SA recent Instagram post ni Queen of All Media Kris Aquino kinumpirma nito na mas malala at life threatening ang illness niya.

Base ito sa naging resulta ng mga medical test niya sa Amerika, kaya nabahala ang kanyang mga doktor dahil posibleng ma-damage ang heart at lungs niya.

Panimula ni Kris sa IG post kasama ang isang video, “pasensya na, hindi po ako sigurado if my video made sense. Mula end of April, we found out life threatening na yung illness ko.

“I’ve always been proud of my honesty & courage. Ginusto ko na maka lipad sana ng tahimik pero utang ko po sa mga nagdarasal na gumanda ang aking kalusugan ang mag THANK YOU & to tell the TRUTH.”

Say pa niya, “kayo na lang please ang mag research- 3 ang confirmed autoimmune conditions ko: chronic spontaneous urticaria, autoimmune thyroiditis, and definitively confirmed after my 3rd skin biopsy was read by a pathologist here & in the USA – meron po akong vasculitis, to be very specific – late stage 3 of Churg Strauss Syndrome now also known as EGPA.”

Dagdag pag-amin pa niya, “My team of doctors here & abroad (we’ve been closely consulting with a Filipino-American doctor and his team in Houston, Texas. Here the majority of my doctors practice in St Luke’s BGC and/or Makati Medical Center except my neurologist who has clinics in Asian, Perpetual & Medical City).

“They are all worried about organ damage in my heart & in my lungs. Kaya lahat ng paraan sinubukan for me to get to Houston soonest. Yung gamot that God willing can help save me doesn’t have FDA approval here or in Singapore & isasabay na po mag infuse ng chemotherapy as my immunosuppressant. Why? Allergic po ako sa lahat ng steroids.”

Sa kabila ng matinding pinagdaraanan,nakikiusap din si Kris sa netizens na hinay-hinay sa negative comments para sa kanyang dalawang anak na sina Joshua at Bimby.

“Not for my sake, pero for my 2 sons, 1 in the autism spectrum & 1 only 15- kung balak nyo pong mambastos or mag comment ng masakit o masama, sa mga sarili nyo na lang pong IG, FB, or chat group sana gawin,” sabi ng aktres.

“Hindi nyo po ako kailangan gustuhin para magpakatao… please don’t punish kuya & bimb for being my sons. Hindi po masama ang maglakas ng loob at magsabi ng sobrang bigat na katotohanan.”

Pinusuan naman ng netizens at celebrity friends ang IG post ni Kris at pinagdarasal ng nakararami na sana’y gabayan siya at pagalingin ng Diyos.

(ROHN ROMULO)

TANGGAP na ni John “Sweet” Lapus na “laos” na siya bilang gay comedian.

Lumipas na raw ang ningning ng kanyang bituin. Kaya tinanggap na rin ni Sweet na kailangan na rin niyang magbago ng career.

“Tanggap ko na iba na ang direction ng career ko the moment I accepted na magdidirek na ako sa TV at pelikula,” sabi ni Sweet.

May time limit daw ang pagiging comedian. Hindi na raw siya pwedeng lumabas na sidekick ng bidang babae dahil ang mga sikat ngayon ay mas bata sa kanya.

Ini-enjoy ni Sweet ang pagiging director niya. Siya ang napili nina Dingdong Dantes at Marian Rivera na maging director ng sitcom nila sa GMA titled Jose and Maria’s Bonggang Villa.

Bukod dito ay writer din siya ng sitcom na Daddy’s Gurl at director ng satire show na BalitaOneNan sa Cignal TV.

Tumatanggap pa rin naman siya ng acting jobs dahil mas malaki ang tf niya as an actor. Pero enjoy siya working as a director dahil mas nagagamit niya ang kanyang creativity.

Swerte rin siya with the people he works with dahil may tiwala ito sa kanya at tanggap mga input niya bilang director.

Siya ang personal choice nina Dingdong at Marian, na co-producers ng sitcom, to direct the show. And he is very grateful.

“It’s such an honor. Masaya ako na may trabaho na dumarating kahit na nasa pandemic pa rin tayo,” sabi ni Sweet.

Nakatrabaho niya si Marian sa Show Me Da Manny for three years pero first time niya to work with Dingdong.

***

ENJOY panoorin ang Run To Me pinagbibidahan nina KD Estrada at Alexa Ilacad.

Maganda ang chemistry ng dalawa na graduate ng PBB at sabi nga ng kanilang director na si Dwein Baltazar, natural ang chemistry. Kaya naman patok na patok ang dalawa sa maraming kilig scenes sa series.

Masaya ang celebrity press preview na dinaluhan ng buong cast sa Cinema 1 ng Santolan Town Plaza last Sunday. May mga fans din ng KDLex na dumalo sa screening na kilig na kilig sa mga eksena ng dalawang bida.

Very sweet si KD kay Alexa. May pa-holding hands pa ito at paakbay-akbay na lalong nagpakilig sa mga fans.

Kapwa ayaw bigyan ng label nina KD at Alexa ang sweetness na ipinapakita nila. Ini-enjoy lang daw nila ang kanilang pagtratrabaho together. Naturally sweet daw talaga sila sa isa’t-isa.

Nagpapasalamat din ang KDLex sa suporta ng kanilang mga fans. Iilan buwan pa lang nang sila ay ilunsad bilang tandem pero dama nila ang init ng suporta ng mga fans sa kanila.

Mapapanood ang Episode 1 ng Run To Me via streaming starting on May 20 on Kumu and May 21 on iWantTFC!

(RICKY CALDERON)

NAGLABAS na ng official statement ang Aguila Artist Management ni Becky Aguila tungkol sa mga pamba-bash at isyu na ibinabato sa kanilang artist, ang Kapamilya star na si Andrea Brillantes.

Dahil sa pagiging all-out supporter ni Andrea sa kandidatura ni VP Leni Robredo, isa siya sa mga artista na talagang binabato ng mga grabeng pambabash.

At dumating na sa punto na kesyo ang mga ine-endorsong produkto ni Andrea ay kina-cancel na rin siya. Isa na raw rito ang Sir George by Mary Pauline Salon.

Pero sa statement na inilabas ng management ni Andrea, lumitaw na fake news ito at walang kontrata at hindi rin endorser si Andrea ng naturang salon.

Nakasaad sa official statement;

“Hindi totoong tinanggal si Andrea Brillantes sa anumang listahan ng celebrities ng Sir George by Mary Pauline Salon dahil unang una, hindi ito endorser at hindi rin siya kliyente sa loob ng mahigit limang taon ng naturang salon. Walang anumang kontrata sa pagitan nila at ng artista namin at walang anuman g obligasyon si Andrea sa kanila.

“Muling pinaalalahanan ang publiko na maging mapanuri at huwag basta basta nagpapaniwala sa nababasa nila online lalo na kung malisyoso ang intensiyon o may pansariling interes na isinusulong ang mga taong nagpopost tungkol dito.

“Nagpapasalamat naman kami sa lahat na patuloy na nagmamahal at nagbibigay ng pang-unawa kay Andrea, lalong lalo na sa brands o mga kumpanya na buo pa rin ang tiwala at suporta sa kanya. Taos puso po ang pasasalamat namin sa inyo.”

***

NAGKITA ng hindi sinasadya habang nagbabakasyon sa Boracay sina Pokwang at Andrew E.

Parehong mga naging todo ang pag-suporta ng dalawa sa kanilang mga kandidato sa pagka-Presidente at Bise Presidente.

Kung si Pokwang ay kay VP Leni Robredo at Senator Kiko Pangilinan, si Andrew naman ay kina Bongbong Marcos at Sara Duterte.

Hindi nag-cancell o nauwi sa pag-a-unfriend sa isa’t-isa ang dalawa dahil ayon kay Pokwang, naging mapayapa at ending, respeto pa rin daw ang nanaig sa kanilang dalawa.

Sa kanyang Instagram post, sinabit nito na, “Sa bandang huli, respect dito sa @twoseasonsphilippines naganap ang mapayapang gabi with @andrewe_dongalo nagkataon, nagkita kasama ang mga pamilya.”

Pero bukod sa nauwi naman sa maayos na pagkikita ng dalawa, naging kapansin-pansin din sa ilang netizens na kasama na sa picture ang partner at daddy ng anak ni Pokwang na si Malia na si Lee O’ Brian.

Naiisip na pala ng mga netizens na hiwalay na ang dalawa dahil wala na raw post na magkasama ang mga ito. Kaya tila nagulat pa na this time, kasama nilang mag-iina sa Boracay si Lee.

“Sobrang tagal na walang post with papang, kala ko wala na kayo. Glad he is still there, sana forever.”

***

NAGSALITA na si Sheryl Cruz nang magkaroon ng 10thanniversary celebration ang Artist Circle ni Rams David.

Isa si Sheryl sa binigyang parangal ng management na sa loob ng sampung taon ay nananatiling loyal sa Artist Circle along with more than 70 artists na.

Pero kapansin-pansin na kumpara dati na nai-interview namin si Sheryl tungkol kay Jeric Gonzales na dati niyang naging leading man sa teleserye ng GMA-7 na “Magkaagaw” na napaka-sweet ng mga pahayag nito about Jeric and it appeared na parang may something na talaga sila, this time, iba na.

Sinabi naman ni Sheryl na happy raw siya sa relasyon nina Jeric and Rabiya Mateo. Pero kumpara nga dati na tila close sila base sa mga naging pahayag niya, ngayon, “acquaintances” na lang ang paglalarawan niya rito.

But still, willing to work pa rin daw si Sheryl kay Jeric as long as okay ang project at bahala na raw ang manager niya, si Rams kung sakali man.

(ROSE GARCIA)