2022 August 24 Archive - People's Balita

November 22, 2024
Search in People's Balita
Ang Diyaryong Pinagkakatiwalaan

Archive for August 24th, 2022

Number coding ng PUVs suspedido

Posted on: August 24th, 2022 by @peoplesbalita No Comments

SINUSPINDE ng Metropolitan Manila Development Authority (MMDA) ang pagpapatupad ng number coding scheme sa mga pampublikong sasakyan sa Metro Manila upang masiguro ang dami ng sasakyan sa pagbubukas ng klase.

“We have agreed to suspend the number coding scheme for public transportation for the school year to pave the way for the smooth opening of face-to-face classes in Metro Manila,” wika ng MMDA.

Pinaalalahanan naman ng MMDA ang mga drivers ng mga pampublikong sasakyan na maaari pa rin silang mahuli at mabigyan na kaukulan multa para sa ibang traffic violations.

Ang Department of Transportation (DOTr) at Land Transportation Franchising and Regulatory Board (LTFRB) ay humingi sa MMDA na suspendihin muna ang pagpapatupad ng number coding scheme at ang programa sa no-contact apprehension (NCAP) upang makatakbo ang mga drivers ng pamapublikong sasakyan sa kanilang mga ruta at nang mabigyan ng serbisyo ang mga estudyante.

Subalit pinagaaralan pa rin ng MMDA kung sususpendihin naman ang pagpapatupad ng NCAP sa Metro Manila.

Sinabihan rin ng LTFRB ang mga drivers at operators na dapat silang tumupad sa mga guidelines at provisions na nakalagay sa kanilang mga prankisa upang maiwasan ang pagpapabayad ng mga multa kasama na ang pagkansela ng kanilang prangkisa.

Noong nakaraang Aug. 18 ay naglabas ng Memorandum Circular (MC) No. 2022-067 ang LTFRB na nagbibigay daan sa pagbubukas ng 33 bagong ruta ng buses at MC No. 2022-068 na naglalayon na buksan ang 68 ruta ng mga PUJs at 32 UV Express para sa pagbubukas muli ng klase sa mga paaralan.

Kung kaya’t binigyan ng LTFRB ang mga pampublikong sasakyan kasama ang PUJs, buses at UV Express ng special permit upang gamitin pansamantala.

Upang mapanatili ang peace at order sa mga paaralan, ang Philippine National Police (PNP) ay nag deploy ng “considerable number” ng mga tauhan nito. Ang mga police personnel ay nakatalaga malapit sa mga paaralan at iba pang academic institutions sa buong bansa.

Habang ang MMDA naman ay nagpadala rin ng 2,238 na traffic personnel sa mga pangunahing lansangan sa Metro Manila. Ang 581 traffic personnel ay nakadeploy sa mga 146 na paaralan sa Metro Manila.

Samantala, libre naman ang pamasahe ng mga estudyante sa Light Rail Transit Line 2 (LRT 2) simula Aug. 22 hanggang Nov. 5. Inaasahang may 40,000 na estudyante ang sasakay sa LRT 2 ngayon pasukan kada araw. Magkakaron ng separate na ticketing booth ang mga estudyante upang kumuha ng kanilang libreng single journey ticket kung saan dapat ay ipakita lamang ang kanilang mga identification cards o di kaya ay ang enrollment registration forms.

Nagbigay din libreng sakay ang Philippine Coast Guard (PCG) sa mga estudyante mula Quezon City at Manila. Tatlong buses ang kanilang patatakbuhin mula 6:00 hanggang 9:00 ng umaga at sa hapon naman ay mula 4:00 hanggang 7:00 ng gabi. LASACMAR

Consumers, ine-enjoy ngayon ang pagbagsak ng presyo ng asukal sa P70 kada kilo- PBBM

Posted on: August 24th, 2022 by @peoplesbalita No Comments

TAPOS na ang paghihirap ng mga ordinaryong mamimili dahil bumaba na sa P70.00 kada kilo ang presyo ng asukal o retail price nito sa mga supermarkets at groceries sa Kalakhang Maynila.

Pinagbigyan kasi ng mga nagmamay-ari ng supermarket at grocery chains ang request ni Pangulong Ferdinand Marcos Jr. na ibaba nila ang presyo ng asukal sa P70.00 mula sa P90-P110 kada kilo.

Dahil dito. pinuri ni Pangulong Marcos ang walang pag-iimbot na tugon ng mga negosyante na batid kung kailan ibaba ang kanilang dapat sana’y magiging tubo para sa kapakanan ng mga Filipino consumers na labis na naghihinagpis mula sa kamakailan lamang na pagtaas ng presyo ng asukal at iba pang pangunahing bilihin.

“This is a classic display of the Filipino spirit of ‘bayanihan’ and love of country. It is good to know that consumers are now enjoying the price-drop of sugar in the leading groceries and supermarkets,” ayon kay Pangulong Marcos.

Matatandaang, pumayag ang mga malalaking supermarkets sa bansa na ibaba ang preyso ng kada kilo ng asukal na kanilang ibinebenta.

Ito ay matapos makipag-usap ni Executive Secretary Victor Rodriguez sa mga malalaking supermarket owners, tulad ng SM Supermarket, Robinsons Supermarket, Puregold Supermarket at S&R Membership Shopping, base na rin sa kautusan ng Pangulong Ferdinand ‘Bongbong’ Marcos Jr.

Nabatid na mula sa P90 hanggang P110 per kilo ay ibababa na ang suggested retail price na P70 kada kilo ng asukal.

“The President lauded the selfless response from these businessmen who are sacrificing not just their own inventory but also their projected business profits for the sake of the ordinary Filipinos at this time when the country is besieged by many problems,” ani Rodriguez.

Sinabi ni Rodriguez na ang SM stores ay nangakong ang segundang asukal (washed sugar) ay ibebenta ng P70, gayundin ang Robinson’s Supermarket na magbabagsak ng isang milyong kilo ng asukal na ibebenta rin ng P70 kada kilo sa Metro Manila.

Nangako rin ang Puregold na ibababa sa P70 kada kilo ang presyo ng kanilang refined sugar at gagawing available sa publiko ang 2 milyong kilo.

Upang matiyak na maraming ‘consumers’ ang makabibili ng murang asukal, sinabi ni Rodriguez na babantayan ng Department of Trade and Industry (DTI) ang bawat merkado upang maiwasan din ang posibleng ‘household hoarding’ ng ilang nangangalakal na mamimili.

Inaasahang babagsak ang presyo ng asukal sa Metro Manila sa susunod na linggo at mananatili ang P70 kada kilo ng asukal’ sa merkado hangga’t may sapat na supply.

Ang Savemore Market ay itinuturing na ‘fastest growing format’ ng SM Markets.

Nagsisilbi rin itong ‘umbrella brand’ ng SM Supermarket, SM Hypermarket at Savemore, pati ang its sister company na Alfamart.

Mayroon itong 1,500 stores na binubuo ng 206 Savemore stores, siyam na Savemore Express stores, 60 SM Supermarket stores, 53 SM Hypermarket stores, at 1,201 Alfamarts.

Ang Robinsons Supermarket, isang dibisyon ng Robinsons Retail Holdings, Inc. ang ikalawang pinakamalaking supermarket chain sa Pilipinas na may 274 stores nationwide.

May 280 operating stores at mahigit 20 food service stalls naman sa buong bansa ang Puregold Price Club, Inc.

Ayon pa kay Rodriguez, maging ang Victorias Milling Company ay nangako rin upang tulungan ang mga ‘traders food manufacturing industries’ sa pamamagitan ng 45,000 sako at 50 kilos per sack bottler-grade sugar para soft drinks companies, tulad ng like Coca-Cola, Pepsi at RC Cola.

Ang Victorias Milling Company, Inc. (VMC or the Company) na may produktong ‘integrated raw and refined sugar’ ay mula sa Barangay XVI, Victorias City, Negros Occidental.

Ang kumpanyang ito na pinakamodernong sugar company sa bansa ay itinatag noong May 7, 1919 ni Don Miguel J. Ossorio.

Bukod dito, nakipagpulong rin si Pangulong Marcos sa mga miyembro ng Philippine Chamber of Food Manufacturers, Inc. (PCFMI) para pag-usapan ang problema sa kakulangan ng supply ng asukal sa bansa.

Ang PCFMI ay principal organization ng manufacturers and distributors ng mga food products sa bansa. Responsable sila sa pagbibigay sa mga mamimili ng ligtas, masustansya at murang processed food products alinsunod sa local and international standards and regulations.

Plano rin ng Pangulong Marcos ang direct importation ng mga food manufacturers bilang bahagi ng ‘emergency measures’ sa pagtugon sa kasalukuyang pangangailangan ng industriya. Kailangan lang nito ng approval ng Sugar Regulatory Administration (SRA) kung saan naman chairman ang Pangulong Marcos.

Ayon kay Pangulong Marcos, hangad niya ang maayos na takbo ng mga negosyo.

Kasama rin ang magkaroon ng seguridad sa trabaho ang mamamayan lalo na sa industriya ng fast-moving consumer goods.

Kaya naman ani Pangulong Marcos, kanyang sinusuri ang pagtatakda ng malinaw na sistema na may kinalaman sa pagtaas ng suplay ng asukal. (Daris Jose)

Ads August 24, 2022

Posted on: August 24th, 2022 by @peoplesbalita No Comments

Pasok suspendido sa gov’t offices, eskwela sa NCR, 6 lalawigan dahil kay ‘Florita’

Posted on: August 24th, 2022 by @peoplesbalita No Comments

SUSPENDIDO na ang pasok sa lahat ng pampublikong paaralan at tanggapan ng gobyerno sa National Capital Region (NCR) at anim pang probinsya mula ngayon hanggang ika-24 ng Agosto dahil sa epekto ng Severe Tropical Storm “Florita” at Habagat.

Nag-ugat ito sa mungkahi ng National National Disaster Risk Reduction and Management Council (NDRRMC) kay Pangulong Ferdinand Marcos Jr. na nilagdaan, Martes.

“Nag-issue na po kami ng announcement na ang trabaho at pasok sa lahat ng lebel in the public sector ay suspendido na po today and tomorrow,” ani Press Secretary Trixie Cruz-Angeles, Martes, sa isang press briefing.

“Sa pribadong sektor, base ‘yun sa discretion ng employers. Pero rekomendado na isuspinde na rin.”

Sakop ng naturang suspensyon ang Metro Manila, Cavite, Laguna, Rizal, Bulacan, Zambales at Bataan.

Kasalukuyang Signal No. 3 sa hilagang bahagi ng Ilocos Norte, Apayao, katimugang bahagi ng Babuyan Islands, mainland Cagayan at hilagangsilangang bahagi ng Isabela dahil sa bagyo.

Una nang nag-anunsyo ng pagkakaantala ng mga klase sa sari-saring paaralan sa Pilipinas kahit na kasisimula pa lang ng face-to-face classes nitong Lunes.

Diskriminasyon ng CHED sa hindi bakunado at bakunado walang basehan –Atty. Larry Gadon

Posted on: August 24th, 2022 by @peoplesbalita No Comments

WALANG legal na basehan ang inilabas na order ng Higher Education Institutions laban sa mga hindi bakunado at hindi kumpletong bakunado na mga mag- aaral ay labag daw sa konstitusyon.

Sa isinagawang pulong Balitaan sa tanggapan ng public attorney’ office sa lungsod ng Quezon City sinabi ni Atty: Larry Gadon, isang paglabag sa karapatang pangtao sa edukasyon at labag sa batas at taliwas sa seksyon 12 ng Republic Act. No 111525.

Nanawagan si Gadon, sa CHED na itigil na nila ang kanilang ginagawang diskriminasyon sa mga estudyante. na hindi bakuna at hindi kumpletong bakunado

Ayon kay Gadon , dapat i-abolish na ng CHED ang kanilang inilabas na memorandum laban sa diskriminasyon sa mga estudyante ng CHED.

Sinabi pa ni Atty Larry Gadon, base sa seksyon 1, artikulo XIV, ng saligang batas ng Pilipinas.(1987 Philippine. Constitution ) malinaw na batayang isinaad na:” nararapat na protektahan at itaguyod ng estado ang karapatan ng naayon sa mga hakbang para masiguradong ang edukasyon ay abot-kamay.

Aniya ang pagbabakuna laban sa COVID 19 ay hindi itinakda ng batas na sapilitan. (BISHOP JESUS “JEMBA” M. BASCO)

THOMAS DOHERTY, THE MYSTERIOUS LORD OF THE MANOR IN “THE INVITATION”

Posted on: August 24th, 2022 by @peoplesbalita No Comments

SCOTTISH actor Thomas Doherty (HBO Max’s Gossip Girl reboot) stars as Walter, the lord of the manor holding court over the wedding events in Columbia Pictures’ terrifying horror-thriller The Invitation.

[Watch the film’s trailer at https://youtu.be/cHF2a2XZxUk]

In the film, after the death of her mother and having no other known relatives, Evie (Nathalie Emmanuel) takes a DNA test…and discovers a long-lost cousin she never knew she had. Invited by her newfound family to a lavish wedding in the English countryside, she’s at first seduced by the sexy aristocrat host but is soon thrust into a nightmare of survival as she uncovers twisted secrets in her family’s history and the disturbing intentions behind their generosity.

“At first he seems like a charming, sweet man who doesn’t fit the aesthetic of what Evie’s just been brought into,” says Doherty of his character. “When he and Evie first meet, there’s a lot of chemistry – a spark. And as that relationship evolves, it intensifies pretty quickly. It seems that because he doesn’t fit into this very conservative world and he sees her as a strong, independent woman from New York, and for that reason, he wants her to stay, to run away with him. Of course, he has his own agenda.”

Playing a character who holds those secrets was a process for Doherty. “To try to embody the character, the best thing to do is to have the weight and heaviness in my eyes. Everything comes from that,” he says. “Obviously, there’s a confidence and a knowingness. It was useful to me to know the character always has a knowing thought at the back of his head.”

“Thomas has that X factor,” says director Jessica M. Thompson. “You can’t not watch him. Part of it is the way he looks – he has these incredible features, so sharp and defined. But the way he commands the space and handles himself… he brings a lot of layers to the role. It’s almost like he’s playing two characters – the charming romantic Lord of the Manor, our leading man… and then he reveals who he really is. That could have been difficult to balance, but Thomas commands the space and makes it look easy.”

Doherty stars in the highly anticipated reboot of Gossip Girl for HBOMax, which premiered in 2021 as HBO Max’s most-watched original series over launch weekend. It has been renewed for a second season. He was previously seen in Hulu’s High Fidelity opposite Zoe Kravitz. He is a graduate of The MGA Academy of the Performing Arts who at the age of 27 has gained a huge following from his starring role as Harry Hook in Disney’s hit franchise Descendants, which garnered nearly 21 million viewers in the most sought after demographic. Doherty has amassed over 4 million social media followers. He can also be seen in HBO’s Catherine the Great opposite Helen Mirren and Jason Clarke.

Now showing in Philippine cinemas nationwide, The Invitation is distributed by Columbia Pictures, local office of Sony Pictures Releasing International. Connect with the hashtag #InvitationMovie

(ROHN ROMULO)

Pangako ng DepEd, lagyan ng ‘pananggalang” ang batas na magbabalik sa mandatory ROTC

Posted on: August 24th, 2022 by @peoplesbalita No Comments

NANGAKO ang Department of Education (DepEd) na makikipagtulungan sa Kongreso na hindi mangyayari ang bullying sakali at maipatupad ang mandatory Reserve Officers’ Training Corps (ROTC).

Sinabi ni DepEd spokesperson Michael Poa, suportado ng departamento ang panawagan ni Pangulong Ferdinand Marcos Jr. na buhayin ang programa subalit nilinaw na ang gagawing pagbabalik sa ROTC ay kailangan na paganahin ang batas, kapangyarihan na nasa ilalim ng legislative branch.

“Para sa kaalaman ng publiko, ang pagsasagawa ng mandatory ROTC is not something DepEd can do. It’s an act of Congress. It will need an enabling law. Tayo, we will have to sit down with Congress and CHED (Commission on Higher Education) kung may mapafile na bill to discuss ‘yung details kung ano ba ang magiging sistema ng ROTC. In terms of the general idea, the DepEd supports ‘yung ating Pangulo sa panukalang ito,” ayon kay Poa.

“We’re not turning a blind eye, alam natin na may insidente ng ganyan. We will not sugarcoat things. This is in the implementation part, that’s why when we see ‘yung panukala….We will make sure na doon sa bill may safeguards na mailalagay para ‘yung bullying ay hindi maulit. Maipapakita natin natuto po tayo sa previous incidents na ganyan,” dagdag na pahayag ni Poa.

Kabilang sa mga mahahalagang legislative agenda na isusulong ng administrasyon ni Pangulong Marcos ay ang pagbabalik ng mandatory ROTC sa senior high school programs sa lahat ng public at private na eskwelahan sa bansa.

Sa kanyang kauna-unahang state of the nation address (SONA) ngayong araw, nanawagan si Pres. Marcos sa Congress na magpasa ng batas para sa pagbabalik ng ROTC upang ihanda ang mga estudyante na ipagtanggol ang bansa at makatulong sila sa ano mang kalamidad o sakuna.

Ayon sa pangulo, ang mga Grade 11 at Grade 12 sa lahat ng pampubliko at pribadong tertiary-level educational institutions ay dapat na i-require na magpatala sa mga military program para mayroong reservists ang Armed Forces of the Philippines (AFP) na makakatuwang nito.

“This will seek to reinstitute the ROTC program as [a] mandatory component of senior high school programs (Grades 11 and 12) in all public and private tertiary-level educational institutions,” pahayag ni President BBM.

“The aim is to motivate, train, organize and mobilize the students for national defense preparedness, including disaster preparedness, and capacity building for risk-related situations,” dagdag niya sa kanyang mahigit isang oras na 1st SONA. (Daris Jose)

Pagbabalik ng ‘in person classes’ malaking tagumpay vs COVID-19 – VP Sara Duterte

Posted on: August 24th, 2022 by @peoplesbalita No Comments

TINAWAG ni Vice president at DepEd Secretary Sara Duterte-Carpio na “malaking tagumpay” para sa mga kabataang Pilipino ang pagsisimula ng in-person classes, Agosto 22.

Pinangunahan ng bise presidente ng bansa ang National School Opening Day Program nitong Lunes sa Dinalupihan Elementary School sa Bataan.

Sa kanyang talumpati, sinabi rito na buong tapang na ginawa ng DepEd ang muling pagbukas ng in-person classes sa kabila ng mga hamon at takot na dala ng COVID-19 pandemic.

Iginiit nito na narinig niya ang panawagan ng ilang organisasyon na suspendihin ang klase sa Septembre o Oktubre ngunit nilinaw nito na priority nila ang kinabukasan ng mga kabataang Pilipino.

Dagdag pa ng bise presidente at kalihim ng edukasyon na naniniwala siyang makukuha lamang ang de-kalidad na edukasyon kapag ibalik na ang in-person classes.

“Ang makakapagpabago sa buhay ninyo ay ang determinasyon ninyong magtagumpay,” ani VP Sara.

Nauna nang iniulat ng kagawaran na walang mga major challenges na na-encounter ang mga paaralan sa pagsisimula ng unang araw ng in-person classes ngayong araw.

Naging mapayapa at ligtas ang pagbubukas ng School Year ‎2022-2023.

Lahat aniya ng mga mag-aaral ay nakasuot ng kanilang mga face masks, at ang kanilang mga temperatura ay sinusuri.

Batay sa datos ng DepEd, 27.8 milyong mag-aaral, na mula sa pribado at pampublikong paaralan, ang nag-enrol para sa akademikong taon na ito

Inaasahan namang tataas pa ang naturang bilang.

Samantala, ang sektor ng edukasyon pa rin ang may pinakamalaking bahagi sa panukalang 2023 national budget na may P852.8 bilyon.

Sinabi ni Budget Secretary Amenah Pangandaman na ang pagtutuunan ng pansin sa social services sector ay ang pangangalaga sa kalusugan at ang ligtas na muling pagbubukas ng mga harapang klase — kaya ang malaking badyet para sa sektor ng edukasyon.

Ang iminungkahing badyet para sa sektor ng edukasyon — na binubuo ng Department of Education (DepEd), state university and colleges (SUCs), Commission on Higher Education (Ched), Technical Education and Skills Development Authority (Tesda) — ay mas mataas kaysa sa inaprubahan noong 2022 General Appropriations Act na nasa P788.5 bilyon. (Daris Jose)

Nasa Los Angeles nang maganap dahil sa ‘BET Awards’: MARIAH CAREY, nanakawan na naman at sa bahay niya sa Atlanta, Georgia

Posted on: August 24th, 2022 by @peoplesbalita No Comments

NILOOBAN ng mga magnanakaw ang bahay ni Mariah Carey sa Atlanta, Georgia.

Ayon sa ginawang imbestigasyon, tatlong lalake ang inaresto na may koneksyon sa pagnanakaw sa bahay ni Mariah. May force entry na ginawa sa back door ng bahay ng singer.

Heto ang official statement ng Sandy Springs Police Department: “The Miami-Dade Police Department captured and placed Jeremy ‘J-Rock’ Caldwell, Terryion Anderson and Jalen Huff under arrest based on the intelligence and investigation of the Sandy Springs Police Department. Caldwell, Anderson and Huff were all connected to the Armed Robberies, Home Invasions and Burglaries in Sandy Springs and the metro Atlanta area.

“A RICO case was indicted at a grand jury hearing this morning, August 22, 2022, with 220 charges brought against a total of 24 gang members, only 4 of which are now outstanding. The charges include Gang Involvement, Home Invasion, Burglary, Aggravated Assault, Possession of a Firearm by Convicted Felons, and many more. The Fulton County Sheriff’s Department will extradite Caldwell, Anderson and Huff from Miami, FL to the Fulton County Jail in the coming days.”

Nagpahatid ng kanyang pasasalamat si Mariah sa mga taong may kinalaman sa pag-imbestiga. Nung mangyari raw ang pagnanakaw sa kanyang bahay ay wala siya Atlanta at nasa Los Angeles siya para sa ‘BET Awards’.

Hindi ito ang unang beses na manakawan si Mariah. Ang bahay niya noon sa Los Angeles ay pinasok din ng mga magnanakaw at natangay ang $50,000 worth of purses and sunglasses.

***

EXCITED na ang Sparkle artists na sina Crystal Paras at Vilmark Viray na i-promote ang kanilang singles sa ilalim ng GMA Playlist at GMA Music.

“Hintay” ang title ng single ni Crystal at “Paraya” naman kay Vilmark.

Dahil puwede nang mag-show sa mga probinsya, mauuna muna silang mag-show for GMA Regional TV. Dasal nila na sunod naman sa abroad via GMA Pinoy TV.

Sa ‘Starstruck’ season 7 galing si Crystal at nakatulong daw ang theater background niya sa naturang contest kahit na siya ang unang natanggal.

Si Vilmark naman ay maaga ring napauwi sa ‘The Clash’ season 4 pero nakabalik siya dahil sa Wildcard Round at naging 1st runner-up pa siya.

Parehong tungkol sa pag-ibig na nawala ang tema ng awitin nila na tiyak makaka-relate ang marami sa hugot lyrics ng Hintay at Paraya.

(RUEL J. MENDOZA)

E-Commerce bill, hiniling ng DTI sa Senado na aprubahan

Posted on: August 24th, 2022 by @peoplesbalita No Comments

HINILING ng Department of Trade and Industry (DTI) sa Senado na aprubahan ang pagpapasa upang maging ganap na batas ang Internet Transactions Act.

Sinabi ni DTI Assistant Secretary Mary Jean Pacheco na ang Internet Transactions Act, o E-Commerce law, ay isa sa mga priority legislative agenda ng administrasyong Marcos.

“We’d like to see a robust e-commerce sector that will also protect consumers, data privacy, intellectual property and security, as well as of course product and safety standards,” ayon kay Pacheco sa idinaos na virtual organizational meeting kasama ang Committee on Trade, Commerce, and Entrepreneurship.

Tinukoy nito ang Google-commissioned “e-Conomy Southeast Asia Report” para sa taong 2021 na nagsasabing ang Pilipinas ang “fastest growing internet economy” sa Southeast Asia na mayroong 12 milyong consumers at maaaring umabot sa US$40 billion “in value” sa taong 2025.

“Overall, the Philippines was the fastest-growing market in the region, driven by strict lockdowns as well as a tipping point on the adoption of certain digital services,” ang nakasaad sa report, may 39% ng digital merchants na nagsasabing hindi ito makaka- survived sa pandemiya kung wala ang digital platforms.

Ang panukalang E-Commerce Act ay naglalayong “to create an E-Commerce Bureau under the DIT to regulate internet commercial activities and protect consumers who engage in online transactions.”

Samantala, hiniling din ni DTI Secretary Alfredo Pascual sa mga senador na sang-ayunan ang paglagda ng Pilipinas sa Regional Comprehensive Economic Partnership trade deal at pag-amiyenda sa Republic Act 9501 o Magna Carta for Micro, Small and Medium Enterprises. (Daris Jose)