TAMA nga ang mga naglalabasang chika na balik GMA-7 na si Billy Crawford.

Ngayong August na rin siya magsisimulang mapanood sa GMA via the thrilling game show na “The Wall Philippines.”

Ang “The Wall Philippines” ay co-production between GMA-7 and Viva Entertainment, Inc., at kunsaan, si Billy ang magsisilbing host.

Isa itong uri ng pachinko game with a twist. May chance na manalo ang mga player ng life-changing prize worth millions of pesos. Part knowledge and part luck.

Ang main goal ng game ay makapag-bank ng maraming pera sa pamamagitan ng pagsagot ng mga trivia questions and landing the balls on high-value bins. The mechanics are simple – get a correct answer to get a green ball, miss a question and get a red ball. Green adds, red subtracts.

Ang “The Wall Philippines” ay isang game show na created by LeBron James, Maverick Carter, and Andrew Glassman at distributed by Banijay Rights Limited.

Sa isang banda, bago sa GMA ang “The Wall Philippines”, pero hindi kay Billy dahil naging host na siya nito noong ang TV5 pa ang ka-collab ng VIVA na tumagal din ng anim na buwan last year.

Aabangan siguro ngayon kung ano ang magiging kaibahan ng atake ni Billy now that sa GMA na ito mapapanood.

***

HUMAKOT ng awards si Herlene Nicole Budol o nakilala bilang si ‘Hipon Girl’ sa nakaraang Binibining Pilipinas, bukod pa sa siya ang itinanghal na First Runner-Up.

Kitang-kita rin na maraming fan na sumisigaw at nagsi-cheer sa kanya. Pero marami ang napabilib nito sa naging sagot niya sa tanong kung ano ang naging transpormasyon niya habang nasa Binibini siya.

Pasok ang sagot niya na, “Binibining hindi inaasahan. Ang sarap mangarap. Walang imposible na ako po ay isang komedyante na laki sa hirap at ang aking transpormasyon ay ang magbigay ng inspirasyon. Because I know for myself that I am uniquely beautiful with a mission.”

Pinuri rin ang paggamit ni Herlene ng wikang Filipino, lalo na’t aminado itong hindi magaling sa wikang english. Isa si MJ Lastimosa sa nag-tweet na, “Ganyan nga Nicole Budol normalize using our language in Philippine beauty pageants, coz why not?!!!!”

Pinagdududahan naman ng iba na base raw sa kasi sa mga rumehistrong reaction ng ibang Binibining Pilipinas candidate, parang si Herlene ang ine-expect na tatawaging winner instead of first runner-up.

Pero sey rin ng ilang beauty pageant fans, unexpected na rin daw for a first timer sa national beauty contest na naka-first runner-up na ito at pwedeng-pwede pa rin na sumaling muli.

Pagkatapos ng Binibining Pilipinas, may plano na si Herlene.

Ayon dito, “Babalik po tayo sa showbiz and siyempre, gagampanan ko po ang mga trabaho ko na kailangan pong gawin ngayon sa Binibini.”

(ROSE GARCIA)

KUNG attendance lang ang basehan para masabing successful ang isang event, masasabing matagumpay ang red carpet premiere ng ‘Maid in Malacanang’ na ginanap noong Friday, July 29 sa SM The Block Cinemas 1, 2 and 3.

Maraming dumalo sa premiere ng movie. Hindi lang namin alam kung puno lahat ang tatlong sinehan kung saan nagana pang screening dahil nasa Cinema 2 lang kami. Pero maraming tao na dumating, kabilang ang ilang celebrities at cast ng pelikula.

Tungkol naman sa movie, pinakagusto namin ang eksena ni Cesar Montano kasama anak niyang si Diego Loyzaga at ‘yung eksena niya with Ella Cruz.

Siguro dahil si Cesar ang kanilang kaeksena kaya mahusay ang acting nina Diego at Ella.

Masyadong understated naman ang acting ni Ruffa Gutierrez as Madame Imelda Marcos.

Ang budget na P500,000 para sa catering noong red carpet premiere ay ibinigay sa mga biktima ng lindol sa Ilocos at Abra.

“We hope viewers will understand the simple opening night of our film. Enough for me and my family to show our side of the story and history. It is more important now that we help our countrymen affected by the earthquake,” pahayag ni Senator Imee Marcos sa kanyang statement.

***

MAY netizen na pinuna ang pagiging matambok ng pisngi ni Ms. Nora Aunor, ang bagong hirang na National Artist for Film and Broadcast Arts.

Nagtataka ang netizen kung bakit sobrang matambok ang pisngi ng ating Superstar. Dagdag niyang katanungan ay kung nasobrahan daw ba ito sa pagpapa-botox.

Sabi ng isang kaibigang reporter na malapit kay Ate Guy, dahil daw sa iniinom na medication ng aktres kaya tumaba ang pisngi nito.

May mga gamot kasi na may sangkap na nagiging sanhi para mag-bloat ang anumang parte ng ating katawan.
Samantala, nais namin i-congratulate si Ate Guy sa kanyang parangal na Natatanging Alagad ng Sining at Susan Roces Celebrity Award na iginawad sa kanya ng FAMAS sa ika-70th awards night nito last Saturday.

Wish namin na sana maipalabas na ang ‘Kontrabida’ movie na pinagbibidahan niya na dinirek ni Adolf Alix, Jr. para sa production ni Joed Serrano.

(RICKY CALDERON)

SA pag-attend ni Billy Crawford kasama ang beautiful wife na si Coleen Garcia sa Thanksgiving Gala ng GMA Network na ginanap noong Sabado nang gabi sa Taguig City, nakumpirma na tuloy na tuloy na nga ang pagiging Kapuso niya.

Balik-GMA Network na nga ang dating Kapamilya star dahil siya pa rin ang napiling host ng “The Wall Philippines”, na kung saan nagsanib-pwersa ang TV station at Viva Communications Inc. para sa sikat na sikat na game show mula sa Amerika.

Makalipas ang halos dalawang dekada, muling mapapanood si Billy sa GMA bilang game master ng nasabing game show.

Huling napanood si Billy sa GMA-7 noong 2007 sa reality dance show na “Move! The Billy Crawford’s Search for Pinoy Dancers.”

Siguradong kaabang-abang na naman ang mga celebrities na makiki-“drop the balls” kasama si Billy na maglalaro tuwing Linggo na highlight ang state-of-the-art 40-foot wall, na magsisimula na ngayong Agosto.

Nag-advance taping na ang TV host para sa “The Wall Philippines” dahil aalis siya patungong Paris, France sa August 15, dahil isa si Billy sa contestants para sa Season 12 ng “Danse avex les Stars” (Dance with the Stars) at halos dalawang buwan siyang mawawala, para sa naturang kumpetisyon.

Dahil sa balitang ito, lumabas ang balitang baka tuluyan nang iwanan ni Billy ang “Tropang LOL” na ipinalalabas sa TV5, A2Z at Kapamilya Channel, na kung saan pansamantala siyang pinalitan ni Matteo Guidicelli.

Wala naman daw magiging problema sa paglabas ni Billy sa GMA, dahil sa noontime show lang siya may kontrata kaya hindi siya exclusive sa TV5.

Reaction naman ng netizens sa pagsali niya sa dance competition sa France at sa posibleng pagkawala ng ‘Tropang LOL’:

“Dancing with the Stars French edition. Sana manalo sya tapos ma-revive yun career nya sa France.”

“Ayaw niya kasi na kasunod na ng show nila yung Showtime kaya pupunta at sasali sa dance contest ng mga D-List has-been celebs doon sa France.”

“Magaling to si Billy sumayaw at ang galing din mag French kaya I’m sure he will do great! Good luck Billy!”

“Sana manalo si Billy.Magandang award yan sa kanyang careerIn fairness, before Billy came to the Philippines sikat sya sa Europe dati.”

“Mukhang matsutsugi na talaga yung LOL.”

“Oo nga pano na lang ang LOL eh sa kanya na nga lang kumakapit yung iba kahit nga yung may views nang milyones di na pa taas ang ratings ng LOL… Sana lang makabalik pa sya sa IST.”

“Yun nga eh. Sana isama nya na lang si Bayani dun malay mo dun pa sumikat si bayani.

“Malaki chance manalo ni Billy jan, magaling sya sumayaw.”

“Soooo sino na mag bubuhat sa LOL?”

“Edi si Bayani. Ito ang dapat na ipag pray mo ha Bayani,”

“i love his moves! galing sumayaw nito kaya hopefully manalo!! so glad he is back to dancing.”

“Isa sa pinakatalented na artista sa showbiz lahat kaya nya gawin.”

Good luck Billy!

(ROHN ROMULO)