2022 September 30 Archive - People's Balita

November 22, 2024
Search in People's Balita
Ang Diyaryong Pinagkakatiwalaan

Archive for September 30th, 2022

Pagpapaliban ng barangay, SK elections, niratipikahan

Posted on: September 30th, 2022 by @peoplesbalita No Comments

NIRATIPIKAHAN na ng Kamara ang bicameral conference committee report kaugnay sa pagpapaliban ng barangay at Sangguniang Kabataan (SK) elections, na nakatakdang gawin ngayong Disyembre.

Sa inaprubahang bersyon ng Bicam ay sa huling Lunes ng Oktubre 2023 idaraos ang Barangay at SK elections kung saan ang mga mananalo sa naturang eleksyon ay manunungkulan sa November 30, 2023.

Mananatili muna ang mga kasalukuyang mga opisyal ng barangay sa puwesto habang hindi pa naisasagawa ang halalan, maliban na lamang kung masususpinde o maaalis sila sa posisyson.

Matapos ang halalan sa Oktubre 2023 ay idaraos na kada tatlong taon ang Barangay at SK elections.

Para naman sa usapin ng pondo na gagamitin, kukunin ito sa alokasyon ng Commission on Elections (Comelec), sa ilalim ng General Appropriations Act (GAA) o magpasa at mag-apruba ng supplementary appropriations ang Kamara. (Ara Romero)

Kabilang sa nag-congratulate ang estranged husband na si Pancho: MAX, ni-reveal na makakasama si CHRISTIAN KANE sa season 2 ng ‘Amazing Paradise’

Posted on: September 30th, 2022 by @peoplesbalita No Comments

NANG huli naming makausap ang Kapuso actress na si Max Collins, nabanggit na niya na may kina-e-excite siyang project, pero confidential pa kaya hindi pa niya ma-reveal.

So, obviously, ito pala ang ‘Amazing Paradise’ season 2 na napapanood sa Amazon Prime. Natapos ang season 1 nito noong May 2021 and since then, may clamor na nga for season 2.

Ang ‘Amazing Pardise’ ay isang American-Filipino crime drama TV series na ang nag-produce ay si Dean Devlin at Gary Rosen. At ito rin ang kauna-unahang serye na entirely ang kinunan sa Pilipinas.

Bida ng serye ang American actor na si Christian Kane at sa Instagram post nga ni Max, kasama niya ito. At sa caption niya, “Secret’s out! I’m part of Almost Paradise season 2! Can’t wait for you all to watch it on Amazon Prime.

“So lucky I get to work with this action star, @christiankane1.”

Maraming mga celebrities na nag-congratulate kay Max. Kabilang na rito ang asawa o estranged husband na ba niya na si Pancho Magno nag-comment ng clap emojis at nag-thank you naman si Max.

***

NILUNSAD si Toni Gonzaga bilang bagong celebrity endorser ng online shopping na Shopee.

Pero hindi kaya napapaisip na ngayon ang management kung tama o mali ang pagkakapili nila rito para maging endorser?

The very minute pa lang na may paandar na pa-‘guess who’ kung sino ang new endorser, inulan na ng mga negative comments ng mga netizens ang Shopee.

Nag-trending nga sa Twitter na lang ang mga hashtags na “Toni Gonzaga,” at “Bye Shopee.” Sigurado rin na aware na by this time ang mga ito sa mga nag-delete ng app na Shopee at sa kalabang online shopping app na lang daw sila.

Yes, cancelled culture is so in thing now. Pero mukhang mas sa part ni Toni. Kahit ‘yung teaser ng bago niyang movie kunsaan, teacher ang role niya, ang savage rin ng mga comments.

Sa isang banda, nakita namin na kahit ang veteran actor na si Jaime Fabregas ay nag-tweet na dinilete na niya ang app niya. Ni like rin ni Edu Manzano ang tweet na ito.

Sabi ni Jaime, “I have deleted my Shopee account. Matagal ko nang gustong gawin dahil sa gastos pero ngayon nagkaroon ng mas malalim na dahilan.”

At sobrang dami pang negative comment patungkol kay Toni. Hindi rin naman maitatanggi na may mga nagtatanggol at nagko-congratulate sa kanya sa bagong raket, pero dami talagang hate comments at ‘di siya ma-take.

(ROSE GARCIA)

International flights ‘wag nang idaan sa Manila – PBBM

Posted on: September 30th, 2022 by @peoplesbalita No Comments

HINDI dapat ipilit na dumaan pa sa Manila ang mga international flights na dumarating sa bansa, ayon kay Pangulong Ferdinand Marcos Jr. Sa kanyang talumpati sa grand opening ng bagong terminal building sa Clark International Airport sa Mabalacat City, Pampanga, sinabi ng Pangulo dapat dumiretso na ang biyahe sa mga pupuntahang lugar katulad ng Bohol, Cebu, Cagayan de Oro at Davao.

“Huwag nating pinipilit lahat na kailangan dumaan ng Maynila. So, direct na sa Bohol, direct na sa Cebu, marami na talagang direct. Direct sa CDO, direct sa Davao na mayroon na rin. Ganon, para ‘di na kailangang dumaan ng Maynila. Kaya’t itong ganitong klaseng project is exactly on point when it comes to the plans that we have,” ani Marcos.

Sinabi ni Marcos na habang inaayos pa ang airport sa Maynila at hindi pa naitatayo ang airport sa Bulacan ay dapat magamit ang mga paliparan sa ibang rehiyon.

Ipinahiwatig din ni Marcos na magtutuloy-tuloy na ang iba pang mga proyekto sa ilalim ng public-private partnerships.

Naantala lang aniya ang mga nakahanay na proyekto dahil sa pandemya at panahon na para balikan ang mga kahalintulad na proyekto kung saan nagtutulungan ang gobyerno at pribadong sektor. (Daris Jose)

After ng concerts sa Australia at sa Las Vegas: SHARON, inaasahang magsisimula nang mag-taping ng TV series na ‘Concepcion’

Posted on: September 30th, 2022 by @peoplesbalita No Comments

NANINIWALA si Kych Minemoto na pwede siyang magkagusto to an elder woman, tulad ng karakter na ginagampanan niya sa Viva movie na ‘May, December, January.’

Sa pelikulang dinirek ni Mac Alejandre, magkakagusto si Kych sa character being played by Andrea del Rosario, na nanay ng best friend niya played by Gold Azeron.

“Iba rin kasi ang impact pag nagkagusto ka to someone older. Grabe sila magbigay ng time, mag-care, magbigay nang pag-unawa,” pahayag pa ni Kych.

Dream come true daw para kay Kych na nakasama siya sa cast ng ‘May, December, January’ kasi mula ito sa script ng National Artist for Film and Broadcast Arts na si Ricky Lee.

Pinag-aralan daw niya at pinaghandaan ang role ni Migoy dahil na-challenge siya rito.

“Hindi naman ko naman masasabi na sobrang hirap ng role pero kailangan ko itong maintindihan lalo na may connection ‘yung anak at ina sa akin. I really needed to understand the script para maitawid ko ‘yung role nang tama,” wika pa ni Kych.

Wala rin kaso kay Kych na mayroon silang kissing scene at love scene ni Gold na matagal na niyang kaibigan.
“Wala naman itong effect sa akin kasi parte naman ito ng acting and I am just playing a role. I guess mas madali for me and Gold to do the intimate scene kasi magkaibigan kami at hindi kami nailing sa isa’t-isa.”

Natuwa rin si Kych nang malaman na sa mga sinehan ipalalabas ng Viva ang ‘May, December, January’ on October 12.

Ito ang biggest role ni Kych since he appeared sa ‘Gameboys’.

***

SA October 15 ang simula ng concert tour ni Megastar Sharon Cuneta sa Australia and she will be performing sa Woodville Town Hall sa Adelaide at 7 p.m.

Ang next show niya ay sa October 22 sa Perth na gagawin naman sa Winthrop Hall ng University of Western Australia.

Sa Sydney, Australia naman ang susunod niyang concert na gagawin naman sa Sydney Coliseum Theatre on October 28 at ang final show niya is on October 29, na gaganapin naman sa Williamston Town Hall sa Melbourne.

Sa November 5 naman ay nakatakdang mag-perform si Sharon sa Orleans Arena ng The Orleans Hotel and Casino kasama ang tropa ng ‘ASAP Natin ‘To’. Ang show ay produced ng ABS-CBN Entertainment, iWantTFC at TFC.

Tiyak na nakaabang na ang mga fans ni Ate Shawie na manood ng kanyang concert both sa Australia at sa Las Vegas.
Inaasahan din na pagbalik ni Sharon from her concerts abroad ay magsisimula na siya ng trabaho sa ‘Concepcion,’ ang TV series na co-prod ng ABS-CBN at isang foreign company.

(RICKY CALDERON)

Pole vault sensation EJ Obiena mainit na tinanggap ng UST para sa kanyang homecoming

Posted on: September 30th, 2022 by @peoplesbalita No Comments

GINANAP ang pagtanggap sa world’s number 3 pole vaulter na si EJ Obiena sa University of Sto. Tomas (UST) sa lungsod ng Maynila kung saan mainit siyang sinalubong ng mga opisyal at mga estudyante para sa kanyang homecoming.

Bandang alas-10:05 ng umaga nang makarating si Obiena sa unibersidad kasama ang kanyang girlfriend na isa ring atleta mula Germany na si Caroline Joyeux.

Una rito, naging puspusan daw ang paghahanda ng nasabing institusyon para sa victory homecoming ng dating Olympian.

Sinabi ni Joreen Rocamora ng UST Office of Public Affairs, gagawaran ng St. John Paul II Award si Obiena kung saan ibinibigay ito sa mga estudyanteng may outstanding achievement mapa-national o international competition man sa larangan ng sports.

Inaasahan naman na mas magiging busy nang muli sa mga trainings ng nasabing atleta para sa paghahanda sa mga susunod pa niyang mga laban.

LTFRB: Pinayagan ang nakatayong pasahero sa mga PUVs

Posted on: September 30th, 2022 by @peoplesbalita No Comments

NAGLABAS ng isang memorandum circular ang Land Transportation Franchising and Regulatory Board (LTFB) na pinapayagan na magkaroon ng mga nakatayong pasahero sa mga pampublikong transportasyon.

Kasama sa pinayagan ang mga pasahero sa mga buses at modern jeepneys. Ayon sa LTFRB ay naaayon ng payagan na magkaroon ng tayuan sa mga pampublikong transportasyon lalo na at kung rush hours at tama lamang ibalik ang pre-pandemic practice na pagsasakay ng may nakatayo.

“The surge of commuters during peak hours prompted the board to consider ways to address passenger demand,” wika ng LTFRB. Ang nasabing memorandum ay may lagda ni LTFRB chairman Cheloy Garafil.

Naglagay ng maximum number ang LTFRB para sa mga nakatayong pasahero sa mga PUVs. Ang maximum na pasahero ay hindi lalagpas sa 15 sa mga low-floor buses. Sampu (10) naman sa mga coach-type na buses at lima (5) sa modern jeepneys.

Pinaalalahanan naman ng LTFRB ang mga commuting public na mahigpit na sumunod sa COVID 10 protocols tulad ng pagsusuot ng face mask at kinakailangan one person apart sa loob ng sasakyan.

Ang mga operators ay kinakailangan na sumunod sa polisiya tungkol sa mga nakatayong pasahero upang hindi sila mabigyan ng sanctions ng LTFRB.

Sa kabilang dako naman, ayon sa Metropolitan Manila Development Authority (MMDA) ang kanilang ahensiya ay naglungsad ng isang app para sa mga reklamo tungkol sa mga apprehensions.

Ang mga motoristang nabigyan ng citation ticket at gustong maghain ng reklamo ay maaaring mag- log-on sahttps://bit.ly/3/62YhH.

Kinakailangan lamang na sila ay magbigay ng contract number at detalye tungkol sa kanilang sasakyan, atb. Maaaring hanggang limang (5) citation tickets ang maupload kada isang form.

“Complainants would have to wait three working days for an employee of its Traffic Adjudication Division to contact them and schedule an in-person hearing at the MMDA office, where they should present the tickets and required documents for verification,” saad ng MMDA.

Ang resolusyon ng nasabing reklamo ay ibibigay kung hindi personally ay sa pamamagitan ng email. Maaaring maghain ng motion for reconsideration ang motorista na naka-address sa chairman ng MMDA.

Nilinaw naman ni MMDA chairman Carlo Dimayuga na ang nasabing online form ay para lamang sa physical traffic apprehension at hindi kasama ang kontrobersial na no-contact apprehension policy (NCAP) na sinususpinde ng SC kamakailan lamang.

Binalaan din ni Dimayuga ang mga motoristang magbibigay ng mali o hindi tamang impormasyon kung saan sila ay maaaring makasuhan ng perjury at disqualification sa paggamit ng nasabing online form. LASACMAR

Sa pagiging role model sa mga kabataan sa buong mundo: LEA, tinanghal na 2022 Time Magazine Impact Awardee

Posted on: September 30th, 2022 by @peoplesbalita No Comments

Ang Philippines’ Pride na si Lea Salonga ang tinanghal na 2022 Time Magazine Impact Awardee for inspiring children of color around the world.

Ang Broadway Superstar at Disney Princess ay kabilang sa mga pararangalan ngayong taon ng TIME100 Impact Awards na kumikilala sa mga pandaigdigang lider at visionaries na higit na sumulong sa kani-kanilang industriya.

Si Lea ay pinarangalan bilang isang “role model para sa mga kabataan” at isa sa tampok na Setyembre 25 na isinulat ng Sanya Mansoor ng Time Magazine, para sa kanyang mga nagawa sa teatro at pelikula.

“In her four-decade award-winning career as an actress and singer, Salonga has emerged as not only a Disney and Broadway icon, but a role model for children of color,” ayon sa Time Magazine.

Ang multiple award-winning na aktres at mang-aawit ay ang orihinal na boses ng pagkanta ng Disney Princess na si Jasmine mula sa Aladdin at sa Fa Mulan para sa Mulan at Mulan II. Mula noon ay binansagan na siya na isang Disney Legend para sa kanyang trabaho sa mga hit na Walt Disney animated films.

Kilala sa buong mundo si Salonga dahil sa kanyang powerful voice na nagkamit ng Tony Award para sa role niya sa Miss Saigon. Bumalik siya sa entablado ng Tony Awards bilang isa sa mga celebrity presenter para sa ika-74 na taunang seremonya sa Winter Garden Theater sa New York noong nakaraang taon.

“Salonga prides herself on promoting representation in Hollywood and on Broadway, and showing underrepresented groups that their stories matter,” dagdag pa ni Mansoor.

Si Salonga ay patuloy na gumagawa ng mga ingay sa Hollywood at kamakailan ay gumanap sa papel ni Elodie Honrada sa “Pretty Little Liars” spinoff series, Original Sin, na na-renew para sa pangalawang season.

Nauna nang minarkahan ng Filipina singer at aktor ang kanyang pagbabalik sa pag-arte sa pelikula at telebisyon sa pamamagitan ng pagsama sa kapwa Miss Saigon star na si Eva Noblezada sa “Yellow Rose“, isang kritikal na kinikilalang musical drama film tungkol sa buhay ng mga Pilipinong imigrante sa United States.

Si Lea Salonga at ang tatlong iba pang mga awardees ng Impact Award ay pararangalan sa isang pagdiriwang ng gabi sa National Gallery Singapore kasunod ng inaugural na TIME100 Leadership Forum ngayong Oktubre 2, 2022.

Nauna nang pinarangalan ng TIME Magazine ang Philippine journalist na si Maria Ressa bilang Person of the Year, dating pangulo ng Pilipinas na si Corazon Aquino bilang isa sa 100 Women of the Year, at ang Filipino American na si Olivia Rodrigo bilang Entertainer of the Year.

(ROHN ROMULO)

Pinas, handang baguhin ang ilang patakaran na may kinalaman sa pagnenegosyo

Posted on: September 30th, 2022 by @peoplesbalita No Comments

NAKAHANDA si Pangulong Ferdinand Marcos Jr. na baguhin ang ilang regulasyong ipinatutupad hinggil sa pagnenegosyo para sa kapakanan ng mga mamumuhunan.

Ito ang inihayag ni Pangulong Marcos sa gitna ng panghihikayat sa mga investors na mamuhunan sa Pilipinas.

Tiniyak ng Punong Ehekutibo na handang padaliin ng Pilipinas ang pagpo- proseso sa mga rekisitos na itinatakda sa pagnenegosyo sa bansa katulad ng documentation at Ilang procedures.

Kabilang na rin aniya ang istraktura at maging sa aspeto ng lehislatura ay nakahanda ang gobyerno na magsagawa ng pagbabago para sa kapakanan ng mga negosyanteng gustong mag- invest sa bansa.

Batid naman aniya niya ang pangangailangan ng mga potential investors at gagawin aniya ng pamahalaanang lahat para sa posibleng partnership ng pamahalaan at ng mga nasa pribadong sektor sa ilalim ng Public-Private Partnership (PPP).

“The simple message that underlay all that we did was that the Philippines is here, we are a good place to invest, we are probably the most vibrant economy in Southeast Asia,” ayon sa Pangulo.

“And we understand the requirements and the needs of our potential investors, and we will do everything so that that partnership becomes to the advantage of both the private sector, the public sector, to the people,” wika pa nito. (Daris Jose)