuloy pa rin ang pagtaas ng bilang ng mga kaso ng COVID-19.

Pinas, hindi lang nag-iisang bansa na nagpapatupad ng lockdown

Posted on: April 5th, 2021 by @peoplesbalita No Comments

HINDI lang ang Pilipinas ang nasa ilalim at nagpapatupad ngayon ng lockdown.

Ito ang binigyang-diin ni Pangulong Rodrigo Roa Duterte sa kanyang Talk To The People, Lunes ng gabi.

Aniya, ang iba pang bansa na nagpapatupad ng lockdown para mapigil ang pagkalat ng Covid-19 at mapigil na bumagsak ang healthcare systems ay Ukraine, France, Germany, Poland, Canada, at Italy.

“Ang gobyerno ba natin nagkulang? Ang gobyerno ba natin walang ginawa? Alam mo sa totoo lang ang naka-lockdown ngayon naka-lockdown ang the countries of Ukraine, France, Germany, Poland, Canada, Italy,” ayon sa Pangulo.

Aniya, ang bagong Covid-19 strains ang dapat sisihin sa pagsirit ng infection sa buong mundo.

Sinabi ng Pangulo na siya ang huling tao sa bansa na magpapahirap sa mga Filipino sa pamamagitan ng paglilimita sa pagkilos ng mga ito.

Hangad naman ng Pangulo na mayroon siyang kapangyarihan para mawala na ang Covid-19 upang makabalik na sa normal ang pamumuhay ng sambayanang Filipino.

“If only I had the power – kung nandiyan lang sa akin ‘yong poder na like a magic wand na maalis kaagad itong problema natin, mawala, gagawin ko ,” ang pahayag ng Punong Ehekutibo.

Inamin naman ng Chief Executive na nahihirapan siyang labanan ang usapin ng Covid.

Sa katunayan ay nakuha na ng isyu ng Covid ang kanyang oras na dapat ay nakatuon na sa ibang usapin.

“I’m having a hard time. I’m grappling with the issue of Covid. It takes most of my time actually. More than any other papers, it’s the Covid that is taking my time or most of my time looking for ways and kung ano na ang nangyayari doon sa labas kung saan tayo makakuha,” anito.

Nauna rito, mananatili naman sa ilalim ng Enhanced Community Quarantine (ECQ) classification ang National Capital Region (NCR), Bulacan, Cavite, Laguna at Rizal hanggang Abril 4, 2021.

Inanunsyo ni Pangulong Duterte na ang Santiago City ay isinailalim niya sa Modified Enhanced Community Quarantine (MECQ) simula Abril 1 hanggang Abril 30, 2021; habang ang Quirino Province ay isinailalim din niya sa MECQ mula Abril 1 hanggan Abril 15, 2021.

Para sa Luzon, ang buong Cordillera Administrative Region (CAR); Cagayan, Isabela, at Nueva Vizcaya sa Region II; at Batangas ay nasa ilalim naman sa General Community Quarantine (GCQ) hanggang Abril 30, 2021.

At nasa ilalim naman ng GCQ para sa buong buwan ng Abril ay ang Tacloban City para sa Visayas; at Iligan City, Davao City, at Lanao del Sur para sa Mindanao.

Ang lahat ng iba pang lugar ay isasailalim naman sa Modified General Community Quarantine (MGCQ) para sa buong buwan ng Abril. (Daris Jose)

Opening ng WNBL, NBL pag-aaralan pa – Mercado

Posted on: April 5th, 2021 by @peoplesbalita No Comments

IPINASYA ng Women’s National Basketball League (WNBL) at National Basketball League (NBL) na ipagpaliban muna ang planong 2021 season opening pagkatapos ng Holy Week.

Sa pahayag ng dalawang liga nitong isang araw lang, ipapalabas na lang ang bagong petsa sa pagbubukas nito para na rin sa kaligtasan mula ng lahat sanhi nang pagtaas ng mga kaso ng COVID-19 sa Metro Manila at kanunog n itong Cavite, Laguna, Bulacan at Rizal.

Kaugnay nito, bumalangkas si WNBL/NBL chairman Celso Mercado ng isang ad-hoc committee kung saan mga kasapi nito ang executives ng mga kalahok na team sa dalawang liga na may mga puwestong pampubliko rin sa kani-kanilang mga Local Government Unit (LGU) para sa monitong ng pandemya.

Itinaas sa loob isang lingggo ang Metro Manila, Cavite, Bulacan, Rizal, at Laguna sa ilalim ng NCR+ GCQ (general community quarantine) noong Marso 22 at matatapos sa Abril 4. (REC)

Catantan sa world juniors & cadets naman eeskrima

Posted on: April 5th, 2021 by @peoplesbalita No Comments

DALAWANG bagong kompetisyon ang sasalangan ng isa sa mga pambato ng Philippine Fencing Association Inc. (PFAI) na si Samantha Kyle Catantan.

Kakaespada lang ng bronze medal at pinarangalang isa sa siyam na All-American selection sa 2021 United States National Collegiate Athletic Association (NCAA) Fencing Championships sa Pennsylvania noong Marso 25-28, ng 19-anyos na dalagang tubong Quezon City.

Nakahanay naman sa kanya para sa buwang ito ang 2021 World Junior and Cadet Fencing Championships sa Cairo, Egypt sa Abril 3-11.

Makakasama sa world fence fest ng Pennsylvania State University Nittany Lion athletic scholar freshman at world No. 143 sa Internatioinal Fencing Federation (FIE) rankings sa women’s foil sa Abr. 6-8 na laro ang kapwa debutante sa US NCAA sap ag-aaral sa Sacred Heart University at Pinoy ring si Lawrence ‘Lance’ Tan.

Nakatakda ring kumampanya si Catantan at iba pang kapwa national fencers na sina Jylyn Nicanor, Christian Concepcion, Hanniel Abella, Noelito Jose at Nathaniel Perez sa FIE Olympic Zone Qualifying Events – Asia & Oceania sa Tashkent, Uzbekistan sa Abr. 25-26. (REC)

PNP sinabing ‘essential food’ ang lugaw

Posted on: April 5th, 2021 by @peoplesbalita No Comments

Nanindigan ang Philippine National Police (PNP) na ‘essential food’ ang lugaw kaya papayagan makalusot ang mga nagdi-deliver ng nasabing pagkain.

Ayon kay PNP Spokesperson BGen. Ildibrandi Usana anumang uri ng pagkain na legitimate inorder sa panahon ng ECQ dito sa NCR Plus Bubble ay kinukunsiderang essential goods.

Ito ay taliwas sa ginawang aksiyib ng isang barangay tanod na ngayon ay nag viral sa social media kung saan hinold nito ang isang delivery service driver dahil sa paglabag sa essenstial goods and services.

Binigyang-diin ni Usana, maaariny arestuhin ang isang indibidwal kung mayroon talaga itong nilabag na batas.

Paliwanag ni Usana ang pag deliver ng pagkain sa isang requesting party ay maituturing na essential at hindi na kailangan ng LGU-sanctioned ticket sa loob ng NCR bubble.

Hinimok naman ng PNP ang sinuman na aggrieved person ay maaaring lumapit sa pinaka malapit na police station sa kanilang lugar.

DOTr: kapasidad ng mga mass transport dati pa rin ngayon ECQ

Posted on: April 5th, 2021 by @peoplesbalita No Comments

Wala nang mangyayaring pagbabawas ng kapasidad ng mga mass transport sa National Capital Region-Plus bubble sa ilalim ng isang linggong pagpapatupad ng enhanced community quarantine (ECQ).

Ito ang inihayag ng Department of Transportation (DOTr) sa isang statement na kanilang ginawa.

Ang DOTr na siyang naatasan na gumawa ng guidelines tungkol sa kapasidad at operasyon ng pampublikong transportasyon ay tiniyak na ang lahat ng klase ng transportasyon ay magiging bukas ngayon panahon ng ECQ.

Ang maximum na pinapayagan ng kapasidad sa panlansangan transportasyon ay 50 percent para sa lahat ng pampublikong sasakayan o di kaya ay kinakailangan may seating arrangement na may isang laktaw na isang upuan.

“Our PUVs cannot exceed the allowed capacity even if they have plastic barriers in between seats. This is applicable to public utility buses, UV Express, public utility jeepneys, shuttle services, tricycle, taxis and TNVS,” wika ni DOTr assistant secretary Mark Steven Pastor.

Papayagan ang transport network vehicle service (TNVS) tulad ng Grab at taxis na magkaron ng operasyon sa loob ng 24 oras upang magbigay ng serbisyo sa mga empleyadong nagtratrabaho sa gabi. Pinapayagan din ang mga Motorcycle taxis na magpatuloy ang operasyon.

Habang ang mga provincial buses naman ay papayagan na pumasok at magsakay ng mga “person outside of residence” (APOR) subalit kinakailangan na point-to-point ang trip. Ganon din sa mga backridng na pribadong motorcycle.

Sa rail sector naman, ang kapasidad ng mga trains ay mananatiling 20 percent hanggang 30 percent: 370 sa LRT1, 274 sa LRT 2, 372 sa MRT3, kada train set. Ang Philippine National Railways (PNR) naman ay 310 kada rain set.

Samantala naganunsyo ang pamunuan ng apat na rail lines na wala munang operasyon ang LRT1, LRT2, MRT3 at PNR dahil magsasagawa sila ng annual maintenance activities ngayon Semana Santa.

Ang aviation sector naman ay nagsabing hindi na kailangan na magbawas pa ng kapasidad sa air travel dahil ang volume ng mga pasahero ay kumunti na ng mga nakaraang buwan.

“The maximum international inbound capacity at the Ninoy Aquino International Airport (NAIA) had been slashed by half to a maximum of 1,500 passengers per day,” ayon kay Civil Aeronautics Board (CAB) director Carmelo Arcilla.

Ang operasyon ng domestic commercial ay pinapayagan subalit kailangan sumunod ang mga airlines sa requirements o restrictions sa kapasidad at frequency ng flights na maaaring ipatupad ng local government units (LGUs) sa labas ng NCR Plus bubble.

Sa sektor ng paglalayag, mananatiling 50 percent pa rin ang kapasidad ayon kay Philippine Ports Authority (PPA) general manager Jay Santiago.

“Travel through maritime vessels and the ports are subject to requirements as may be imposed by LGUs where voyages originate and end,” saad ni Santiago. (LASACMAR)

Clothing allowance ng mga guro sa public school matatanggap na

Posted on: April 5th, 2021 by @peoplesbalita No Comments

Matatanggap na ng mga teaching at non-teaching personnel ng public schools ang P6,000 na clothing allowance ngayong Abril.

Ayon sa Department of Education na inaprubahan na nila a ng bagong sets ng “national uniform design”.

Magiging epektibo ito ang sa School Year 2022 hanggang 2023.

Sinabi ni DepEd Undersecretary for Finance Anne Sevilla na ipapatupad ang nasabing uniporma sa 2022 para mabigyan ng sapat na oras ang mga empleyado ng kanilang bagong uniporme.

Hindi naman binanggit ng DepEd kung magkano ang halaga ang nasabing uniporme.

Gagamitin ang nasabing mga uniporme mula Lunes hanggang Huwebes habang sa Biyernes ay susuotin lamang mga office atttire.

Pamamahagi ng nabiling higit kalahating milyong antigen test kits, sisimulan na

Posted on: April 5th, 2021 by @peoplesbalita No Comments

SISIMULAN na ng National Task Force on COVID-19 ang pagpapakalat ng anti- gen test sa iba’t ibang mga LGU at ospital.

Ito ang sinabi ni Deputy Chief Implementer at testing czar Secretary Vince Dizon sa harap ng mas pinaiigting pang testing efforts ng pamahalaan bilang pagtugon sa kontra COVID 19.

Importante ayon kay Dizon na maliban sa rt-PCR ay magamit na rin ang antigen test gayong sa lalong madaling panahon ay dapat na madetermina kung ang isang indibidwal ay positibo sa virus.

Aniya, bahagi ito ng active case finding effort ng pamahalaan na kung saan, target na dumaan sa test ang mga
symptomatic at mga indibidwal na may kontak sa mga nagpositibo sa COVID.

Tinatayang nasa may 530, 000 mga anti-gen test kits ang target na ipamahagi ngayong araw sa mga ospital at ibat- ibang mga lokal na pamahalaan.

Samantala, siniguro ni Dizon na kanilang gagabayan ang mga nasa LGU sa kung paano at sino- sino ang dapat na gumamit ng antigen test kits. (Daris Jose)

Ilang LGU sa Metro Manila sisimulan ng ipamigay ang cash assistance

Posted on: April 5th, 2021 by @peoplesbalita No Comments

Sisimulan na bukas Abril 6, 2021 ng ilang local government unit (LGU) ng Manila, Marikina, Navotas at Quezon City ang pamamahagi ng cash assistance.

Sinabi ni Metropolitan Manila Development Authority (MMDA) Chairman Benhur Abalos, makakatanggap mula P1,000 hanggang P4,000 ang bawat benepesaryo mula sa nabanggit na mga lugar.

Magugunitang naglaan ang gobyerno ng P23 bilyon bilang ayuda sa 22.9 milyon na benepesaryo ng NCR Plus ng ipatupad ang enhanced community quarantine na nagsimula noong Marso 29 at ito ay pinalawig ng Abril 11.

Majority sa mga alkalde ang nagkasundo rin na ibigay na lamang bilang cash ang nasabing ayuda kaysa sa panukalang in kinds. (Bishop Jesus “Jemba” M. Basco)

Kampo ni BEA at GMA-7, nagtataka sa lumabas na ‘fake news’ na may offer para maging isang Kapuso

Posted on: April 5th, 2021 by @peoplesbalita No Comments

NAGTATAKA ang manager ni Bea Alonzo, even ang mga taga–GMA Network, sa balitang may offer sila sa aktres para pumirma sa kanila ng contract at maging isang Kapuso.

Fake news iyon, dahil sa ngayon ay committed lamang si Bea para sa movie na gagawin nila ni Asia’s Multimedia Star Alden Richards, ang A Moment To Remember, para sa Viva Films, GMA Pictures at APT Entertainment.

Hindi pa sila pwedeng mag-commit ng iba pang projects dahil three movies na ang dapat gawin ni Bea this year, pero nasa preparations pa lamang lahat dahil nga sa muling paghihigpit sa health protocols simula nang maging ECQ muli ang NCR at apat pang karatig na probinsya.

Kung dati ay hanggang April 4 lamang ang ECQ, na-extend pa ito ng another week, hanggang April 11.

***

MARAMING nai-excite sa ipagbabago ng buhay ni Sanya Lopez bilang si Yaya Melody sa romantic-comedy series na First Yaya sa GMA Telebabad.

Maraming nai-in love sa story nina Yaya Melody at ng boss niyang si President Glenn Acosta (Gabby Concepcion) na parang isang Korean drama series daw ang takbo ng story.

At ngayong gabi nga, magaganap na ang transformation ni Yaya Melody mula sa isang simple yaya to a beautiful lady.

Sino kaya ang fairy-godmother ni Yaya Melody na magpapaganda sa kanya?

Tiyak na lalong manggagalaiti sa galit ang in-love kay Pres. Glenn na si Loraine (Maxine Medina), na feeling pag-aari na niya ito, dahil ‘manok’ siya ng Mama Blesilda (Pilar Pilapil) na maging First Lady ng anak niyang Presidente?

Pero si President Glenn lang ba ang mai-in love kay Yaya Melody? Mga guwapo lahat ang members ng kanyang Presidential Security Group (PSG) sa pangunguna ni Conrad (Pancho Magno).

Abangan ang mga susunod na mangyayari simula ngayong ika-8 ng gabi, pagkatapos ng 24 Oras sa GMA-7.

***

MAPAPAWI na ang paghihintay ng mga fans and followers ng new loveteam nina Miguel Tanfelix at Kyline Alcantara.

Nang una kasing magkasama ang dalawa sa Kambal Karibal, gusto na nila ang dalawa dahil mukha raw may chemistry sila, pareho pang mahusay umarte. Pero si Bianca Umali pa ang ka-love team ni Miguel noon kaya hintay-hintay daw muna sila sa bagong project na pwedeng pagsamahan ng dalawa.

Kaya this Easter Monday, mapapanood na ang bagong magka-loveteam sa episode na ‘#Future’ ng Season 2 ng drama anthology na I Can See You.

Nakikita nga ba ni Miguel ang mangyayari bago pa ito maganap? Sa pagkikilala nila, magkakatulungan sila, pero paano kung malalaman ni Miguel na may kinalaman si Kyline sa pagkamatay ng kanyang ama (Gabby Eigenmann)?

Masusubukan ang acting nina Miguel at Kyline sa serye na mukhang may drama, action at mystery ang story ng episode na kasama rin nilang gumaganap sina Aiko Melendez at StarStruck graduate Dani Porter.

Sa direksyon ni Dominic Zapata, mapapanood simula na ito ngayong gabi pagkatapos ng First Yaya sa GMA-7 (NORA V. CALDERON)