2022 March 28 Archive - People's Balita

November 22, 2024
Search in People's Balita
Ang Diyaryong Pinagkakatiwalaan

Archive for March 28th, 2022

Marcos, hindi pa rin nakukuha ang ‘endorsement’ ni PDU30- Malakanyang

Posted on: March 28th, 2022 by @peoplesbalita No Comments

HANGGANG ngayon ay hindi pa rin nage-endorso si Pangulong Rodrigo Roa Duterte ng kahit na sinumang presidential candidate sa kabila ng pagsuporta ng kanyang partido, Partido Demokratiko Pilipino-Lakas ng Bayan (PDP-Laban), sa kandidatura ni dating Senador Ferdinand Marcos Jr.

Sinabi ni acting Deputy Presidential Spokesperson at Communications Undersecretary Michel Kristian Ablan na tila hindi batayan ang nangyaring meeting sa pagitan nina Pangulong Duterte at Marcos para iendorso na ng Chief Executive ang batang Marcos.

“Whether or not this can be interpreted as an endorsement, of course, the President has not endorsed any candidate. The meeting was just arranged and they met – President Duterte and [former] Senator Marcos. But there is no endorsement, so far as Malacañang is concerned,” ayon kay Ablan.

Aniya pa, hindi dadalo si Pangulong Duterte sa kahit na anumang proclamation rally ngayong araw ng Biyernes, simula ng kampanya ng mga lokal na kandidato.

Sa ulat, nasa 4,000 pulis ang ikakalat ng National Capital Region Police Office (NCRPO) upang matiyak ang tagumpay at makamit ang ‘zero election related incidents’ sa panahon ng kampanya ng mga lokal na kandidato simula ngayong Marso 25, 2022.

Ayon kay NCRPO chief, P/Major General Felipe Natividad, handa na ang kapulisan sa pagpapatrulya at pagmomonitor sa kanilang area of responsibilities (AORs).

Itinalaga ang nasabing bilang sa iba’tibang campaign activities upang mapanatili ang kapayapaan ang kaayusan, kabilang pa ang mga naka-standby, sakaling kailanganin pa ng dagdag na pwersa.

“The forthcoming National and Local Elections 2022 is expected to be more challenging than it was before considering the fact that we are facing a global health crisis at the moment. We must modify our strategies to adopt to the new environment,” ani Natividad.

Dagdag pa niya, “Let us continue to maximize police presence, non-stop inspections, our undivided attention and dedication as well as continuous anti-criminality campaign to guarantee that we will have a safe, accurate and fair election. Sama-sama tayong magtrabaho ng maayos, tama at ilagay sa puso ang disiplina upang makamit natin ang payapang eleksyon. (Daris Jose)

15 countries pasok na sa 2022 World Cup sa Qatar, 17 spots pa ang pinag-aagawan

Posted on: March 28th, 2022 by @peoplesbalita No Comments

NASA 17 spots na lamang ang natitira para makompleto na ang 32 mga bansa na pwedeng lumahok sa prestihiyosong 2022 World Cup na gaganapin sa Nobyembre hanggang Disyembre sa Qatar.

Ito ay makaraang umabot na sa 15 mga national teams ang nag-qualify kabilang na ang host qatar.

Narito ang mga bansang pumasok na sa football’s biggest competition na kinabibilangan ng Argentina, Belgium, Brazil, Croatia, Denmark, England, France, Germany, Iran, Netherlands, Qatar, Serbia, South Korea, Spain at Switzerland.

Sa Asya may anim na spot ang nakalaan at ang mga nag-qualify na ay ang Iran, Qatar, South Korea at ang pinakabago ay ang Japan.

Tinalo kasi ng Japan ang Australia, 2-0, sa qualifying upang muling uusad sa World Cup sa ikapitong sunod na pagkakataon.

Commissioner Garcia ‘nagmamaka-awa’ sa NBI na ilabas na finding sa ‘data breach’ sa Smartmatic

Posted on: March 28th, 2022 by @peoplesbalita No Comments

NANAWAGAN sa National Bureau of Investigation (NBI) si Comelec Commissioner George Garcia na ilabas na ang resulta ng kanilang imbestigasyon hinggil sa umano’y security breach sa automated election system ng Smartmatic.

Ayon kay Garcia, hanggang sa ngayon ay hindi pa natatanggap ng Comelec ang report sa imbestigasyon ng NBI kaya hindi rin nila magawang ma-update ang publiko patungkol dito, at hindi rin sila makakilos sa kung ano ang mga posibleng hakbang ang dapat na susunod na gawin ng poll body kung sakali man.

Habang hinihintay aniya ang findings ng NBI, tiniyak ni Garcia na secure ang automated election system.

Pero kailangan pa rin aniya na maghanda ang Comelec ng isang backup plan sa anumang sitwasyon na posibleng mangyari.

Nauna nang sinabi ni Sen. Imee Marcos, chairperson ng Senate Committee on Electoral Reforms, na maaring nakompromiso ang personal information, ledgers, office photos, at contact persons sa Comelec dahil sa sinasabing Smartmatic data breach.

Pero magugunita naman na sa pagdinig ng House Committee on Suffrage and Electoral Reforms noong Lunes na sinabi ni Smartmatic spokesperson Atty. Christopher Louie Ocampo na hindi na-hack ang kanilang system at ang nalalapit na halalan ay mananatiling 100 percent safe at secure.

Kahit ilang beses na siyang na-bash: CAI, ‘di mapipigilan sa pagdi-display ng ‘plus-size’ na katawan

Posted on: March 28th, 2022 by @peoplesbalita No Comments

HINDI mapipigilan si Cai Cortez na maglantad ng kanyang alindog ngayong summer, kesehodang plus-size ang kanyang katawan.

Pino-promote ng First Lady actress ang body positivity at sa latest Instagram post niya ay nakasuot siya ng black and white swimwear kunsaan kita ang kanyang voluptuous curves.

Caption pa niya: “Due to insistent public demand…eto na po ang entry ko. YES WALA PONG RETOUCH! I. AM. SEXY. I am a woman, i am a mother of two, i have flaws and WALAKOMPAKE because i love the body that God has given me @kiwi.poto #plussize #magandaakoperiod #plussizeswimwear #plussizefashion #plusizemodel #plussizepinup #plusizepinup”

Ayon kay Cai, ilang beses na raw siyang na-bash dahil sa pag-display ng kanyang katawan. Pero hindi iyon pinapansin ng aktres dahil tanggap niya ang sarili niya at hindi naging issue ang pagiging plus size niya.

“I think it’s because the people know that I know who I am. Tanggap kong mataba ako at sexy rin ako. Even if they tease me that I’m fat, it’s true. Why would I get annoyed? I think it was never an issue for me. They send you hate because they want to hurt you,” sey pa ni Cai na happily married sa kanyang Tunisian husband na si Wissem Rkhami kung kanino meron siyang dalawang anak na sina Bibo at Carmen.

***

SI James Blanco na lang pala ang aktibo sa mga ka-batch niya sa ’90s youth-oriented show na Click!

Napapanood si James sa top-rating afternoon teleserye ng GMA SA Book 2 ng Prima Donnas at kabi-kabila pa ang guestings niya.

Kaya malamang na siya ang nanlibre noong magkaroon ng mini-reunion ang ka-batch niya sa Click! kamakailan.

Sa pinost na photo ni James sa Instragram, nakarating sa kanilang reunion ay sina Jason Red, Biboy Ramirez, Tricia Roman, Trina Zuniga at Danica Sotto.

Noong 2021 ay nagkaroon sila ng virtual reunion via Zoom at present din doon sina Maybelyn dela Cruz at Sherwin Ordonez.

Karamihan sa cast ng Click! ay naging busy na sa kanilang pamilya at negosyo samantalang yung iba ay nakatira na sa ibang bansa.

Nagsimula noong 1999 ang Click! at nagtapos ito noong 2004, Nakasama rin sa original cast sina Richard Gutierrez, Chynna Ortaleza, Angel Locsin, Miko Sotto, Karen delos Reyes, Brian Revilla, Roxanne Barcelo at Danilo Barrios.

Nadagdag din sa cast sina Polo Ravales, Alessandra de Rossi, JC de Vera, Iya Villania, Drew Arellano, Wendell Ramos, Angelika dela Cruz, Wowie de Guzman, Railey Valeroso, AJ Eigenmann, Cogie Domingo, Jake Cuenca, Mark Herras, Jennylyn Mercado, Yasmien Kurdi, Rainier Castillo, Jolo Revilla, Bianca King, Denise Laurel, Valerie Concepcion at Antoinette Taus.

***

NAAAGNAS na nang matagpuan ang bangkay ng American singer-songwriter na si Keith Martin sa kanyang condominium unit sa Libis, Quezon City noong nakaraang Biyernes, March 25.

Ayon sa imbestigasyon, inireklamo umano ng ibang nakatira sa condo building ang masangsang na amoy na nanggagaling sa unit ng 55-year old American singer na pinasikat ang awitin na “Because of You.”

Nang puntahan ang unit ni Keith, doon na nakita ang naaagnas niyang bangkay. Ayon kay Police Lt. Colonel Cristine Tabdi ng Quezon City Police District, and Criminal Investigation and Detection Unit, sasailalim sa awtopsiya ang mga labi ng singer para matukoy kung ano ang kanyang ikinamatay.

Kabilang ang singer at former Viva Hot Babe na si Sheree Bautista na nagulat sa biglang pagkamatay ni Keith, Naging matalik silang magkaibigan at marami silang naging music collaboration nito noong magpasyang ang singer na sa Pilipinas na ito tumira.

Huli raw nilang pag-uusap, hindi raw maganda ang pakiramdam ni Keith at pinayuhan siya nito na magpatingin sa doktor. Simula raw noon ay hindi na sumasagot sa text messages ni Sheree si Keith. Ang iba pang naka-collab ni Keith sa music ay sina Jinky Vidal at Luke Mijares

Ang huling public appearance ni Keith ay noong maimbitahan ito sa wedding ng singer na si Daryl Ong kay Dea Formilleza in Antipolo noong nakaraang March 12. Nag-perform pa si Keith sa wedding reception ng Boys II Men medley kasama sina Michael Pangilinan, Thor Dulay at Daryl.

Ang iba pang hit songs ni Keith ay “Never Find Someone Like You,” “Why Can’t It be,” and “Forever Will Be”.

(RUEL J. MENDOZA)

‘Morbius’ Expands Sony’s Universe of Marvel Characters

Posted on: March 28th, 2022 by @peoplesbalita No Comments

ONE of the most compelling and conflicted characters in Sony Pictures Universe of Marvel Characters comes to the big screen in the action-thriller Morbius as Oscar® winner Jared Leto transforms into the enigmatic antihero Michael Morbius.

Watch Morbius’ Universe Vignette below: https://www.youtube.com/watch?v=T1caCRuCCnc

Dangerously ill with a rare blood disorder and determined to save others suffering his same fate, Dr. Morbius attempts a desperate gamble. While at first it seems to be a radical success, a darkness inside him is unleashed. Will good override evil – or will Morbius succumb to his mysterious new urges?

“Morbius is searching for goodness – the cure for a disease. He’s going to find it, disregarding the cost on himself or on society,” says director Daniel Espinosa. “And in his search for goodness, he transforms into something he detests. He has to accept the ugliness he has within him, and that there’s something beautiful about it. It will be his strength, what makes him unique.”

Morbius’s increasingly desperate research leads him to combine human DNA with that of the vampire bat – the only mammal that survives solely on blood – which has evolved to develop anticoagulants… a genetic mutation that Morbius is convinced will cure him and others with his disease. Not only does the treatment cure him, but gives him superhuman strength, the agility of an Olympic athlete, even the echolocation powers of the bat – to “see” objects in space by harnessing the sounds around him. But the cure also transforms Morbius into a (literally) bloodthirsty monster – a hideous creature with cravings that he is only somewhat able to control.

According to Espinosa, it’s the character’s inner humanity, his duality between virtuous man and brutal creature, that makes him so compelling. “Michael Morbius is one of the most altruistic characters of the Marvel Universe,” he says. “He’s one of the few that really believes in good. This good man has a horrible disease, and in his trials to save himself and the people that he cares for, he turns into a monster.”

As a man who has spent countless hours reading and thinking about comic books, Espinosa says that it isn’t so surprising that Morbius’s duality has earned him a following. “Most great heroes are antiheroes,” he says. “Most of us are resistant to accept that we are the chosen one, and Morbius is the same. The most interesting characters in the Marvel universe have always been those that have had one foot on each side: Magneto, Rogue, Wolverine, in his own way, Venom. All of these characters are the ones that are fundamentally the most fascinating for us as moviegoers and comic book readers.”

Columbia Pictures presents in association with MARVEL, an Avi Arad / Matt Tolmach production, Morbius. Starring Jared Leto, Matt Smith, Adria Arjona, Jared Harris, Al Madrigal, and Tyrese Gibson. Directed by Daniel Espinosa. Produced by Avi Arad, Matt Tolmach, and Lucas Foster. Screen Story and Screenplay by Matt Sazama & Burk Sharpless. Based on the MARVEL Comics.

Exclusively in cinemas across the Philippines on March 30, Morbius is distributed by Columbia Pictures, local office of Sony Pictures Releasing International. Connect with the hashtag #Morbius

(ROHN ROMULO)

Kababaihan sa Afghanistan nagprotesta para mabuksan na ang mga paaralan

Posted on: March 28th, 2022 by @peoplesbalita No Comments

NAGSAGAWA ng kilos protesta ang ilang kababaihan sa harap ng Ministry of Education sa Afghanistan.

Nananawagan ang mga ito sa muling pagbubukas ng secondary schools para sa mga kababaihan.

Umani kasi ng batikos ang biglang pagbawi ng Taliban sa muling pagbubukas ng mga paaralan para sa mga kababaihan.

Sinabi ng mga ito na karapatan nila ang magkaroon ng sapat na edukasyon.

Mula kasi ng pamunuan ng Taliban ang Afghanistan noong Agosto ay maraming mga paaralan ang kanilang isinara.

May ilang mga indibidwal din ang kanilang inaresto dahil sa pagsasagawa ng kilos protesta.

2 years after: Ekonomiya ng PH, masigla na uli – DTI Sec. Lopez

Posted on: March 28th, 2022 by @peoplesbalita No Comments

BUMALIK na uli ang sigla ng ekonomiya ng Pilipinas makalipas ang dalawang taon na nasa ilalim ng COVID-19 (Coronavirus Disease 2019) pandemic ang bansa.

Ayon kay Department of Trade and Industry Sec. Ramon Lopez, dahil sa pagluwag sa alert level status sa mga nakalipas na buwan ay nakakabalik na sa “pre-pandemic volume” ang dami ng tao sa mga pamilihan nitong weekend lamang.

Ganito na rin aniya ang sitwasyon talaga magmula nang nagbaba ng alert level sa iba’t ibang lugar sa bansa.

Sa kabila nito at dahil pa rin sa banta ng COVID-19 pandemic, nakikita ni Lopez na posibleng hanggang sa matapos ang termino ni Pangulong Rodrigo Duterte tatagal ang Alert Level 1 sa bansa.

Ipinapaalala lamang ng kalihim na kahit maluwag na ang galaw ng publiko sa kasalukuyan, kailangan pa rin ng vaccination card sa tuwing papasok sa mga indoor establishment.

Biden on Putin: ‘For God’s sake, this man cannot remain in power’

Posted on: March 28th, 2022 by @peoplesbalita No Comments

BINALAAN ni US President Joe Biden si Russian President Vladimir Putin na huwag magbalak na lumapit sa teritoryo ng NATO (North Atlantic Treaty Organization).

Sa kanyang talumpati sa pagbisita nito sa Poland, sinabi ng US president na hindi magdadalawang isip ang US at mga NATO members na gumawa rin ng nararapat na hakbang.

Paglilinaw din nito na sa nagaganap na kaguluhan sa pagitan ng Ukraine at Russia ay hindi makikiialam ang US.

Nasa Europe aniya ang sundalo ng US para ipagtanggol ang NATO.

Iginiit pa nito na hindi na nararapat na maging pangulo pa ng Russia si Putin.

“For God’s sake, this man cannot remain in power.”

Nanawagan din ito na dapat magkaroon na ng agarang halalan sa Russia para mapalitan na ang pamumuno ni Putin sa puwesto.

Magugunitang sinabi noon ni US Secretary of State Antony Blinken na hindi nila layunin na masibak sa puwesto si Putin dahil nasa desisyon ng mga mamamayan ng Russia kung sino ang kanilang pipiliin na mamumuno sa kanilang bansa.

Wish ni Duterte sa kanyang 77th b-day: ‘To have a clean, fair, honest election’

Posted on: March 28th, 2022 by @peoplesbalita No Comments

MAY KINALAMAN sa darating na May 9, 2022 elections ang wish ni Pangulong Rodrigo Duterte sa kanyang 77th birthday bukas, March 28.

Ito ay ang hangarin na magkaroon ng malinis at patas na halalan sa Mayo ayon sa Malacanang.

Dagdag ni acting Presidential Spokesperson Martin Andanar, magiging simple at tahimik na selebrasyon lamang ang idaraos ni Duterte sa hometown nito sa Davao City.

“His birthday wish for this year is to have a clean, fair, and honest election in May 2022, as he has time and again underscored the importance of a peaceful transfer of power as part of his enduring legacy,” ani Andanar.

Big milestone sa Beautéderm na bahagi na ang aktres: RHEA, bilib kay BEA at naniniwalang best ambassador sa bagong produkto

Posted on: March 28th, 2022 by @peoplesbalita No Comments

ISANG malaking milestone para Beautéderm Corporation na bahagi na si Bea Alonzo nang patuloy na lumalaking pamilya dahil opisyal na ito brand ambassador ng Beautéderm REIKO Slimaxine at REIKO Fitox.

Ang REIKO Slimaxine at REIKO Fitox ng Beautéderm ay Japan-made, 100% safe, epektibo, FDA-compliant, at mga all-natural na supplements.

Ang REIKO Slimaxine ay isang Diet Enhancer habang ang REIKO Fitox naman ay isang Digestion Enhancer – na parehong masusing nilkha upang makapag-bigay ng daily optimum digestive wellness na tumutulong palakasin ang overall wellbeing ng bawat indibidwal lalo na ngayon na mahirap ang buhay at ang magandang pamumuhay ay binibigyang kahulugan ng holistically sound physical, emotional, at mental conditions.

Ang kumbinasyon ng dalawang supplements na ito ay nakakatulong upang ma-regulate ang pagpasok ng unhealthy food sa katawan at tinutulungan din nito ang sikmura sa absorption ng nutrients na distributed evenly sa katawan while allowing the consumption at digestion ng pagkain ng walang discomfort.

Ang malusog na sikmura ay mayroong good bacteria at immune cells na nakakatulong sa pagiwas sa mga infectious agents gaya ng viruses at fungi.

Bilang isa sa pinaka-accomplish at respetadong aktres ng industriya ngayon, nag-bida si Bea sa consistent string ng mga blockbuster films at top-rating primetime TV series. Isa siya sa pinaka-abalang artista sa showbiz.

Sa kanyang illustrious career na dalawang dekada na ang itinatakbo, nakuha ni Bea ang respeto at kredebilidad na siyang dahilan kung bakit siya ay isang top celebrity endorser.

Binabalanse ni Bea ang kanyang personal na buhay at trabaho at isa siyang self-confessed foodie. Ginagantimpalaan niya ang kanyang sarili ng masasarap na pagkain habang minementain niya ang isang active lifestyle upang mapangalagaan niya ang kanyang katawan at isip.

“Perfect na digestive supplements para sa akin ang REIKO Slimaxine at REIKO Fitox ng Beautéderm because aside from being all-natural they help me in eating right at the right time while aiding my stomach to break down the food while strengthening my gut,” ayon kay Bea.

“Para sa isang very health conscious na katulad ko, perfect combination ang REIKO Slimaxine at REIKO Fitox sa pag- maintain ng isang healthy lifestyle. Kailangan kong maging malusog dahil para sa akin true beauté is really loving and taking care of myself first, and then I could extend that love and care to others.”

Ang President at CEO naman ng Beautéderm na si Rhea Anicoche-Tan ay naniniwala na si Bea ang best ambassador na kakatawan sa REIKO Slimaxine at REIKO Fitox ng Beautéderm.

“Inspirasyon si Bea dahil she always see to it that she takes care of herself kahit na very hectic ang schedule niya,” pahayag ni Rhea. “Focused at humble si Bea at alam niya ang kanyang mga priodidad. Masaya ako dahil sinisiguro ni Bea na nananatili siyang malusog dahil for the past two years, natutunan natin ang value ng good health. I proudly welcome her as the official brand ambassador ng REIKO Slimaxine at REIKO Fitox ng Beautéderm.”

Totoo nga talaga na ang tunay na kagandahan ay ang pagmamahal sa sarili at ang malusog na pangangatawan ang susi sa isang mahaba at maligayang buhay.

Ang REIKO Slimaxine at REIKO Fitox ng Beautéderm ang best partners sa pagtamasa ng mga benepisyo ng isang malusog na sikmura.

Para sa karagdagang impormasyon ukol sa REIKO Slimaxine at REIKO Fitox ng Beautéderm at pati na rin sa mga kapanapanabik na mga balita tungkol kay Bea Alonzo, sundan ang @beautédermcorporation sa Instagram at TikTok; sundan ang @bdhealthboosters sa Instagram; sundan ang @beautedermcorp sa Twitter; i-like ang Beautéderm sa Facebook; at mag-subscribe sa Beautéderm TV sa YouTube.

(ROHN ROMULO)