HINDI makapaniwala si Christian Baustista na dalawang dekada na siya sa showbiz at bilang pasasalamat sa mga sumuporta sa kanya, may pinaghahandaan itong anniversary concert ngayong January.

Nagpapasalamat ang tinaguriang Asia’s Romantic Balladeer na maayos at malakas ang kanyang pangangatawan para magawa niyang ma-celebrate ang 20 years sa industriya.

“We’re gonna obviously reminisce through my music in the past 20 years. Hopefully some of my friends from the past 20 years in the industry will be able to go as well para we can connect and reconnect as well. Most importantly it’s a thanksgiving also for the fans,” ,” pang-anyaya pa ni Christian sa kanyang ‘The Way You Look At Me Thanksgiving Concert’ sa January 28 sa Samsung Performing Arts Theater in Makati City.

Sa February naman ay magkakaroon siya ng Valentine show sa Indonesia kunsaan marami pa rin siyang mga tagahanga. Magsisimula na rin sa taong ito ang The Clash Season 5 sa GMA.

Nagsimula makilala bilang singer si Christian noong 2003 dahil sa pagsali niya sa singing competition ng ABS-CBN na Star In A Million. Kahit hindi siya ang naging winner, kinontrata siya ng Warner Music Philippines at tumanggap ng multi-platinum records ang kanyang self-titled debut album. Naging hit ang single niyang “The Way You Look At Me”, hindi lang dito sa Pilipinas kundi pati na sa ibang Asian countries tulad ng Indonesia, Singapore, Malaysia and Thailand. Kaya siya nabigyan ng titulong Asia’s Romantic Balladeer.

ACCEPTED ng mga netizens ang nabubuong love team nina Barbie Forteza at David Licauco, at sila pa ang nagbuo ng Team FiLay sa historical fantasy portal na “Maria Clara at Ibarra.”  

Open din sa mga fans ang real love story nina Barbie at sa boyfriend nitong si Jak Roberto. Si David naman ay may girlfriend na isang volleyball player at hindi rin ito inililihim ni David.

Pero nagki-click nga ang roles ni Barbie bilang si Klay ng Gen-Z na pumasok sa daigdig nina Maria Clara at Crisostomo Ibarra ng Noli Me Tangere.

Si David naman ay ang best friend ni Ibarra (Dennis Trillo), si Fidel, na nagkagusto kay Barbie na tinatawag niyang Binibining Klay, na naging responsibilidad ni Ibarra nang iligtas niya ito at pinatira sa kanyang tahanan dahil walang kakilala si Klay doon.

Ngayon ay niri-request na ng mga netizens sa GMA na dalhin naman sa labas ng portal si David, sa present time ni Klay at maging end game sila ng “Maria Clara at Ibarra.”

Request din nilang pagsamahin muli sina Barbie at David sa isang bagong project.  Kung matatandaan, minsan na ring nagkasama sina Barbie at David nang mag-guest si Barbie sa “Heartful Café” na pinagtamalan naman nila ni Julie Anne noon.

Meanwhile, pinagsasabay pala ni David ang showbiz at pagiging owner ng Korean restaurant na Kuya Korea na matatagpuan sa Ayala Malls sa UP Town Center.

Nakatutuwang makita si David na nagluluto ng order ng mga customers nila at siya pa ang nagsi-serve nito kapag naluto na niya.

Don’t miss the next episodes ng “Maria Clara at Ibarra” na nalaman na ni Maria kung sino ang tunay niyang ama.

Paano nila tatanggapin ito ni Crisostomo na handang-handa nang pakasalan si Maria?

Ang serye ay napapanood gabi-gabi, 8PM sa GMA-7 after “24 Oras.”

***

NAKATUTUWANG panoorin ang mga Sparkle GMA Artists na sina Kate Valdez, Faith Da Silva at Rere Madrid sa GMA Afternoon Prime na “Unica Hija,”

Kung magkaka-away kasi sila sa serye, off-camera naman ay very sweet nila sa isa’t isa, lalo na kung sabay-sabay silang nagti-taping ng serye, kasi kaaway nila si Hope (Kate) sa story.

Inggit kasi si Carnation (Faith) kay Hope at galit naman si Rere kay Hope dahil inagaw daw sa kanya ang dating boyfriend niya (Kelvin Miranda) kahit na anong pa-seksi ang gawin niya.

Sa isang interview, inamin ni Rere, nakababatang kapatid ni Ruru Madrid, na ayaw panoorin ni Ruru at ng family nila ang eksena niya dahil sa pagiging daring ng character niya, na siya pa ang kumi-kiss sa dating boyfriend niya.

Ang “Unica Hija” ay nagtatampok din kay Katrina Halili, at napapanood daily, 3:25 PM sa GMA-7 after ng “Abot-Kamay na Pangarap.

 (NORA V. CALDERON)