2022 May 30 Archive - People's Balita

July 1, 2024
Search in People's Balita
Ang Diyaryong Pinagkakatiwalaan

Archive for May 30th, 2022

Barangay captain niratrat ng riding-in-tandem sa Malabon, todas

Posted on: May 30th, 2022 by @peoplesbalita No Comments

NASAWI ang isang 69-anyos na barangay captain matapos pagbabarilin ng isa sa dalawang hindi kilalang mga suspek sa Malabon City, kahapon ng umaga.

Bandang alas-4:30 ng hapon nang malagutan ng hininga habang ginagamot sa MCU hospital sanhi ng tinamong tama ng bala sa tiyan at kaliwang bahagi ng katawan ang biktimang si Felimon Villanueva, 68, Barangay Chairman ng Tonsuya.

Sa Facebook post naman ni Malabon Congresswoman Jaye Lacson-Noel, nagpaabot siya at kanyang pamilya ng pakikiramay sa mga naulilang pamilya at mga kaibigan ni Kap. Pilo.

“Mariin din nating kinokondena ang walang-awang krimen na ito at ating ipinanawagan ang mabilis na aksyon ng pulisya at imbestigasyon upang matukoy ang dalawang taong walang konsensyang bumaril kay Kap. Pilo. Hindi po natin hahayaan ang karumal-dumal na krimen na tulad nito at nais nating mabigyan ng tuldok ang ganitong uri ng karahasan sa ating lungsod,” pahayag niya.

Nabatid sa imbestigasyon nina Malabon police investigators PSSg Michael Oben at PCpl Renz Baniqued dakong alas-9:35 ng umaga nang maganap ang insidente sa harap ng bahay ng biktima sa No. 1 C. Perez Street., Barangay Tonsuya, Malabon City,

Kasalukuyang nakaupo ang biktima sa harap ng kanilang bahay nang biglang lapitan ng isa sa mga suspek na armado ng hindi mabatid na kalibre ng baril at ilang beses na pinaputukan sa katawan.

Matapos nito, mabilis na tumakas ang gunman sakay ng isang Honda Click motorcycle na minaneho ng kanyang kasabuwat patungong E. Roque St. Brgy. Tonsuya habang isinugod naman ang biktima sa nasabing hospital ng ilang residente sa lugar.

Ipinag-utos na ni Malabon police Chief Col. Albert Barot sa kanyang mga tauhan ang follow-up operation para sa posibleng pagkakilanlan at pagkakaaresto sa mga suspek habang inaalam pa ang tunay na motibo sa pamamaril sa biktima. (Richard Mesa)

Posibleng pagtatrabaho ni PDu30 sa ilalim ng Marcos administration, no legal impediment- Malakanyang

Posted on: May 30th, 2022 by @peoplesbalita No Comments

MAAARING magtrabaho si Pangulong Rodrigo Roa Duterte sa ilalim ng papasok na administrasyon ni President-elect Bongbong Marcos Jr.

“There is no legal impediment in the event that the President accepts an offer to serve under the Executive branch in a Marcos administration,” ayon kay deputy Presidential Spokesperson Kris Ablan.

Tugon ito ni Ablan sa tanong ng media kaugnay sa posibilidad na maitalaga si Pangulong Duterte bilang anti-illegal drug czar sa ilalim ng Marcos administration.

Sinabi pa ni Ablan na bahala na ang Chief Executive kung tatanggapin nito ang alok sakali’t gawin nga ito ni Marcos.

Aniya pa, “as far as the Palace knows, the President is looking forward to his retirement.”

Nauna rito, wala namang problema kay President-elect Ferdinand “Bongbong” Marcos, Jr. kung sasama si Pangulong Duterte sa kanyang administrasyon at maging drug czar.

“If he wants to,” ayon kay Marcos, Jr. sa posibilidad na makasama sa kanyang administrasyon ang outgoing President bilang drug czar.

At nang tanungin si Marcos kung ito ay standing offer, sinabi ni Marcos na hindi pa nila pinag-uusapan ni Pangulong Duterte ang bagay na ito.

“No, he has not, we have not talked about it. But I am open to anyone who is able to help in the government so matagal na kaming magkaibigan ni PRRD, noong mayor pa siya long long time ago,” anito.

“So I’m sure if he wants to play a part sasabihin naman niya sa akin, I am certainly open to that,” dagdag na pahayag ni Marcos.

Napaulat na hiniling ni Pangulong Duterte kay Marcos, Jr. sa isang pag-uusap bago pa ang eleksyon na ipagpatuloy nito ang kanyang drug war .

“Ang napapag-usapan namin bago pa mag-election, basta itong mga bagay na ito ituloy mo, that is the request that is so important to him. Still, siyempre ‘yung kanyang priority is the anti-drug problem,” ayon kay Marcos.

“Ang kanya sinasabi niya, one thing he was assertive about [was] ituloy ang anti-drug syndicate (sic) na sinimulan ko. Do it your own way. He really said that. Palitan mo… but wag mong iiwanan yan kasi kawawa ang kabataan natin. Talagang nasisira ang buhay nila,” aniya pa rin.

Nauna rito, sinabi ni Marcos na kung itutuloy niya ang giyera laban sa ilegal na droga na sinimulan ni Pangulong Duterte ay gagawin niya ito sa sarili nitong paraan. (Daris Jose)

P843.9 bilyon lugi ng SSS, pinaiimbestigahan

Posted on: May 30th, 2022 by @peoplesbalita No Comments

PINAIIMBESTIGAHAN ni Senador Francis Tolentino sa Senado ang umano’y malaking pagkalugi ng Social Security System (SSS).

Sa inihaing Senate Resolution 1006, tinukoy ni Tolentino ang 2021 unaudited financial statement ng SSS kung saan nakasaad na nalugi sila noong 2021 ng P843.9 bilyon.

Nakasaad naman sa resolusyon ang mga legal at technical na paliwanag ng SSS kung bakit nagkaroon ito ng ganoong lugi kung saan tinukoy ang umano’y pagbabago sa panuntunan ng accounting ng Philippines Financial reporting standard.

Dito umano kinonsidera ang mga basic payments na babayaran ng SSS sa hinaharap.

Tiniyak naman sa resolusyon na matatag ang SSS at secured ang cash loan nito at matutugunan ang pangangailangan ng mga miyembro.

Para naman kay Tolentino, kahit na sapat ang paliwanag tungkol sa pagkalugi kailangan pa rin itong mabusisi at malaman ang epekto nito sa pinansyal na kakayanan ng SSS para mabayaran ang benepisyo ng mga miyembro.

Kailangan din umanong mapag-aralan ang social security benefitis ng lumalaking miyembro ng SSS at maging batayan kung kailangan na gumawa ng bagong batas at regulasyon at masiguro ang katatagan nito.

Dahil nakakuha ng special beauty award: HERLENE, kinabog ang ibang candidates ng ‘2022 Binibining Pilipinas’

Posted on: May 30th, 2022 by @peoplesbalita No Comments

KINABOG ni Herlene “Hipon Girl” Budol ang ibang candidates ng 2022 Binibining Pilipinas dahil siya ang nakakuha ng special beauty award mula sa isang cosmetic sponsor ng pageant.

Hinirang na ‘Miss Black Water 2022’ si Hipon Girl at masaya itong tinanggap ang award, hindi lang daw para sa kanya kundi para sa mga katulad niya na inaalipusta at pinagtatawanan dahil kapos daw sa pisikal na kagandahan.

“Panibagong araw hatid ay panibagong pag-asa. Maraming salamat sa iyo dakilang Ama sa blessings na tinatamasa ko ngayon. Congrats din sa mga Binibini Sisterakas ko sa mga award nakuha nila. God bless u all mga Ka-Squammy at Ka-Hiponatics ko!,” mensahe pa ni Hipon.

Dagdag pa niya ay isang mensahe ng pag-asa: “Ang kakisigan ay kapag ang loob ay kasing ganda ng labas.”

Nagpasilip na rin ni Herlene sa TikTok ang konting reveal sa kanyang magiging signature na irarampa niya sa coronation night ng Binibining Pilipinas pageant.

***

KUNG ‘di pala dumating ang teleserye na Destiny Rose, isang flight attendant o piloto na pala sana ang Kapuso actor na si Ken Chan.

Di raw kasi panay ang dating ng projects noon kay Ken kaya naisip na niyang magbago ng career para maka-provide sa kanyang pamilya.

“Mukhang ayaw naman sa akin ng showbiz sabi ko. So kailangan kong buhayin ‘yung sarili ko, kailangan ko din pong buhayin’ yung pamilya ko so I have to decide. Nag-decide ako na magtrabaho sa airline.

“Isa ‘yun sa dreams ko talaga, maging flight attendant and eventually maging piloto. But God and GMA network gave me Destiny Rose. Dahil sa Destiny Rose kaya po until now, nandito pa rin po ako,” sey ni Ken na nagbago ang takbo ng career.

Ngayon ay isa siya sa top leading men ng GMA at naging bida na sa mga teleserye na Special Tatay, One of the Baes, Ang Dalawang Ikaw at Mano Po Legacy: Her Big Boss.

Bukod sa marami ng negosyo si Ken, bumalik siya sa recording at ni-release kamakailan ang single niya titled “Quaranfling” under GMA Music.

***

PUMANAW na ang Hollywood actor na si Ray Liotta sa edad na 67 noong nakaraang May 26.

Ayon sa report, hindi na raw nagising ang aktor mula sa kanyang pagkakatulog sa kanyang tirahan sa Dominican Republic kunsaan nagsu-shooting siya ng pelikulang Dangerous Waters.

Pinanganak sa Newark, New Jersey si Liotta at lumaki siya sa isang orphanage. Inampon siya sa edad na 16 months. Nakapagtapos siya sa University of Miami at noong lumipat siya sa New York, naging TV debut niya ay ang soap opera na Another World in 1978.

Kilala sa kanyang husay sa drama at comedysi Liotta sa mga pelikulang Goodfellas, Field of Dreams, Something Wild, Dominick and Eugene, Unlawful Entry, Cop Land, Unforgettable, Blow, Hannibal, Wild Hogs, Date Night, Wanderlust, Muppets Most Wanted at Marriage Story.

Naging regular naman siya sa 2016 series ni Jennifer Lopez na Shades of Blue. Huling natapos niyang pelikula ay ang Cocaine Bear na dinirek ni Elizabeth Banks.

Sa kanyang pagiging aktor for almost 50 years, nanalo siya ng Emmy, Golden Globe at Screen Actors Guild Award.

(RUEL J. MENDOZA)

P20/kilo ng bigas, tutuparin ni Marcos

Posted on: May 30th, 2022 by @peoplesbalita No Comments

NANGAKO si President-elect Ferdinand “Bongbong” Marcos Jr. na tutuparin ang pangako na ibababa sa P20 per kilo ang presyo ng bigas habang binibigyan ng proteksiyon ang mga magsasaka.

Sinabi ni Marcos noong Huwebes na nakikipag-usap na siya sa ilang traders upang panatilihin muna ang presyo ng bigas sa kasalukuyang presyo.

“We need to form the value chain. I’m already in talks with several traders and asked them if it’s possible to hold the current prices for a few months. I think we’ll be able to do it as a first step,” ani Marcos.

“But in the long term we need to fix the value chain. That’s the only way to do it,” dagdag niya.

Ipinaliwanag din ni Marcos na isang malaking hamon sa pagsasakatupan ng kanyang pangako ang tumatanda ng populasyon ng mga magsasaka habang wala namang interes na pumasok sa pagsasaka ang mga kabataan.

“Unfortunately farmers don’t want their children to become farmers too. To address this, we must employ new technologies, it has to be industrial farming to attract the youth to pursue careers in agriculture,” ani Marcos.

Sa kabila nito, tiniyak ni Marcos na poprotektahan ng kanyang administrasyon ang local agriculture industry sa gitna ng mga murang agricultural products na pumapasok sa bansa. (Daris Jose)