PUMANAW na ang tanyag na celebrity makeup artist and stylist na si Fanny Serrano sa edad na 72 nitong May 11.

Tita Fanny or TF kung tawagin si Serrano ng mga malalapit sa kanyang sa showbiz.

Sa Facebook ng fashion designer na si Dave Ocampo, vice president for External Affairs of Designers Circle Philippines, sinulat niya: “GOOD BYE TITA FANNY SERRANO THANK YOU FOR YOUR WORDS AND THE WORDS OF LORD JESUS YOU SHARE WITH US. YOU WILL BE MISS BY YOUR DESIGNERS CIRCLE PHILIPPINES FAMILY!! LOVE YOU TF YOU ARE A FRIEND, A MENTOR, A BROTHER TO ME. THANK YOU SO MUCH!!”

Noong September 2016, tinakbo si TF sa ospital pagkatapos itong magkaroon ng massive stroke. Bago ito ay na-survive ni TF ang dalawa pang minor stroke na nakaapekto sa kanyang senses at motor skills.

Isang malaking milagro na naka-recover si TF sa ikatlong stroke niya.

Pinanganak bilang Felix Marinao Fausto Jr, sa Naga, Camarines Sur, nagtrabaho bilang isang makeup artist si TF noong 1977 para sa aktres na si Celia Rodriguez. Naging miyembro rin si TF ng kilalang gay performance group noong ’70s na Paper Dolls.

Mas nakita ang husay ni TF nang kunin na siyang makeup artist at stylist ng mga sikat na artista tulad nina Sharon Cuneta, Lorna Tolentino, Charo Santos, Kris Aquino, Cherie Gil, Dina Bonnevie, Amy Austria, Gina Alajar, Sandy Andolong, Ara Mina, Judy Ann Santos, Ai-Ai delas Alas at marami pang iba. Ilang beauty queens din ang pinaganda ni TF.

Bukod sa pagiging makeup artists, pinasok din ni TF ang pag-design ng mga gowns na sinuot ng ilang sa kanyang mga kliyente at nagkaroon pa siya ng sariling RTW boutique. Nag-launch din siya ng sariling cosmetic line noong 2013.

Naging artista rin si Fanny at lumabas siya sa mga pelikula. Kabilang na rito ay ang Sinasamba kita, Cover Girls, Alaga, Star!, May Isang Tsuper Ng Taksi, Bakit May Bilanggo Sa Anak Ni Eba?, Hello Lover, Goodbye Friend, Sampung ahas ni Eva, Tarima, Jesusa at Isa Pang Bahaghari.

Sa TV ay nakasama si TF sa Madam Chairman, Sirkus, Saan Ka Man Naroroon?, at sa ilang episodes ng Maalaala Mo Kaya kunsaan naging direktor siya ng dalawang episodes na ‘Pusod’ at ‘Bridal Gown.’

***

MAPAPANOOD na online ang official trailer ng pelikulang Easter Sunday na bida ang sikat na Filipino-American standup comedian na si Jo Koy o Joseph Glenn Herbert sa tunay na buhay.

Isang comedy ang Easter Sunday na dinirek ni Jay Chandrasekhar at tungkol ito sa isang buhay ng isang struggling comedian at single father na dumalo sa isang Easter Sunday gathering ng kanyang loud and dysfuctional Fil-American family.

Binubuo ng Asian cast ang Easter Sunday at kasama rito ang sikat na Asian comedian na sina Jimmy O. Yang, Miss Saigon star Eva Noblezada, Lou Diamond Phillips, Eugene Cordero, Brandon Wardell, Lydia Gason, Rodney To, Hollywood comedian Tiffany Haddish at ang pumalit sa role ni Sharon Cuneta na si Tia Carrere.

Si Sharon ang original na kinuha para sa role na Tita Theresa at lumipad agad ito para sa shooting ng movie sa Vancouver, Canada na nakatakda noong May 3, 2021. Pero kinailangan na mag-dropout sa project si Sharon dahil sa false positive na COVID-19 test,

Hindi na bago sa Hollywood si Tia Carrere (Althea Rae Duhinio Janairo in real life). Nagsimula bilang singer at model si Tia bago siya nagbigyan ng big break sa American daytime soap opera na General Hospital.

      Nasundan ito ng sunud-sunod na malalaking Hollywood films at TV shows tulad ng Wayne’s World, Wayne’s World 2, True Lies, Lilo & Stitch, Duck Dodgers, Curb Your Enthusiasm, Relic Hunter, Nip/Tuck and Netflix’s AJ and the Queen.       Naging contestant din siya sa Dancing with the Stars, The Celebrity Apprentice. Nanalo din si Carrere ng dalawang Grammy Awards para sa kanyang Hawaiian albums na ‘Ikena at  Huana Ke Aloha.

Nag-pose din siya ng nude para sa January 2003 issue of Playboy.

***

PAGKATAPOS na i-announce na magkakaroon na sila ng baby, nagkaroon naman ng pustahan ang mag-asawang Rocco Nacino at Melissa Gohing kung ano ang magiging gender ng first baby nila.

Pakiramdam ni Rocco ay babae ang magiging panganay nila ni Melissa.

      “Nagpustahan na nga kami, hindi lang wish. Nagpustahan kami kung boy or girl. I think si Baby Nacino ay girl, si Melissa feeling n’ya boy,” sey ni Rocco.

Dahil si Melissa ang magbubuntis, nakikita na raw niya ang signs na lalake ang magiging anak nila.

“Kasi ‘di ba hindi ako palaging palaayos before. Tapos nagmamanas ako. Sabi nila ‘pag boy ‘di ba mas manas ka. Tapos ‘yung signs na mangingitim daw ‘yung kili-kili, leeg, boy daw. Parang lahat ng signs na ‘yun mayroon ako. So feeling ko boy.

      “‘Yung funny na pustahan is that ‘yung dad niya pinusta boy raw. Tapos kapag hindi raw boy siya raw magko-cover ng expenses ng panganganak ko,” natatawang kuwento ni Melissa.

Maging boy or girl ang kanilang baby, may napili na raw silang pangalan.

Sey ni Rocco: “May mga naka-save na. And we look for names na malapit sa word na faith and kindness kasi there were struggles for us kaya noong talagang pinanindigan namin ‘yung faith namin doon kami nagkaroon ng blessings. So we want to associate our babies’ name with faith.”      

(RUEL J. MENDOZA)

TANGGAP ni Janno Gibbs na maraming followers ang nag-unfollow dahil sa kanyang personal na pananaw sa politika.

Post pa ng singer/comedian “Let us grieve.”

At dagdag pa ng aktor, “Sabi nyo “Wag nang bitter.” Tanggapin nlang na Talo na. Move on na. Nung matalo si BBM as VP. Nagmove on ba? Tinanggap ba niyo? Hindi.

“Nagprotesta at nagparecount ng 3x.      “Talo pa rin. So hayaan niyo kaming maging bitter. Kung nabaliktad ang resulta, pihado bitter din kayo.

“Let us grieve.”

Reaction naman ng netizens:

“Infairness kay janno gibbs, atapang a tao lol.”

“True. Manual recount dapat. Tatlong beses din!!!”

“Wag ka na rin kasing dumaldal pa at titigil naman sila. Wag ng ibandera na talo ang FINK lalo ka lang aasarin ng mga yan.”

“Hindi nahihiya ang mga kakampink sa binoto nila. Kung uulitin lahat, iboboto pa din nila si Leni Robredo. Walang nakakahiya dun at walang sayang. Can’t say the same sa kalaban. Just wait and see.”

“You deserve it proud ka pa nga.”

“Kung tama yung pinanindigan nya. Yes! He’s proud.”

“Nakaka proud na di kami bumoto ng tax evader, kahit talo malinis konsensya namin.”

“Proud sya kase matino at mabuting tao ang binoto nya.”

“Hahaha Janno don’t worry, mga paid trolls na nkafollow sayo dati pa ang mga nag unfollow sayo. Sinunod nila ung sinabi mo na let us grieve. You lost troll followers pero you gained peace of mind.”

“30million na boto troll pa rin???”

“life must go on guys, stop the hate na.”

“i agree. It’s not just about politics. Andaming considerations involved. Choice of moral values, good and evil, etc.”

“Eh yun naman kasing k BBM, lamang sya ng 1m tapos biglang lamang na ng 200k si Leni. Etong 2022 elections, almost mag 32m votes na sya while si Leni nasa 15m. Saan nyo naman hahabulin o dudukutin yong almost 17m? Kung 200k lang lamang, pwede pang magpa recount kasi napaka close fight. Pero 17 million na lamang? Ay nako wag na mag sayang ng time.”

“Wala naman sinabi na mag recount walang pera si leni sinabi pa nga nya tanggapin ang resulta, maayos sya yung supporters nya lang talaga mejo hindi.”

“atapang na tao. follow na kita sa IG. :-)”

“Janno wag mong ipangalandakan na bitter at nagluluksa kayo marami pa dyan ang indenayal hindi nila tanggap. Ganyan talaga ang politika walang forever goodluck nalang sa career mo.”

“He’s a Filipino and paying tax. To voice out his thoughts and opinion is his constitutional right.”

“kakabilib siya! di gaya ng mga hugas mangga!”

“Respect our anger and grieve”

“Salamat Janno sa pagtindig. Dun sa mga sumuporta kay vvm, sana tama kayo. Sana nanalo sya ng walang bahid ng pandaraya. Sana nanalo sya dahil sya binoto nyo kahit walang bayad. Sana tuparin nya pinangako nya kung meron man. At higit sa lahat sana BAYARAN NYA UTANG NYA.”

“Good on him. He is not afraid to fight back and fight well.”

“Ayusin mo work ethics mo muna para pde kang maging Robin, khit na mdameng memes sknya ng supporters nyo eh #1 sya dahil may alam sa Gobyerno at nakatulong. di lageng credentials lapagan ngayon. Si Zelensky nga, romcom actor naging Presidente so pde ka din.”

Huling post ni Janno ay para kay VP Leni Robredo:

“Mam Leni,

“Isang karangalan po ang minsa’y haranahin kayo at mapangiti. Nakaukit napo yon sa aking puso’t isipan. Mabuhay po kayo! Muli, kinilig ako ng slight.

– Pres. Gibbs”

#lastnatohpromise

(ROHN ROMULO)

IDINAAN sa Instagram ni Kapuso actress Alice Dixson ang pagpapakilala sa eldest daughter niya, si Sassa, na kasama niya at ng bunso niyang si Baby Aura, nang mag-celebrate sila ng Mother’s Day last Sunday, May 8.

Caption ni Alice: “my lifetime to experience it twice’ first with Sassa, our panganay, nang dumating ang bunso, nabuo ang munting family.

“Hindi ko siya na-introduce formally when she was a teen kasi napaka-protective ng father niya, pero ngayon na young lady na siya at masters grad pa – the world is now her oyster.”

Dagdag pa ni Alice sa kanyang post kay Sassa, “I’m very proud of the woman you are and becoming – beauftiful inside ang out.”

Meanwhile, happy and thankful si Alice sa gabi-gabing mataas na rating na natatanggap ng kanilang GMA Telebabad romantic-drama series na First Lady, where she plays the contravida to the First Lady, Melody (Sanya Lopez) and President Glenn Acosta (Gabby Concepcion), 8:00PM, after 24 Oras sa GMA-7.

***

STILL on Sanya Lopez, inamin ni First Lady, na ninerbyos siya nang kunan ang eksena sa kanilang serye, na dahil kumandidato siyang President, kapalit ng asawang may sakit na si PGA, na nangangampanya sila at nagra-rally, ay parang totoong-totoo.

Ganoon daw pala ang ginagawa sa totoong rally at medyo nakakatakot.

Pero marami raw siyang natutunan sa mga eksenang ginawa niya simula nang maaksidente sa story si PGA at siya ang ni-request nito para siyang kumandidatong president.

Siyempre pa ay hindi nawala ang mga pangungutya kay Melody sa eksena, dahil dati nga raw lamang OFW siya at walang alam pero naglakas-loob na kumandidatong president.  Parang totoong-totoo ang mga eksena kaya naman inaabangan ito gabi-gabi ng mga televiewers.

Marami nang naghihintay kung sasabayan daw ng serye ang nalalapit ding proclamation ng 17th President of the Philippines na magaganap sa June 30, 2022.

***

MASAYANG-MASAYA sina Toni Gonzaga, Ai Ai delas Alas, Andrew E. na mga frontliners sa mga rally ng BBM-SARA Uniteam during the campaign period hanggang sa Miting de Avance bago ang election day last May 9.

Ilan lamang kasi sila sa mga artistang supporters ng winning team, na tumanggap ng mga pangungutya mula sa mga kalabang political teams, pero hindi sila lumaban, sa halip ay ginawa lamang nila ang mga trabaho nila saan man sila pumunta kasama ng BBM-SARA Uniteam sa kanilang mga kampanya para magpasaya sa mga taong dumalo sa bawat  rally na ginanap sa buong Pilipinas, bago magsalita ang mga kandidato.

Ngayon nagsalita na ang mga tao, pagkatapos nilang bumoto at tumama na rin ang mga surveys, at siyempre pa, tuwang-tuwa na ang mga showbiz personalities na sumuporta sa BBM-SARA Uniteam.

Sana lamang ay mahinto na rin ang mga bangayan at magsimula na ang pagbabagong gusto nating mangyari para sa ating bansa, ngayong narito  pa rin ang pandemya ng Covid-19 at ang patuloy na pagtaas ng mga presyo ng bilihin at marami pa ring walang trabaho.

Tiyak na balik-trabaho na rin ang mga artista.  Si Toni ay babalikan na ang mga shows na tinanggap na niya sa ibang network.  Si Ai Ai ay magkakaroon ng US show, kasama ang iba pang Kapuso stars. At siguradong gagawa pa rin ng mga movies si Andrew E sa Viva Films.

Congratulations sa lahat  ng mga nanalo sa 2022 Election.

(NORA VV. CALDERON)