Maski ang mga miyembro ng Team Philippines na nabigong manalo ng medalya sa Tokyo Olympic Games ay may matatanggap na bonus.

Ito ang inihayag kahapon ni Philippine Olympic Committee (POC) president at Tagaytay City Rep. Bambol Tolentino sa pagbibigay nila ng tig-P500,000 sa mga Tokyo Olympics non-medalists.

Katulong ng POC sa paghahandog ng nasabing cash incentives ang MVP Sports Foundation ni businessman/sportsman Manny V. Pangilinan.

“Everyone on Team Philippines in these ‘Golden Olympics’ deserve all the praises, and in this case, incentives, they need,” sabi ni Tolentino. “Qualifying for the Olympics is already that difficult, what more competing in the Games themselves.”

Ang mga tatanggap ng tig-P500,000 mula sa POC at MVPSF ay sina gymnast Carlos Yulo, pole vaulter Ernest John Obiena, boxer Irish Magno, rower Cris Nievarez, taekwondo jin Kurt Barbosa, skateboarder Margielyn Didal, shooter Jayson Valdez, judoka Kiyomi Watanabe, weightlifter Elreen Ando, golfer Juvic Pagunsan, sprinter Kristina Knott at swimmers Re­medy Rule at Luke Gebbie.

Ibinigay ni weightlifter Hidilyn Diaz ang kauna-unahang Olympic gold medal ng Pinas matapos ang 97 taon nang magreyna sa women’s 55-kilogram division.

Napaluhod ni Sen. Manny Pacquaio ang isa sa tatlong foreign sparring partners nito sa nangyaring sparring sessions sa Wild Card Gym.

Sinabi ni Joey Concepcion, Team Mindanao Head ni Senator Manny Pacquiao, na isa sa ginagawang taktika laban kay Errol Spence ang ginamit ni Pacquiao sa di pinangalang sparring partner.

Dagdag pa nito na umabot 15 segundo bago naka-recover ang naturang boksingero.

Kaya naman kampante sila na mana-knockout ni Pacman si Errol Spence ngayong Agosto 22, oras sa Pilipinas.

Samantala, naghihigpit ang Pacman Team sa sinumang papasok sa Wild Card Gym sa Los Angeles, California, USA.

Ayon kay Concepcion, na lahat ng papasok ay dadaan sa antigen test at pagkatapos lagyan ng covid negative bracelet na nagpapatunay na negatibo laban sa virus.

Nalaman na natapos na kaninang umaga ang media day na kinabibilangan ng piling myembro ng International Media.

Sa Media day saglit lamang nagpakita si Pacquiao at sinagot ang iilang katanungan.

Wala ding pinahitulutan na kumuha ng video para hindi masilip ng kabilang kampo.

Mismong si House Deputy Speaker Mikee Romero (1-Pacman Partylist) ang personal na nag-abot ng kanyang ipinangakong P3 milyong tseke kay Olympic gold medalist Hidilyn Diaz kahapon.

Ayon kay Romero, hindi matatapatan ang naging sakripisyo ng 30-anyos na national weightlifter para makamit ang kauna-una­hang Olympic gold ng Pinas matapos ang 97 taon.

“This will open for other athletes to work harder to aspire their dreams,” wika ni Romero sa kanilang pagkikita ni Diaz sa Sofitel Hotel kung saan nanatili ang tubong Zamboanga City para sa mandatory seven-day quarantine.

“We are really proud of you, Hidilyn. You embody the traits of a great warrior. Hoping every Olympics may gold medal tayo,” dagdag pa ng NorthPort Batang Pier team owner.

Kumpiyansa naman si Diaz na mayroon pang susunod sa kanyang mga yapak.

Naghahanda na ang pamilya ni Filipino boxer Carlo Paalam na pasok na finals matapos talunin ang kanyang kalaban na si Japanese Ryomie Tanaka sa Men’s Flyweight Division.

Sa naging panayam ng Bombo Radyo Cauayan, inihayag ni Ginoong Pio Rio Paalam Sr. na nagdarasal ang kanilang buong pamilya sa laban ng anak na si Carlo Paalam na pasok na sa Finals ng Tokyo Olympics at kakaharapin nito ang boksingero ng United Kingdom ay itinakda sa August 7, 2021.

Labis labis anya ang kanilang katuwaan sa panalo ni Carlo Paalam.

Nagpapasalamat din siya sa suporta ng mga mamamayang Pilipino sa kanyang anak.

Nagdarasal anya sila na makuha ni Carlo Paalam ang gintong medalya sa kanyang laban sa araw ng Sabado.