2022 June 02 Archive - People's Balita

July 3, 2024
Search in People's Balita
Ang Diyaryong Pinagkakatiwalaan

Archive for June 2nd, 2022

‘You did a good job: Pdu30, pinasalamatan ang mga Filipino SEA Games participants

Posted on: June 2nd, 2022 by @peoplesbalita No Comments

PINURI ni Pangulong Rodrigo Roa Duterte ang mga atletang Filipino at mga coaches na nagpartisipa sa 31st Southeast Asian (SEA) Games sa Hanoi, Vietnam mula Mayo 12 hanggang 23.

“The results of the Philippine contingent’s participation in the SEA Games, be it “with or without medals,” ang masayang pahayag ng Pangulo.

Sa naging talumpati ng Pangulo sa Rizal Hall, Malakanyang, pinasalamatan nito ang mga atleta at coaches dahil sa “good job”, dahil sa dinalang “pride and honor” sa bansa.

Aniya, “very proud” siya sa mga atletang Filipino para sa kanilang matinding paghahanda at dedikasyon para umangat sa regional sports competition.

“No other time that I feel so proud for my country because you are here. You did a good job, and I’m very happy with the result. It is not really winning but going there just to give the country an image. Maligaya ako na maraming medalya ang nakuha natin,” ayon kay Pangulong Duterte.

Nasungkit ng Pilipinas ang pang-apat na puwesto sa medal race kung saan 11 bansa ang kalahok matapos na maibulsa ang kabuuang 226 medals sa 31st SEA Games.

Nagawa namang maiuwi ng mga atletang Filipino ang 52 gold, 70 silver at 105 bronze medals.

Labis na ikinatuwa ng Pangulo ang “record-breaking feats” ng mga Filipino medalists at athletes.

Pinatunayan lamang ng mga atleta na ang limitasyon sa pagsasanay dahil sa Covid-19 pandemic ay hindi hadlang upang maipakita ang kanilang taglay na talento at ibigay ang lahat ng kanilang makakaya.

“I deeply thank you for representing the country with resiliency, excellence, and sportsmanship and for bringing pride and honor to the Filipino amidst the challenges you had to face in this uncertain time,” ang pahayag ng Chief Executive.

Sa nasabing event, binigyan naman ng award ng Pangulo ang mga atleta at may kasamang cash bonanza.

Sa ilalim ng Republic Act 10699 nakasaad dito na “grants cash incentives worth PHP300,000, P150,000, and P60,000 for SEA Games’ gold, silver, and bronze medalists, respectively.”

Pinagkalooban din ni Pangulong Duterte ng Order of Lapu-Lapu with the Rank of Kamagi ang mga SEA Games medalists.

Samantala, kinilala naman ng Punong Ehekutibo ang mahalagang tungkulin at gampanin ng Philippine Sports Commission (PSC) at mga coaches sa naging tagumpay ng mga atletang Filipino sa 31st SEA Games.

“While we celebrate our accomplishments in this much-awaited sports event, let us also recognize the Philippine Sports Commission and all of the coaches for their unwavering support in ensuring the athletes were in their prime condition to compete at the 31st SEA Games. Your involvement in this feat is truly significant and worthy of commendation,” anito.

Dahil dito, hinikayat ni Pangulong Duterte ang PSC at iba pang sports bodies na ipagpatuloy lamang ang pagpapaabot ng “full assistance” sa mga Filipino athletes upang manatili ang mga itong masigasig na “aiming for more victories in the future.”

“As we unite our efforts to achieve real and lasting change in our society, it is my hope that even beyond my term, our athletes will continue to uphold the competence, discipline and commitment that we Filipinos are known all over the world,” ayon sa Pangulo. (Daris Jose)

Pambihirang internet service, ihahatid ng Starlink sa PH sa lalong madaling panahon

Posted on: June 2nd, 2022 by @peoplesbalita No Comments

ANG MABILIS na pag-apruba ng Department of Information and Communications Technology (DICT) sa mga kinakailangan ng SpaceX-Starlink ay magbibigay-daan sa bansa na tamasahin ang mga pambihirang serbisyo sa internet sa pamamagitan ng Low Earth Orbit (LEO) satellite network constellation na binubuo ng mahigit 1,600 satellite.

Nangangako ang Starlink na maghahatid ng hanggang 200 Mbps na bilis ng broadband partikular na sa “geographically isolated and disadvantaged areas (GIDA)” na mahirap abutin gamit ang fiber connection.

Ang pagpasok ng Starlink sa Pilipinas ay nagsimula sa isang privilege speech ni Sen. Koko Pimentel sa kasagsagan ng krisis sa COVID-19, na nagpapaliwanag kung paano magagamit ang mga bagong teknolohiya upang makatulong na maibsan ang mga epekto ng coronavirus sa pang-araw-araw na buhay ng mga Pilipino at mapabilis ang paglago ng ekonomiya sa panahon at pagkatapos ng pandemya.

Sinuportahan ito nina Sen. Grace Poe at Rep. Sharon Garin, mga principal sponsors ng Public Services Act sa Senado at House of Representatives.

Sa patuloy na pribadong talakayan sa SpaceX para sa pagpasok ng kumpanya at pagmamarka ni Pangulong Rodrigo Duterte sa Public Services Act bilang priority bill, mabilis na niratipikahan at inaprubahan ng Senado at Kamara ang bagong panukala noong Marso 21. (Daris Jose)

No. 9 most wanted person ng NPD, nadakma ng Valenzuela Police sa SACLEO

Posted on: June 2nd, 2022 by @peoplesbalita No Comments

KALABOSO na ang number 9 most wanted person ng Northern Police District (NPD) matapos masakote ng mga tauhan ng Valenzuela City Police sa Simultaneous Anti-Criminality and Law Enforcement Operations (SACLEO) sa Pasig City.

Kinilala Northern Police District (NPD) Director PBGEN Ulysses Cruz ang naarestong akusado bilang si Edrian Palisoc, 30, residente ng West River Bank, Pasig City.

Si Palisoc ay inaresto ng mga tauhan ng Valenzuela Station Intelligence Section (SIS) sa pangunguna ni Deputy Chief PLt. Albert Verano, kasama sina PCMS Melvin Mendoza, PCMS Hanival Parinas, PSSg Gilbert Orellano, PSSg Darius Orale, PCpl Rosario Cruz, at PCpl Ryan Axibal, at Sub-Station 7 ng Pasig police sa isinagawang joint manhunt operation sa Legaspi-West River Bank Road, Pasig City dakong alas-2:47 ng hapon.

Ayon kay SIS chief Police Major Marissa Arellano, dinakip si Palisoc sa bisa ng warrant of arrest para sa kasong ‘Robbery in Band’ na inisyu noong March 24, 2022 ni Judge Evangeline Francisco ng Regional Trial Court (RTC) Branch 270, Valenzuela City.

Sinabi pa ni Arellano na sa kanilang isinagawang background check kay Palisoc, napag-alaman nila na may dati pa itong mga kaso, kabilang ang theft, robbery, Batas Pambansa Bilang 6 o Illegal Possession of Bladed, Pointed or Blunt Weapons, at Concealing True Name incidents. (Richard Mesa)

10th Anniversary, naganap sa bonggang events place ni Tei: ODETTE, CHANDA, SHERYL at CELIA, ilan sa nakatanggap ng Artist Circle’s ‘Dekada Award’

Posted on: June 2nd, 2022 by @peoplesbalita No Comments

NAGANAP ang engrandeng 10th Anniversay party ng Artist Circle noong May 11, 2022 sa bonggang Aquila Crystal Tagaytay Events sa Tagaytay City.

Pag-aari ito ng newest artist ng Artist Circle si Tei Endencia, at ayon sa founder/manager na si Rams David, na-meet niya ang event specialist dahil kay Wilma Doesnt na isa rin sa kanyang alaga.

Idea raw ni Tei na gawin nila ang ballroom party para nga sa 10th anniversary ng Artist Circle, “Sabi niya, ‘Tito Rams, let’s do something big.’ And sakto na 10th anniversary ng Artist Circle. At nabuo ito, two weeks ago lang. That’s why I’m grateful kay Tei Endencia, the MasTEIpiece for inviting us over.

“So, it’s an expansion of my office, for booking na makakatulong din sa mga artista natin.”

Dagdag pa niya, “at kung kailangan ang expertise niya sa pagde-design ng party, like Fairy Tale o Harry Potter or Phantom of the Opera, maaasahan sa pagde-design si Tei.”And since he owns the venue, doon na nga namin ginawa ang 10th anniversary party.”

And this month, nag-umpisa na ang pagha-handle ng Artist Circle sa career ni Tei na magkakaroon ng ‘Meet & Greet’ ngayong June at July sa Thailand, Singapore at Dubai para sa kanilang first international event after pandemic.

Sa FB post niya, “Sawadeee!!!! See you all dear clients! for scheduling our meeting please contact Artist Circle.”

Hindi naman makapaniwala si Tei na siya na ang Official Events Stylist ng biggest and the Grandest! ‘Themes & Motifs Bridal Fairs and Wedding Expos’ na gaganapin sa SMX Convention Center Manila sa June 25 – 26, 2022.

Anyway, nagdatingan naman halos lang ng mga artists ng Artist Circle at guests na lumakad sila sa red carpet, nakaroon ng photo op, at nag-enjoy sa sinerve na bonggang dinner.

In-establish ang Artist Circle noong 2012, at ay more or less ay nasa 70 na ang artists nila.

“So, bakit siya 70, alam n’yo naman ang mga hawak ko are the character actors and actresses of different field. Before siya naging Artist Circle, it’s House of Characters, dahil marami tayong hawak na artists na pwede sa iba’t-ibang supporting roles na kailangan lalo na sa mga teleserye.”

At sa ginanap na ika-10 anibersaryo ng Artist Circle, pinarangalan din ni Rams ang mga artistang naging loyal at nakasama nila ten years ago at kung nabubuhay lang si German ‘Kuya Germs’ Moreno ay kasama rin siya sa list.

Kasama sa labing anim na nakatanggap ng ‘Dekada Award.’ sina Sheryl Cruz, Chanda Romero, Odette Khan, Mosang, Mel Kimura, Shyr Valdez, Dang Cruz, Ces Quesada, Jet Rai, Andrew Schimmer, Robert Correa, Marlon Mance, Rico Robles, Lorenz Martinez, Mike Magat, at Celia Rodriguez.

Mas nakilala si Rams David bilang mahusay na program manager sa mga shows ng GMA-7 at noong 2011 ay naging president siya ng Triple A (All Access to the Artists) ni Mr. Antonio P. Tuviera at nag-manage ng career nina Marian Rivera at Maine Mendoza, na labis niyang ikinatutuwa sa kasikatang tinatamasa ng dalawang big stars ng GMA-7.

Hindi naman naging madali pa raw Rams na lisanin ang Triple A Management para personal na matutukan ang kanyang sariling management company.

Ang ilan pa sa mga artists nina Rams ay sina Jelia Andres, Jopay Paguia at Joshua Zamora, at apat pang Sexbomb Dancers na sina Mia Pangyarihan, Mhyca Bautista, Cheche Tolentino, at Aira Bermudez.

Kabilang din sa mga talents sina Krissy Achino, ang magkapatid na Mike at Carlos Agassi, Mico Aytona, BJ “Tolits” Forbes, Inday Garutay, Kiks Ferrer, Asiana (daughter ni Wilma) at Christian Antolin na isa sa tinanghal na Stars of the Night kasama sina Jelai, Jopay at Carlos.

At sa pagpasok ng kanilang ika-11 taon, asahan na mas maraming artists ang madadagdag sa Artist Circle na kung saan meron na rin silang mga kabataan na dini-discover na puwede nilang iko-manage sa Sparkle GMA Artist Center, kung mabibigyan ng pagkakataon.

Congrats Artist Circle, cheers to more decades in the entertainment industry!

(ROHN ROMULO)

Rematch kay Inoue asahan na mas ‘brutal pa’ sa 1st fight – Donaire

Posted on: June 2nd, 2022 by @peoplesbalita No Comments

NGAYON pa lamang pinaghahanda na rin ni WBC bantamweight champion Nonito “The Filipino Flash” Donaire ang mga boxing fans dahil sa tiyak daw na umaatikabong bakbakan ang magaganap sa rematch nila ng Japanese superstar na si Naoya Inoue sa darating na Martes, Hunyo 7

Si Inoue ang may hawak ng dalawang korona sa IBF at WBA.

Kung maalala noong 2019 ay kinilalang fight of the year ang kanilang showdown pero natalo sa unanimous decision si Donaire.

Gayunman sa pagkakataon ito tiniyak ng Pinoy champion na mas matindi pa ang rematch nila kumpara sa nangyari noon na brutal at classic fight.

Ayon kay Donaire hangad niya na makaganti laban sa knockout artist na si Inoue na umaabot na sa 19 ang mga kalaban na pinatulog mula sa 22 mga fights.

Sinabi pa ng 39-anyos na si Donaire alam na raw niya ngayon kung papaano ang diskarte para ipatikim ang unang talo ng Japanese boxing star.

Guidelines para sa online purchases ng senior citizens, PWDs tinintahan

Posted on: June 2nd, 2022 by @peoplesbalita No Comments

TININTAHAN na ang guidelines o alituntunin para sa online purchases ng senior citizens at persons with disabilities.

“Under the new guidelines, senior citizens and persons with disabilities are entitled to avail the 20% discount on the purchase of goods that are vital for their sustenance and existence,” ayon sa kalatas ng Department of Social Welfare and Development (DSWD).

Kabilang sa mga items ay gatas, tubig, LPG, veterinary products, construction materials, batteries at electrical supplies.

Sinabi ng DSWD na “discount will be applied as long as the items do not exceed ₱1,300 per calendar week in online and offline transactions, adding that the unused amount cannot be carried over.”

“Likewise, the said amount must be spent for the personal and exclusive consumption of the senior citizen and the person with disability, and that the above mentioned amount must be spent on at least four kinds of items of basic goods and prime commodities.” dagdag na pahayag ng departamento.

Kailangang ipaalam ng mga mamimili sa merchant na sila ay senior citizen o PWD bago pa bumili upang makapag-avail ng discount, at dapat na magpakita ng pruweba ng ID at booklet.

Sa pagkakataon naman na ang purchaser ay kapuwa senior citizen at PWD, nakasaad sa guidelines na papayagan lamang ang mga ito na mag-avail ng “either of the two” at hihilingin sa kanila na magpakita ng ID para sa kumpirmasyon.

Samantala, nito lamang buwan ng Mayo, ang DSWD kasama ang Department of Trade and Industry, Department of the Interior and Local Government, National Commission of Senior Citizens, Bureau of Internal Revenue, National Council for Disability Affairs, and Department of Health ay lumagda sa Joint Memorandum Circular na naglalayong magbigay ng discount para sa online purchases para sa mga lolo’t lola at PWD. (Daris Jose)

Blended learning, patuloy na gagamitin sa PH para sa susunod na school year – DepEd

Posted on: June 2nd, 2022 by @peoplesbalita No Comments

PATULOY pa ring gagamitin ng Department of Education (DepEd) ang blended learning sa bansa para sa susunod na school year.

Ayon kay DepEd Secretary Leonor Briones na hindi parin aalisin ang blended learning sa kabila ng paghihikayat sa lahat ng public at private schools na magsagawa na ng in-person classes para sa school year 2022-2023.

Paliwanag ni Briones na mahalaga ang ambag ng blended learning lalo na sa teknolohiya, komunikasyon at sa digitalization sa gitna ng COVID-19 pandemic.

Bagama’t iginiit din ni Briones na mahalaga ang face to face classes para sa social development ng mga mag-aaral at kailangan din ng direct guidance mula sa mga guro.

Maalala noong Lunes, May 30, hinimok ni Briones ang lahat ng paaralan sa bansa para magsagawa ng in-person classes para sa SY 2022 -2023 subalit nilinaw ni DepED Undersecretary Diosdado San Antonio target pa rin ng kagawaran na ipatupad ang blended set up kung saan ang paraan ng pagtuturo ay isasagawa sa pamamgitan ng electronic at online media platform gayundin sa pamamagitan ng face to face learning. (Daris Jose)

Team Philippines palaban sa 2023 SEAG

Posted on: June 2nd, 2022 by @peoplesbalita No Comments

DAHIL hindi inaasahang lalaban ang host Cambodia para sa overall crown ay magiging labu-labo ang 32nd Southeast Asian Games sa Mayo ng 2023.

Kumpiyansa si Philippine Olympic Committee (POC) president Abraham ‘Bambol’ Tolentino na makikipag-agawan sa overall title ang mga Pinoy athletes.

Ito ay makaraang tumapos sa fourth place ang Team Philippines sa nakaraang SEA Games sa Hanoi na dinomina ng mga Vietnamese.

“If we could train longer, I’m optimistic the overall race would be anybody’s ballgame,” ani Tolentino kahapon sa online Philippine Sportswriters Association Forum.

Para mapalakas ang tsansa sa korona ay lalahok ang Pinas sa lahat ng 40 events na ilalatag ng mga Cambodians sa biennial meet.

“Salihan natin lahat sa Cambodia. We’re just waiting for the final list of events,” sabi ni Tolentino.

Tumapos ang mga Pinoy athletes sa fourth place sa Vetnam edition bitbit ang 52 gold, 70 silver at 104 bronze medals.

Nauna nang inangkin ng Pinas ang overall crown noong 2019 edition.

“If fair game, we could have been second. We have great athletes. Of our 70 silver medals, 42 were from subjective sports including 27 were the opponents were from host Vietnam,” dagdag ng POC at cycling federation chief.

Nag-comment sa IG post ni Joey tungkol kay BBM: TONI, nabuking tuloy ng netizens ang pagiging ‘stalker’

Posted on: June 2nd, 2022 by @peoplesbalita No Comments

ANG Love You Stranger na magsisimula ng mapanood sa primetime sa Lunes, June 6 ang full-length serye ng real-life sweethearts na sina Khalil Ramos at Gabbi Garcia at matagal din hinintay na matuloy ito kaya mas special daw sa kanila.

Bukod pa rito, first rin ni Khalil as Kapuso.

“Lahat naman ng series may pressure talaga, pero ito lang extra-extra special kasi, first series ni Khalil at ang ganda-ganda ng pagkakagawa ng script. We don’t want to fail. We really want to deliver very well,” sey ni Gabbi.

Five years ng mag-sweethearts sina Khalil at Gabbi na nagsimula pa noong hindi pa sila pareho ng networks. Pero isa rin sila sa matatag ang relasyon.

“Secret!,” ang natatawang parehong sagot nila nang tanungin namin kung ano talaga ang sikreto nila.

Pero sabi rin ni Gabbi, “Feeling ko ‘yung secret, best friend kami. As in, tropa kami and everybody knows that.”

Sinegundahan naman ito ni Khalil na, “Yeah, fall-in-love with your bestfriend. ‘Yun ang secret.”

Sa isang banda, maganda ang reception ng mga netizens sa trailer pa lang ng Love You Stranger, as well as mga positive comments. Kung magtutuloy-tuloy ito hanggang sa umeere na ang serye, ‘di-malayong worth the wait talaga kahit matagal bago natuloy at nagawa ang unang serye nila bilang mga Kapuso.

***

NABUKING tuloy ng netizens ang number 1 supporter ni President-elect Bongbong Marcos na si Toni Gonzaga na “stalker” raw ito.

Hindi kasi kasama sa mga pina-follow ni Toni ang host ng Eat Bulaga na si Joey de Leon. Nag-react si Toni sa witty post ni Joey sa Instagram tungkol sa pagka-panalo ni BBM.

Nag-comment si Toni na, “OG Henyo” kasunod ang dalawang taas kamay na symbol.

Ang IG post ni Joey, “Bakit si BBM Presidente ngayon? Kasi after DU30, yung may 31 naman! After that DU30 TOO! Gets?”

Tinawag ng iba na stalker raw si Toni bilang hindi naman niya pina-follow ang kino-comment-an. Ang ibang netizens naman, tinawag na “OA” ang dating Kapamilya star.

***

ANG daming naapektuhan sa naging hiwalayan ng mag-asawang sina Jason Hernandez at Moira dela Torre.

Parang nando’n ang disbelief sa mga nababasa naming comments at the same time, pagdududa tuloy kahit sa mga mag-asawa ngayon.

Ang dahilan, kung ang tulad daw nina Jason at Moira na parehong Christian at sinasabing ang foundation ng relationship nila ay God’s centered, plus the fact na mag-best friend pa sila, so, paano na?

Nagbigay tuloy ng pagdududa at parang takot sa mga mag-jowa at kahit wala pang jowa ang nangyari sa dalawa, huh!

Sa kabila nito, marami rin ang nalulungkot at halos iisa ang sinasabi ng lahat, “nag-iba tuloy ang feel ng kanta ni Moira na Paubaya ngayon.”

Pero kung may totoo man, sa showbiz talaga, kapag may usok, siguradong may apoy. Dati pang naba-blind-item na hiwalay na ang dalawa na heto’t totoo nga pala.

Nagsanga-sanga na ang paghihiwalay na news. Pati si Jason Dy, nadamay dahil inakalang siya ang mister ni Moira, huh!

At ang “Marites” ng taon na si Xian Gaza, heto’t trending dahil sa pasabog nito na diumano’y dahilan talaga ng hiwalayan at kung sino ang dahilan ng pagsi-cheat ni Jason.

At maging si Ruffa Gutierrez, affected. Nag-tweet nga ito na, “Heartbroken for one of my favorite couples.”

(ROSE GARCIA)

Inagurasyon ni Marcos Jr., gagawin sa Ilocos o Maynila- PNP OIC

Posted on: June 2nd, 2022 by @peoplesbalita No Comments

MAAARING idaos ang inagurasyon ni President-elect Ferdinand “Bongbong” Marcos Jr. sa Hunyo 30 sa Ilocos Region o sa Maynila.

“Yung kay Sir Bongbong naman po, I think it will be either Ilocos or dito po sa area ng Manila,” ayon kay PNP officer-in-charge Police Lieutenant General Vicente Danao Jr.

“So we are still finalizing kung saan po yung exact location para po malatag ang ating security measures,” dagdag na pahayag nito.

Ang pamilya Marcos ay mula sa Ilocos Norte.

Sa kabilang dako, sinabi naman ni incoming Press Secretary Atty. Trixie Cruz-Angeles na wala pang pinal na desisyon kung saan idaraos ang inagurasyon ni Marcos Jr.

Sa Laging Handa public briefing, sinabi ni Cruz-Angeles na isa ang Quirino Grandstand sa mga lugar na pinagpipilian kung saan gaganapin ang inagurasyon.

“Wala pa po. Of course, as mentioned, tinitignan naman po talaga ang Quirino Grandstand bilang isa sa mga posibleng venue para sa inauguration pero wala pa pong final at wala pa po tayong mga detalye tungkol doon,” pahayag nito.

Dagdag nito, “Pangako ko lang ay, as soon as ma-finalize ang mga plano, ire-release namin sa publiko.”

Nauna nang inihayag ni Senadora Imee Marcos na kabilang din sa mga lugar na maaring gawing venue para sa inagurasyon ng kaniyang kapatid ang Rizal Park at Fort Santiago sa Lungsod ng Maynila. (Daris Jose)