CONGRATULATIONS sa top-rating GMA Primetime series na “Maria Clara at Ibarra” nina Barbie Forteza, Julie Anne San Jose at Dennis Trillo.  

Ang serye ang tumanggap ng 1^st Gawad Banyuhay Award para sa Programang Pang-edukasyon, held at the Manila Ballroom ng Manila Hotel last Monday, December 12.

Si Barbie Forteza ang tumanggap ng award mula sa Dr. Carl Balita Foundation.

Patuloy na umaani ng papuri ang #MCI sa mga eksena at sa mahuhusay na acting ng mga artista.  Isa nga rito iyong magagalit ka sa character ni Tirso Cruz III bilang si Padre Damaso.

Samantala, sa mas malapit na palang location sa Pampanga at Bulacan sila nagti-taping para maging convenient na sa mga artista ang mga schedules nila.

Napapanood ang serye gabi-gabi at 8PM, sa GMA-7, after ng “24 Oras.”

                                                            ***

NAGING masaya ang presscon ng “My Teacher” nina Joey de Leon at Toni Gonzaga na dinirek ni Paul Soriano.  

Isang matagal nang issue ang inamin ni Joey, iyong nagalit siya kay Toni nang iwanan nito ang “Eat Bulaga” at lumipat sa ABS-CBN.

“Baby kasi namin siya, so, medyo nagtampo ako,” sabi ni Joey.

“Pero wala na ngayon, okey na kami.  Nawala na ang tampo ko sa kanya.”

May nagtanong kay Joey, mabuti tinanggap niya ang offer ng movie na ipalalabas sa coming Metro Manila Film Festival, simula December 25.

Nagandahan daw siya sa script at saka nalaman niya na wala palang entry this year si Vic Sotto, hindi raw gumawa ng festival entry ang kaibigan, kaya pumayag siyang gawin ang movie with Toni.

Pero inamin niya na maraming offers sa kanyang muling umarte, pero ikinakatwiran niya na hindi na siya gumagawa ng movie, semi-retired na siya.

“Pero nagustuhan ko nga ang story ni direk Paul, kaya sila ang pinili ko.  Nagustuhan ko rin ang mga kasama ko sa cast, isa na rito si Carmi Martin.”

***

TAMA, at siguradong tama na ang hula ng mga netizens na si Boy Abunda nga ang dating Kapuso na magbabalik sa GMA Network.

Given na ang teaser na inilabas ng GMA na: “Andito na BA?  Totoo na BA?”  Capital letters ang BA na simula ng pangalan ni Boy Abunda!

“Malapit na natin siyang makilala!  Abangan nyo na lang dito sa GMA Network soon!”

Hintayin na lamang kung kailan lilipat si Boy Abunda at pipirma muli siya ng kontrata sa GMA Network.

                                                            ***

MAY bagong YouTube channel ang GMA Public Affairs at ngayong Kapaskuhan, inihahandog nila ang mga Christmas series na magpapaantig sa inyong mga puso, ang “Pinoy Christmas in Our Hearts.”

Para sa YouTube exclusive na ito, magkakasama sina Jessica Soho, ang content creator na si Ninong Ry, si Bb. Pilipinas 1^st Runner Up Herlene ‘Hipon’ Budol at ang socialite vlogger na si Small Laude. 

Napapanood na ito ngayon sa GMA Public Affairs YouTube Channel!

(NORA V. CALDERON)

MUKHANG mangangabog sa takilya ang ‘Family Matters’ ng CineKo Productions ngayong Pasko, sa pagsisimula nang taunang Metro Manila Film Festival

Mula ito sa blockbuster tandem ng writer na si Mel del Rosario at direktor na si Nuel Nava na nasa likod din ng super mega-hit festival movie na ‘Miracle In Cell No. 7’ na pinagbidahan ni Aga Muhlach noong 2019.

Sa presscon pa lang ay nang1abog at umeksena na nga ang beteranong aktor at aktres na sina Noel Trinidad at Liza Lorena, na in character pa rin sa roles nila sa ‘Family Matters’ bilang mag-asawang senior na pinuproblema at pinagpasa-pasahan ng mga anak.

Siguradong marami ang makaka-relate at tatamaan, tatagos sa puso at magpapaluha sa manonood ng pelikulang sesentro sa pagmamahal sa pamilya.

Kaya naman nang ilabas ng CineKo ang trailer ng movie sa social media, marami ang naantig kaya naman umabot na agad sa 35 million views.

Say nga ni Direk na mas magiging matagumpay ang ‘Family Matters’ sa panahon ng Kapaskuhan… “kung manonood ang mga buong pamilya, then after watching, parang gusto nilang yakapin ang nanay at tatay nila. At kung nagkalayo kayong magkakapatid at matagal nang di nagkikita, parang gusto mo ring yakapin.

“Parang ‘yun mabuo uli ang pamilya. Especially, di ba, two years tayong ‘di nagkita-kita, dahil sa pandemya, maraming pamilya ang nagkahiwa-hiwalay.

“So this time, after watching the movie, maiisip mo na sobrang ko palang nami-miss ang nanay at tatay ko, ‘yun pamilya ko.

“Kaya mas doon ko tinitingnan kesa sa box-office.”

Pero kung mag-hit at humakot ng awards, malaking bonus na ‘yun sa kanila lalo pa nga’t pawang magagaling ang kasama nina Noel at Liza na sina Mylene Dizon, Agot Isidro, Nikki Valdez, JC Santos, Ian Pangilinan at James Blanco.

***

AND speaking of James Blanco (na teenager pa lang ay nakakasama at nakakatsikahan na namin dahil youth-oriented show ng GMA na ‘Click’), hindi lang siya aktor sa ‘Family Matters’ dahil isa rin siya sa supervising producers.

Siya raw ang nag-asikaso sa pagkuha kina Direk Ruel, pati sa productions at technicals ng movie. May isa pa siyang kasama, at malay daw natin, na baka sa next movies ng CineKo ay maging co-producer na rin si James.

At dahil nasa office siya ni Mayor Enrico Roque (para sa investments and properties), may plano rin ba siyang pasukin ang pulitika?

“Hindi, hindi ko kasi kaya maging pulitiko, hanggang sa likod lang ako or maging adviser ng pulitiko. Actually, nasa Office of the Mayor ako ngayon, hanggang doon lang ang kaya ko.

“Pero yung maglingkod, ayoko kasing mabahiran, alam nyo naman ang pulitika, parang sa industriya din natin. Gumawa ka ng mabuti, may masasabi pa rin silang masama.”

Mahigit dalawang dekada na siya sa showbiz at patuloy lang sa paggawa ng movies at mga teleserye, ano ang sekreto niya?

“Pakikisama lang naman ang sekreto dyan,” sagot ng aktor na flawless pa rin at alagang-alaga ang katawan.

“Wala namang iba, habang buhay mong gagawin ‘yun dito sa industriya natin, ang walang tigil na pakikisama.”

Dagdag payo pa niya, “siyempre, ‘wag lalaki ang ulo mo, ano man ang narating mo at gaano ka man katagal sa industriya.”

(ROHN ROMULO)