2022 March 22 Archive - People's Balita

July 3, 2024
Search in People's Balita
Ang Diyaryong Pinagkakatiwalaan

Archive for March 22nd, 2022

‘Nangyayari ngayon sa Ukraine isang ‘senseless massacre’ – Pope Francis

Posted on: March 22nd, 2022 by @peoplesbalita No Comments

TINAWAG na “senseless massacre” ni Pope Francis ang kaguluhang nagaganap ngayon sa pagitan ng Russia at Ukraine.

Ipinahayag ito ng santo papa sa kanyang address at blessing sa St. Peter’s Square kasabay nang paghikayat sa mga pinuno ng international community na lubos na gumawa ng paraan upang pigilan ang kasuklam-suklam na digmaan sa pagitan ng dalawang bansa.

Hindi man niya binanggit ang pangalan ng bansang Russia ay inilarawan ng papa ang ginagawa nito bilang isang senseless massacre o walang kabuluhang patayan na nagdudulot ng araw-araw na kalunus-lunos na pagkasawi at kalupitan na paulit-ulit na nararanasan ng mga indibidwal na nadadamay dito.

Nagpapatuloy pa rin kasi aniya hanggang ngayon ang pambobomba at missiles sa Ukraine kung saan ay nagiging biktima ang mga maraming sibilyan kabilang na ang matatanda, bata, at mga nagdadalang-tao na mga ina.

Samantala, kamakailan lang ay binisita ni Pope Francis ang isang ospital sa Rome kung saan ginagamot ang mga sugatang bata mula sa Ukraine nang dahil sa sigalot na nangyayari doon.

PNP nagpaalala sa mga biyahero sa minimum health protocols

Posted on: March 22nd, 2022 by @peoplesbalita No Comments

PINAALALAHANAN ng Philippine National Police (PNP) ang publiko na panatilihin ang pagsunod sa minimum health protocols kaugnay ng nagpapatuloy na banta ng COVID-19.

Ito’y kaugnay ng inaasahang pagdagsa ng mga bakasyunista sa mga tourist spots ngayong summer season o panahon ng bakasyon.

Ayon kay Col. Jean Fajardo ng PNP-Public Information Officer, dapat panatilihin pa rin ang pagsusuot ng face mask at palagiang magdala ng alcohol.

Sinabi ni Fajardo na asahan na ang presensya ng idedeploy na mga pulis sa mga beaches, mga kilalang destinasyon ng mga turista at mga simbahan sa panahon ng Semana Santa.

“I would like to remind our fellow Filipinos planning their trips to our beautiful tourist destinations here in the country to bring along the necessary protection against Covid-19,” ayon sa opisyal.

Una nang inianunsyo ni PNP Chief P/Gen. Dionardo Carlos ang pagdedeploy ng 17,000 personnels sa mga matatao at dinarayong lugar sa panahon ng bakasyon at Semana Santa.

Samantalang maglalagay rin ang PNP ng Help Desk at Police Assistance Posts sa mga lugar na pamosong destinasyon ng mga turista tulad ng Boracay Island sa Malay, Aklan.

Nakabalik na after two years ng paninirahan sa US: RUFA MAE, na-miss mag-beach at agad nagpasilip ng alindog

Posted on: March 22nd, 2022 by @peoplesbalita No Comments

MATAPOS ang dalawang taong paninirahan sa Amerika, nakabalik na ng Pilipinas si Rufa Mae Quinto.

Inabutan ng lockdown si Rufa Mae sa US kasama ang kanyang anak na si Athena para i-celebrate doon ang birthday nito kasama ang mister na si Trevor Magallanes. Pero biglang nagkaroon ng pandemic at hindi na sila nakabalik ng Pilipinas.

Habang nasa US, naging vlogger si Rufa Mae at pinost niya sa kanyang social media accounts ang kanyang pamamasyal at pakikipagkita sa ilang celebrities na naninirahan na sa US tulad nila LJ Moreno, Donita Rose, Ruby Rodriguez at Jinky Oda. Lumabas din siya sa ilang shows doon na produced ng ilang US-based Pinoys.

Ngayon at nakabalik sa bansa si Rufa Mae, sa beach sa Batangas agad siya pumunta dahil na-miss daw niya ito.

“yes dito si @alexandriamagallanes pinanganak sa Pinas! Hanggang sa Feb 7,2021 nag 3rd birthday sya sa America then na lock down na kami doon because of pandemic pero ngayong endemic na daw , after more than 2 years nakauwi din kaming muli sa Pilipinas kong mahal. So ayun naging English speaking na sya , bilang doon na natutong mag salita , first words nya kasi as a toddler e sa America kaya ayun ,pero umaasa kaming mga magulang nya na sya ay matutong mag tagalog ! Go go go ! Noon at ngayon, dito or doon masiyahin sya na bata, fun always. We miss the beach and swimming, we miss my family , food and our things and toys ! Todo na to! Here and there na ang aming tahanan,” caption pa ni Rufa Mae.

Agad na nagpasilip ng kanyang alindog si Rufa Mae habang nagtatampisaw sa swimming pool suot ay two-piece bikini.

Caption pa niya; “Nadama ko din muli ang Init ng weather ng Pilipinas … damahan na ! swimming nemen dyan guysh! Favorite Kong gawin. Go go go! Todo na to!”

***

CERTIFIED Air Force reservist na ang Kapuso hunk at Philippine men’s national volleyball team captain na si John Vic De Guzman.

Naka-graduate noong nakaaraang linggo si John Vic sa kanyang miitary training kunsaan nakasama niya si Geneva Cruz.

Nagawang ipagsabay ni John Vic ang military training sa pag-ensayo niya para sa SEA Games sa buwan ng Mayo.

“Nakiusap po ako sa coaches ko, and good thing naman kasi sa Air Force rin ‘yung coaches ko. In-allow ako na mag-join. Flight Charlie ako po ‘yung ginawang leader, and then under ko po si Miss Geneva. Nakakatuwa kay Miss Geneva, may words of wisdom siya para doon sa mga female na pumasok sa military training.”

Naging isa sa instructors nila ay ang Kapuso hunk na si Jay Arcilla na hindi nagbigay ng special treatment kina John Vic at Geneva.

Post pa ni John Vic sa social media, unforgettable daw ang hirap na pinagdaanan nila sa kanilang training.

“Basta para sa Bayan – handa ko po kayong paglingkuran. The past weeks had been so challenging, juggling National Volleyball Team training and Philippine Air Force Reservist Military camp training at the same time. But I must say its all worth it bec. not everyone is given the opportunity to represent and serve their country. Ito po ang aking simpleng ambag bilang Pilipino – makaka-asa po kayo sa aking serbisyo. SBCMT Sergeant John Vic De Guzman, reporting for duty.”

***

BANNED si Kanye West a.k.a. Ye na mag-perform sa Grammy Awards dahil sa “concerning online behavior” nito. May kinalaman ito sa kanyang pangha-harass sa ex-wife na si Kim Kardashian at sa boyfriend nitong si Pete Davidson. Host pa naman ng Grammy this year ay si Noah Trevor na naging biktima rin ni Ye ng racial slur sa social media.

Hindi na raw nagulat ang team ni Ye noong tanggalin ito sa lineup of performers sa Grammy. Iniiwasan daw ng producers na gamitin ni Ye ang awards night para public sentiments niya.

“He might use the stage to continue his online harassment of Pete Davidson, his estranged wife Kim Kardashian’s new boyfriend; he could attempt to lobby public sentiment for custody of his children; he could make some statement in support of accused sex offender Marilyn Manson or unrepentant homophobe DaBaby, both of whom he has featured at his recent concerts or listening events; he could make more misguided statements about slavery or revive his stumping for former President Trump. Conversely, he could use the platform to do something that isn’t self-serving, self-referential or sheer trolling, like when he unexpectedly said “George Bush doesn’t care about Black people” during a televised Hurricane Katrina fundraiser in 2005,” ayon sa nilabas na statement ng Grammy producers.

Ang mga mag-perform sa 64th Grammy Awards on April 3 sa MGM Grand Arena in Las Vegas at sina Olivia Rodrigo, Billie Eilish, Lil Nas X with Jack Harlow, Brandi Carlile, Brothers Osborne and BTS.

(RUEL J. MENDOZA)

No. 3 most wanted person ng NPD, nadakma ng Valenzuela police sa Pasay

Posted on: March 22nd, 2022 by @peoplesbalita No Comments

WALANG kawala ang 29-anyos na lalaki na tinaguriang No. 3 most wanted sa Northern Police District (NPD) matapos madakma sa ikinasang manhunt operation ng mga tauhan ng Valenzuela police sa Pasay City.

Kinilala ni P/Lt. Robin Santos, hepe ng Valenzuela Police Warrant and Subpoena Section (WSS) ang naarestong akusado na si Nelvin Aure ng Anville Subdivision, Barangay Maysan, Valenzuela City.

Ayon kay Santos, nakatanggap sila ng impormasyon hinggil sa pinagtataguan ng akusado sa Pasay City kaya agad siyang bumuo ng team saka ikinasa ang manhunt operation na nagresulta sa pagkakaaresto kay Aure sa Arnaiz St., Libertad dakong alas-10 ng umaga.

Si Aure ay dinakip sa bisa ng warrant of arrest para sa kasong Robbery na inisyu ni Judge Emma Matammu ng Regional Trial Court (RTC) Branch 269 ng Valenzuela City noong December 20, 2021 na may P100,000 bail.

Ani Santos, si Aure ang isa sa dalawang suspects sa insidente ng robbery hold-up sa isang industrial company sa Canumay West, Valenzuela City noong nakaraang December.

Sa ulat ng pulisya, umabot sa kabuuang P198,000 cash na para sa payroll, at mga personal gadget ang nakuha sa mga empleyado ng kumpanya. (Richard Mesa)

Ikalawang fuel subsidy sa PUV drivers, nakakasa na

Posted on: March 22nd, 2022 by @peoplesbalita No Comments

ILALABAS na sa susunod na buwan ng pamahalaan ang panibagong round ng subsidy para sa public transport drivers at delivery riders, gayundin sa diskwento para sa sektor ng agrikultura.

Ayon kay acting Budget Secretary Tina Rose Marie Canda, isa pang P2.5 bilyon ang inilaan para sa subsidiya ng public utility vehicle (PUV) drivers at P600 milyon naman sa agriculture sector.

Paliwanag ni Canda, ito ay para makarekober ang naturang mga sektor sa patuloy na pagtaas ng presyo ng produktong petrolyo.

Ngayong buwan ay namahagi ang gobyerno ng first tranche ng subsidiya sa 377,000 PUV drivers na tatanggap ng P6,500 bawat isa habang sa agriculture sector ay makatatanggap ng P3,000 bawat isa.

Hindi naman nagbigay ng timeline si Canda sa pamamahagi ng P200 kada buwan na subsidiya para sa mahihirap na pamilya subalit siniguro niya na maibibigay ang nasabing financial assistance sa Abril o Mayo depende umano sa certification ng Bureau of Treasury.

Inaprubahan ni Pangulong Duterte ang rekomendasyon ng Department of Finance na magbigay ng P200 sa halip na suspindihin ang fuel excise taxes sa gitna ng patuloy na pagtaas ng presyo ng langis. (Bishop Jesus “Jemba” M. Basco)

‘Biggest attendance pero dapat dumami pa’

Posted on: March 22nd, 2022 by @peoplesbalita No Comments

DINUMOG ng mga tagasuporta ni presidential candidate at Bise Presidente Leni Robredo, Linggo, ang Lungsod ng Pasig sa pinakamalaki nilang rally — gayunpaman, hinihikayat ng ikalawang pangulo na lalo pang abutin ang mas marami sa susunod na mga pagtitipon.

Aabot sa 80,000 hanggang 137,000 ang dumalo sa PasigLaban rally noong Linggo, Marso 20 mula sa sari-saring official at unofficial estimates.

“Imbitahin po natin ang mga wala pa dito. Kahit napakarami na natin ngayong gabi, marami pa din ang hindi natin kasama. Gusto po natin sa kanilang sabihin, welcome na welcome po kayo dito,” ani Robredo habang kinakausap ang laksa-laksang supporters sa kahabaan ng Emerald Avenue .

“Sana makita nila, masaya dito. Punong-puno ng pag-asa dito. Wala po akong duda, nakakahatak ng pag-asa ang pag-asa; at tiyak na tiyak ko, may pag-asa sa puso ng bawat Pilipino.”

Hinikayat niya ang lahat na doblehin ang pagsisikap na maabot ang mas nakararami sa nalalabing 50 araw ng kampanyang elektoral, lalo na’t nasimula raw sila sa halos wala.

Dagdag pa niya, kung kakayanin ay kumatok-katok na sa mga bahay-bahay ang kanyang mga tagasuporta, kausapin ang mga kasabay sa jeepney, Grab, tambayan, palengke atp. para ibahagi ang mensahe ng pag-asa, pagkakaisa, at pagmamahal sa gitna ng “fake news” at pagkakawatak-watak.

‘Kampanyang masa ang magtutulak ng plataporma’

“Walang Pilipinong mapagkakaitan ng kalinga, dahil lang salat sila sa pera. Pagdating sa mga eskuwela, iaatas ko: Kung ligtas na, dapat magbukas na. Sa long-term horizon, ang edukasyon, bubuhusan natin ng pondo; itatama po natin ang lahat na mali, at titiyakin na walang batang maiiwan,” dagdag pa niya.

“Ipaglalaban ko po ang hanapbuhay para sa lahat. May sasahod na maayos sa bawat pamilya; ayuda para sa mga nawalan ng trabaho; trabahong magmumula sa gobyerno mismo.”

Tututukan din daw niya sa problema ng mass transport system sa Metro Manila, kasabay ng pag-aangat ng antas ng kalusugan, edukasyon, trabaho, pabahay at mukha ng pulitika.

Pag-asa raw sa ngayon ang puso ng kanilang “People’s Campaign,” ito habang nananatili si Robredo ikalawang pwesto sa pinakabagong Pulse Asia survey na ikinasa nitong Pebrero.

Matatandaang nangunguna pa rin ang karibal ni Robredo na si Sen. Ferdinand “Bongbong” Marcos Jr. sa nasabing survey, na siyang anak ng kanilang binabatikos na diktador na si dating Pangulong Ferdinand Marcos Sr. (Daris Jose)

P200 monthly aid sa gitna ng tumaas na presyo ng langis, hindi sapat-VP bets

Posted on: March 22nd, 2022 by @peoplesbalita No Comments

HINDI sapat ang P200 month aid na ibibigay ng pamahalaan sa mga mahihirap na pamilyang Filipino sa panahon nang patuloy na pagsirit ng presyo ng produktong petrolyo.

Dapat din na suspendihin ang excise tax sa fuel products.

Sa idinaos na debate na inorganisa ng Commission on Elections (Comelec), karamihan kasi sa mga vice presidential candidates ay nagkaisa sa kanilang pananaw ukol sa bagay na ito.

“It’s really like President [Rodrigo] Duterte is kidding us with that. That will be all gone in just a day,” ayon kay Walden Bello.

Aniya, dapat na suspendihin ng pamahalaan ang excise tax at value-added tax sa produktong petrolyo.

Itinulak din nito na itaas ang minimum wage ng P750 sa iba’t ibang bahagi ng bansa.

Ipinanukala din nito sa pamahalaan na i-freeze ang pagbabayad nito sa nonsecuritized foreign debt, sabay sabing 20% ng annual national budget ay marapat na mapunta sa nasabing item.

Tinawagan din nito ng pansin ang Duterte administration nang ibaba ang corporate income tax rate na mula 30% ay magiging 20%.

Aniya, mali na iprayopridad ito dahil “this could be a viable source of income for the government.”

Para naman kay Sen. Francis Pangilinan, hinikayat nito ang gobyerno na agad na ipalabas ang P500 milyong pisong subsidiya para sa mga magsasaka at mangingisda at P2.5 bilyong pisong ayuda para sa transport sector. Tiyakin lamang na hindi ito mauuwi sa korapsyon.

Ang panukala naman ni Senate President Vicente Sotto III ay gawing P1,000 ang minimum wage sa Kalakhang Maynila habang P600 hanggang P800 sa ibang lugar.

Suhestiyon din nito na bigyan ng tax break ang mga employer upang makayanan ang epekto ng wage hike.

“It’s better for the government to suffer rather than the people. The government is accustomed to borrowing. But our countrymen, they would go for five-six just so they can eat,” ani Sotto.

“Five-six” refers to a scheme under which for every P5 of a loan a borrower would have to pay P6 — in other words, pay with a 20% interest,” ayon sa ulat.

Nagpanukala rin si Sotto na ituon ang pansin sa renewable sources of energy — gaya ng solar energy.

Sinang-ayunan naman ni Manny Lopez ang pahayag ng ibang kandidato na hindi sapat ang P200 subsidiya subalit mas mabuti na aniya ito kaysa sa wala.

Ang pagsirit aniya sa local pump prices ay isa lamang “speculative” at marapat lamang na gumamit ang pamahalaan ng “moral suasion” para kumbinsihin ang mga tanggapan ng langis na huwag magtaas ng presyo.

“The Philippines was not dependent on the Russian oil supply, accounting for less than 10% of the global supply of crude oil,” aniya pa rin.

“The Russian oil supply can be supplemented by increased production of Saudi Arabia, the United Arab Emirates, and even the United States,” dagdag na pahayag ni Lopez.

Aniya, ang mga oil companies ay mayroong reserbang langis na tatagal mula 60 hanggang 90 araw.

Maaari aniyang gamitin ang mga reserbang langis upang hindi at maiwasan ang patuloy na pagtaas ng presyo nito.

Para kay Dr. Willie Ong, kailangang suportahan ng pamahalaan ang agrikultura at food security at ituon ang pansin sa renewable energy. (Daris Jose)

Duterte PDP-Laban wing, inendorso ang presidential bid ni BBM

Posted on: March 22nd, 2022 by @peoplesbalita No Comments

INENDORSO ng PDP-Laban faction na suportado ni Pangulong Rodrigo Roa Duterte ang presidential bid ni dating Senador Ferdinand “Bongbong” Marcos, Jr. sa nalalapit na halalan sa bansa.

Ito’y matapos na ilarawan ni Pangulong Duterte si Marcos bilang “spoiled” at “weak leader relying on his dad’s name.”

Nakasaad sa PDP-Laban National Executive Committee resolution na nilagdaan ni Party president Energy Secretary Alfonso Cusi at iba pang party officials na “Senator Bongbong Marcos is the candidate whose platform is most aligned with the development program of President Rodrigo Roa Duterte…”

Nauna rito, in-adopt ng Cusi wing ang running-mate ni Marcos na si Davao City Sara Duterte-Carpio, anak ni Pangulong Duterte bilang vice presidential bet nito sa May elections.

Anito, ang liderato at track record ng Alkalde “make her most qualified for the position she is now aspiring for and therefore deserves the party’s support.”

At sa tanong kung bakit hindi inendorso ng PDP-Laban si Marcos nang panahon na inendorso si Mayor Sara ay sinabi ni Cusi na : “We are still yet to be convinced…It is not just a question of what you hear or what they say. What is important is what they do…It is the credibility of the person.”

Sina Marcos at Duterte-Carpio, tinawag na “UniTeam,” ang siyang nangunguna sa pre-election polls.

Samantala, pinasalamatan naman ni Atty. Vic Rodriguez, tagapagsalita ni Marcos ang PDP-Laban faction para sa kanilang pag-endorso.

“The trust it placed in him inspires us beyond measure, for it signals that our message of national unity is gaining ground,” ayon kay Rodriguez.

“It is truly assuring but at the same time challenging us to be even more prepared,” dagdag na pahayag nito.

Samantala, kinondena naman ni Senador Koko Pimentel, nangunguna sa isa pang PDP-Laban faction kasama si Senador Manny Pacquiao, na tumatakbo bilang pangulo ang ginawang pag-endorso kay Marcos . Ang naging hakbang aniya ay ginawa ng mga “estranghero” sa PDP-Laban.

“With this latest action from Sec Cusi and his cohorts, they have manifested that they are total strangers to PDP LABAN. They don’t even acknowledge that PDP LABAN was established to oppose the Marcos dictatorship,” ayon kay Pimentel.

“In Germany for example, a political party formed to oppose Adolf Hitler will definitely not support an Adolf Hitler Jr. Logic lang yan. Consistent with the PDP LABAN history and party constitution,” dagdag na pahayag nito. (Daris Jose)

Jared Leto’s Transformation Into the Enigmatic Antihero ‘Morbius’

Posted on: March 22nd, 2022 by @peoplesbalita No Comments

FROM dying to being more alive than ever… but there’s a catch.

Jared Leto talks about the incredible transformation of Dr. Michael Morbius in the newly-released vignette for Columbia Pictures’ upcoming Marvel action-thriller Morbius.

Check out the ‘Transformation’ vignette below and watch Morbius exclusively in cinemas across the Philippines on March 30.

One of the most compelling and conflicted characters in Sony Pictures Universe of Marvel Characters comes to the big screen as Oscar® winner Jared Leto transforms into the enigmatic antihero Michael Morbius.

Dangerously ill with a rare blood disorder and determined to save others suffering his same fate, Dr. Morbius attempts a desperate gamble. While at first it seems to be a radical success, a darkness inside him is unleashed.

Will good override evil – or will Morbius succumb to his mysterious new urges?

Columbia Pictures presents in association with MARVEL, an Avi Arad /Matt Tolmach production, Morbius. Starring Jared Leto, Matt Smith, Adria Arjona, Jared Harris, Al Madrigal, and Tyrese Gibson.

Directed by Daniel Espinosa. Produced by Avi Arad, Matt Tolmach, and Lucas Foster. Screen Story and Screenplay by Matt Sazama & Burk Sharpless. Based on the MARVEL Comics.

Morbius is distributed by Columbia Pictures, local office of Sony Pictures Releasing International. Connect with the hashtag #Morbius

(ROHN ROMULO)