2022 November 03 Archive - People's Balita

December 22, 2024
Search in People's Balita
Ang Diyaryong Pinagkakatiwalaan

Archive for November 3rd, 2022

“Paeng” hits over 2,000 Bulakenyos

Posted on: November 3rd, 2022 by @peoplesbalita No Comments

CITY OF MALOLOS — A total of 2,214 individuals or 643 Bulakenyo families were affected by Severe Tropical Storm “Paeng”, Provincial Disaster Risk Reduction and Management Council (PDRRMC) reported yesterday.

The PDRRMC said that Provincial Social Welfare and Development Office reported that affected individuals from nine municipalities including the towns of Bulakan, Pulilan, Hagonoy, Paombong, Calumpit, Bocaue and Guiguinto and the Cities of Meycauayan and Malolos were housed in 48 locations that served as evacuation centers.

Acting Governor and PDRRMC Chairman Alexis C. Castro led the relief operations on October 30 and 31 to affected Bulakenyo families with a total of 960 relief goods from the PGB and some donors.

Further, as of October 31, a total of P115,306,617.66 partial/ unofficial damage on agriculture and fisheries were also reported after Severe Tropical Storm Paeng’s wreaking havoc in the province.

Reports also stated a partially damaged creek bank protection and totally damaged street lights and open canal at the City of San Jose Del Monte.

As of 8 am on the same day, all roads are already passable to any kinds of vehicle while there are 45 barangays/areas that were still flooded. (BISHOP JEMBA BASCO)

Ads November 3, 2022

Posted on: November 3rd, 2022 by @peoplesbalita No Comments

Kelot kalaboso sa pambabastos at tangkang panunuhol sa pulis at biktima

Posted on: November 3rd, 2022 by @peoplesbalita No Comments

ISINELDA ang isang kelot matapos tangkain suhulan ang mga pulis at biktima nang maaresto sa entrapment operation dahil sa pambabastos sa 19-anyos na senior high school student sa Navotas City, kamakalawa ng madaling araw.

Nahaharap sa kasong paglabag sa R.A 11312 of the Safe Spaces Act at attempted corruption of public official ang naarestong suspek na kinilala bilang si Jaymart Como, 26, batilyo ng 155 Angeles St. Brgy. San Roque.

Sa kanyang report kay Navotas police chief P/Col. Dexter Ollaging, sinabi ni PSMS Felbie Lim Puda na dakong alas-9:56 ng Lunes ng gabi, habang sakay ang suspek sa isang motorsiklo ay nilapitan nito ang biktima na itinago sa pangalang “Alyana” na papunta sa bahay ng kanyang kapatid na lalaki at nagtanong kung saan ang papuntang Kapitbahayan area saka nagpakilala bilang si “Jason”.

Itinuro ng biktima ang direksyon at dahil wala siyang nakitang masamang balak nang hiningi ng lalaki ang kanyang cellphone number para may matawagan sakaling hindi mahanap ang lugar ay ibinigay naman niya ito.

Ilang sandali pa ay nakatanggap ng tawag ang biktima mula kay Como, ngunit laking gulat niya nang tanungin siya ng suspek kung virgin pa ba siya, na sinundan pa ng mga masasama at bastos nasalita na naging dahilan upang i-record ng dalaga ang kanilang pag-uusap.

Nang hilingin ni Como sa dalaga na makipagkita sa kanya sa harap ng Kapitbahayan Elementary School ay pumayag ito, ngunit bago pumunta sa lugar ay humingi muna ng tulong ang biktima sa barangay tanod ng Brgy. NBBS Kaunlaran at kay P/SSgt. Mar Arrobang ng Kaunlaran Police Station na agad nagkasa ng entrapment operation na nagresulta sa pagkakaaresto sa suspek alas-2:03 ng madaling araw.

Tinangka pang suhulan ni Como ang biktima at ang umaarestong pulis sa pamamagitan ng pag-alok sa kanila ng P20,000.00 at P50,000.00 kapalit ng kanyang kalayaan nito subalit, nabigo siya.

Narekober ng pulisya sa suspek ang P70,650.00 cash, peso coins sa magkakaibang denominations, company ID, driver’s license, mobile phone ay bullcup. (Richard Mesa)

110 na ang nasawi, 101 sugatan, 33 missing sa hagupit ng bagyong Paeng – NDRRMC

Posted on: November 3rd, 2022 by @peoplesbalita No Comments

UMAKYAT na sa 110 ang bilang ng mga indibidwal na nasawi sa pananalasa ng bagyong Paeng.

Ito ay batay sa latest data na inilabas ng National Disaster Risk Reduction Management Council (NDRRMC0 nitong umaga ng Martes.

Pinakamarami sa napaulat na nasawi ay nanggaling sa Bangsamoro Autonomous Region in Muslim Mindanao (BARMM) na nasa 59.

Nakapagtala din ang Region 6 ng 22 fatalities; 12 galing sa Calbarzon; 5 sa Region 8; 4 sa Region 9; nasa 3 ang nagmula sa Region 12; 2 mula sa MIMAROPA at tig-isa sa CAR, Region 5 at Region 7.

Sa naturang bilang, 79 pa lang ang kinukumpirmang nasawi na may kinalaman sa bagyo habang 31 ang for validation pa.

Maliban diyan, may napaulat din na 101 nasugatan at umaabot sa 33 ang nawawala dahil sa bagyo.

Isinailalim na rin sa state of calamity ang BARMM, tatlong probinsiya at anim na siyudad at munisipyo.

Tumaas din ang bilang ng mga indibidwal na apektado sa pananalasa ng bagyo.

Sa datos ng NDRRMC umabot na sa 741,777 na pamilya o katumbas ng mahigit 2.4 million indibidwal mula sa 17 rehiyon sa bansa. (Daris Jose)

PBBM, nagdeklara ng State of Calamity sa mga ‘Paeng’-hit regions

Posted on: November 3rd, 2022 by @peoplesbalita No Comments

INILAGAY ni Pangulong Ferdinand R. Marcos Jr. ang Region IV-A (Calabarzon), Bicol Region, Western Visayas, at Bangsamoro Autonomous Region in Muslim Mindanao (BARMM) sa ilalim ng state of calamity sa loob ng anim na buwan.

Ito’y bunsod na rin ng matinding pagkawasak ng mga nasabing lugar dala ng Severe Tropical Storm “Paeng.”

Nauna rito, nagpalabas ang Pangulo ng Proclamation No. 84, inaatasan ang lahat ng concerned government departments at agencies na ipagpatuloy ang implementasyon ng “rescue, relief, and rehabilitation measures” sa mga lugar na labis na naapektuhan ni “Paeng”.

“All departments and other concerned government agencies are also directed to coordinate with the LGUs to provide or augment the basic services and facilities of affected areas,” ang nakasaad sa proklamasyon na tinintahan para sa Pangulo ni Executive Secretary Lucas Bersamin.

Nakasaad sa nasabing proklamasyon na “the President may include other areas in the declaration of a state of calamity if warranted, taking into consideration the continuing damage assessment in affected areas based on the recommendation of the National Disaster Risk Reduction and Management Council (NDRRMC) and the conditions provided by law.”

Matatandaang, tanggihan ng Pangulo ang mungkahi ng National Disaster Risk Reduction and Management Council na isang taong state of calamity para sa buong Pilipinas.

Sa ulat, umabot na sa 121 ang namatay dahil sa nagdaang severe tropical storm, 103 naman ang nasugatan at 36 naman ang nawawala.

Dahil dito, pumalo na sa 3.18 milyon ang apektadong mga residente nito, ayon sa NDRRMC.

Maliban pa diyan, nagdulot din ito ng P1.27 bilyong halaga ng pinsala sa sektor ng agrikultura. Bukod pa riyan, lagpas P896 milyon na rin ang estimated cost of damage sa infrastructure sa ngayon.

Kinalampag naman ang lahat ng kagawaran at ahensiya na makipagtulungan sa mga lokal na pamahalaan para makapagbigay ng karagdagang basic services at facilities saa mga naapektuhan lugar.

“Law enforcement agencies, with support from the Armed Forces of the Philippines, are directed to undertake all necessary measures to ensure peace and order in affected areas,” ang winika ni Pangulong Marcos.

Sinasabing, epektibo ring nagpapatupad ng “automatic price control” sa mga batayang pangangailangang ibinebenta sa mga lugar na nasasakupan ng state of calamity, ayon sa R.A. 7581.

Samantala, hangga’t hindi binabawi ng Pangulo ang price control sa basic necessities ay magiging epektibo ito sa loob ng 60 na araw. (Daris Jose)

PBBM, pamilya binisita at nagbigay-galang sa namayapang ama na si Marcos Sr. nitong Undas

Posted on: November 3rd, 2022 by @peoplesbalita No Comments

GAYA ng milyon-milyong Filipino, hindi nakalimutan ni Pangulong Ferdinand Marcos Jr., at ng kanyang pamilya na bisitahin at magbigay-galang sa namayapang ama na si dating Pangulong Ferdinand Marcos Sr. sa Libingan ng mga Bayani (LNMB), araw ng Martes, Nobyembre 1.

Sa katunayan, isang misa ang isinagawa para kay Marcos Sr.

Kasama ng Pangulo ang kanyang asawa na si Unang Ginang Liza Araneta Marcos, ang kanyang ina na si dating Unang Ginang Imelda Marcos, kapatid na si Irene Marcos-Araneta, at iba pang miyembro ng pamilya.

Ang nasabing misa ay isinagawa bilang pagdiriwang ng Araw ng mga Patay o “Undas” — Ang “Araw Ng Mga Patay” ay ipinagdiriwang tuwing Nobyembre 2.

Ito’y isang Katolikong pagdiriwang at tinatawag din itong “Undas”.

Sa pagdiriwang na ito, pinupuntahan ng mga Katoliko ang mga sementeryo upang magdarasal.

Ipinagdarasal nila ang mga Espiritu ng kanilang mga patay na kaibigan o miyembro ng pamilyang nasa Purgatoryo.

Purgatoryo ang tawag sa lugar ng mga Espiritung wala pa sa perpektong kalagayan.

Nagdarasal ang mga katoliko upang makaalis na ang mga Espiritu sa Purgatoryo at makapapasok sila sa langit upang magkaroon sila ng buhay na walang hanggan.

Habang sila’y nagdarasal, nag-aalay rin sila ng mga bulaklak at nakasinding kandila. (Daris Jose)

Kilig na kilig ang aktres at siguradong iiyak nang husto: JOMARI, pangarap na makitang ‘walking down the aisle’ si ABBY

Posted on: November 3rd, 2022 by @peoplesbalita No Comments

INAMIN ng aktor/car racer at Parañaque City Councilor na si Jomari Yllana na nasa plano na niya na pakasalan si Abby Viduya.

Ayon kay Jom, matagal na nila itong napag-uusapan na kanyang beautiful pa rin na partner.

Natanong nga ang celebrity couple sa media con ng Paeng Nodalo Memorial Rally na magaganap sa Subic Bay Freeport ngayong November 5 at 6, hinggil sa kanilang pagpapakasal.

Say ni Jomari, “We will get married pagkatapos ng last term ko.

Alam n’yo masarap umuwi sa bahay na kasama mo ang taong mahal mo, ka-match mo.

“Ang dami na nating pinagdaanan, pandemic and all. You learn to appreciate the little things. Lalo na ang essence ng buhay. Dapat kasi ngayon, ang approach mo sa buhay, positive lang, good life. Tama na yung negativity.”

Ang problema lang nila, nasa Amerika ang family ng ng aktor habang nasa Canada naman ang kay Abby, kaya saan kaya sila unang magpapakasal?

Pangarap talaga na ‘yun ni Jom para kay Abby, kaya pinaghahandaan niya nang husto.

“Si Abby, gusto ko makita siya walking down the aisle na naglalakad siya titingin sa kaliwa, sa kanan, makikita niya ang mga kaibigan niya, mga pamilya niya, people who are very, very close to you.”

Hindi naman maiwasan ni Abby na kiligin sa mga binitiwang salita ng kanyang partner, “nu’ng naririnig ko kanina ‘yung about kasal, kinikilig talaga ako.

“But I’m not kasi the typical na dream wedding girl, kasi siguro nagsawa ako noong gumagawa ako ng pelikula, ang daming beses ko nang ikinasal.

“But this one, ito na ‘yon. Siguro, ‘pag nangyari na lang, siguro iiyak talaga ako nang iiyak.”

Samantala, ang naturang car racing ay tribute para kay Paeng Nodalo, na kinikilala sa motor sports, at nagpasikat ng Mabuhay Rally.

Si Jomari lang naman ang first Filipino na naka-score ng podium finish sa Yeongam International F-1 circuit sa South Korea noong 2014. Isa rin ang aktor na magbabalik-pelikula na this December, sa top three winners ng Super Race Round 8 Championship, Accent One category. Ang kanyang racing team na Ylanna GTR ang first Filipino na nagwagi sa naturang racing event.

Nakapag-uwi na rin siya ng tropeo at karangalan sa Philippine National Touring Car Champion Driver 1996 bilang Rookie of the year; Runner up and Champion driver, Philippine National Touring Car Championship for Toyota Team Toms, 1997-2001, and Runner up, Philippine Grand Touring Car Championship, 2014-2015 (Yllana Racing Team).

Ang motorsports outfit niya na Yllana Racing, with himself as team principal, ay sumalin rin Philippine Grand Touring Car Championship noong 2013.

***

NAKAKA-EXCITE kung saan-saang international film festivals makapapasok ang Socmed Ghosts ng prinoduce nina Doctor Michael Raymond Aragon, ang founding chairman ng Kapisanan ng Social Media Broadcasters ng Pilipinas, Inc. (KSMBPI).

Ayon kay Dr. Aragon, ngayon tapos ang movie, “this November isa-submit namin as entry sa different filmfests, like sa Paris International Filmfest, Canadian filmfest, etc.

“Kumbaga, lahat ng filmfests ilalako naman ito, tulad sa India.

“Ang why filmfests, because we want to report to the world about this four issues na nangyayari sa Pilipinas.

“Pero hindi naman target ipalabas dito, ‘pag nanalo sa international, saka namin ibabalik dito at ipalalabas.

At dahil nga tapos na ang shooting, this month, mag-i-start sila ng next movie na may title na ‘Thank You for the Broken Heart’ na kung saan si Chase Romero uli ang bida, at makakasama niya sa May-December movie ang beteranong aktor na si Rey ‘PJ’ Abellana, na kung saan gaganap silang mga frontliners sa magkaibang fields.

Ikinuwento nga ng writer/producer na si Dr. Mike na ang naturang romcom indie film na tulad ng Socmed Ghosts ay ipalalabas din sa iba’t ibang international film festivals.

Samantala, inamin ni Doc Michael na nakikipag-usap na sila sa local LGUs ng Quezon City sa plano niyang gawing “Hollywood Lane of the Philippines” ang buong Scout Borromeo Street sa Quezon City, District 4.

“May mga meeting ako with some of the LGU officers ng Quezon City na sana magkaroon ng City Ordinance converting the entire street of Scout Borromeo located at Barangay South Triangle, District 4, Quezon City into a center/landmark (Hollywood Lane of the Philippines) dedicated to support activities related to filmmaking/movie industry, entertainment arts and culture and to provide a FREE ZONE where artists and filmmakers alike will be able to shoot and create movies “Permit Free” in the said area/zone and to allocate funds and resources needed to create, operate, sustain and support this so-called “Hollywood Lane of the Philippines” into a novel tourist spot/ destination for both celebrities and their fans from the entire country.”

Napakaganda nga nga vision ni Dr. Aragon sa naturang ordinansya na sana ay maisakutuparan sa mga darating na taon at maging tourist spot ang buong Sct. Borromeo at maging tambayan din ang mga celebrities, work related man o gusto lang gumimik at mag-unwind.

Kaya ipag-pray natin na walang kokontra sa naturang panukala at maging ganap na batas sa Quezon City, na tinaguriang ‘City of Stars’.

(ROHN ROMULO)

Yulo kakasa sa 4 na finals event sa World Championships

Posted on: November 3rd, 2022 by @peoplesbalita No Comments

NAGPAPARAMDAM na ng puwersa si Tokyo Olympics veteran Carlos Edriel Yulo matapos pumasok sa finals ng apat na events sa prestihiyosong 51st FIG World Artistic Gymnastics Championships na ginaganap sa Liverpool, England.

Inilatag ni Yulo ang pinakamalakas na puwersa nito upang masiguro ang pag-entra sa finals kabilang na ang kanyang paboritong floor-exercise event.

Nanguna si Yulo sa floor exercise kung saan nakalikom ito ng 15.266 puntos mula sa 6.400 difficulty at 8.866 execution.

Pumangalawa naman si Yulo sa vault tangan ang 14.849 puntos laban sa nangunang si Artur Davtyan ng Armenia na may 14.900 puntos.

Si Yulo ang reigning champion sa vault event.

Pasok din sa finals si Yulo sa parallel bars kung saan naglista ito ng 15.300 puntos sapat para makuha ang No. 4 seed sa naturang event.

Sa kabuuan, pumangatlo si Yulo sa all-around event bitbit ang kabuuang 84.664 puntos para maging ikaapat na event na nakaabante ito sa finals.

Masaya si Yulo sa kanyang performance ngunit hindi pa dapat magdiwang dahil qualifying pa lamang ito.

Umaasa si Yulo na mas mapapaganda pa nito ang kanyang performance sa finals upang makahirit ng gintong medalya.

“It’s a really good result but it’s just qualifying. I’m not boasting, it’s just not the final. If I can do it in the final then maybe I can be satisfied,” ani Yulo.

Kabilang sa mga tututukan ni Yulo ang rings, horizontal bar at pommel horse kung saan hindi ito nakapasok sa finals.

Nagkasya sa ika-10 si Yulo sa rings (14.066) habang ika-31 naman sa horizontal bar (13.533) at ika-102 sa pommel horse (11.766).

Nangako si Yulo na ibubuhos ang lahat ng kanyang lakas sa finals para masigurong makapag-uuwi ito ng medalya.

Marcos Jr: Tiyaking may kasamang mga gamot ang relief package

Posted on: November 3rd, 2022 by @peoplesbalita No Comments

PINATITIYAK ni Pangulong Ferdinand R. Marcos nitong Martes ang pagbalangkas ng standard operating procedure (SOP) para sa pagsasama ng mga gamot sa mga relief package sa oras ng kalamidad at emergency.

Ayon sa Pangulo, ilang araw pagkatapos ng isang kalamidad, ang mga apektadong indibidwal ay naghahanap ng mga over-the-counter na gamot katulad ng paracetamol at anti-diarrhea.

“That’s one aspect of it na hindi masyadong naaatensyunan. Paano tayo makapag-provide ng gamot? Like (what) the Maguindanao Governor Bai Mariam is saying. Simple lang naman. Kasi nakabilad sila (apektadong residente)… basa sila nang matagal, nilalagnat ‘yung mga bata,” punto ni Marcos.

Binigyang-diin din ni Marcos ang kahalagahan ng pagbibigay ng mga maintenance na gamot sa panahon ng kalamidad.

“Pero ‘yung matatanda, ‘yung mga may maintenance, delikado talaga sila pagka mga one week na hindi sila naggagamot, it starts to really affect them,” ani Marcos.

Binanggit ng Pangulo na ang mga ganitong uri ng gamot ay dapat na inireseta o ibigay ng health department, mga doktor at mga parmasya.

“So let’s put together an SOP for that para may kasama tayong gamot,” anang Pangulo.

Bago magtungo sa briefing, pinangunahan ng Pangulo ang isang aerial inspection sa lalawigan ng Maguindanao. Pinangunahan din niya ang pamamahagi ng tulong sa mga apektadong pamilya sa lugar.

Libu-libo dumagsa pa rin sa Manila North at South cemetery

Sa kabila ng masama pa ring panahon dahil sa pagpasok ng panibagong bagyo, dumagsa pa rin ang libu-libong bisita sa Manila North at South cemeteries sa Maynila kahapon.

Sa Manila South Cemetery, umabot sa 204,500 ang tinatayang naging bisita nito dakong alas-5 ng hapon.

Sinabi ni Manila Police District (MPD) Director P/BGen Andre Dizon na naging maayos naman ang daloy ng tao kahit na tanging ang main entrance ng MNC ang kanilang binuksan.

Naging mahigpit sa pagpapasok ang mga bantay nang 63 indibidwal na karamihan ay mga bata ang hindi papasukin.

Kahapon, alas-5 ng umaga nang muling buksan ang gate ng MNC at muling isasara sana ng alas-5 rin ng hapon ngunit nagbigay ng ekstensyon ng 30 minuto.

Humingi ng pang-unawa si Dizon sa mga naapektuhan ng limitasyon sa oras na itinakda ng lokal na pamahalaan ng Maynila at ipinatutupad ng pulisya.

Nasa 500 pulis ang ikinalat nila sa iba’t ibang istratehikong lugar na mahigpit na nagbantay sa mga pasaway tulad ng mga nag-iingay, naninigarilyo at nagsusugal.

Hindi naabot ang inaasahang bilang ng bibisita na isang milyon.

Sinabi naman ni Sta. Cruz Police Station commander, P/LtCol Ramon Solas na may epekto ang naturang oras sa mas maliit na bilang ng tao kumpara noong pre-pandemic dahil sa naiiwasan na ang mga nagpapagabi.

Dagdag na factor din ang bagyong Paeng at ang bagyong Queenie. (Daris Jose)

Nagbunga na ang mga hirap na dinanas sa ‘#MaineGoals’: MAINE, napansin ang galing sa hosting kaya nominated sa ’27th Asian TV Awards

Posted on: November 3rd, 2022 by @peoplesbalita No Comments

CONGRATULATIONS to Maine Mendoza!

All Access to Artists sends congratulatory message to their artist, Maine Mendoza, for being nominated at the 27^th Asian TV Awards for Best Entertainment Presenter/Host and Best Lifestyle Programme: #MaineGoals.

Nagbunga ang mga hirap na dinanas ni Maine sa pagti-taping nila ng lifestyle programme na #MaineGoals every week sa iba’t ibang lugar. Ipinalabas ang bawat episode nila every week sa Cignal TV for two seasons.

Ang 27^th Asian TV Awards will hold its first in-person events on December 1 and 8, 2022, following two years of mounting the show virtually.

Sa December 1, ATV will announce the winners of its Entertainment and Performance categories during the ATA Live Show at the Aliw Theater in Pasay City, Philippines.

Televised live ito sa 500 million homes across the Asia Pacific through its broadcast network, ang star-studded event iho-host nina Mandopop singer and actor Wallace Ang, TV presenters Hani Fadzil and Chua Qin Kai, actors Piolo Pascual, Enchong Dee and Kantapong Bumrungrak, and Miss Universe 2018, Catriona Gray.

Dazzling the ATA stage with their performances are Filipino singers Christian Bautista, Erik Santos and others.

Magpapatuloy ang awards night sa December 8 at Resorts World Sentosa in Singapore, where winners of the Technical and Programming categories will be announced during the ATA Gala Dinner.

***

ASIA’S Multimedia Star Alden Richards is back from Bangkok, after nag-shoot sila ng isang TV commercial, with his glam team.

Kaya after the shoot, sinamantala ni Alden ang chance, na bago bumalik ng Pilipinas, na makapasyal-pasyal doon, kaya may IGS post siya habang kumakain, “A taste of Bangkok Street Food #streetfoodadventure.”

Next post nila ay iyong hindi sila nakababa ng NAIA: “First time to experience a roundtrip flight, as in u-turn. Almost 10 mins away from landing at NAIA, our plane got turned back for Bangkok due to severe weather conditions in Manila. Back in Bkk, #thaiAirways provided a hotel for 1 night and booked us in the next available flight on the following day. Not complaining, what’s more important is we are all safe!”

Back to work, Alden is thankful at ang cast ng serye nilang “Start-Up PH” dahil sa magagandang reviews ng mga netizens na excited na dahil magkalapit na sina Tristan (Alden) at Dani (Bea Alonzo), na ipinagseselos naman ni Dave (Jeric Gonzales), feeling siya ang boyfriend ni Dani.

Napapanood ang serye at 8:50PM sa GMA-7, after “Maria Clara at Ibarra.”

***

TRAILER pa lamang ng upcoming GMA Afternoon prime series na “Unica Hija” ay kinaaawaan na ang characters played by Kate Valdez, the dual role of Bianca and her clone, Hope.

Paano, hindi lamang isa ang kontrabida sa serye, kundi tatlo, ang foster mother niya sa serye, si Maricar de Mesa at dalawang young kontrabidas, sina Faith da Silva at Rere Madrid.

Nahirapan ba si Kate sa mga pagmamaldita ng dalawa sa kanya?

“Sa dalawa po, si Faith ang nananakit sa akin, pero before the take, pinag-uusapan na namin ang gagawin niya,” say ni Kate.

“I don’t mind naman dahil iyon ang nasa script, and after hurting me naman, nagso-sorry po siya at niyayakap niya ako. Si Rere po naman, sosyal at edukada ang character niya, hindi niya ako sinasaktan physically, nilalait lamang niya ako using iba’t ibang masasakit na salita.

“Nagpapasalamat nga ako sa kanila dahil maganda ang rapport naming apat. Ganoon din si Ate Maricar, she explains to me kung ano ang gagawin niya sa akin sa eksena para hindi ako magulat.”

Sa Monday, November 7 na ang world premiere ng “Unica Hija” na mapapanood at papalitan nila ang “Return to Paradise” na finale episode na ngayong Friday, November 4.

(NORA V. CALDERON)