SOBRANG thankful si John “Sweet” Lapus nang kunin siya ng APT Entertainment para magdirek ng satire gag show na BalitaOneNan.

“Napakarami naman pwedeng magdirek ng ‘Balita One Nan’ pero ako pa rin ang napili nila,” pahayag ni Sweet.

“Siguro nagustuhan nila ang trabaho ko sa ‘Boyfriend No. 13’ na ipinalabas sa sa WeTV last year. Actually, nagsisimula na rin ang pre-production ng isa ko pang gagawin kong show for APT na sitcom naman. Ang saya!”

Pangalawang directorial job na ito ni Sweet sa APT Entertainment. Naging guest director siya for one day sa Fill in the Blanks ang game show nina Jose Manalo at Pokwang. Nagkaroon ng emergency ang regular director ng show and two days before the show ay pinakiusapan si Sweet kung pwede siya ang magdirek.

That short stint led to Sweet directing 8 episodes of Boyfriend Number 13.

Ano ang challenge doing BalitaOneNan?

“Ang pinaka–challenge siguro is the fact na mahuhusay na comedian din ang mga cast. Si Wally, Alex at Kaladkaren ang very good comedians.

“Alam nila ang ginagawa nila. But yan din naman ang advantage. Madali kawork ang mahuhusay na comedian sa isang gag/satire show like BalitaOneNan.” Paliwanag ni Sweet.

Nagagamit mo ba ang pagiging komedyante mo in directing this show?

“Yes! Thank God at biniyayaan nya ako ng talent sa Comedy. Comedy Writer din naman ako. Ako sumusulat ng mga Stand-up shows ko noon at isa ako sa writers ng ‘Daddy’s Gurl’ ngayon. Mahihirapan yata ako idirek ito kung hindi din ako comedian.”

***

NAMI-MISS ni Sean de Guzman ang pagsasayaw.

Ito ang sabi ng Viva contract star sa digital mediacon ng Island of Desire noong Lunes.

Dating member ng Clique 5, isang boy group, si Sean bago nabigyan ng break sa acting via Anak ng Macho Dancer. Bilang member ng Clique 5, nag-perform sila sa mga malls, doing song and dance numbers.

Pero nang mabigyan ng break sa acting at maging contract star ng Viva, hindi na nakarampa si Sean sa stage to sing and dance.

Mas marami na kasi siyang acting jobs at dito sa pag-aartista na ang focus niya.

Pero given a chance, gusto pa rin naman daw niya magsayaw at kumanta sa mall shows. Pero siguro solo na lang magpe-perform si Sean kung may mall show siya to promote a movie kasi disbanded na ang Clique 5 dahil may kanya-kanyang career na ang members nito.

Pumasok na rin sa acting si Marco Gomez, isa sa guwapong members ng Clique 5 at nakagawa na rin ng ilang pelikula.

Sean also said yes sa tanong kung nakatanggap na ba siya ng indecent proposal.

“May nag-aalok ng kotse, pera, bahay pero ‘di ko ito ini-entertain kasi alam ko na may kapalit ito kaya may ganitong alok.

“Kaya ko naman makuha ang mga iyan if I will work hard, na siya ko naman ginagawa,” sabi pa ng isa sa lead stars ng Island of Desire na dinirek ni Joel Lamangan.

***

SINIMULAN ng singer-hitmaker na si Ronnie Liang ang kanyang ‘Project Ngiti’ in cooperation with the Rizal Medical Center.

Sinasamahan ni Ronnie ang mga bata na may cleft para mag-undergo ng ng surgery.

Long-term partnership at advocacy ito ni Ronnie katulong ang mga doctor. Nurse at staff ng RMC para tulungan ang mga adults at mga bata na magkaroon ng normal at happy lives.

Para sa libreng cleft lip at left palate treatment at operasyon, magpadala lang ng comment sa Facebook page ni Ronnie at sila na mismo ang kokontak sa inyo.

Magandang project itong naisip ni Ronnie, na inspired sa hit singleniyang ‘Ngiti’ na kilalang-kilala ng mga bata.

Tiyak na maraming bata ang makikinabang na may ganitong kondisyon ang hindi makapagpagamot due to financial difficulties kaya maganda itong naisip ni Ronnie.

(RICKY CALDERON)

MULING nakasama ni Claudine Barretto si Mrs. Teresita Castro-Yan, ang ina ng yumaong aktor at former boyfriend ng aktres na si Rico Yan. 

Naganap ito noong March 28, 2022 sa Manila Memorial Park, Parañaque City upang gunitain ang ika-dalawampung anibersaryo ng kamatayan ni Rico, na sumakabilang-buhay noong March 29, 2002 sa Dos Palmas Resort, Puerto Princesa, Palawan.

Nakasama nina Mrs. Yan at Claudine ang mga tagahanga ni Rico na hindi pa rin nagbabago ang pagmamahal nila sa aktor.

Sa IG post ni @rycbstan, nagbigay ng mensahe ng pasasalamat si Mrs. Yan sa mga dumating at hindi talaga nakalilimot sa kanyang yumaong anak.

Panimula niya, “Tinatanong ni Bobby [Yan, nakatatandang kapatid ni Rico] sa akin, sabi niya, ‘How do you process the fact that Rico has been gone for twenty years?’

“Sabi ko, ‘You know, I think I’m in a very unusual place, a very privileged place, because Rico is gone but people still love him.’

“I guess, you cannot find anybody who’s in that place because I have friends who have lost their children. But that’s it, they lost their children.”

Sabi pa niya, “Pero si Rico, buhay, buhay, buhay wherever I go, whether it’s here, whether it’s in the States… wherever I go.”

“I know people who still love Rico and I am very, very grateful for that.

“Kaya even if he’s gone, of course we miss him, that’s natural, but I think he lives in your hearts, he lives in our hearts and, of course, in Claudine’s heart.”

Dito na nagsimulang mapaiyak si Claudine, pati ang mga fans nila na nakikinig ng mensahe.

Ininvite daw ni Mrs. Yan si Claudine sa 20^th death anniversary dahil, “She’s been part of Rico. Rico loved her. She loves Rico. That won’t change.

“So, after twenty years… that’s it, so now let’s celebrate that, not only the 20th death anniversary of Rico but with Claudine by my side.”

Kinunan din ng maikling mensahe si Claudine at nagpasalamat din sa lahat ng pumunta at naki-celebrate kasama ang ina ni Rico.

Pahayag ng aktres, “Salamat sa pagpunta ninyong lahat. Thank you Tita for inviting me.

“Rico is so happy right now, sobrang saya niya.

“Isa lang talaga yung hinihingi ko, twenty years ago, na huwag natin siyang kalimutan. Pero ginawa niyo talaga so thank you so much.”

Say naman ng netizens tungkol dito:

“May pinagsamahan naman sila kahit paano.”

“Kasi kahit paano ay may regrets pa rin siya, especially na namatay na si Rico.”

“Sayang talaga si Rico, He could have been one of the most successful and respectable actors had he lived longer but then again, hanggang dun nalang talaga sya and I guess he is indeed in a much safer and more peaceful place with God in heaven.”

“He’s already a successful and respected actor bago pa sya namatay. Versatile din he can host, nag ko comedy, drama, romance.”

“This is nice. May closure na kahit papano and sabay silang nagheheal from the pain.”

“Grabe 20 years na. Super fan nila ako non. Especially Claudine. I remember when it happened, grade school yata ako. Sa mga news coverage nung wake, hindi sya talaga pinapalapit ng family. Laging ang layo ng pwesto nya. May galit talaga sila non. It’s nice to see this.”

“She really needs to stop using his name to get attention. It’s too yucky tacky and cringeworthy. Let him Rest In Peace.”

“Still not over your loss Rico. The day he died nasa Subic si tita Clau kasama si Raymart. Look at her now.”

“Be happy na lang sa kanila dahil nagkasundo na sila.”

“Wala talagang papantay sa karisma ni rico yan.”

(ROHN ROMULO)

WALA pa rin daw balak si Ruru Madrid na gumamit ng stunt double para sa mga action scene niya sa Lolong.

Kahit na naaksidente siya kamakailan, game pa rin ang aktor na sumabak sa mga stunts na ‘di gagamit ng dobol.

“Sa totoo lang parang hindi pa rin eh. Aksidente ‘yung nangyari eh. But for me, hangga’t kaya ko na hindi mag-double, kung alam ko sa sarili ko na kaya ko gagawin ko pa rin ‘yung eksena kahit na mahirap.

“Kasi iba ‘yung satisfaction na nabibigay niya sa ‘kin everytime na alam ko sa sarili ko na ako ‘yung gumagawa ng mismong stunt,” diin ni Ruru.

Bukod sa stunts, nag-training din sa combat sports si Ruru tulad ng Yaw-Yan, Arnis, and iba pa.

Dagdag pa ni Ruru na magmula pa noong Encantadia, ‘di siya nagpa-double sa mga eksena niya.

Pero bilang standard procedure, may nakaabang na stunt double para sa mga kumplikadong stunts sa Lolong na may airing date na sa July 2022.

***

NAG-TIME out muna at nag-family vacation si Iya Villania kasama ang kanyang pamilya sa Boracay.

Gusto nila ng kanyang mister na si Drew Arellano na ma-enjoy ng kanilang anak ang summer ngayong puwede na silang ilabas pagkatapos ng tatlong taon.

Hindi rin nagpaawat si Iya na ipakita ang kanyang baby bump suot ang swimwear na ka-match niya ang kanyang dalawang boys na sina Primo at Leon.

“Finally got to wear my @ilovekoiswim suit but failed to get a matchy matchy pic with the boys. This mothering with matching outfits is hard ah,” caption ni Iya sa kanyang Instagram.

Ito raw ang first time nilang bumiyahe ni Drew na kasama ang tatlong anak nila, kaya nataranta daw silang mag-asawa. Pero kasiyahan nilang makitang nag-enjoy ang kanilang mga anak sa bakasyon nila.

“Struggled with the family pix as much as I struggled with getting the kids out of the swimming pool on our last day. But what a wonderful first trip to Bora for Team Arellano! First time to fly with 3 kids,” sey ni Iya.

Inamin ng Mars Pa More host na ang ikaapat na pagbubuntis niya ay mas mahirap dahil nakaranas siya ng all-day sickness. Hindi raw tulad sa naunang tatlong bata na magaan ang feeling niya.

Naisip ni Iya dahil sa 35 years old na siya kaya siguro iba na ang pakiramdam niya.

“Medyo nagsa-struggle na ako because morning sickness this time around has not been good. Actually medyo all-day sickness. That’s been the hardest part.

“Things that I used to like, hindi ko masyadong like. Even my juices that I would look forward to drinking in the morning and at night, hindi ko rin type,” diin pa niya.

Kaya ang solusyon ni Iya ay laging mag-exercise para hindi lagi siyang gumagalaw at malaking tulong din daw sa movements niya ang mag-Tiktok.

***

INARESTO ang aktor na si Ezra Miller sa Hawaii dahil sa disorderly conduct at harassment.

Kilala si Miller dahil sa pagganap niya bilang The Flash sa DC Film na Justice League.

Ayon sa Hawaii County police, nasa isang karaoke bar si Miller kasam ang ilang kaibigan at nanggulo roon: “They began yelling obscenities and became agitated when people began singing karaoke.”

Habang kumakanta raw ang isang babae, inagaw ni Miller ang microphone at tinamba niya ang isang lalake na naglalaro ng darts.

Inaresto, kinasuhan, at nakapagpiyansa si Miller sa halagang $500.

Hindi ito ang unang pagkakataon na gumawa ng gulo si Miller. Noong 2020 ay may sinakal siyang female fan sa isang bar sa Reykjavik, Iceland.

Nakunan pa ito ng video at narinig ang aktor na sinasabi na: “Oh, you wanna fight? That’s what you wanna do?” 

Ayon sa police report, na-confront daw si Miller ng isang group of fans at naging aggressive daw sila kaya nag-react ng hindi maganda ang aktor.

May reputasyon na short-tempered si Miller at may nag-suggest na dapat sumailalim ito sa anger management therapy.

(RUEL J. MENDOZA)