MAGBABALIK na simula ngayon (January 17), ang highly-anticipated drama na sinubaybayan last year, ang Prima Donnas sa GMA Afternoon Prime.

Pangungunahan pa rin ng tatlong Donnas, si Donna Marie (Jillian Ward), Donna Belle (Althea Ablan) at Donna Lyn (Sofia Pablo), as the heiresses of the Claveria family.

Kaabang-abang ang mga pagbabago sa story that will showcase a different side to the beloved sisters.

Naroon pa rin sina Katrina Halili as Lilian, Wendell Ramos as Jaime, Chanda Romero as Lady Prima, Benjie Paras as Agaton, James Blanco as Ruben, and the newest addition to the cast na si Ms. Sheryl Cruz as Bethany Howards.

At siyempre, si Ms. Aiko Melendez as Kendra Fajardo, na patuloy na sumusumpa ng paghihiganti sa mga Claveria.

At may mga ka-love team na ang mga Donnas, si Will Ashley as Nolan, Vince Crisostomo as Cedrick, Allen Michael Ansay as Fonsie, at Bruce Roeland as Hugo.

At abangan kung nagbago na ang ugali ni Brianna, si Elijah Alejo, na nagpanggap bilang isang Claveria.

Sa pagsisimula ng serye this week, from January 17 to 21, the show will take viewers back to the first season with recap episodes, after Eat Bulaga.

Ang fresh episodes ng Prima Donnas, Book 2 ay magsisimula naman sa January 24 sa GMA-7.

***

MAGSISIMULA na ring mag-resume ang mga nasimulan nang mga bagong teleserye ng GMA Network, dahil sa almost two years na tayong may pandemic.

Isa rito ang action-drama series  na Lolong na pinagbibidahan ni hunk actor Ruru Madrid, na naka-ilang lock-in tapings na sila nang mahinto sila last August, 2021.

Nanghinayang ba siya na matagal-tagal na rin itong nahinto?

     “Hindi po naman, pero talagang nag-train akong mabuti noon, to the point na kahit puyat ako, nagwu-work-out ako, pero kailangan po naming sumunod,” sagot ni Ruru.

“Pero kahit po na-stop kami, hindi pa rin ako huminto, nag-decide akong mag-focus sa ibang mga bagay, improve myself, hindi lamang sa pagiging artista. 

“Nag-venture ako into business, at the same time, I just launched my YouTube channel called “What Are You Made Of?”

Hindi naman nawawalan ng guestings si Ruru sa mga shows sa GMA, at every Sunday, napapanood siya sa All-Out Sundays.

***

MALAPIT nang magsimula ang isang legal drama series na Artikulo 247 sa GMA Afternoon Prime, na tatampukan nina Rhian Ramos, Benjamin Alves, Kris Bernal, at Mark Herras. 

Ang serye ay tungkol sa isang babaeng pilit na kumakawala sa consequences ng kanyang nakaraang pagkakadawit sa buhay ng kanyang boss at asawa nito.

Kaya mabubuo na ang mga series sa afternoon prime, nagsimula na kasing mapanood ang Prima Donnas na sinusundan ng Little Princess ni Jo Berry.

Ilang shows pa ring aabangan ang The Fake Life, Apoy Sa Langit, Abot Kamay na Pangarap, Frozen Love, Return To Paradise, Underage, Heaven in My Heart, at Nakarehas na Puso.

Kaabang-abang din ang mga weekend game at variety shows, ang Family Feud, a popular franchise game show, ganundin ang Philippine franchise ng sikat na SBS Korea Original na Running Man Philippines.

New breed of talented music artists ang nakatakdang ma-discover sa Sing For Hearts. Ang The Best Ka ng Guinness World Records ng “Best of the Best,” sa talent, looks at iba pa.

At ang isang pinakahihintay, ang pagbabalik ng action-packed adventure top-rating family drama na Agimat ng Agila nina Ramon ‘Bong’ Revilla Jr., Elizabeth Oropesa, Benjie Paras, Gardo Versoza. Betong Sumaya, Kim de Leon, Shanelle Agustin at si Miss Universe Philippines 2021 Rabiya Mateo.

(NORA V. CALDERON)

MULA sa box-office director ng Kita Kita na si Sigrid Andrea Bernardo, inihahandog ng Vivamax ang girl love series na Lulu, na magsisimula na sa January 23, 2022.

Makikilala na ang unang pagsasama ng sultry actress na si Rhen Escaño (Adan, The Other Wife, Paraluman) bilang Sophie at ang baguhang aktres na si Rita Martinez (The Voice Philippines season 2 semifinalist, LGBTQIA+ advocate) bilang Abi.

Dahil sa relasyong nauwi sa hiwalayan, gusto munang lumayo at mapag-isa ni Sophie. Pati ang kanyang social media accounts ay deactivated na. Siya ay nagtungo sa kanyang beach house na pinaparentahan sa AirBnB at inisip niyang ipaayos na rin ito.

Ang kaso, lahat na lang ng ginagawa niya ay hindi maganda ang nagiging resulta. Sa katunayan, iniisip ni Sophie na wala na siyang ginawang tama sa 25 taon na nilalagi niya sa mundo.

Ngunit nang dumating si Abi sa kanyang bahay at buhay, nakaramdam siya na ito ay tama. Si Abi ay isang butch lesbian, magaling magluto at tumutugtog bilang gitarista sa isang indie band. Laging planado ang buhay niya maliban ngayon.

Ngayon, gusto ni Abi na maglakbay nang walang sinusunod na plano. Dahil dito ay napadpad siya sa AirBnB property ni Sophie. Simula nang magkakilala sila, hindi na napigilang mahulog ang loob sa isa’t-isa.

May walong episodes ang GL series na lalabas tuwing Biyernes sa Vivamax.

Sundan kung paano makakaapekto sa relasyon nina Sophie at Abi ang pagbabalik ng kanilang mga ex at ang paglutang ng mga dating lihim at hinanakit.

Ibinahagi naman ni Direk Sigrid na matagal na niyang tinatago ang konsepto ng kwento ng Lulu. Humahanap lamang siya ng tamang panahon para ituloy ang pagsulat nito at maipalabas sa telebisyon o sinehan.

Salamat sa Viva Films at Viva TV na bukas sa realidad ng girl love and boy love stories at sa wakas ay nabigyan ng pagkakataon ang award-winning writer/director na ibahagi ang kwentong ito na siguradong magugustuhan ng mga open-minded na manonood.

Sa unang pagkakataon, mapapanood natin ang pagkakalog ni Rhen, malayo sa mga nakaraang roles niya, na unang napansin sa Untrue na mula rin kay Direk Sigrid.

Ayon pa kay direk, ang Lulu ay romantic comedy, at hindi heavy drama na nakasanayan ng marami pag dating sa lesbian love stories. “I wanted Lulu to be light. I want to focus doon sa individual struggles nila and love is secondary. And it will come naturally,” tugon ng direktor.

“Of course, we will tackle ’yong mga issues pero very, very subtle. It’s more of parang every-day life ng lesbian community.”

Sa pamamagitan ng seryeng ito, gusto ni direk na makita ng mga tao na hindi lang puro issues ang mga tomboy, “masayahin din sila”.   Aminado rin ang direktor na mas mahirap gumawa ng series dahil mas mahaba ito, kaya parang gumawa na rin siya ng dalawang pelikula at kailangan na may matinding cliffhanger sa dulo ng mga episodes, para maging interesting at aabangan ng viewers.

Pareho namang excited sina Rhen at Rita na makita ng mga tao ang pagmamahalan nina Sophie at Abi. Naniniwala si Rhen na walang masama sa ganitong klaseng kwento dahil walang pinipiling kasarian ang pag-ibig.

Masaya si Rita na ang kanyang papel na si Abi ay maraming pagkakapareho sa kanya. Bukod sa pagiging tomboy, mahusay na chef rin si Rita at tumutugtog rin sa isang banda

Samantala, natanong namin ang mga bida ng Lulu kung sino ang female celebrity na malakas ang dating sa kanila at kinakikiligan.

Wala naman kaabog-abog na sumagot si Rhen ng, “si Ate Angel Aquino talaga ako.

“Kasi nakasama ko siya sa ‘Ang Probinsyano’ before at sobrang vocal ako kanya, ganun kakapal ang mukha ko.

“Nakatitig lang ako sa kanya, tapos sabi ko sa kanya, ‘grabe Ate Angel, ba’t ka ganyan?’ Umagang-umaga, wala siyang make-up, sobrang ganda niya.

“Kaya sobrang vocal ako sa kanya na crush ko talaga siya. ‘Girl crush kita ate’, inamin ko sa kanya ‘yun na walang kaabog-abog.”

Dagdag pa niya, “gusto ko ngang makagawa ng film na kaming dalawa, parang ang sarap siguro ng feeling nun.”

Natatawang hirit naman ni Rita na kitang-kitang na kinikilig habang nagsasalita ang ka-partner, “puwedeng maki-share? Kasi si Miss Angel Aquino rin ang answer ko.”

Para mapanood ang Lulu, mag-subscribe sa Vivamax sa web.vivamax.net. Maaari ring mai-download ang app at mag-subscribe sa Google Play Store, Huawei App Gallery at App Store. Watch all you can na sa halagang P149 kada buwan o P399 para sa tatlong buwan para sulit na sulit. Meron pang hot price na P29 lamang at may 3-day access na sa Vivamax. Para makapagbayad gamit ang website, maaaring pumili sa EC Pay, 7 Eleven, All Day, All Day, Pay Mongo, GrabPay, GCash, or PayMaya. Para makapagbayad gamit ang app, maaaring pumili sa Globe, Smart, GCash, Paypal, Visa, or Mastercard. Para makapagbayad mula sa Ecommerce, maaaring pumili sa Lazada, Shopee, Comworks, Clickstore, or Paymaya. Para makapagbayad mula sa authorized outlets, maaaring pumili sa Load Manna, Comworks, Cebuana Lhuillier, Palawan Express, and Load Central. Ang mga cable partners ng VivaMax ay SkyCable, Cable Link, Wesfardell Connect, Fiber, BCTVI, Cebu Cable, Zenergy HD, Cotabato Cable Television Network Corporation, at Concepcion Pay TV Network, Inc.

Mapapanood din ang Lulu sa Vivamax Middle East! Sa ating mga kababayan sa UAE, Saudi Arabia, Kuwait, Oman, Bahrain, at Qatar, watch all you can na for only AED35/month. Sa Europe, makakapanood na sa Vivamax sa halagang 8 GBP kada buwan.

Nasa Hong Kong, Japan, Malaysia, at Singapore, Indonesia, Thailand, South Korea, Taiwan, Brunei, Macau, Vietnam, Maldives, Australia, New Zealand, Canada at USA na rin ito.

Vivamax, atin ‘to!

(ROHN ROMULO)