NAGSUMITE na ng Certificate of Candidacy ang kapatid ni Congressman Alfred Vargas na si Konsehal PM Vargas sa pagka-kongresista ng 5^th District ng Quezon City nitong Lunes, Oktubre 4.

Sinamahan ni Alfred ang kapatid at masayang-masaya niyang ibinalita na lahat ng sinimulan niya sa kanilang distrito ay ipagpapatuloy ni PM.

Aniya, “I am proud of PM. He is a natural when it comes to connecting with people and he has an instinct for feeling and understanding their needs. Mataas rin ang ’empathy quotient’ niya. Minana namin Kay Mommy.”

Si Konsehal PM ang papalit sa puwesto ni Cong. Alfred na naka-tatlong termino bilang Representative ng 5th district of QC.

Sabi pa ni Alfred, “His decision to run for a congressional seat made me emotional on so many fronts. Naalala ko si Mommy and how she would have been proud of her youngest son.          

“Public service is one of her legacies which has inspired all her children not only to be of help to the less fortunate and disadvantaged but to effect positive change.

“Si PM ang isang matibay na sandalan ko sa tatlong termino ko bilang kongresista. He would support me in all my initiatives no matter how unpopular they may be. Pag kailangan, dapat may pagkilos anuman ang balakid, he would reassure me.

      “Kinausap niya ako bago siya nag–file ng COC, sabi niya, ‘dapat pang ituloy ang lahat ng iyong ipinaglalaban, Kuya. I understand your cause and vision. And because of that, I will run. Your positive effect on the lives of our ka-distritos has to continue. I will do it for your constituents. You and I owe them that.’ Then I knew, my brother and I are one.

     “I am supporting his candidacy because I believe in what he stands for. I’ve known him all his life. We come from the same tree and the fruit never falls far from it. I am proud of PM but I am sure Mom and Dad are even prouder of him.”

***

APAT na bagong YouTube shows mula sa ABS-CBN Entertainment YouTube channel ang magbibigay ng saya, kilig, at katatawanan sa viewers ngayong Oktubre bilang bahagi pa rin ng “Kapamilya YOUniverse” experience.

Kung nahihirapang bumangon sa umaga, i-stream lang ang “Happy Pill” tuwing 8 AM mula Lunes hanggang Linggo. Lalamanin nito ang iba’t ibang inspirational quotes at motivational words para maghatid ng good vibes at lakas ng loob na simulan ang araw.

Maaaliw naman habang natututo ang viewers sa “IQ Ang Nagwagi,” isang quiz show kung saan mag-iikot si Alora Sasam sa iba’t ibang ABS-CBN shows para magtanong ng sari-saring trick questions. Sumama na sa sagutan at kulitan kasama ang iba’t ibang Kapamilya stars tuwing Sabado, 6 PM.

Kakaibang movie experience naman ang ihahain ng anthology series na “Mashing Machine” kada Lunes tuwing 6 PM. Sa bawat episode nito, ipagsasama-sama ang mga eksena mula sa iba’t ibang patok na teleserye at ipagpapares ang iba’t ibang Kapamilya stars para makabuo ng isang bago at nakakaaliw na kwento.

Napapanood na ngayon ang unang “Mashing Machine” episode na “A Soldier’s Love” tampok sina Gerald Anderson at Ivana Alawi, samantalang sina Kathryn Bernardo, Enrique Gil, at James Reid naman ang magpapakilig sa “My Hokage Love” sa susunod na linggo. Bibida rin sa susunod na episodes sina Daniel Padilla, Liza Soberano, Nadine Lustre, Jodi Sta. Maria, at Coco Martin.

Pwede ring tumakas at bumyahe sa iba’t ibang bahagi ng mundo kasama sina André Brouillette, Fumiya Sankai, at Gabby Sarmiento sa “Hello World!” simula Oktubre 7. Makilakwatsa at maki-food trip kasama ang dating “PBB” housemates sa USA, Japan, at Italy, at alamin mula sa kanila ang masasayang experiences na pwedeng ma-enjoy sa mga lugar na ito tuwing Huwebes, 5 PM.

Itatampok naman sa susunod na season ng “Secret Movie Files” ang mga trivia at sikreto sa paggawa ng 2017 suspense thriller na “Bloody Crayons” kasama ang cast at crew nito. Imbitahan na ang buong barkada sa maagang Halloween celebration para panoorin ang unang limang episodes nito sa Oktubre 24, 2 PM kasabay ng libreng pagpapalabas ng buong pelikula sa YouTube.

Ang “Made for YouTube” shows na ito ay bahagi ng lumalaking Kapamilya YOUniverse, ang pagsasama-sama ng iba’t ibang YouTube channels ng ABS-CBN para maghatid ng entertainment, musika, pelikula, at balita. Ang ilan sa “Made for YouTube” titles na ekslusibong napapanood sa YouTube ay ang “MMK Shorts: Beyond the Lens,” “It’s Showtime All Access,” “Chikatitas,” “The Music Room,” “He’s Into Her Extras,” “Gold School,” “Dear MOR,” “Gapnud sa Kinabuhi,” “Bedtime Stories,” at “MOR Playlist.”

Tumuloy na sa Kapamilya YOUniverse sa YouTube at mag-subscribe sa ABS-CBN Entertainment, ABS-CBN Star Cinema, ABS-CBN Star Music, MOR Entertainment, ABS-CBN News, ABS-CBN It’s Showtime, at One Music PH.

(REGGEE BONOAN)

UMANI nang mahigit one million views ang highlights video ng October 2, 2021 episode ng GMA afternoon drama na Nagbabagang Luha sa loob lamang ng isang araw.

Sa ngayon, mayroon ng 2.4 million views ang highlights video na naka-upload sa official Facebook page ng GMA.

Ang nasabing highlights video ay nagpapakita ng pagbisto ni Monina sa pekeng pagbubuntis ng best friend na si Cielo. Ginagampanan ni Karenina Haniel ang papel na Monina, samantalang si Claire Castro naman ay si Cielo.

Ito ay matapos makita ni Monina na dinudugo si Cielo na akala niya ay pregnancy spotting. Pero ang totoo, dinatnan si Cielo na pruweba na hindi talaga siya nagdadalang-tao.

Lalo pang napatunayan ni Monina na nagkukunwari lamang na preggy si Cielo nang makita niyang may dala itong sanitary napkin sa bag.

In fact, ang episode ay naging trending topic sa Twitter Philippines noong Sabado.

Naging tampulan ng galit at inis si Cielo dahil sa pagiging agresibo at kawalan ng delicadeza.

Sinabihan pa siya ng ilang netizens na “malandi” at pariwara ang buhay.

Nakatanggap din ng simpatya sina Maita at Alex mula sa netizens matapos sirain ni Cielo ang kanilang relasyon dahil sa attraction ng huli sa mister ng kanyang ate. Sina Maita at Alex ay binibigyang-buhay nina Glaiza de Castro at Rayver Cruz.

Hirit pa ng isang netizen, sana ay maging daan si Monina para mabunyag kay Maita ang katotohanan tungkol sa kalagayan ni Cielo.

***

NOONG bata raw si Brianna Bunagan, hindi raw big deal sa kanya ang pagku-cross-dress ng ama niyang si Michael V. tuwing mapapanood niya ito sa Bubble Gang.

Pero noong magkaisip na raw siya, ramdam niya na hindi na raw normal ang ginagawang pagdadamit babae at maglagay ng makeup ng daddy niya.

“Hindi naman po ako na-trauma or anything. Mabilis ko naman naintindihan kung bakit gano’n si daddy. Kung bakit kailangan niyang gawin ang mga na-create niyang female characters. It was his job at diyan sa trabahong yan ay nabuhay at napag-aral kaming magkakapatid.

“Kaya sobrang proud ako sa mga ginawa ni daddy for us. That’s why sa pagpasok ko na rin ng showbiz, I want him to be proud of me as well. Sana po namana ko ang husay ni dad when it comes to music,” sey ni Brianna.

Ang pagiging singer at songwriter ang gustong gawin ni Brianna noong pumirma siya bilang isa sa mga bagong ibi-build up na talents ng GMA Artists Center.

Kung may offer daw para umarte sa teleserye, puwede naman daw siyang mag-acting workshop. Pero mas magiging priority daw niya ang music.

(RUEL J. MENDOZA)