2021 May 29 Archive - People's Balita

July 3, 2024
Search in People's Balita
Ang Diyaryong Pinagkakatiwalaan

Archive for May 29th, 2021

RABIYA, nasa wish list sina VILMA at MARICEL sa mga stars na gustong makatrabaho

Posted on: May 29th, 2021 by @peoplesbalita No Comments

MAY plano raw pumasok sa showbiz si Miss Philippines Universe Rabiya Mateo.

Ayon sa isang news report ng ‘Chika Minute’ ng 24 Oras ng GMA 7, sina Cong. Vilma Santos at Ms. Maricel Soriano raw ang ilan sa gustong makatrabaho ng dalaga.

Karamihan naman sa mga nagiging beauty queen ay eventually pumapasok din ng showbiz tulad ni Miss Universe 1969 Ms. Gloria Diaz at Miss Universe 1973 Miss Margie Moran.

Sa ngayon ay aktibo pa rin si Ms. Gloria Diaz sa pagganap. Career na talaga for her ang pag-arte samantalang ilan movies lamang ang ginawa ni Ms. Margie at mas nag-concentrate ito sa private life niya.

Ang ilang pang beauty queens na pumasok ng showbiz ay si Miss World 1^st Runner Up Evangeline Pascual and Bb. Pilipinas 1994 Charlene Gonzalez, just to name a few.

Maganda naman si Rabiya kaya pwedeng-pwede siyang mag-artista like other beauty queens before her. She can be an actress o kaya naman ay TV host. Maraming opportunities na pwedeng magbukas sa kanya if she enters showbiz. All that Rabiya needs is to choose wisely.

Kung hindi man siya pinalad sa Miss Universe, baka may ibang oportunidad na naghihintay kay Rabiya sa ibang larangan.

***

MAY bagong single si John Gabriel titled ‘Bakit Ba’ composed by Edwin Roxas.

Unang dinig pa lang ni John sa kanta ay nagustuhan na niya agad ito at gusto na niyang i-record. The song was sent to him via messenger by his manager Daddie Wowie at nagandahan daw siya agad sa kanta that was arranged by Albert Tamayo, with Arnie Mendaros as vocal arranger.

Agad niyang pinag-aralan ang kanta dahil naka-relate siya sa lyrics at message nung song. Na-experience na kasi ni John na may nagustuhan siya at niligawan niya pero pinaasa lang siya. It only took him a few days to learn the song at agad naman itong inaprubahan for recording ni Daddie Wowie.

“The song has two versions po. Isang ballad, and isang fast version. My management company po which is BMW8, decided to release first the fast version. Sila rin ang nagplano how we can shoot the music video of Bakit Ba? sa panahon ng pandemic,” kwento ni John.

“I consider myself lucky po dahil kahit sa mapaghamong panahon ngayon dahil sa pandemic, nakapag-record po ako ng isang song na pwede kong ipagmalaki, at isang music video na tunay naman pong pinaghirapan namin para maialay sa mga taong patuloy na sumusuporta sa akin. They can stream and download the song BAKIT BA now sa #spotify.”

(RICKY CALDERON)

Tiger Woods patuloy ang pagpapagaling matapos ang madugong aksidente

Posted on: May 29th, 2021 by @peoplesbalita No Comments

Patuloy na nagpapagaling si US golf superstar Tiger Woods.

Sa kaniyang social media account, nagpost ito ng larawan na nakasaklay.

Sinabi nito na prioridad niya ngayon ang makapaglakad ng mag-isa.

Ito ang unang paglabas niya sa media matapos ang madugong aksidente noong Pebrero 25.

Magugunitang nagtamo ng maraming sugat sa katawan at labis na tinamaan ang paa nito ng maaksidente ito sa Los Angeles.

Noong nakaraang mga taon ay sumailalim na rin ang 45-anyos na si Woods sa limang operasyon sa likod ganun di ang ilang operasyon sa kaniyang kaliwang tuhod.

PH taekwondo jin Kurt Barbosa, ginamit ang kahinaan ng kalaban upang mag-qualify sa Tokyo Olympics

Posted on: May 29th, 2021 by @peoplesbalita No Comments

Sinamantala ni Filipino Taekwondo jin Kurt Barbosa ang pagkakataon sa last remaining five-seconds sa kaniyang laban sa men’s-58-kg semifinals division upang maipanalo ang Asian Taekwondo Olympic Qualification Tournament sa Amman, Jordan.

Sa panayam kay Barbosa, nakita niyang pagod na ang kaniyang kalaban na si Zaid Al-Halawani na hometown bet at hindi na makadepensa kaya sinamantala na niya ang pagkakataon at ang second kick niya umano ang nagbigay daan sa kaniyang pagkapanalo sa 49-48 na puntos.

Aniya, hindi niya inaasahan na maipapalo niya at maging kwalipikado sa Tokyo Olympics dahil sobrang kinabahan siya sa laban at sobrang saya nito, kahit ipinagbabawal ay naibato pa niya ang kaniyang head gear.

Sa ngayon ay naka-quarantine sa isang hotel si Barbosa habang isinasagawa ang pagsasanay para mapaghandaan ang Tokyo Olympics.

Konstruksyon ng PNR Clark Phase 1 project on track

Posted on: May 29th, 2021 by @peoplesbalita No Comments

Ang konstruksyon ng unang bahagi ng Philippine National Railways (PNR) Clark project ay tuloy-tuloy at halos ay 50 percent ng tapos.

Sinabi ni Department of Transportation (DOTr) Secretary Arthur Tugade na may 45.82 percent ng kumpleto ang progress rate ng konstruksyon at ito ay inaasahang matatapos sa ikalawang quarter ng taong 2024 at magkakaron ng partial operation sa ika-apat na quarter ng nasabing taon.

Nagkaron ng inspection ang team ni DOTr Tugade sa site ng konstruksyon noong nakaraang Linggo upang makita ang progress at development.

Taong 1993 pa nagkaron ng ground breaking ang PNR Clark Phase 1 subalit sa kasalukuyang administrasyon lamang nagkaron ng kaganapan ang tuloy-tuloy na konstruksyon.

“This is very historial because there have been four attempts to do the project since 1993 and for the first time there is construction,” ayon kay Tugade.

Ang North-South Commuter Railway (NSCR) Project o PNR Clark Phase 1 Project ay binigyan ng pondo mula sa Japan International Cooperation Agency (JICA). Ang proyektong ito ay ang 38-kilometer railway na magdudugtong sa Tutuban Station sa Manila papuntang Malolos, Bulacan. Nilagdaan ang kontrata noong November 2015.

Magkakaron ito ng sampung (10) stations simula sa lungsod ng Manila, Caloocan, Valenzuela, Meycauayan at Malolos at bayan ng Marilao, Bocaue, Balagtas at Guiguinto sa Bulacan.

Inaasahang makapagbibigay ito ng serbisyo sa mahigit na 300,000 na pasahero kada araw at mababawasan ang travel time galing Malolos papuntang Tutuban mula sa dating 1 oras at 30 minuto na magiging 35 minuto na lamang.

Ayon kay Tugade ang training simulator ay darating sa pagitan ng buwan ng September at October habang ang mga trains ay darating naman sa December.

Dagdag pa ni Tugade na may mahigit na 7,500 na mga mangagawa ang kanilang mabibigyan ng trabaho para sa ginagawang konstruksyon habang magkakaron pa ng karagdagang 2,000 na trabaho ang magiging available kung ito ay tapos na.

Sa kasalukuyan, mayroon 200 na dating Overseas Filipino Workers (OFW) ang nagtratrabaho sa nasabing proyekto maliban pa sa mga nawalan ng trabahong mga drivers at conductors na kanilang balak na kunin rin.

Kasama ni Tugade sa ginawang inspection ay sila Bulacan 4^th District Representative Henry Villarica, Valenzuela Mayor Rex Gatchalian, PNR General Manager Junn Magno, Undersecretary Timothy John Batan, Chief of Staff and Assistant Secretary Giovanni Lopez, Assistant Secretary Fidel Cruz, Representatives mula sa Taisei-DMCI Joint Venture at NSTren Consortium. (LASACMAR)

Edad 12-15 posibleng isama na sa bakuna

Posted on: May 29th, 2021 by @peoplesbalita No Comments

Posibleng makasama ang mga kabataang may edad 12 hanggang 15 taong gulang sa ‘vaccine priority list’ makaraang sabihin ng Department of Health (DOH) na kanilang pinag-aaralan na ito.

Sinabi ni DOH Vaccine Expert Panel head Dr. Nina Gloriani na pinag-uusapan na sa National Immunization Technical Advisory Group (NITAG) kung paano sila magkakaroon ng rekomendasyon.

Nabatid na nag-aplay na ang Pfizer sa Food and Drug Administration (FDA) ng amendment sa kanilang ‘emergency use authorization (EUA)’ na makasama ang mga batang may edad 12-15 taong gulang sa maaaring mabigyan ng kanilang bakuna. Nakatakdang maglabas ng desisyon ang FDA ngayong linggo sa aplikasyon ng Pfizer.

Sa ngayon, kung ang isang bata na kasama sa naturang ‘age-group’ ay may comorbidity, pinag-aaralan kung maaari silang maisama sa A3 priority group.

Lumabas ang rekomendasyon na isama na ang mga bata na may naturang edad sa mga mababakunahan makaraan na isagawa na ito ng Estados Unidos at Canada.

Sinabi naman ni Health Secretary Francisco Duque III na hindi pa naisasama ang mga kabataan sa vaccination program dulot na rin ng patuloy na kakapusan sa suplay ng bakuna. (Daris Jose)

2 lalaki sugatan sa pamamaril sa Malabon

Posted on: May 29th, 2021 by @peoplesbalita No Comments

MALUBHANG nasugatan ang dalawang lalaki matapos pagbabarilin ng dalawang ring lalaki sa Malabon city.

Parehong inoobserbahan sa Tondo Medical Center sanhi ng tinamong tama ng bala sa katawan si Jesus Montante, 38 ng Blk 16, Lot 65, Phase 2 Area 3 Dagat-dagatan, at Arturo Espos, 53, vendor ng Blk 9B, Hito St., kapwa ng Brgy. Longos.

Ipinag-utos naman ni Malabon police chief Col. Albert Barot ang pagtugis para sa agarang pagkakaaresto sa mga suspek na kinilalang si Allan Gaspe alyas “Alan Putol” ng Tumana St., Navotas City at Jongjong Aveliano ng Brgy. Catmon.

Batay sa isinagawang imbestigasyon nina PSSg Ernie Baroy at PSSg Diego Ngippol, dakong alas-4:30 ng madaling araw, naglalakad ang mga biktima sa kahabaan ng Blk 9, Hito St., Brgy. Longos nang makita nila ang mga suspek na may hawak na baril.

Dito, walang sabi-sabing pinagbabaril ng mga suspek si Montante sa katawan habang tumakbo naman Espos para sa kanyang kaligtasan subalit, nahagip din ito ng bala sa ibabang bahagi ng kanang kalamnan ng binti.

Matapos ang insidente, tumakas ang mga suspek sa hindi matukoy na direksyon habang mabilis namang isinugod ng kanilang mga kaanak ang mga biktima sa naturang pagamutan.

Patuloy ang imbestigasyon ng pulisya upang matukoy ang tunay na motibo sa insidente. (Richard Mesa)

Best Philippine swimming team handa na sa national tryout

Posted on: May 29th, 2021 by @peoplesbalita No Comments

Bukod sa pagpayag ng Inter-Agency Task Force (IATF) na mabigyan ng bakuna ang mga miyembro ng Team Philippines na sasabak sa 2021 Olympic Games at Southeast Asian Games ay inaprubahan din nito ang pagdaraos ng swimming national selection meet.

Ang nasabing 2021 Swimming National Selection na gagawin ng Philippine Swimming Inc. (PSI) sa Agosto ay para sa pagtukoy sa mga tankers na isasabak sa 2021 SEA Games sa Vietnam sa Nobyembre.

“We are very very happy na finally na-approved na ng IATF iyong proposal ng PSI for a national selection for SEA Games,” wika ni Joan Cacho-Mojdeh, team manager ng Main BEST Philippines at ina ni swimming sensation Micaela Jasmine Mojdeh.

“Sa team naman namin we are very lucky na hindi natigil ang mga bata sa training. Tuluy tuloy lang talaga kaya nag-move muna kami sa Lucena para makasama ni Jasmine iyong mga teammates niya,” dagdag pa nito.

Nakatakda ang national selection meet sa Agosto 28 hanggang 30 sa isang bubble set-up sa New Clark City Aquatics Center sa Capas, Tarlac na pinagdausan ng swimming events ng 2019 SEA Games.

Ipapatupad ng PSI ang inilatag na health and safety protocols ng IATF para sa nasabing event kung saan 100 swimmers at 100 in-venue personnel ang papayagan sa venue bawat araw.

“May certain standards silang (PSI) ise-set para hindi masyadong dumami iyong number of people sa event just to keep the athletes and officials safe while having the competition,” ani Cacho-Mojdeh.

Kabuuang 32 men’s at women’s events ang ilalatag sa naturang three-day meet na magdedetermina sa mga magiging miyembro ng Team Philippines para sa Vietnam SEAG at sa iba pang international meets.

LALAKI, PATAY SA SUNOG SA PORT AREA

Posted on: May 29th, 2021 by @peoplesbalita No Comments

PATAY ang isang 40-anyos na lalaki sa isang malaking sunog na naganap sa Port Area na umabot sa limang oras .

Sa pinakahuling update ng Bureau of Fire Protection (BFP) Huwebes ng tanghali natagpuan ang bangkay ng biktimang nakilalang si Ricky Sebastian, sa mga kabahayang nilamon ng apoy na hinihinalang na-trap sa loob.

Tinatayang aabot naman sa humigit kumulang sa P3 milyon ang naaabo sa mga ari-arian at kabahayan.

Nasa 300 hanggang 500 bahay ang natupok ng apoy habang aabot sa 700 hanggang 1000 pamilya naman ang nawalan ng tirahan.

Nauna rito, nagsimula ang sunog sa tinutuluyan ng isang Hadji Usman alyas Junior sa ikaapat na palapag nh 4 storey residential shanty.

Patuloy pang inaalam ang sanhi ng sunog na umabot sa ikatlong alarma.

Samantala, nagpaabot na rin ng tulong ang pamahalaang lungsod ng Maynila sa mga apektadong residente. (GENE ADSUARA)

LEE SEUNG GI, pinakikiusapan ng nagulantang na ‘Knetz’ na hiwalayan na si LEE DA IN after na maglabas ng official statement

Posted on: May 29th, 2021 by @peoplesbalita No Comments

ANG South Korea’s Superstar na si Lee Seung Gi ay ginulantang ang lahat, lalo na ang kanyang mga tagahanga dahil sa lumabas na balita at mga paparazzi pictures mula sa Dispatch na “dating” na ito sa isang 5 years younger sa kanyang Korean star na si Lee Da In.

Pagkalabas ng breaking news noong Lunes, kinumpirma na agad ito ni Da In ( napanood sa ‘Hwarang,’ ‘My Golden Life,’ ‘Alice’) at ng kanyang agency na totoo nga. Pero si Seung Gi (ang recent drama niya na napanood sa VIU, under tvN ay ang pyscho/crime/thriller drama na ‘Mouse’ ay dalawang araw pa ang lumipas bago naglabas ng kanyang official statement.

Kasabay na rin sa statement na nilabas ng kanyang bago at pagmamay-ari na agency, ang Human Made na wala na nga siya sa Hook Entertainment na 18 taon niyang agency.

Ang official statement ng new agency ni Lee Seung Gi:
“Hello, this is singer and actor Lee Seung Gi’s new agency Human Made.

“First, we would like to apologize for releasing this statement late due to the process of establishing the agency.

“As reported in the media, Lee Seung Gi currently has positive feelings for actress Lee Da In, and they are at the stage where they are slowly getting to know one another.

“However, we ask that you refrain from groundless speculation and unconfirmed reports, and we hope that you will look warmly upon and support their relationship.

“Additionally, we would like to express our endless gratitude to CEO Kwon Jin Young of Hook Entertainment, where Lee Seung Gi spent 18 years starting from his trainee days, as well as the entire Hook Entertainment family. We will continue to root for each other in the future.

“We ask that you continue to show a lot of support for Human Made artist Lee Seung Gi in the future as he makes a fresh start. Thank you.”

Sa isang banda, dahil sa sinasabing hindi magandang family background ni Da In, marami sa Knetz o Korean netizens ang against na magtuloy ang relasyon nila. Naniniwala sila na baka makasira si Da In sa magandang imahe ni Seung Gi. Kaya ang iba, pinapakiusapan si Seung Gi na hiwalayan na ito.

(ROSE GARCIA)