MUKHANG mangangabog si Christian Bables sa awards night ng 2021 Metro Manila Film Festival.

Maganda ang role ni Christian sa Big Night where he plays a beautician na gagawin ang lahat matanggal lang ang pangalan niya sa watchlist ng mga suspected drug addicts.

“Kahit na comedy ang pelikula ay seryosong topic ang pinag-uusapan. We want to treat it light. Kung tumanggi si Christian sa role, di ko itutuloy ang movie dahil bagay na bagay siya sa role,” kwento ni Direk Jun Lana about his actor.

Gay role na naman si Christian sa Big Night pero kapwa sila nag-effort ni Direk Jun to make sure na ang portrayal niya ay iba sa gay movies na nagawa na niya under Direk Jun.

“I needed someone na familiar, commercial na magdadala ng pelikula pero mayroon akong hinahanap na trait na si Christian lang ang pwedeng magbigay. Sarcastic pero at the same time kaya rin niya niya magpatawa at kaya rin magdrama nang todo,” sabi ni Direk Jun.

“Mabuti nga pumayag kasi noong una namin siyang tinanong yan, umayaw kasi another gay role pero we when explained to him the role, tinanggap niya agad. It’s Christian or nothing. Feeling ko mananalo na naman siya kasi si Christian, ang galing-galing.

“’Di ba ang galing-galing niya sa comedy. Ang galing din niya mag-shift from comedy to drama kaya kailangan si Christian kasi kinakailangan na kayang mag-comedy at magdrama at the same time.”

***

HAPPY si Shido Roxas na may natapos siyang pelikula ngayong pandemic at napili itong entry sa 2021 Metro Manila Film Festival.

Titled Nelia, bida rito sina Wynwin Marquez at Raymond Bagatsing. First movie ito ng A & Q Film Productions owned by Atty. Aldwin Alegre and Atty. Melanie Quino. The movie is directed by Lester Dimaranan.

“Fortunately, I am grateful to have been given opportunities to be part of two films,” sabi ni Shido nang makausap namin.

Ayon sa hunk actor, ang malaking challenge sa paggawa ng movie during the pandemic ay ‘yung mobility ng mga tao given the IATF restrictions sa bawat LGU.

Dahil mahina ang trabaho sa showbiz during the pandemic kaya naisipan ni Shido na mag-venture sa Swab business which is very timely.

“I am thrilled that Nelia was chosen as one of the festival entries. There were 19 top caliber films that competed for a slot and to be chosen as one of the Magic 8 is just a cherry on top.”

Sa movie ay isang compassionate na doctor na may ibang agenda ang role niya.

He is hoping for the best for the film industry ngayong nag-open na muli ang mga sinehan.

“It’s about time that we embrace once again our past time of watching movies,” sabi ni Shido.

He is likewise looking forward na makanood ng movies again sa sinehan.

“Yes, I am confident that cinemas will be safe to be at considering safety and health protocols being imposed,” pahayag pa niya.

Aside from Nelia, kasama rin si Shido sa Caught in the Act, which tells the story of a group of High School students who invented an app that aims to alleviate crime.

(RICKY CALDERON)

PINANOOD namin ang interview ni Betong Sumaya sa dalawang cast ng The World Between Us ng GMA-7 na magbabalik ng muli sa primetime simula sa November 22 na sina Tom Rodriguez at Jasmine Curtis-Smith.

Kung si Tom ay high na high pa rin na bagong kasal siya kay Carla Abellana at isa raw sa pinaglalaanan niya ng oras, i-enjoy ang pagiging Mr. & Mrs. nila ni Carla habang naka-season break nga sila sa serye.

Si Jasmine naman, nang matanong kung ano ang pinagka-abalahan niya, ang pamangkin ang binanggit nito.

Ang pamangkin sa kapatid na si Anne Curtis na si Dahlia. Sabi ni Jasmine, “My pamangkin talaga and I took the time na i-take ang break na ‘yun and you know, hoping siyempre, baka may umusbong na ibang projects, so sabi ko, habang wala pang work at naka-break.”

      Bukod dito, nakikibalita lang daw siya lagi sa mga nagpapabakuna na mga kaibigan o kasama niya.

No mention ito about lovelife.

Matagal nang nababalita na break na sila ng almost four years boyfriend na si DOT (Department of Tourism Regional Director Jeff Ortega pero hanggang ngayon, hindi ito sinasagot ni Jasmine.

Pero kung ikukumpara nga before na halos napaka-open nila, laman din ng social media ni Jasmine ang mga pictures nila together at ang madalas na pag-stay rin niya sa La Union, tila nabago lahat ‘yun.

Not unless, sa new management ni Jasmine, may concious effort na quiet at hindi na ito magiging visible sa lovelife niya.

So, ano nga ba? Kung break naman na, bakit ‘di pa aminin?

***

DEDMA o wala pa rin ano mang reaksiyon ang Kapamilya actor na si Enchong Dee sa isinampang cyber libel case sa kanya ni Partylist Congresswoman Claudine Bautista-Lim. 

Nagpo-post pa rin naman ito sa kanyang mga social media accounts tulad ng Twitter at Instagram, pero hindi ito nagme-mention anything about the case.  Napakalaki ng hinihinging danyos ng kongresista sakaling maipanalo niya ang kaso laban kay Enchong, tumataginting na 1 bilyong piso.

May mga nagsasabi na siguro raw, inaayos na siyempre ng lawyer ni Enchong o baka naman may mga common friends na rin sila na pwedeng pumagitna sa kanilang dalawa, lalo pa nga’t kung babalikan, naglabas na rin naman ng public apology si Enchong sa nai-tweet niya.

Ang huling post lang ni Enchong ay ang pagpapaalam na niya sa serye nilang Huwag Kang Mangamba at sabi nga niya, “Hanggang sa muli… mami–miss ko kayo.”

Sa isang banda, bagamat may mga namba-bash kay Enchong at nagsasabing deserve nito ang case na isinampa sa kanya. Marami rin mga netizens ang nagpapalakas ng loob ng actor.

***

INAMIN ni Mikoy Morales na dumadaan din siya sa insecurities.

Na there was a point in his career na inisip din niyang huminto na. Napaisip din kung worth daw ba na ginib-up niya ang pag-aaral sa pag-artista.

Actually, kung may isa kaming naa-appreciate kay Mikoy, ito ang pagiging honest niya palagi sa mga sagot niya. Since magka-contemporary sila ni Ruru Madrid sa Protégé noon at given na magkaiba ang tinatahak ng career nila, may time raw na he got insecured with Ruru.

Pero malaking bagay raw na ngayong magkasama sila sa isa sa much-anticipated series ng GMA-7, ang Lolong na nakapag-usap sila at mas clear sa kanya ang lahat ngayon.

Very grateful ito sa GMA-7 dahil sa muling pagre-renew ng kontrata niya. At para kay Mikoy, ang Pepito Manaloto raw talaga ang nag-save sa kanya and started it all, since from a drama actor, nadiskubre nga niya ang talent niya sa comedy. Nasundan na ito ng pagiging mainstay niya sa Bubble Gang.

At kasama rin siya sa VIVA movie na Mang Jose.

(ROSE GARCIA)