MAAARING nagdudulot ng kamakailang pagtaas ng mga bagong kaso sa National Capital Region (NCR) ang isang bagong subvariant ng COVID-19 ayon sa OCTA Research group.

Inihayag ni OCTA fellow Guido David na hindi sila sigurado kung bakit may muling pagkabuhay sa mga kaso sa Metro Manila.

Maaari itong maging bagong subvariant dahil sinusubaybayan din namin ang mga bagong subvariant sa ibang bahagi ng mundo.

Sinabi ni David na maaari ding tumaas ang mga bagong kaso ng COVID-19 sa ibang mga lalawigan, dahil sa mataas na mobility dahil sa pagpapatupad ng face-to-face classes at sa darating na Christmas season.

Sinabi niya, gayunpaman, na ang ibang mga lugar kung saan isinasagawa ang mga in-person classes ay hindi nag-ulat ng pagtaas ng trend sa mga kaso tulad ng sa NCR.

Nauna nang kinumpirma ng Department of Education (DepEd) na may naitalang kaso ng COVID-19 sa mga estudyante, guro at non-teaching personnel, bagama’t hindi pa ito naglalabas ng datos.

Nang tanungin tungkol sa epekto ng boluntaryong face mask policy sa mga panlabas na lugar, sinabi ni David na hindi pa sila sigurado dahil ang pagtaas ay kasalukuyang limitado sa ilang mga lugar.

KAILANGAN ng mga public utility vehicles (PUVs) ang kumuha muna ng fare matrix mula sa Land Transportation Franchising and Regulatory Board (LTFRB) upang sila ay makasingil ng mataas na pamasahe.

Mula sa datos ng LTFRB noong Huwebes, may 30,183 na PUVs ang naghain ng kanilang applications para sa bagong fare matrix na kailangan ng mga drivers upang sila ay makasingil ng mataas na pamasahe.

Ang mga nasabing aplikante ay 11 percent lamang mula sa kabuuang 256,621 na PUVs na pumapasada sa buong bansa sa ilalim ng ginagawang fare increase.

Sa pinakabagong datos ng LTFRB, lumalabas na may 17,496 mula sa kabuuang 182,615 na mga public utility jeepneys (PUJs) sa buong bansa ang kumuha ng fare matrix.  Habang may 1,263 na city buses at 5,344 na provincial buses ang naghain ng kanilang aplikasyon. Samantalang, ang mga taxis at airport taxis ay may 6,053 at 27 na aplikasyon, ayon sa pagkasunud-sunod.

Pinaliwanag naman ng LTFRB na hindi na kailangan ng mga transport network vehicle service (TNVS) units ang maghain ng aplikasyondahil ang fare matrix ay nakalagaynasa app nila.

“Commuters may file complaints against PUV operators and drivers who demand higher fares as it is for their safety that the guides are being required,” wika ng LTFRB.

Ang base fare para sa mga traditional na jeepney ay provisionally tinaas ng P12 mula sa dating P11 habang ang modern jeepneys ay nagtaas ng base fare na P14 mula sa dating P13. Magkakaroon din ng per kilometer rate increase na P1.80 mula sa dating P1.50 para sa traditional jeepneys at P2.20 naman mula sa dating P1.80 para sa modern jeepneys.

Magkakaroon naman ng P2 uniform base fare ang city at provincial buses kung saan ito ay magiging P13 at P15, ayon sa pagkasunud-sunod. Binigyan din ng board ang approval para tumaas ang per kilometer ng ordinary city buses ng P2.25, P2.65 para sa air-conditioned buses, P2.65 para sa air-conditioned city buses, P2.10 sa provincial deluxe, P2.35 para sa special deluxe at P2.90 sa luxury buses.

Binigyan din fare hike ang taxis at TNVS kung saan ito ay naging P5 ang flagdown rate.

Pinaalalahanan naman ni LTFRB chairman Cheloy Garafil ang mga PUV drivers at operators na kumuha ng fare matrix bago sila mangolekta ng mataas na pamasahe. Ayon sa kanya, ang isang pasahero ay puwedeng magbayad ng kusa kahit na walang fare matrix subalit ang isang pasahero ay maaari ring maghain ng reklamo laban sa mga drivers na hindi sumusunod.

“It it’s a donation, there’s nothing wrong with that, but some passengers may have a problem with that because it is for their safety that fare guides are required to stamp out colorum vehicles, or those plying the roads without a franchise. A fare matrix is required as a protection for our passengers. We want to make sure all vehicles operating on the road are not colorum,” wikaniGarafil.

Sinabi naman ni Garafil na wala pang desisyon ang LTFRB tungkol sa inihain na petisyon ng UV Express para sa pagtataas ng pamasahe.  Ang mga taxis naman hindi na kailangang sumailalim sa calibration ng kanilang meters kung sila ay mayroong fare matrix.  LASACMAR

NAGBABALA ang Bureau of Immigration (BI) hinggil sa paglaganap ng mga pekeng social media accounts sa Facebook ang mga larawan at impormasyon ng kanilang mga empleyado gamit ang official seal ng ahensiya upang mahikayat ang publiko na makipagtransaksyon sa kanila.

Ginawa ni BI Commissioner Norman Tansingco ang babala kasunod ng mga ulat na ginagamit ng mga scammers ang social media accounts na nagpapanggap silang mga empleyado ng ahensiya.

“These scammers reportedly disguise as immigration lawyers and legal officers. They create profiles using photos of our employees, their badges, and even the logo of the bureau,” ayon kay Tansingco .

Kasunod nito, ipinaalala ni Tansingco sa lahat ng empleyado na makipag-transaksiyon sa labas ng pasilidad o tanggapan ng ahensiya.

“There have been reports in the past where fake social media profiles have fueled scams and have gotten people duped out of money,” ayon pa Tansingco.

Ikinadismaya rin ni Tansingco ang paglaganap ng bilang ng mga pahina ng social media. “It is illegal to assume the identity of others, more so to demand money from anyone using the government’s name,” sinabi ni Tansingco. “The BI strongly warns the public against internet acquaintances. Remain keen to avoid being victimized,” dagdag pa nito.

Nakipag-usap na rin sila Cybercrime Investigation and Coordinating Center (CICC) upang upuan ang isyu na nakakaapekto sa operasyon ng BI.

Pinapayuhan ang publiko na tumawag sa BI’s hotline (02) 8465-2400, o sa kanilang BI social media page sa www.facebook.com/officialbureauofimmigration. (BISHOP JESUS “JEMBA” M. BASCO)