HIYAWAN ang may 70,000 tagasuporta ni Vice President Leni Robredo noong Biyernes (March 11) sa Paglaum Stadium sa Bacolod City nang iparinig ni Kyla ang kanyang Knock Knock Leni.

Isa si Kyla sa mga malalaking pangalan ng showbiz at musika na nagbigay-saya sa isinagawang VP Leni Bacolod rally. Bukod kay Kyla, nagbigay saya rin sina Sharon Cuneta, Rivermaya, at Kuh Ledesma.

Nandoon din sina Curtismith, Mayonnaise, Gracenote, Tippy Dos Santos, Gab Valenciano, Janina Vela, The Company, DJ Joey, at Kay Leni Tayo singers na sina Jeli Mateo, Justine Pena, at Nica del Rosario na naghandog ng mga kanta.

Sumuporta rin sa rally sina Edu Manzano, Joel Torre, Ronnie Lazaro, Nikki Valdez, at Agot Isidro, gayundin si Ogie Diaz kasama ang kanyang tropang sina Mama Loi at Dyosa Pockoh.

Sobrang naaliw ang mga Bacolodnons nang pakawalan na ni Kyla ang kanyang Knock Knock Leni. Ani Kyla, “knock-knock.” “Who’s there?” tanong ng bayan. “Leni,” sagot ni Kyla. “Leni who?” muling tanong ng Bacolodnons. “When I found myself in times of trouble mother LENI comes to me speaking words of wisdom let it be. Let LENI Lead, Let Leni Lead, Let Leni Lead, Let Leni Lead. Speaking words of wisdom Let LENI LEAD!” kaya naman naghiyawan ang may 70k na sumuporta sa rally.

Pero bago pinakawalan ni Kyla ang kanyang knock-knock at kanta sinabi muna nitong, “katulad po ninyong lahat ako po ay nangangarap din at punumpuno ng pag-asa at kasama ninyong nagdarasal para sa kinabukasan ng ating bayan.”

Isa si Kyla sa masugid na taga-suporta ni VP Leni sa pagtakbo nito bilang pangulo sa darating na halalan sa Mayo 9.

Samantala, nag-trending ang hashtag #BacolodIsPink bilang No. 1 sa Pilipinas at sa buong mundo sa Twitter habang ang #MASSKARApatDapatLeniKiko at #NegOccIsPink ay nasa ikatlo at ikaapat.

(REGGEE BONOAN)

THANKFUL and overwhelmed si Kapuso actor-singer Jeric Gonzales, nang malaman niyang si Asia’s Multimedia Star Alden Richards ang nag-suggest sa production ng gagawin nila ni Bea Alonzo na romantic-comedy series na Philippine adaptation ng Korean drama na Start-Up. 

Ayon kay Alden, parang nagpi-pay-forward lamang siya kay Dingdong Dantes, na isa sa nagbigay ng chance sa kanya na makilala siya nang bago pa lamang siyang nag-aartista noon sa GMA.

Naniniwalan raw si Alden sa kakayahan ni Jeric sa pag-arte dahil nakakasama na niya ito sa ilang programa ng network.  Pangako naman ni Jeric, hindi niya bibiguin si Alden, pagbubutihin niya ang pag-arte.

Bukod sa bagong project ni Jeric, isa pang magandang nangyari sa kanya, ay sila na ngayon ng kapwa Kapuso niya, si Miss Universe Philippines 2020, Rabiya Mateo, with the caption: “To more memories with you @rabiyamateo I love you.”  Sagot naman ni Rabiya, “@jericgonzales07 Salamat Babe.  I love you more.”

Umabot na ng more than 35,392 views, mula sa mga kasama nila sa showbiz

***

ANOTHER Kapuso pair na pinag-uusapan ngayon ng netizens ay sina Rayver Cruz at Julie Anne San Jose.  

Sila na raw kaya talaga ngayon? Kinikilig ang mga fans nila sa mga TikTok videos nila.  Tanong nga nila, special guest kaya ni Julie Anne si Rayver this Sunday, March 20, sa Limitless Live! at the Sunlife Ampitheater, Bonfacio Global City, 6:00 PM. Pwede na kayong bumili ng tickets ngayon.

Ang live show ni Julie Anne ay susundan ng online concert niyang Limitless Part 3: Rise, on April 9, 2022 sa GMA Network.

***

LABIS ang pasasalamat ng bumubuo ng cast ng GMA Network’s first suspense serye na Widows’ Web, dahil sa mainit na pagtanggap ng mga televiewers sa story nito at nagtatalu-talo sila kung sino ang pumatay kay AS3 (Ryan Eigenmann), ang wife ba niyang si Jackie (Ashley Ortega), ang friend niyang si Hillary (Vaness del Moral), o ang older sister niyang si Barbara (Carmina Villarroel)?

Pero ang na-frame-up at main suspect  ay si Frank (EA Guzman) na girlfriend niya si Elaine (Pauleen Mendoza).

Comments ng mga netizens: Jenny Sotnas Sarmiento: “Yes, baka sa huli buhay pa si AS3 at siya lang may gawa ng perfect crime na pagpatay sa kanya.  Basta dumagdag pa talaga si AS3 sa mga iniiisip ko.”

Mars Jimenez: “Xander, alam mo ba nagpupustahan kami dito kung sino talaga ang pumatay sa yo.  Isip ako nang isip hirap manghula tapos eto makikita ko buhay ka pala.  Tumayo ka na dyan dahil kinakawawa na ng kapatid mo yung asawa mo.”

Bella Castillo: “Sabihin mo na Xander kung sino pumatay sa yo dahil gabi-gabi na kami nag-aaway ng asawa ko at nagpustahan na kami baka maging sanhi ng paghihiwalay naming mag-asawa.”

Janet Sibug: “Buhay ka pala!” Nag-away na kami ng kapatid ko dahil magkaiba kami ng pinagbibintangan! Saan ako titira kapag pinalayas ako ng mama ko dahil di rin siya naniniwala na si Barbara ang pumatay sa ‘yo”

Rea P. Abadines: “Dami ko activity dagdag pa to sa stress ko kakaisip sino ba talaga pumatay sa yo.  Onti lang magpapalit na ata ako ng course.  Gusto ko nang maging detective.”

Ang Widows’ Web ay napapanood gabi-gabi, 8:50PM, pagkatapos ng First Lady sa GMA-7.

(NORA V. CALDERON)