2022 June 11 Archive - People's Balita

July 18, 2024
Search in People's Balita
Ang Diyaryong Pinagkakatiwalaan

Archive for June 11th, 2022

US, nakahandang suportahan ang PH tungo sa transition para sa renewable energy

Posted on: June 11th, 2022 by @peoplesbalita No Comments

NAKAHANDANG tulungan ng Estados Unidos ang Pilipinas sa transition nito tungo sa pagkakaroon ng renewable energy.

Sa pagbisita ni US Deputy Secretary of State Wendy Sherman sa Department of Foreign Affairs (DFA), sinabi ng opisyal na ang renewable energy ay kritikal para sa buong mundo maging sa seguridad ng ating planeta. Ito rin aniya ang nagiging tampulan ng paksa sa bawat gobyerno sa mga bansang kanyang napupuntahan.

Kinikilala rin ng US top official ang pagnanais ng mga gobyerno sa buong mundo kabilang na ang Pilipinas na subukan ang pagtransition sa renewable energy sa pamamagitan ng solar, wind at ng isang safe at effective na small modular nuclear reactors.

Kung kaya’t malugod aniya ang US na makapagbigay ng technical assistance at experts na tutulong para maisakatuparan ang naturang transition.

Ipinaubaya naman na ni Sherman ang pagbibigay ng detalye kay President-elect Marcos hinggil sa kanilang napag-usapan hinggil sa planong pag-revive ng Bataan Nuclear Power Plant (BNPP) sa kanilang naging bilateral meeting.

Ngunit sinabi si Sherman na kanilang napag-usapan ang lahat ng elemento may kaugnayan sa clean energy future.

Nauna ng sinabi ni Marcos na bahagi ng kanyang agenda ang muling pagbuhay sa BNPP bilang karagdagang source ng malinis at murang suplay ng kuryente. (Daris Jose)

Nagsisisi na ibinoto nila kaya ito nag-number one: Sen. ROBIN, binatikos ng BBM fanatics dahil ‘di sinama sa mga pinasalamatan

Posted on: June 11th, 2022 by @peoplesbalita No Comments

SANA kasing ingay nang pagbabalik sa sinehan ng Jurassic World Dominion ang maging kapalaran ng upcoming local movie na Ngayon Kaya na bida sina Paulo Avelino at Janine Gutierrez.

Sana kung gaano ka-excited ang audience na panoorin ang Hollywood flick tungkol sa dinosaurs ay ganoon din ka-excited ang mga Pinoy na panoorin ang pelikulang gawa ng Pilipino para sa Pilipino.

Maganda ang Ngayon Kaya, ang love story na dinirek ni Prime Cruz at isinulat ni Jen Chuanunsu.

Janine is playing the rich girl AM while Paulo plays the not-so-rich boy Harold kaya kahjt they have feelings for each other ay hindi nila nagawang maging sila even if they were close buddies during college.

Mas priority ni Paulo na makatapos ng pag-aaral para makapunta ng Canada to work while si Janine naman has all the time para pagbigyan dream niya na kumanta.

Years later, nagkita silang dalawa sa wedding ng kanilang kaibigan.

May nag-spark na “what if” hindi itinuloy ni Harold ang pagpunta ng Canada at nag-decide to stay with AM? Naging sila kaya?

One thing na kapuri-puri sa pelikula ay ang mahusay na acting ng dalawang bida. Eksakto sina Paulo at Janine for their respective roles na para bang the writer had them in mind while writing the script.

Maraming makaka-relate sa kwento ng Ngayon Kaya dahil tiyak na may ganitong pangyayari sa buhay ninyo sometime in the past.

Kaya mag-ipon na nang pampanood ng sine at wag palampasin ang unang romcom movie na ipalalabas sa sinehan after two years. Iba pa rin manood ng movie sa sinehan.

***

SABI ni Direk Darryl Yap, hindi raw dapat na sineryoso ng mga tao ang parody na ginawa niya kung saan pinag-portray niya si Ai Ai delas Alas ng karakter named ‘Ligaya Delmonte’ dahil spoof naman daw ito at hindi totoo.

Pero kung sa tingin ng mga tao ay may bahid nang paninira ang parody na kanyang ginawa, wala bang karapatan ang mga tao to voice out their objection?

May freedom of expression tayo pero hindi naman dapat gamitin ang freedom na ito para manira. Freedom of speech also tells us to be responsible.

Dapat handa tayong tanggapin na hindi sa lahat ng oras ay pwede natin gamiting excuse ang freedom of expression to malign other people. Freedom of speech is not absolute. It should still be exercised within the context of certain laws or regulations.

Dapat iniisip din natin ang repercussion ng ating sinasabi. Freedom of speech and expression does not mean you are free of said consequences of your actions.

May nabasa pa kami na post ni Direk Darryl saying something like kung ‘yung Official Seal of Quezon City daw ang nagawan nila ng pagkakamali, pag sinabi raw na mag-apologize siya ay gagawin niya.

Hindi ba alam ni Direk Darryl to say sorry kung siya ay mali? Well, siguro nga sa tingin niya ay hindi siya mali in doing that video kaya cool lang siya at full of sarcasm ang reaction

***

BINATIKOS si Senador Robin Padilla ng mga BBM fanatics dahil hindi nito isinama sa mga pinasalamatan niya sa kanyang pagkapanalo si president-elect Bongbong Marcos.

Sagot ni Robin sa bumatikos sa kanya, ‘di naman siya talaga inendorso ng incoming president.

Hindi ba naging issue pa nga kung kasali siya sa line-up ng UniTeam? Kasi kahit nasa rally si Robin ng UniTeam eh hindi naman siya kasama sa nagsasalita sa main program.

Sinabi rin ni Robin na maging siya ay nagtataka kung bakit ‘di nga siya inendorso ni BBM eh kaibigan pa naman niya ito.

Sabi naman ng mga BMM supporters, dahil kay BBM kaya nila ibinoto si Robin bilang senador kaya ito nag-number one. Hindi raw nila akalain na ingrato pala ang action star.

Sana raw ay hindi na lang nila ito ibinoto. Hindi pa raw nakakaupo si Robin as senador ay lumabas na agad ang tunay na kulay nito.

Bukas ang aming kolum sa ano pang magiging pahayag ni Robin sa isyung ito.

(RICKY CALDERON)

P750 national minimum wage, iginiit

Posted on: June 11th, 2022 by @peoplesbalita No Comments

KASUNOD na rin ng 5.4% inflation rate at pagtaas sa presyo ng pangunahing bilihin, nanawagan ang Anakpawis Partylist sa kongreso na ipasa ang P750 National Minimum Wage bill na inihain ng Koalisyong Makabayan.

Una ng tinuligsa ng grupo ang pinakahuling P33 wage increase na anila ay hindi sapat para punan ang P51 lost value dahil sa inflation mula pa taong 2018, ang P537 dating minimum wage para sa National Capital Region.

Ang tinatayang real value ng pinakahuling minimum wage para sa NCR na P570 ay nasa P516, base sa 2018 prices. Malala pa umano ay baka maibaba pa ang tunay na halaga nito dala na rin sa pinakahuling inflation rate.

“Kung ibabatay sa May 2021 prices, ang mabibili ng P570 ay P539 lang. Kaya, halos walang epekto ang pinakahuling wage increase. Dapat habulin ng minimum wage ay ang Family Living Wage, na nasa P1,072 kada araw noong Marso. Kaya, makatarungan at kagyat lang na isabatas ang P750 National Minimum Wage,” ayon kay Ariel Casilao, Anakpawis Party-list National President sa isang press statement.

Iginiit pa nito na ang sitwasyon sa mga lugar na nasa labas ng National Capital Region ay mas malala para sa mga minimum wage workers. Mas mataas ang inflation rate dito na nasa 5.5% o mahigit pa.

Sinabi ni Casilao na ang dapat gamitin na basehan para sa minimum wage system ay social justice, at “right of all the people to human dignity, reduce social, economic, and political inequalities,” na pawang nakasaad sa konstitusyon.

“Hindi dapat natin tinatanggap na nagpapakahirap ang mga manggagawa, at sa katapusan ng araw ay hindi makabubuhay ng pamilya ang kanyang kinitang sahod. Habang ang mayayayamang kapitalistang oligarkiya at dayuhang monopolyo ay lumalangoy sa mga gahiganteng tubo. Dapat nang itulak ang kongreso para baguhin ang modernong sistemang ito ng pang-aalipin, at itaguyod ang makatao at nakabubuhay na antas ng sahod ng mga manggagawa,” pagtatapos ni Casilao. (ARA ROMERO)

93 magsasaka, supporters inaresto sa ‘bungkalan’ sa Tarlac; red-tagging inireklamo

Posted on: June 11th, 2022 by @peoplesbalita No Comments

DINAMPOT ng pulisiya ang lagpas 90 aktibista’t magsasaka sa Concepcion, Tarlac, Huwebes, para sa reklamong “malicious mischief” at “obstruction of justice” sa isang sakahan — pero ayon sa mga grupo, benepisyaryo ng Comprehensive Agrarian Reform Program ang mga nabanggit noon pang 1998 at magtatanim lang.

Ayon sa Police Regional Office 3, 9 a.m. kahapon nang gibain ng mga nabanggit ang tubuhan na pinagmamay-arian ng Agriculture Cooperative sa Brgy. Tinang, dahilan para rumesponde ang mga otoridad.

“When responding personnel of Concepcion MPS, SAF, 1st and 2nd PMFC, Tarlac PPO Intelligence Branch, RMFB, 3rd Mechanized Infantry Battalion armor division Philippine Army, NAVAL Intelligence and Security Group- Northern Luzon tried to pacify them, they became unruly and tried to obstruct the law enforcers from performing their official duties,” ayon sa PRO3 sa isang pahayag kanina.

“Police authorities together with other law enforcement agencies arrested more or less 100 farmers and their supporters in Concepcion, Tarlac, Thursday (June 9) for malicious mischief and obstruction of justice.”

May dalang rotovator — na ginagamit sa pagsasaka — ang mga nabanggit. Kasama sa mga dinampot sina:

Felino Cunanan Jr.

Chino Cunanan

Abigail Bucad

Sonny Dimarucut

Sonny Magcalas

Pia Montalban

Alvin Dimarucut

atbp.

Makikita sa video na ito ang karahasan habang nagkakahulihan.

Ayon kay PRO3 regional director PBGen. Matthew Baccay, umakto lang ang mga pulis pagdating sa kanilang mandato. Sa kabila nito, patuloy pa rin naman daw ang imbestigasyon para matiyak ang mga totoong nangyari sa insidente.

Ayon sa Unyon ng mga Manggagawa sa Agrikultura, lehitimong bungkalan ng agrarian reform beneficiaries (ARBs) sa Brgy. Tinang ang nangyari, na siyang mapayapang programa naman na nagsimula sa mga kubol.

“Ayon sa mga kinatawan ng lokal na tanggapan ng Department of Agrarian Reform na dumaan nitong umaga, bagaman kinikilala bilang ARBs ang mga magsasakang naririto, hindi sila makikialam sa aksyon ng Philippine National Police (PNP) kahit na alitan sa lupa ang sentro nito,” sabi ng UMA kahapon.

“Binaklas ng pulisya ang mga pinto ng kubol, at pinalabas ang lahat ng nasa loob. Isa-isa nang dinampot ang mga nasa labas, depende sa kursunada ng hepe, hanggang sa umabot sa punto na ‘imbitado’ na ang lahat sa presinto.”

“Nang tanungin ang isang pulis kung ano ang kasalanan ng mga aktibista roon, ang kaswal na tugon: ‘[New People’s Army] kayo.'”

Maliban sa mga magsasakang kabahagi ng MAKISAMA-Tinang, inaresto rin ang mahigit 50 artists gaya na lang ng kilalang makata at peasant advocate na si Angelo Suarez, co-convenor ng grupong Sama-samang Artista para sa Kilusang Agraryo (SAKA).

Nangyari ang insidente sa bisperas ng ika-34 anibersaryo ng CARP, ang agrarian reform program na nag-grant daw ng lupa sa mga magsasaka noon pang 1998.

“With volunteers from SAKA and other organizations, they cultivated land granted to them through CARP and did no more than exercise their right to till it,” ayon sa SAKA sa isang pahayag.

“Such land cultivation, called ‘bungkalan,’ is a form of protest in which peasants—usually ARBs—assert ownership of land by planting agricultural products that primarily address their immediate need for food. It is a method of guaranteeing a peasant community’s own food security.”

Layon ng mga nabanggit na magtanim ng palay at gulay sa lupang ibinagkaloob ng Department of Agrarian Reform (DAR). Sa kabila nito, inagaw daw ang Certificate of Land Ownership Award ng lokal na pamilya roon, kasama na ang incoming mayor na si Noel Villanueva.

Sa panayam kay Suarez, isa sa mga inaresto, naghihintay na lang sila ng inquest proceedings sa ngayon.

“On one hand, it is ironic that peasant and food security advocates are arrested on the eve of CARP’s anniversary, as if CARP were not a government program. But on the other hand, this latest incident of police brutality and feudal aggression is little more than further proof that CARP is a sham,” dagdag ng SAKA.

Tinatawagan naman nila ang lahat, pati ang international community, na ipanawagan ang agarang pagpapalaya sa mga artista’t magsasaka na idinitena ng PNP lalo na’t tumitindig lang naman daw sila para sa pakikibaka ng mga pesante.

Verifie In-announce sa pamamagitan ng Instagram account nila: JK at MAUREEN, maayos na tinapos ang higit dalawang taong relasyon

Posted on: June 11th, 2022 by @peoplesbalita No Comments

NAGTAPOS na ang more than two years na relasyon ng celebrity couple na sina Juan Karlos Labajo at Maureen Wroblewitz base sa ipinost nila last Friday, June 10, 2022 sa kanilang Instagram account na sila’y naghiwalay na.

Pinost ni JK ang photo nila ni Maureen na may caption na, “Magka-ibigan na ngayo’y matalik na magkaibigan. Lagi mong tandaan na kahit pagbaliktarin mo man ang mundo, kahit saang lupalop man ng kalawakan, ikaw parin ang nagiisa kong buwan. Maraming salamat, mahal kita, at hanggang sa muli. ❤️”

Sa IG post naman ni beauty queen na mababasa ang ‘life is not happening to you, life is happening for you’ kasama ng tatlong butterflies, at may caption na, “some things come to an end and that’s okay. but now it’s time for us to grow on our own.”

May sinulat din na madamdaming message si JK para sa model-beauty queen at bahagi nito, “I am the luckiest person in the world to have spent the past years of my life with you and I wouldn’t choose anybody else to have spend those years with.

“You’ve taught me so much and I have learned, I am learning, and I will learn more. We are both so young and we have to enjoy ourselves. I want to see succeed. I love seeing you achieve your dreams. You will. We will.”

“Here’s to growth and love for ourselves. For there is no greater love than self-love.”

Sagot naman ni Maureen, “thank you for everything!!!”

Komento naman ng netizens:

“May sumpa ata ang Miss Universe.”

“Di ba pwedeng magself love while in a relationship?”

“Sabihin nyo nalang may 3rd party, ang soshowbiz nyo..magbibreak para maggrow kuno, di pede maggrow together?”

“Sana all ganyan magbreak, at peace.”

“At least walang bitterness, a great example how to end a relationship.”

“Feeling ko si Mau nakipagbreak para sa personal growth niya, walang magawa si JK kaya umokay nalang din kaya ganyan ka peaceful yung hiwalayan nila.”

“Di ako magugulat kung may iba na si girl in coming days.”

“To grow on our own is a lame excuse. Ibig sabihin lang either you don’t support each other or just using it as ticket out.”

(ROHN ROMULO)

Bilang ng mga walang trabaho sa bansa, bumaba sa 2.76M – PSA

Posted on: June 11th, 2022 by @peoplesbalita No Comments

NAKAPAGTALA ang Philippine Statistics Authority (PSA) nang pagbaba sa bilang ng mga Pilipinong walang trabaho sa unang bahagi ng taong ito.

Ito ay sa gitna pa rin ng patuloy na pagrecover ng bansa mula sa naging epekto ng COVID-19 pandemic.

Sa idinaos na press conference ng naturang kagawaran kaninang umaga ay iniulat ni PSA chief and National Statistician and Civil Registrar General, Usec. Dennis Mapa ang paunang resulta ng kanilang isinagawang Labor Force Survey sa buong bansa nitong nakalipas na buwan ng Abril.

Nakasaad sa datos na kaniyang inilahad na bumaba na sa 2.76 million o may katumbas na 5.7% ang bilang ng mga kababayan nating walang trabaho sa kasalukuyan.

Mula yan sa dating 4.14 million o 8.7% at 2.93 million o may katumbas na 6.4% na unemployment rate na naitala naman ng PSA noong April 2021 at January 2022.

Samantala, ipinahayag din ni Mapa na mula sa mga datos na kanilang nakalap ay nakapagtala ang kagawaran ng anim na mga rehiyon sa bansa na mayroong mas mataas na unemployment rate kumpara sa national average na 5.7%.

Ito ay ang Bangsamoro Autonomous Region in Muslim Mindanao (BARMM) na mayroong pinakamataas na unemployment rate na pumalo sa 8.1%, sinundan naman ito ng NCR, Regions 1, Calabarzon, Region 5, at Region 8.

COA, pinuna ang PCGG hinggil sa unrecorded stock certificates, artworks mula sa Marcos era

Posted on: June 11th, 2022 by @peoplesbalita No Comments

PINUNA ng Commission on Audit (COA) ang mga hindi nai-record na 76 stock certificates (STCs) at 122 paintings at artworks na -narekover ng Presidential Commission on Good Government (PCGG).

Batay sa 2021 annual audit report, sinabi ng Commission on Audit (COA) na nabigo ang PCGG na itala ang 772.594,488 shares of stocks ng pamilya at kaalyado ni dating Pangulong Ferdinand Marcos Sr., na nagkakahalaga ng P54.61 milyong piso kaya’t wala ito sa libro ng PCGG.

Kabilang sa mga assets at properties na narekober ng PCGG ay shares of stocks na pag-aari ng iba’t ibang korporasyon at indibiduwal na nakatago sa PCGG Library, at maging ang ilan naman na nasa ilalim ng pangangalaga ng Independent Realty Corporation (IRC) Group of Companies, isang conglomerate ng surrendered corporations.

“The non-recording of the surrendered/recovered shares is tantamount to voluntarily giving away possession and control of what is due to the government and without due regard to existing accounting and auditing rules and regulations,” ayon sa audit team sa kanilang report.

Ang paliwanag naman ng PCGG, hindi man lumabas sa kanilang libro ang mga stocks certificates ay nakapasok naman ito sa mga tinutukoy na korporasyon.

Kasabay nito, lumabas din na nasa mahigit sa 100 paintings at artworks na nasa iba’t ibang bodega ng PCGG ang bigo ring mai-record sa libro ng ahensiya.

Kabilang sa 122 artworks ang 34 paintings, statues, jars, framed wood carvings, wood carvings, tapestries, lithographs, framed cross-stitch artwork, wine goblet, upright piano, decanter, collage, brass item, abstract, news clipping, framed news print, drawings, plaque at brass sculpture na matatagpuan sa PCGG station ang nananatilingg unrecorded sa mga libro ng PCGG. (Daris Jose)

Unyon ng mga Manggagawa sa Agrikultura (UMA), binatikos ang ginawang pagbaba sa taripa

Posted on: June 11th, 2022 by @peoplesbalita No Comments

BINATIKOS ng Unyon ng mga Manggagawa sa Agrikultura (UMA) ang ginawang pagbaba sa taripa na ipinapataw sa pag-aangkat ng bigas mula India na dating 50% taripa ay 35% na lamang ngayon.

Tugon umano ito sa naulinigang plano ng Thailand at Vietnam na taasan ang presyo ng kanilang bigas at magtaguyod ng rice cartel.

Ayon kay Agriculture (DA) undersecretary Fermin Adriano, kung mahirapan na ang Pilipinas mag-angkat ng makakain mula sa dalawang bansa ay may alternatibong pagkukuhanan ng bigas sa India.

Ngunit sa pananaw ng UMA, hindi ba dapat tratuhin itong hudyat para palakasin ang lokal na produksyon ng palay imbis na lumipat lamang ng pag-aangkatan ng bigas.

Ayon sa pederasyon, self-reliance o pansandig sa sariling kakayahan ang wastong tugon sa kawalan ng seguridad sa pagkain at hindi importasyon.

Sinabi ni Antonio Flores, chairperson ng UMA, 1.2 milyong ektarya ng lupaing agrikultural ang nakatali sa agri-business venture arrangements (AVAs). Ang AVA ay kasunduan ng korporasyon sa pesante, karaniwang agrarian reform beneficiary (ARB), kung saan ang kontrol sa lupa ay kinukuha ng una sa huli. Diktado umano ng korporasyon kung ano ang itatanim sa lupa ng ARB.

Idinagdag ni Flores na nasa Mindanao ang karamihan sa 1.2m ektaryang lupain na ito na matatagpuan sa mga plantasyon ng mga dambuhalang korporasyon.

Diin ni Flores, dahil kita ang mas mahalaga sa mga korporasyon kaysa staple foods para sa lokal na populasyon, high-value crops (HVCs) ang prayoridad nitong itanim sa mga plantasyon gaya ng pinya, Cavendish banana, oil palm, at tubo.

Kaya naman aniya na ultimo bigas ay inaangkat na, dahil maski palayan ay napipilitang magbigay-daan sa HVCs.

Pahabol pa niya, hindi makakamit ng paparating na administrasyong Marcos ang pangako nitong P20 na kilo ng bigas kung walang pagsandig sa sariling kakayahang magprodyus ng pagkain ang bansa. (BISHOP JESUS “JEMBA” M. BASCO)