2021 July 15 Archive - People's Balita

July 3, 2024
Search in People's Balita
Ang Diyaryong Pinagkakatiwalaan

Archive for July 15th, 2021

PNP sinuspinde ang ‘BMI policy’ sa pagdidyeta bilang requirement sa promotion ng mga pulis

Posted on: July 15th, 2021 by @peoplesbalita No Comments

Inaprubahan na ni PNP chief Gen. Guillermo Eleazar ang rekomendasyon ng Directorate for Personnel and Records Management (DPRM) na suspindihin ang requirement ng Body Mass Index (BMI) para sa promotion ng mga pulis.

“I already approved it,” mensahe na ipinadala ni PNP chief Eleazar.

Sa memorandum na inilabas ni M/Gen. Rolando Hinanay ng Directorate for Personnel and Records Management (DPRM), inirekomenda nito sa pamunuan ng PNP na suspendihin ang requirement ng BMI para sa promotion ng mga pulis.

Paniwala ni Hinanay, mas prayoridad nila ang kalusugan at kapakanan ng kanilang mga tauhan.

Paliwanag ng heneral, marami sa mga pulis ngayon ang hindi kayang maabot ang kanilang BMI o tamang timbang dahil sa kawalan ng exercise nang magsimula ang pandemic.

Ang mga nasa frontline sa mga checkpoint at oolice stations ay hindi rin kayang i-mantine ang kanilang BMI dahil sa kanilang trabaho nang tumama ang COVID 19.

Hindi rin umano inirerekomenda ang biglaang pagpapayat para lang makuha ang nararapat na BMI dahil delikado ito sa kalusugan ng mga lulis.

Aminado ang pamunuan ng PNP na marami sa mga pulis ngayon ang bagsak sa kanilang BMI o Body Mass Index (BMI) dahil marami sa mga pulis ang tumaba dahil umano sa haba ng lockdown.

Ang BMI requirement ay bahagi ng physical fitness program ng PNP. (Gene Adsuara)

Cash incentive para sa olympic gold medalist

Posted on: July 15th, 2021 by @peoplesbalita No Comments

Bukod sa MVP Sports Foundation ni Manny V. Pangilinan ay nangako rin si Ramon Ang ng San Miguel Corporation (SMC) na bibigyan ng cash incentives ang mga atletang mag-uuwi ng medalya mula sa Tokyo Olympic Games.

Magbibigay ang SMC ng bonus na P10 milyon para sa kukuha sa kauna-unahang Olympic gold medal ng bansa habang P5 milyon at P2 milyon naman ang para sa silver at bronze, ayon sa pagkakasunod.

“I officially announce na nagpapasalamat din ako kay Mr. Ramon Ang ng San Miguel na nag-commit na rin ng same amount as MVP group,” wika kahapon ni Philippine Olympic Committee (POC) president Abraham ‘Bambol’ Tolentino sa online edition ng Philippine Sportswriters Association (PSA) Forum.

Nauna nang nangako si Pangilinan ng P10 milyon para sa Olympic gold, P5 milyon para sa silver at P2 milyon para sa bronze.

Hindi pa kasama rito ang parehong cash incentives na nakasaad sa Republic Act 10699 o Expanded Athletes Incentives Act.

Nangangahulugan na kabuuang cash incentives na P30 milyon ang matatanggap ng atletang kokolekta sa Olympic gold, P15 milyon sa silver at P6 milyon para sa bronze.

Maliban pa ito sa inaasahang bonus na ibibigay ni Pangulong Rodrigo Duterte, ayon kay Philippine Sports Commission (PSC) chairman William ‘Butch’ Ramirez.

Kabuuang 19 national athletes ang kakampanya sa Tokyo Olympics na nakatakda sa Hulyo 23 hanggang Agosto 8.

Nangangahulugan na kabuuang cash incentives na P30 milyon ang matatanggap ng atletang kokolekta sa Olympic gold, P15 milyon sa silver at P6 milyon para sa bronze.

Maliban pa ito sa inaasahang bonus na ibibigay ni Pangulong Rodrigo Duterte, ayon kay Philippine Sports Commission (PSC) chairman William ‘Butch’ Ramirez.

Kabuuang 19 national athletes ang kakampanya sa Tokyo Olympics na nakatakda sa Hulyo 23 hanggang Agosto 8.

Motor vehicle inspection kailangan bago ang rehistro sa LTO

Posted on: July 15th, 2021 by @peoplesbalita No Comments

Muling nagbigay ng paalala ang Land Transportation Office (LTO) sa mga motorista na kailangan ang motor vehicle inspection bago ito marehistro.

May option ang mga motorista kung gusto nilang tingnan ng isang awtorisadong private motor vehicle inspection center (PMVIC) o ng LTO ang kanilang mga sasakyan.

Ayon sa LTO parehas na lamang ang presyo ng inspection para sa roadworthiness sa PMVIC at pribadong emission testing center (PETC).

Sa ilalim ng Philippine Air Act, ang mga sasakyan ay kinakailangan na magkaron din ng inspeksiyon ng roadworthiness sa isang PMVIC kung saan ito ay libre lamang dahil ang emission testing ay kasama na sa mga sunod-sunod na testing para sa safety at roadworthiness ng isang sasakyan.

“We can prevent the unnecessary loss of lives and properties on our roads just by making sure that the vehicles are safe and roadworthy. A road crash can happen anytime. An unsafe vehicle on the road can kill and deadly as a vehicle driven by a drunk driver. A poorly maintained vehicle can experience mechanical failures that may end into a terrible crash,” wika ni Department of Transportation (DOTr) usec Arturo Tuazon.

Ang inspeksiyon na ginagawa ng mga testing centers ay naaayon sa adhikain ng DOTr na ang mga sasakyan na tumatakbo sa mga kalsada ay siguradong safe at roadworthy.

Mula sa datus ng Metropolitan Manila Development Authority (MMDA)-TEC-Road Safety Unit noong 2019, nagkaron ng 121,771 road crashes sa Metro Manila o 334 na cases kada araw. Sa datus na ito, ang naitalang patay ay 372 habang may 20, 466 na nagkaron ng non-fatal injuries. Mayron naman naitalang 100,933 na nasira ang mga ari-arian.

Samantala, sinabi ni Tuazon na sa ginawang opinyon ng Office of the Solicitor General (OSC) ay wala ng balakid sa legality na ang mga sasakyan ay sumailalim sa motor vehicle inspections para sa safety at roadworthiness bilang bahagi ng requirement sa proseso ng pagrerehistro sa LTO.

“Based on the OSG’s opinion, the DOTr and LTO have the authority to ensure the roadworthiness of motor vehicles under Administrative Code of 1987, LTO charters, and other laws,” dagdag ni Tuazon.

Sa ilalim pa rin ng opinyon ng OSG’s, sinasabi rito na ang LTO at DOTr ay maaaring magbigay legally ng authorization sa mga PMVICs na magsagawa ng inspeksiyon ng mga sasakyan na nababatay sa mga administrative issuances. (LASACMAR)

Obiena papalitan bilang flag bearer sa Tokyo Games

Posted on: July 15th, 2021 by @peoplesbalita No Comments

Sa inilabas na direktiba ng Tokyo Olympic Games Organizing Committee (TOGOC) ay kailangang nasa Japan na ang mga flag bearers 48 oras bago ang opening ceremonies sa Hulyo 23.

Dahil dito ay inaasahang papalitan ng Philippine Olympic Committee (POC) si national pole vaulter Ernest John Obiena bilang isa sa dalawang flag bearers ng Team Philippines.

Nakatakdang dumating ang 2019 Southeast Asian Games gold medalist sa Tokyo sa araw mismo ng opening ceremonies.

“Nire-require na ang mga flag bearers natin na dapat nandoon (Japan) na sila 48 hours before,” wika kahapon ni POC president Abraham ‘Bambol’ Tolentino sa online edition ng Philippine Sportswriters Association (PSA) Forum. “Ang dating ni EJ is 2:30 ng 23.”

Bukod kay Obiena, hinirang din ng POC si Fil-Japanese judoka Kiyomi Watanabe bilang flag bearer ng delegasyon.

“With that, ipinaalam ko na sa athletics (association) na baka at malamang mapalitan ang flag bearer natin because of the recent development sa Tokyo,” wika ni Tolentino kay Obiena.

Inaasahang ihahayag ng POC ang kapalit ni Obiena ngayong araw.

Sina Obiena at Watanabe ay kabilang sa 19 national athletes na pupuntirya sa kauna-unahang Olympic gold medal ng bansa.

Federer umatras na sa paglalaro sa Tokyo Olympics

Posted on: July 15th, 2021 by @peoplesbalita No Comments

Nagpasya si Swiss tennis star Roger Federer na huwag ng maglaro sa Tokyo Olympics.

Sa kaniyang social media inanunsiyo ng 39-anyos na tennis player ang hindi na pagsali sa Olympics dahil sa kaniyang injury sa tuhod.

Lumala kasi ang kaniyang injury sa katatapos lamang na Wimbledon.

Labis itong nadismaya at nanghihinayang dahil isang karangalan aniya at karagdagang exposure sa kaniyang career ang maglaro sa Olympics.

Hindi na nakapaglaro ito noong 2016 Rio Olympics sa Brazil dahil rin sa injury sa tuhod.

Magugunitang nakakuha ng gold medal si Federer sa doubles event noong 2008 Beijing Games at silver medal naman sa singles event sa 2012 London Games.

Una na ring umatras sa paglalaro sa Olympics sina Serena Williams, Rafael Nadal at Nick Kyrgios na magsisimula sa Hulyo 23.

Moreno at Pacquiao angat sa botohan sa pagka-senador sa 2022 – Pulse Asia Survey

Posted on: July 15th, 2021 by @peoplesbalita No Comments

Nasa unang puwesto sina Manila Mayor Isko Moreno at Senator Manny Pacquiao sa Pulse Asia Survey sa mga tatakbong senador sa 2022 election.

Sinundan ito nina Davao City Mayor Sara Duterte, mamamahayag na si Raffy Tulfo, Taguig-Pateros Rep. Alan Peter Cayetano at Sorsogon Governor Francis Escudero sa top six.

Mayroong 54 percent ang nakuha ni Pacquiao at 53.7 percent naman ang nakamit sa survey ni Moreno.

Pasok naman sa Top 12 sina dating Senator Bongbong Marcos, Antique Rep. Loren Legarda, Senator Panfilo Lacson, dating Senator Jinggoy Estrada, Senator Juan Miguel Zubiri at dating Vice President Jejomar Binay.

Isinagawa ang face-to-face survey noong Hunyo 7 hanggang Hunyo 16 na mayroong 2,400 na participants. ( Daris Jose)

Ryan Reynolds, Reveals Behind-The-Scenes Images Wearing His ‘Deadpool’ Suit Again

Posted on: July 15th, 2021 by @peoplesbalita No Comments

RYAN Reynolds reveals behind-the-scenes images of himself wearing the Deadpool suit.

It’s been a few years since the actor last reprised his comic book role via David Leitch‘s Deadpool 2 from 2018. Since then, a lot has already happened, including the character now confirmed to be under Marvel Studios, with Deadpool 3 currently in the works.

In the meantime, the actor has been busy with other ventures. That includes a brand new movie, Free Guy, where he reunites with Taika Waititi. The pair previously co-starred in Martin Campbell‘s critically-panned Green Lantern movie, which both of them have joked about in the past.

In their latest project together, Reynolds plays the titular character, Guy, while Waititi is the narrative’s main villain, Antoine. Given this, they teamed up in the new trailer for the project wherein they reprised their respective Marvel characters. Waititi appeared as Korg, the rock-creature from the Thor films, while Reynolds reprised Deadpool; in it, they pretend to react to the promo clip.

That said, Reynolds remains masked in the whole bit, so it’s difficult to tell if it was even really him in the Free Guy promo. But now, the actor confirms that he’s indeed on set, donning the full Deadpool costume. In a series of Instagram Stories, he also joked about potentially stealing the suit even though Disney will most like come after him.

In early June 2021, Reynolds posted an image on his social media of Deadpool’s mask. Many perceived this either as something related to Deadpool 3 or figured he was just joking around. However, chances are that it had something to do with filming the latest Free Guy marketing clip.

Impressively, the actor could’ve let someone else wear the costume since it’s only for a promo and then add his voice-over later on.

This would’ve been easier; after all, Deadpool doesn’t remove his mask in the video anyway. But, chances are that Reynolds wanted to be as involved as he can in all aspects of the projects. In any case, he previously admitted to having fun with these promotional campaigns.

It’s worth noting, however, that this video is likely not Marvel canon, so this is technically not Reynolds’ first outing as Deadpool in the MCU. Understandably, many could assume that since Korg is there too, but this is purely for Free Guy.

At this point, Marvel Studios’ slate is stacked until at least 2023, with a mix of big and small screen projects in the pipeline. However, that doesn’t mean that Reynolds and his creative team aren’t already tinkering for potential narratives for the threequel. (source: screenrant.com)

(ROHN ROMULO)

NO 1 MWP NG MPD ARESTADO

Posted on: July 15th, 2021 by @peoplesbalita No Comments

NAARESTO ng mga operatiba ng Manila Police District (MPD) ang isang lalaki na itinuturing na number 1 most wanted person (MWP) ng MPD- Station 7.

Madaling araw ng Martes nang madakma si Willy Boy Centeno , 31, tricycle driver, at residente sa Daang Bakal, Tondo, Maynila sa busa ng warrant of arrest .

Ayon sa MPD, nagsagawa ng Simultaneous Anti-Criminality Law Enforcement ang mga tauhan ng Station Warrant & Subpoena Section sa pangunguna ni PCPT Darwin Serna sa lugar upang isilbi ang arrest warrant laban sa akusado.

Inisyu ni Honorable Judge Cynara Hannah L. Cayton, Presiding Judge, RTC Branch 8, Manila ang warrant laban kay Centeno na may petsang November 4 dahil sa kasong murder .

Kasalukuyan nang nakadetine sa PS-7 Custodial Facility ang akysado habang hinihintay ang pagbalik ng kanyang warrant of arrest at commitment order mula sa korte. (GENE ADSUARA)

Pacquiao, sanay na raw humarap sa mas malalaking boksingero kaysa kay Spence

Posted on: July 15th, 2021 by @peoplesbalita No Comments

Itinuturing ni American boxer Errol Spence na isang matinding laban ang matutunghayan ng mga boxing fans sa pagharap niya kay Filipino boxing champion Manny Pacquiao.

Sa isinagawang unang presser ng dalawang boksingero para sa August 21, 2021 na laban tiniyak ni Spence na magwawagi ito.

Alam daw niya ang kakayahan ng fighting senator sa loob ng boxing ring kaya kaniya rin itong pinaghahandaan para hindi madungisan ng pagkatalo ang kaniyang perfect 27-0 record na mayroong 21 knockouts.

Itinuturing niya na isang katurapan ng pangarap na makaharap ang legendary boxer na kahalintulad ni Pacman.

Hindi naman natinag si Pacquiao sa laki at mas batang boksingero na makakaharap dahil sanay na umano ito.

Iniaalay ng Filipino boxing champion ang laban sa buong bansa.

1-M pang Sinovac vaccine doses, dumating sa Phl

Posted on: July 15th, 2021 by @peoplesbalita No Comments

Karadagang 1 million doses ng Sinovac COVID-19 (Coronavirus Disease 2019) vaccine ang dumating sa Pilipinas bandang alas-7:35 kahapon ng umaga.

Ang bagong batch ng Sinovac vaccine ay lumapag sa Ninoy Aquino International Airport Terminal 3 sa Pasay City lulan ng Cebu Pacific Flight 5J 671.

Sinalubong ito ng vaccine czar na si Carlito Galvez Jr., at ng iba pang health officials.

Una nang sinabi ni Health Undersecretary Maria Rosario Vergeire na nasa 10 million COVID-19 vaccine doses mula sa iba’t ibang manufacturers ang inaasahan nilang darating ngayong buwan.

Bukod sa Sinovac, kabilang sa iba pang brands na inaasahang darating sa bansa ay ang bakunang gawa ng Sputnik V, AstraZeneca, Pfizer, Moderna at Johnson and Johnson.

Mamayang hapon, 250,800 doses naman ng Moderna vaccine kabilang na iyong mga binili ng private sector, ang darating din sa Pilipinas. (Daris Jose)