NAGBIGAY ng opisyal na pahayag si Monsour del Rosario tungkol sa paglisan ni Sen. Ping Lacson sa Partido Reporma.

          Ayon kay Monsour, “Iginagalang ko ang desisyon ni Senator Ping Lacson na magbitiw sa Partido Reporma. Siya ay isang mabuting tao na may tapat na puso at taos-pusong hangarin na maglingkod sa sambayanang Pilipino.

“Naniniwala ako na marami pa siyang magagawang mabuti para sa ating bansa, at ang aking kahilingan para sa kanya ay pawang kabutihan lamang.”

          Dagdag pa nang tumatakbong Senador, “Tungkol naman sa aking kandidatura, diringgin ko ang salita ni dating Pangulong Manuel L. Quezon: ‘Ang aking katapatan sa alinmang paksyon ay nagtatapos kung saan nagsisimula ang aking katapatan sa bayan.’

“At ngayon ay narito ako upang sagutin ang panawagan ng bansa para sa pagkakaisa at makiisa sa kilusan para sa tunay na pagkakaisa.”

Very vocal din si Monsour sa kanyang sinusuportahan, ”Ngayon, ibinibigay ko ang aking suporta sa ating kagalang-galang na Bise Presidente Leni Robredo sa kanyang hangarin na maging susunod na Pangulo ng Pilipinas.

“Naniniwala ako na ang kanyang misyon upang baguhin at iangat ang bansa ay naaayon sa sarili kong kagustuhan para magkaroon ng tunay na pagbabago sa buhay ng ordinaryong Pilipino, lalo na ang mga napabayaan ng mga nakaraang administrasyon.

“Dalangin ko na ang aming pananaw na makita ang isang mas magandang Pilipinas at mas magandang kalagayan ng pamumuhay para sa bawat Pilipino – lalaki man, babae, o bata – ay maisakatuparan.

“Umaasa ako na anuman ang resulta ng halalan sa Mayo 9 ay magiging simula ito ng tunay na pag-unlad na patas at kaakibat ang lahat.”

Si Monsour ay nakilala bilang Filipino taekwondo champion at naging aktor din, sumali siya sa Philippine National Taekwondo Team noong 1982 hanggang 1989, at nagin team captain in his last four years.

He ranked first in the Philippines sa Lightweight Division and was an eight-time National Lightweight champion. Nag-represent sa bansa sa numerous international competitions, kasama dito ang 1988 Seoul Olympics, Southeast Asian Games, Asian Games, World Games, World Taekwondo Championships at sa Asian Taekwondo Championships.

Nakakuha si Del Rosario ng gold medal sa 14th and 15th Southeast Asian Games, bronze medal sa 10th Asian Games, at nakaabot sa quarterfinal round sa 1988 Seoul Olympic Games.

He later joined the Philippine Taekwondo Association as its Secretary General and a Philippine Olympic National Sports Association Martial Arts Council member.

Tumatakbo nga si Monsour bilang senador sa 2022 National Elections. Bilang public servant, nagsilbi siya mula 2010 to 2016, bilang city councilor sa 1st district ng Makati and later bilang congressman from 2016 to 2019.

Sa kanyang termino sa kongreso, nakapag-file siya nang higit sa 292 bills and resolutions, at siya ang may akda ng Telecommuting Act of 2018, na kilala rin na “Work From Home Law.”

For his senatorial bid, ang advocacy ni Monsour Del Rosario ay ma-implement ang Healthcare Heroes Card for medical frontliners, pension for athletes, among many others.

(ROHN ROMULO)

MAHUSAY si Carmina Villarroel sa kanyang role bilang Barbara sa bagong GMA series na Widow’s Web.

At bongga palagi ang outfit ni Carmina dahil isang super rich na madam ang kanyang role sa serye na dinidirek ni Jerry Lopez Sineneng.

Daring din si Carmina as Barbara dahil mayroon siyang male lover. At may supposed to be love scene sila na naudlot nga lang dahil may “maritess” na kumatok sa pinto.

Sabi naman ni Carmina, willing siya to do challenging roles, ‘yung mga hindi pa niya nagawa before.

To be fair, kaabang-abang ang acting ng female cast ng Widow’s Web dahil lagi may patalbugan sila sa husay.

At enjoy panoorin si Carmina dahil kayang-kaya niya na maging maldita.

***

KAHIT na may iniindang sakit, hindi nagpapigil si Kris Aquino at dumalo sa rally ni Vice President Leni Robredo sa Tarlac noong Wednesday.

Kasama ni Kris ang kanyang dalawang anak na sina Josh at Bimby.

Sorpresa ang pagdating ni Kris sa rally.

Sa kanyang IG account @krisaquino, she shared “Maraming ninerbyos pero tinanggap na lang na hindi talaga ako magpapapigil, Paalis na po kasi, isa pang XOLAIR sa Sunday, a few days of monitoring lilipad na.”

Naging maiinit naman ang pagtanggap kay Kris ng audience nang siya ay lumabas sa stage.

Matagal na rin naman siya kasi hindi nakikita ng mga tao. Siyempre, ikinatuwa ng mga Kakampinks ang pagsuporta ni Kris kay VP Leni na kaalyado ng yumaong Pangulong Noynoy Aquino.

Kris also shared na may nakita raw siyang sulat ni Noynoy for Leni kung saan sinabi ng yumaong pangulo na si Leni ang nakikita niya na siyang dapat magpatuloy ng mga nasimulan na dahil ito ay may vision.

Marami ang nagdarasal na gumaling si Kris at umaasa na may magagawang tulong sa kanyang health problem ang pagpapagamot niya sa ibang bansa.

***

KAHIT na hindi siya binigyan ng acting tips ni Alexa Ilacad, gusto ni KD Estrada na pagbutihan ang acting niya sa 6-part series na Bola Bola, na unang major acting assignment ng PBB alumnus.

Bago pa raw siya lumabas ng Bahay ni Kuya ay in-offer na sa kanya itong Bola Bola kaya naman determined si KD to give his best.

Gusto raw niya na ma-impress si Alexa sa acting niya kaya he is giving it his best shot.

Masaya si KD dahil nabigyan siya ng chance ng Dreamscape para maging leading man ni Francine Diaz.

“I want to explore acting as well,” pahayag ni KD who is also a singer and a social media influencer.

Marami raw silang fun moments ni Francine sa taping dahil ginagawa raw ni Francine na madali ang trabaho nila.

Nag-meet na raw sila before ni Francine. He describes Francine as “madaldal at maraming kwento.”

“Kahit na sikat na siya, she remains level-headed and humble,” sabi pa ni KD.

(RICKY CALDERON)

HINDI pinapalampas ni Ruffa Gutierrez ang tila patutsada ni Kris Aquino sa campaign sortie ni V.P. Leni Robredo sa Tarlac tungkol sa kanyang ex.

Ipinagpalagay na agad ng marami na ang tumatakbo sa pagka-Senator na si Herbert Bautista ang pinapatamaan nito sa conversation nila ni Angel Locsin.

Minsan nang nagsalita si Ruffa at idinipensa sa social media si Herbert.  Ngayon naman sa sinabi ni Kris, tinamaan daw siya sa sinabi ni Angel Locsin na kapag hahanap ka ng kaibigan, karelasyon, palaging nandiyan, hindi sa eleksyon lang.

Humirit na si Kris na, “Yung isa nasa Uniteam, yung ex…

“O, wag niyo iboto yun, ha. Sayang ang boto dahil ‘di marunong tumupad sa mga pinangako.

“Deadma please.”

Hindi nanahimik si Ruffa. Nag-post ito sa kanyang Instagram account ng video habang naglalakad siya sa beach at saka sinundan ng caption na, “Good morning beautiful people! Be kind to everyone, including your ex.”

***

          SA bagong Youtube vlog ni Bianca Umali, kasama niya ang kanyang minamahal na Mama Vi o ang kanyang lola na siyang nag-alaga at nagpalaki sa kanya.

Ang lola na ito ng Kapuso actress ang nag-aruga na kay Bianca simula nang maulila siya sa kanyang mga magulang.  Nanay ng daddy ni Bianca si Mama Vi at halos lahat ng netizens, naramdaman ang pagmamahal ng isa’t-isa.

Sa vlog ni Bianca, tinanong ni Bianca ang lola niya kung ano ang gusto nitong itanong sa kanya na hindi pa raw naitatanong sa kanya.

At bongga si lola dahil diretsahan nitong tinanong ang kanyang apo na, “meron ka bang minamahal ngayon?”

Nagulat si Bianca sa binatong tanong ng Lola niya sa kanya kaya natatawa ito pero sinagot din na, “Meron, Mama.”

Sinigurado pa ng lola niya kung sure raw ito.

At saka sinabi ni Bianca na, “Sure. Hindi lang isa, marami. At kasama sa maraming ‘yon ang sarili ko. Kasama ka do’n, Mama.”

Pero binigyang-diin ng Lola ni Bianca na ang kailangan daw niyang malaman, ‘yung sasama sa apo ‘till the end of time’ dahil siya raw ay hindi na pwede.

“Hahanapin ko nga ‘yon, Mama. Hinahanap pa natin. ‘Yun din naman ang gusto ko, Ma. Pero sa tingin ko, ‘yung mga bagay na ‘yon, hindi naman dapat minamadali.

“Yon ang turo mo sa akin,” sey pa niya.

“Hindi masarap magmahal, pero dapat, alamin mo muna kung tama ‘yung taong minamahal mo at ‘wag na ‘wag mawawala ang pagmamahal mo para sa sarili mo.”

Sa lahat naman daw ng turo ng lola niya, ‘yun daw ang tumatak sa kanya, be patient, be humble.

Dugtong pa niya, “To answer your question, yes, meron akong minamahal. Meron akong mga taong minamahal.”

Hmmm, alam ng lahat na si Ruru Madrid ang special someone ni Bianca, pero mukhang base sa naging pahayag nito, hindi pa siya sure kung ito na nga ang makakasama niya hanggang sa huli.

          ***

HINDI kami sure kung first time pa lang ba na naipakilala ni Lovi Poe ang kanyang boyfriend na si Montgomery Blencowe sa kanyang kapatid na si Senator Grace Poe.

Pero obviously, kasama sa naging itinerary ni Lovi sa U.S. ang makipag-meet-up sa kanyang pamilya sa side ng kanyang ama, the late Fernando Poe. Jr.

Kasama ni Senator Grace ang kanyang Mister na si Neil Llamanzares at anak na si Brian Poe habang si Lovi naman, kasama ang kapatid na si Yellie at ang boyfriend nga.

Sa caption ni Lovi, sinabi niya na, “Long overdue reunion and catch up with the fam.”

Good vibes naman para sa mga netizen ang picture na makitang magkakasama ang mga ito. Sey ng karamihan, sigurado raw na masaya at naka-smile ang ama nila ngayon sa Langit.

(ROSE GARCIA)