SA isang interview kay Kapuso actress Kylie Padilla, natanong kung may bago na siyang lovelife, at hindi naman tumanggi ang bida ng Bolera, na she is presently dating.

Biro pa niya, gusto naman niyang makakilala ng bagong pwedeng maging inspirasyon. At halata sa kanyang mga ngiti na masaya si Kylie. Pero hindi siya napilit na magbigay ng detalye tungkol sa guy, na siya raw nagpapasaya sa kanya ngayon.

Meanwhile, maarami na ang excited na mapanood ang first sports drama series ng GMA Network, ang Bolera, dahil nang ipalabas pa lamang ang 13-minute trailer nito sa Facebook, umani agad ito ng 1 million views.

Kaya labis-labis ang pasasalamat nina Kylie, Rayver Cruz, Jak Roberto, Jaclyn Jose, Gardo Versoza, Joey Marquez, Al Tantay at kahit ang mga coaches nina Kylie, ang mga gold-medalists sa billiard, sa katatapos na 31st SEA Games sa Hanoi, Vietnam.

Sa direksyon nina Dominic Zapata at Jorron Lee Monroy, mamayang gabi na ang world premiere nito pagkatapos ng First Lady sa GMA-7.

***

INI-LAUNCH na ng GMA Network ang bagong loveteam, ang Sparkle sweethearts na sina Miguel Tanfelix at Ysabel Ortega, sa pamamagitan ng bagong light-drama romantic comedy series na What We Could Be. Makakasama rin nila dito sina Yasser Mata at Pamela Prinster.

Bale ito ang follow-up serye nila bago sila mapanood sa much-awaited live action adaptation ng Voltes V: Legacy.

Pero mas una silang mapapanood sa bagong serye, na nagsimula nang mag-taping sa set nila sa Antipolo City. Nauna nang ipinakilala ni Miguel ang character niya bilang si Franco, sa kanyang Instagram account, “Ito na po yata ang pinaka-mature role na gagampanan ko so far. Pinakanagustuhan ko iyong character ni Franco na may dark past siya.”

Masaya naman si Ysabel na makatrabaho muli si Miguel pagkatapos ng Voltes V: Legacy.

“Nakakatuwa na gagawa ako ngayon ng romcom tapos with Miguel pa. It’s really exciting,” sabi pa ni Ysabel, na nababalita ring maganda ang relasyon ngayon kay Miguel.

***

FIRST time pala ni Ariel Rivera na makaranas ng lock-in taping sa bagong GMA Afternoon Prime na The Fake Life.

Inamin niya sa mediacon, na okey ang lock-in taping dahil nakakapag-focus ang cast since hindi nga sila pwedeng lumabas sa bubble.

“Pero sa ganitong set-up, magkakaroon ka ng cabin fever kasi nga naka-confine lamang kayo sa isang lugar,” paliwanag ni Ariel.

“Kaya first and last na ito sa akin, very long iyong one month or 45 days na taping, it’s hard to adjust. Okay lang siguro ang three weeks, pero kung matagal pa, ayoko na.”

Huli pang ginawa ni Ariel sa GMA ang epic serye na Mulawin vs. Ravena. Sa The Fake Life, makakasama ni Ariel si Beauty Gonzalez, Sid Lucero, Jake Vargas, Bea Binena at Kristoffer Martin.

Sa direksyon ni Adolf Alix, Jr., world premiere na nila sa June 6. Papalitan nila ang Artikulo 246, na simula na ng finale week ngayong hapon after Raising Mamay sa GMA-7

***

THIS June na raw ang alis ng buong cast ng bagong game show ng GMA Network, ang Running Man Philippines na magiging co-production venture ng network with a Korean TV company.

Doon sila magti-taping ng lahat ng games na ipalalabas dito. Last Friday, May 27, ay ni-reveal na nga ng GMA ang cast na kinabibilangan nina Glaiza de Castro, Ruru Madrid, Lexi Gonzales, Kokoy de Santos, Angel Guardian, Buboy Villar, at Mikael Daez.

Bago ini-reveal ang buong cast, nagpakita muna sila ng ilang eksena sa Running Man ng Korea. At mukhang mapapalaban ang buong cast.

May nagtatanong na nga kung tulad din ito ng dating show ng GMA na Survivor Philippines?

(NORA V. CALDERON)

NAG-VIRAL ang deleted nang tweet ni Alex Gonzaga tungkol sa panawagan sa kanyang internet provider.

Say ng tv host/actress, “PLDT please fix my internet sa condo. I’ve been paying for 4months na wala ako internet. Grabe kayo magremind to pay monthly pero lagi padelay kayo para ayusin. Pls pls fix kasi ayaw nyo kami pansinin privately. @PLDT_Cares.”

Nag-react ang netizens sa kanyang post at nag-flood ang “unity” replies, na alam naman natin na may connect sa advocacy nina President-elect Ferdinand “Bongbong” Marcos Jr. at Vice President-elect Sara Duterte-Carpio.
Ilan nga sa naging comment nila:

“UNITY is the answer.”
“Move on na sis, unitea tayo.”
“Wag sana puro paninira, mabilis naman PLDT sa amin. Unity nalang, maayos din yan at prayers.”
Reply ng PLDT sa kanyang reklamo, “Let’s have it fixed, @Mscathygonzaga. Kindly send us your PLDT account or telephone number and registered mobile number via DM for proper checking. We’ll attend to your service restoration request as soon as possible. Thank you and we sincerely apologize for the inconvenience.”
Nagpasalamat naman si Alex dahil mabilis na naayos ang kanyang problema, “Thank you ayos na internet namin. Thank you PLDT!”
Tweet pa ni Alex na dinelete din niya, “Hahaha! Nakakatawa at tuwa naman nagviral pala yung tweet ko dahil may “unity” na replies. Thank you siguro kaya lalo napabilis pag-ayos ng internet namin. But tama let’s end negativity and be united as a nation.”
Kaya lang may nagtanong kung bakit niya ito dinelete at sinagot niya ng, “Kasi ayos na.”
Sawsaw ng isa pang netizen, “Kahit ayos na, di dapat delete..kasi, parang yung history lang yan na pilit ni re-rewrite dahil lang mukang ayos na..binbura ang history at pinapalitan ng something na mukhang maayos..”
Na nireplayan naman ni Alex nang nakatatawa at nakaiinis din na, “Eto piso hanap ka kausap mo.”
Reaction pa ng ibang netizens:
“hindi ko naman siya kinakampihan pero kailangan talaga big deal yung word na unity? ano ba yan?”
“It’s called sarcasm.”
“Anong jusko naman, eh di ba nga sa lahat ng concerns ng mga Pilipino ang sagot UNITY.. Oh eh bakit kayo nagre-react?”
“Sayang ang piso para sa isang pathetic loser Alex hahaha.”
“Ang hilig ng marami sa atin na mag utos kung anong dapat gawin ng ibang tao. Eh sa kung gusto niyang idelete yung tweet niya, bakit uutusan pa na dapat hindi. Sana matanggal na yung kaugalian na ganyan.”
“Naisahan ka dyan, Alex! Hahaha!”
“Talagang naisahan siya, mas madaming witty sa kanya, dami kong tawa..”
“Sorry natawa ako sa huling sagot nya hahahaah.”
“Napahiya kasi siya.. Wala na siya masagot…”
“Basag na basag sa mga bashers. Dasurv!”
“Super dasurv niya, hehe. Napaka-witty ng mga sagot. Tignan natin kung uulitin pa niya mag reklamo sa social media.”
“Na takot, dinelete agad, kaya lalo siyang binash.. Hehe.”
“Ay napikon! HAHAHAHA di siya talaga witty and very problematic pa.”
“Pag celeb nagreklamo aksyon agad kaya high blood din mga netizen hahaha pero ganyan talaga sa twitter pa witty-han. Sa fb naman yun mga sabaw! Kaloka ang pinoy netizen.”
“Bakit nya binura? Ang witty pa naman ng mga replies nung unang tweet nya lol.”
“Ang funny kaya nung mga replies sa tweet niya. Ang wi-witty. Hahahaha.”

(ROHN ROMULO)