2022 November 07 Archive - People's Balita

December 23, 2024
Search in People's Balita
Ang Diyaryong Pinagkakatiwalaan

Archive for November 7th, 2022

Valenzuela pangalawa sa NCR Top Performing LGUs sa Local Revenue Generation

Posted on: November 7th, 2022 by @peoplesbalita No Comments

MULING kinilala ng Bureau of Local Government Finance (BLGF) ng Department of Finance ang Valenzuela City para sa tax collection efficiency ranking nito sa Fiscal Year 2021 sa ginanap na pagdiriwang ng BLGF’s 35th Anniversary sa Philippine International Center (PICC).

Ito’y matapos masungkit ng lungsod ang pangalawang Performance Area (PA) Nos. 2 — Collection Efficiency of Locally Sourced Revenues, at 3 — Year-on-Year (YoY) Growth in Locally Sourced Revenues.

Ang data ay batay sa mga ulat ng Q4 FY 2021 Statement of Receipts and Expenditures (SRE) na isinumite ng mga Local Treasurer, noong Marso 31, 2022, alinsunod sa BLGF MC No. 08-2015 na may petsang 21 Abril 2015, at ang pagsusuri nito at ang kasunod na pagproseso nito ay ginawa ng Bureau’s Local Financial Data Analysis Division (LFDAD).

Tinanggap ni Mayor WES Gatchalian ang awards, kasama si Ms. Adelia E. Soriano, City Treasurer and Atty. Cecilynne R. Andrade-Aboganda, City Assessor.

“Sama-samang efforts naman (ito) ng Lungsod ng Valenzuela. Tulong-tulong ang mga tao, tayo, sa pagkamit nitong mga awards kaya nakakatuwang patuloy (ang) pag-recognize sa atin (ng BLGF).” ani Ms. Soriano.

Ang Certificates of Recognition ay ibinibigay sa mga kinauukulang LGU, kabilang ang mga awardees ng Local Revenue Generation Hall of Fame — isang karagdagan regular performance awards alinsunod sa direktiba ng Secretary of Finance na inilunsad ng Bureau ang espesyal na kategoryang ito para sa mga LGU na mahusay na nakamit ang huwarang pagganap sa lokal na koleksyon ng kita sa nakalipas na tatlong magkakasunod na taon sa bawat lugar ng pagganap.

“Another achievement from my last year as Mayor. We couldn’t have done it without the help of our Valenzuelano taxpayers! Congratulations to us and again, maraming salamat sa ating Valenzuelano taxpayers! Sa pagkakaisa, tuloy ang progreso!” pahayag naman ni Congressman REX Gatchalian. (Richard Mesa)

Disney Animation’s “Strange World” – All-New Featurette Now Available

Posted on: November 7th, 2022 by @peoplesbalita No Comments

A new featurette is now available for Walt Disney Animation Studios’ action-packed adventure “Strange World,” revealing how the voice cast describes the upcoming feature: crazy, bizarre, adventurous, mysterious, thrilling, mind-blowing and, of course, strange.

Watch the featurette below:

Featured stars include Jake Gyllenhaal, who lends his voice to Searcher Clade, a family man who finds himself out of his element on an unpredictable mission; Dennis Quaid, who voices Searcher’s larger-than-life explorer father, Jaeger; Jaboukie Young-White, who is the voice of Searcher’s 16-year-old, adventure-seeking son, Ethan; Gabrielle Union, who provides the voice of Meridian Clade, an accomplished pilot and Searcher’s partner in all things; and Lucy Liu, who voices Callisto Mal, Avalonia’s fearless leader who spearheads the exploration into the strange world.

Opening in Philippine cinemas this Nov. 23rd, the feature film introduces a legendary family of explorers, the Clades, as they attempt to navigate an uncharted, treacherous land alongside a motley crew that includes a mischievous blob, a three-legged dog and a slew of ravenous creatures.

“Strange World” is helmed by Don Hall (Oscar®-winning “Big Hero 6,” “Raya and the Last Dragon”) and co-director/writer Qui Nguyen (co-writer “Raya and the Last Dragon”), and produced by Roy Conli (Oscar®-winning “Big Hero 6,” “Tangled”).

(ROHN ROMULO)

Pag ratipika sa 2023 nat’l budget prayoridad ngayon ng Kamara

Posted on: November 7th, 2022 by @peoplesbalita No Comments

KINUMPIRMA ni House Speaker Martin Romualdez na prayoridad ng Kamara na ratipikahan ang P5.268 trillion 2023 national budget ng Marcos administration at ang pagpasa sa ikatlo at huling pagbasa ng 16 hanggang 18 sa 30 [initial] na natitirang Legislative-Executive Development Advisory (LEDAC)-priority measures bago mag-Christmas break ang Kongreso simula sa Disyembre 17.

Ayon kay Romualdez sa pagbabalik ng regular session simula bukas, November 7,2022 nakalatag na ang mga dapat ipasa na mga batas para sa mahusay na serbisyo publiko, paglikha ng trabaho, kalusugan, at pagbangon ng ekonomiya upang maprotektahan ang pinaka-mahina na sektor ng bansa mula sa endemic na yugto ng coronavirus disease-19 (COVID-19) at global inflation.

Layon ng pag ratipika ng pambansang badyet sa susunod na taon upang magbigay ng social safety nets para sa mga tao at tulungan silang makabangon mula sa economic displacement dulot ng COVID-19 at magsisikap para makabangon ang ating ekonomiya kasama ang agrikultura bilang pangunahing makina para sa paglago at trabaho.

Suportado din ng Kongreso ang inisyatiba ni Pangulong Ferdinand “Bongbong” Marcos Jr. na magbigay ng subsidy sa mga pinaka-mahina na sektor upang sugpuin ang epekto ng pandaigdigang inflation.

Partikular dito ang patuloy na suporta sa mga vulnerable sector gaya ng pagbibigay ng cash transfer at mga diskwento sa gasolina para mabawasan man lang ang epekto ng pagtaas ng inflation.

Kumpiyansa din si Speaker na maaaprubahan ng House of Representatives ang 16 hanggang 18 Common Legislative Agenda (CLA) na nakalista ng LEDAC sa unang pagpupulong nito sa Malacañang noong Oktubre 10.

Kabilang sa mga priority bills ang E-Governance Act at E-Government Act.

Sinabi ni Romualdez karamihan sa mga priority measures ay binanggit ni Pangulong Marcos sa kanyang unang State of the Nation Address (SONA) at kalaunan ay pinagtibay bilang CLA ng LEDAC.

Bukod sa pagsasama-sama ng mga panukalang batas sa E-Governance at E-Government Act, sinabi ni Romualdez na ang natitirang 16 na priority measures ay kinabibilangan ng mga sumusunod: Medical Reserve Corps, Virology Institute of the Philippines, National Disease Prevention Management, Mandatory Reserve Officers’ Training Corps ( ROTC) at National Service Training Program, Mga Pagbabago sa Build-Operate-Transfer Law, Condonation of Unpaid Amortization and Interests of Loans of Agrarian Reform Beneficiaries, Valuation Reform, Passive Income and Financial Intermediary Taxation Act (PIFITA), Internet Transaction Act, Government Financial Institutions Unified Initiatives to Distressed Enterprises for Economic Recovery (GUIDE), Department of Water Resources, The New Philippine Passport Act, Waste-to-Energy Bill, The Magna Carta of Barangay Health Work, at National Government Rightsizing Program.

Dagdag pa ng Speaker, sisikapin din ng Kamara na ipasa sa ikatlo at huling pagbasa bago ang Christmas break ang Magna Carta of Filipino Seafarers at ang Budget Modernization bill.

Dalawa sa 32 LEDAC-priority measures ay naipasa na ng Kongreso at nilagdaan ni Pangulong Marcos bilang batas, partikular ang Republic Act (RA) No. 11934 o ang Subscriber Identity Module (SIM) Registration Act at RA No. 11935 o ang pagpapaliban ng 2022 Barangay at Sangguniang Kabataan Elections (BSKE) mula Disyembre 5, 2022, hanggang Oktubre 30, 2023.

Ang 11 pang natitirang CLA sa ilalim ng LEDAC ay ang Unified System of Separation, Retirement and Pension bill; National Land Use Act, National Defense Act, Enactment of an Enabling Law for the Natural Gas Industriya, Mga Pagbabago sa Electric Power Industry Reform Act (EPIRA), Pagtatatag ng Regional Specialty Hospitals, Magna Carta of Filipino Seafarers, Establishing the Negros Island Region, The Apprenticeship Act, Providing Free Legal Assistance for Military and Uniformed Personnel, The Creation of the Leyte Ecological Industrial Zone, at The Creation of the Eastern Visayas Development Authority. (Daris Jose)

Pinsala sa agrikultura dahil sa bagyong Paeng, pumalo nasa P3.16-B – Department of Agriculture

Posted on: November 7th, 2022 by @peoplesbalita No Comments

PUMALO na sa Php 3.16 billion ang katumbas na halaga ng napinsalang agrikultura nang dahil sa pananalasa ng bagyong Paeng sa Pilipinas.

Batay sa pinakahuling datos ng Disaster Risk Reduction Management Operations Center ng Department of Agriculture, lumobo na sa 197,811 metric tons ang volume ng production lass ng bansa.

Saklaw nito ang nasa 84,677 ektarya ng mga agricultural area sa iba’t ibang rehiyon na sinalanta ng bagyong Paeng kabilang na ang Cordillera Administrative Region (CAR), Cagayan Valley, Central Luzon, CALABARZON, MIMAROPA, Bicol, Western at Eastern Visayas, Zamboanga Peninsula, Central Mindanao, at Soccsksargen.

Iniulat din ng naturang ahensya na umabot na rin sa 83,704 ang bilang ng mga magsasaka at mangingisda ang naapektuhan ng nasabing kalamidad.

Ito ang dahilan kung bakit lubhang apektado rin ngayon ang bilihin sa bansa kabilang na ang palay, mais, high-value crops, palaisdaan, livestock, at poultry.

Habang nasira rin ang ilang agricultural infrastructure, machinery, at equipment.

Samantala, sa kabilang banda naman ay tiniyak ng kagawaran na sa kabila ng lahat ng ito ay patuloy pa rin ang pagdagsa ng tulong para sa mga apektadong magsasaka at mangingisda.

Kabilang sa mga tulong na ipinapaabot sa kanila ay ang Php1.74 billion na halaga ng butong palay, Php11.57 million na halaga ng corn seeds, at Php20.01 million na halaga ng iba’t ibang binhi ng gulay.

Tuloy na tuloy na sa MET ngayong November 27: BOY at ICE, sanib-puwersa sa ikalimang edisyon ng ‘The EDDYS’

Posted on: November 7th, 2022 by @peoplesbalita No Comments

TULOY na tuloy na ang ikalimang edisyon ng The EDDYS (Entertainment Editors’ Choice) na magaganap sa darating na November 27 sa Metropolitan Theater (MET).

Ito ang pagbabalik ng Society of Philippine Entertainment Editors (SPEEd) sa face-to-face event matapos ang virtual na pagdaraos ng 4th Eddys nitong nagdaang 2021.

Ang OPM icon at premyadong singer-songwriter na si Ice Seguerra ang magdidirek ng ikalimang edisyon ng The EDDYS habang ang award-winning TV personality na si Boy Abunda ang magsisilbing host ng taunang pagbibigay ng parangal ng SPEEd.

Ngayong 2022, magtatagisan ng galing at husay ang mga de-kalibreng pelikulang Filipino na ipinalabas sa iba’t ibang platforms noong nakaraang taon. Labing-apat na kategorya ang paglalabanan ng mga nominado, kabilang na ang Best Picture, Best Director, Best Actress at Best Actor.

Katuwang ng SPEEd sa pagdaraos ng 5th edition ng Entertainment Editors’ Choice ang Fire And Ice Media and Productions, Inc., ang kumpanyang itinatag ng mag-asawang Liza Diño at Ice Seguerra.

Makikipagtulungan din sa awards night ng SPEEd ang Globe Telecom bilang partner sponsor, at sa kind support ng JFV Rice Mill at si Bataan Rep. Geraldine B. Roman.

Tulad ng mga nakaraang taon, ang auditing firm pa rin nina Juancho Robles (Chan Robles & Company, CPAs) ang mamamahala sa pagbibilang ng mga boto para sa 5th edition ng The EDDYS.

Sa susunod na linggo, ihahayag naman ng SPEEd ang kumpletong listahan ng mga nominado sa acting at technical categories pati na ang mga special awards.

Bukod sa Isah V. Red Award na ibinibigay ng SPEEd bilang pagkilala at pag-alala sa yumaong founding president ng grupo na si Isah V. Red, sa mga natatanging indibidwal mula sa iba’t ibang larangan, nariyan din ang The EDDYS Icon awardees.

Abangan din kung sinu-sino ang mga recipients ngayong 2022 ng The EDDYS special awards na Joe Quirino Award, Manny Pichel Award, Rising Producers’ Circle at Producer of the Year.

Ayon sa bagong pangulo ng SPEEd na si Eugene Asis, entertainment editor ng People’s Journal, asahan ang mas kapana-panabik at mas matinding labanan ng mga natatangi at de-kalidad na pelikula sa ikalimang edisyon ng The EDDYS.

Ang pagbibigay-parangal ng SPEEd ay isang paraan para hikayatin, lalong pataasin ang morale at patuloy na magbigay-inspirasyon sa Filipino filmmakers, producers, writers, actors at iba pang kasama sa pagbuo ng isang matino at de-kalidad na pelikula.

Ang SPEEd ay samahan ng mga entertainment editor ng major broadsheets at tabloids sa bansa.

(ROHN ROMULO)

Semis berth nasikwat ng Cool Smashers

Posted on: November 7th, 2022 by @peoplesbalita No Comments

DALAWANG sunod na puntos ang pinakawalan ni middle blocker Ced Domingo sa huling sandali ng laro upang buhatin ang Creamline sa 25-23, 20-25, 25-12, 32-30 pukpukang panalo laban sa Chery Tiggo sa Premier Volleyball League Reinforced Conference kahapon sa Sta. Rosa Sports Complex sa Laguna.

Napanatili ng Cool Smashers ang rekord nito para masolo ang liderato tangan ang malinis na 5-0.

Maliban dito, nasikwat ng Creamline ang ikalawang tiket sa semifinals.

Nadungisan ang rekord ng Crossovers na nahulog sa ikalawang puwesto bitbit ang 5-1 marka.

Sa unang laro, malakas ang Petro Gazz sa huling sandali ng labanan upang pigilan ang PLDT Home Fibr, 19-25, 25-21, 25-20, 27-25, para makalapit sa Final Four slot.

Balanseng atake ang inilatag ng Gazz Angels kung saan apat na players nito ang nagrehistro ng double digits para buhatin ang kanilang tropa sa ikatlong panalo.

Ramdam na ramdam ang presensiya ni import Lindsey Vander Weide na nagbaon ng 24 puntos, walong digs at anim na receptions para sa Gazz Angels.

Umariba pa si MJ Phillips ng 13 makers tampok ang apat na blocks habang gumawa naman si Myla Pablo ng 12 hits at nakakuha si Jonah Sabete ng 10 points para suportahan si Vander Weide.

Lumakas ang tsansa ng Gazz Angels sa semis tangan ang 3-1 marka.

“Alam naman nila kung gaano ka-importante yung laro sa amin. Saka ni-remind namin lagi sila na mag-focus sa kung anong nangyayari. Kailangan nakatutok talaga kami sa instructions at makuha namin yung panalo. Gusto talaga nila,” ani Petro Gazz coach Rald Ricafort.

Ads November 7, 2022

Posted on: November 7th, 2022 by @peoplesbalita No Comments

Pamilya Corona, naniniwalang ‘vindication’ ang pagbasura ng Sandigan sa forfeiture case

Posted on: November 7th, 2022 by @peoplesbalita No Comments

LABIS na ikinagalak ng pamilya ni dating Chief Justice Renato Corona ang desisyon ng Sandiganbayan na nagbabasura sa P130.59 milyong forfeiture case na isinampa laban sa kanila noong 2014.

Ayon sa abodago ng pamilya Corona na si Atty. Carlos Villaruz, itinuturing nila itong “vindication” para sa nasirang Punong Hukom na hinatulang “guilty” ng Senate impeachment court noong 2012 dahil umano sa kabiguan nitong ideklara ang lahat ng kanyang yaman sa kanyang Statement of Assets, Liabilities and Net Worth (SALN).

Maliban sa impeachment, naharap din si Corona at ang kanyang pamilya sa patung-patong na kaso, kabilang ang tax evasion, at ang lahat ng ito ay ibinasura ng mga korte. Ang forfeiture case sa Sandiganbayan ang pinakahuling napagtagumpayan ni Corona na pumanaw noong 2016 sa edad na 67.

“CJ Corona’s family has been in agony and suffered all these years because of these cases, and with the dismissal of this last case, they cannot help but feel vindicated since our courts have consistently ruled that CJ Corona and his family did nothing wrong,” pahayag ni Villaruz.

Dagdag pa ng abogado ng pamilya: “The family and various support groups of CJ Corona simply hope that he will be remembered for upholding judicial independence, the rule of law, and the delivery of justice to oppressed sectors of society. With this recent court decision, they are sure that CJ Corona is cheering and smiling in heaven.”

Bullying prevention campaign, ilulunsad ng DepEd

Posted on: November 7th, 2022 by @peoplesbalita No Comments

ILULUNSAD ng Department of Education (DepEd), sa pangunguna ng Child Protection Unit (CPU), ang Bullying Prevention Advocacy Campaign kaalinsabay ng National Children’s Month (NCM) ngayong Nobyembre.

Ayon sa DepEd, may temang #KasamaKa: BaLiK-Aral (Boses, Lakas ng Kabataan at Komunidad sa Balik-Aral), pagtutuunan ng nasabing kampanya ang tatlong core aspects: KasamaAko (Adbokasiya Para sa Sarili), KasamaKayo (Adbokasiya para sa Kapwa), at KasamaTayo (Adbokasiya Tungo sa Pagbabago).

“This program aims to recognize schools that deliver positive results for the learners’ well-being. Schools will be assessed based on criteria aligned with the Child Protection Policy Implementation Checklist, principles and objectives of a child-friendly school, focusing on child’s rights, health, protection, and learners’ participation,” nakasaad sa issuance.

Dagdag pa ng DepEd, titiyakin din ng anti-bullying advocacy ang functionality ng child protection committees (CPC); hikayatin ang mga eskuwelahan na bumuo ng kanilang mga lokal na patakaran sa proteksyon ng bata; at bigyang inspirasyon ang mga miyembro ng CPC at ang mga guro na malaman ang Child Protection Policy at ang kanilang tungkulin bilang mga tagapag-alaga at katuwang tungo sa pag-unlad nito.

Layunin din ng CPU initiated-program na iangat ang moral at motibasyon ng mga guro, pakilusin ang suporta ng komunidad para sa edukasyon, at isulong ang learner empowerment at youth participation sa pagtataguyod para sa kanilang mga karapatan at proteksyon. (Daris Jose)

Manager na si Wilbert, humingi na ng tulong sa netizens: HERLENE, iniyakan ang nawawalang National Costume para sa ‘Miss Planet International’

Posted on: November 7th, 2022 by @peoplesbalita No Comments

INIYAKAN talaga ni Herlene Budol, nang malaman niyang nawawala ang National Costume na gagamitin niya para sa Miss Planet International na gaganapin sa Uganda sa November 19.

Narito ang kuwento ni Herlene: “Nakakaiyak ang nangyari na ang National Costume na gagamitin ko, ay mukhang nadisgrasya ng airlines. Pagdating ng airport ayaw ipakarga, kesyo over size daw. Then no choice na rin kami at hinayaan na lang naming chinopchop nila at binaklas buong box. Ang masaklap yung pinaka-body ng costume hindi nakarating ng Uganda.”

“Buong araw kami sa airport at tinengga oras namin at pinangakuan kami na darating ng gabi, pero 2:30 am na wala na silang paramdam @et_mnl2015 @ethiopian_airlines. Please help me!” Panawagan pa ni Herlene.

Kahit si Wilbert Tolentino, Herlene’s manager, ay humingi na rin ng saklolo sa mga netizens at hopefully, may tumulong sa kanila. “Guys we need Plan B for Herlene Hipon Budol National Costume. Nadisgrasya ng Ethiopian Airlines. I need help! Today ang biyahe ng interpreter papunta ng Uganda para masabay na po sana. We badly need it guys so please give us your entry through Comment Section. Thank you!”

Kaya dasal pa rin ni Herlene ay makapasok pa rin siyang finalist sa international contest kahit wala siyang National Costume.

Wish din natin na makarating on time ang nawawalang part ng National Costume ni Herlene. Good luck!

***

NATUPAD na rin ang wish ng mga fans ng Eraserheads para sa kanilang reunion concert na “Huling El Bimbo” na magaganap sa December 22.

Balitang sold-out na ang lahat ng tickets kaya nag-request silang magkaroon ng General Admission tickets at nag-post na nga si Ely Buendia na may General Admission tickets na worth P 1,222.

Pero nagtatanong din ang mga fans kung gaano kalayo ang Gen Ad seats sa stage, dahil kung masyado raw malayo, baka hindi na lamang sila bibili dahil baka wala na rin silang makita.

May request naman ang mga fans nila sa abroad kung pwedeng magkaroon ng online streaming ng concert at willing naman silang magbayad. Ganito rin ang request ng fans sa provinces dahil hindi rin nila kayang pumunta sa venue.

***

NAGBABALIK-TELESERYE na ang dating child star na si Maybelyn dela Cruz, sa bagong serye ng GMA Network, ang “Unica Hija,” na isang very unique at daring ang concept nito tungkol sa human cloning.

“Naka-relate po ako sa serye nang ikuwento sa akin ang story dahil personally, natulungan din ako ng science para maging isang ina,” kuwento ni Maybelyn.

“Ilang beses din po akong nag-try ng in vitro fertilization (IVF) bago ako nagbuntis sa baby girl kong si Olivia. Our miracle baby is now five (5) years old, kaya perfect time na rin ngayon para balikan ko muli ang pag-arte.

“Kaya gusto ko rin pong i-share ang isang magandang mensahe ng aming serye: ‘Siyempre merong iba’t ibang opinion tungkol sa tema ng aming show but I think this is all about acceptance. For as long as iyong clone ay may emotions, feelings at humanity, then dapat meron din siyang place sa mundo.”

Gaganap sa dual role as Bianca and Hope si Kate Valdez, na anak nina Katrina Halili at Alfred Vargas. Mahihiwalay sa kanila si Hope at inampon siya ni Maricar de Mesa, pero napakalupit niya, ganoon din ang anak nito, played by Faith da Silva, kaya kaawa-awa ang buhay ni Hope sa kanilang piling. Makakatambal ng dalawang Kate Valdez si Kelvin Miranda.

Magsisimula na ang story nina Bianca at Hope this Monday, November 7, sa GMA Afternoon Prime, 3:25PM, after “Abot-Kamay na Pangarap.”

(NORA V. CALDERON)