2023 January 19 Archive - People's Balita

July 3, 2024
Search in People's Balita
Ang Diyaryong Pinagkakatiwalaan

Archive for January 19th, 2023

Maria Ressa ‘abswelto’ sa 4 na tax evasion cases — korte

Posted on: January 19th, 2023 by @peoplesbalita No Comments

INABSWELTO ng First Division ng Court of Tax Appeals si Rappler CEO Maria Ressa at Rappler Holdings Corp. sa apat na kaso ng tax violations na inihain pa noong 2018.

Miyerkules nang ibaba ng CA ang hatol sa Nobel Laureate at RHC tungkol sa mga kasong nakabinbin pa simula noong nakaraang administrasyon ni dating Pangulong Rodrigo Duterte.

“First of all, maraming salamat. Thank you for being here. And I have to say… Siguro naman po, sa mga trolls ng Rappler at doon sa mga naniniwala sa kasinungalingan tungkol sa Rappler, napatunayan na po namin na hindi tax evader ang Rappler,” wika ni Ressa kanina habang hinaharap ang media.

“‘Yun nga lang po, it took four years and two months. We came to court, we believed in the court despite everything that was happening.”

Inakusahan si Ressa at ang Rappler Holdings Corp. ng diumano’y “perceived willful attempt to evade tax.” Pinaratangan din ang respondents na sadyang hindi magbigay ng tamang impormasyon tungkol sa annual income tax returns ng kumpanya noong 2015.

Inakusahan din noon ng BIR ang Rappler na maghain ng income tax at value added tax sa nakuha nitong Philippine Depositary Receipts.

“And I don’t know if you remember, but about six months before these four charges were filed against us, we received a top corporate tax payer award from the Philippines,” dagdag pa ni Ressa, isang beteranang peryodista.

“Today, facts win. Truth wins. Justice wins. Medyo emotional nga lang po.”

Hunyo 2022 lang nang sabihin ng Securities and Exchange Commission na desidido silang ipatupad ang 2018 decision nitong ipasa ang media company na Rappler Inc.

Ayon sa abogado ng Rappler na si Francis Lim, inaasahan nilang mapatutunayang walang sala ang mga nabanggit lalo na’t kinakailangan “proof beyond reasonable doubt” sa isang criminal case.

“We knew that acquittal would come. I especially thank the court for showing the independence of the judiciary,” ani Lim.

“We do need investments in the country to help the country emerge from the pandemic. A contrary decision today would have negative implications not only on the freedom of the press but on the economy.”

“With due respect to the prosecution, their theory of the case fails to distinguish between investment and stock and trade.

Eh pati sa tax case, malaki ang implications nito sa tax payers natin.”

Umaasa naman ang kanilang kampo na magtatagumpay sila kung sakaling iakyat ito sa Korte Suprema at sana’y magabayan daw ng Court of Tax Appeals ang regional trial court. Sa ngayon, hindi pa nababasa ng kampo ng Rappler ang buong desisyon.

May isa pang tax-related na kasong nakabinbin sa Pasig Regional Trial Court si Ressa at ang Rappler.

Naniniwala ang kampo nina Ressa at ang ilang progresibong grupo na pulitika ang nasa likod ng pagdidiin sa parent company ng online news site na Rappler, na kilala para sa kanilang kritikal na pagbabalita lalo na noong panahon ni Duterte.

“These charges, as you know, were politically motivated. They were incredible to us. A brazen abuse of power and meant to stop journalists from doing their jobs,” dagdag pa ni Ressa.

“I had a really good feeling today, not only because there wasn’t one shred of evidence to support these charges, not one! Kasi hindi naman po talaga dealer in securities ang Rappler, we are a news organization.”

Matatandaang panahon ni Duterte noong hindi ma-renew ang prangkisa ng ABS-CBN, bagay na nangyari matapos niyang manggalaiti dahil sa hindi raw pag-ere ng ilan sa kanyang political ads noong 2016 elections.

Taong 2017 din nang banatan ni Digong ang Philippine Daily Inquirer at ABS-CBN dahil sa kanilang “hindi patas” na pagbabalita. Idinidiin si Duterte ng sari-saring grupo at international institutions para sa “crimes against humanity” at human rights violations kaugnay ng kanyang madugong war on drugs.

“The acquittal of Maria Ressa on tax charges is a victory for press freedom albeit the struggle still continues against fake news, red tagging and repression,” wika naman ni Bayan Muna chairperson Neri Colmenares.

“May this embolden our journalists to hold the line in their fight for truth and in fulfilling their role as the people’s advocates for transparency and accountability.”

Sa kabila nito, hinamon nila ang lahat na ‘wag magpakampante lalo na’t desidido raw ang mga “pasista” gaya nina Pangulong Ferdinand Marcos Jr. na ipilit ang kanilang mga pananaw sa taumbayan. (Daris Jose)

Sa pamamagitan ng two new vlogs: Senator IMEE, sasalubungin ang ‘Year of the Water Rabbit’

Posted on: January 19th, 2023 by @peoplesbalita No Comments

IPAGDIRIWANG ni Senadora Imee Marcos ang Year of the Water Rabbit sa dalawang bagong vlogs na libreng mapapanood ngayong weekend sa kanyang official YouTube channel.

Sa Enero 21, Sabado, ipasisilip ni Imee ang kanyang mga subscribers sa katatapos lamang na kanyang pagbisita
sa Tsina kasama ang Pangulong Bongbong Marcos kung saan nakipagpulong sila kay Pangulong Xi Jinping at iba
pang matataas na opisyal ng gobyerno ng Tsina upang lalo pang maipaglawig ang samahan ng Pilipinas at ng
People’s Republic of China.

Ang episode naman sa Enero 22, Linggo ay iapapakita ang partisipasyon ni Senadora Imee sa Chinese New Year reception na ginanap sa Grand Hyatt Manila.

Ang okasyon na ito, na pinamunuan ng Chinese Ambassador to the Philippines na si Huang Xilian, ay nagpakita ng
cultural exhibit at highlighted din ito ng isang artistic dance performance mula sa mga Tsino at Pilipinong mga artists.
At kilala ang Senadora bilang taga-suporta ng kultura at sining.

Samahan natin si Senadora Imee Marcos sa kanyang Chinese New Year celebration at mag-subscribe
sa https://www.youtube.com/c/ImeeMarcosOfficial/featured

(ROHN ROMULO)

Wrestling star Jay Briscoe pumanaw sa edad 38

Posted on: January 19th, 2023 by @peoplesbalita No Comments

Namatay ang American wrestling star na si Jay Briscoe noong Martes, Enero 17 (Miyerkules, Enero 18, oras sa Maynila) kasunod ng isang aksidente sa sasakyan isang linggo bago ang kanyang ika-39 na kaarawan.

Inihayag ng lahat ng Elite Wrestling founder at chief executive officer na si Tony Khan ang pagkamatay ng icon ng Ring of Honor.

“Nakakalungkot, si Jamin Pugh ay namatay na. Kilala ng mga tagahanga bilang Jay Briscoe, siya ay isang bituin sa ROH sa loob ng higit sa 20 taon, mula sa unang palabas hanggang ngayon,” isinulat ni Khan sa Twitter.

“Gagawin namin ang lahat para masuportahan ang pamilya niya. Magpahinga sa kapayapaan, Jamin.”

Binuo ni Briscoe ang isa sa pinakamakapangyarihang tag team sa kasaysayan ng wrestling kasama ang kanyang kapatid na si Mark nang kinoronahan sila ng Ring of Honor world tag team champions nang 13 beses.

Nakamit ng Briscoe brothers ang kanilang ika-13 paghahari noong nakaraang Disyembre nang talunin nila ang FTR duo nina Cash Wheeler at Dax Harwood sa double dog collar match.

“Naluluha ako simula nang marinig ko ang balita. Wala lang akong mga salita. Rest in peace, Jay,” isinulat ni Wheeler sa Twitter.

Si Briscoe ay isa ring dalawang beses na Ring of Honor world champion – isa sa anim na wrestlers na nanalo ng titulo nang maraming beses mula noong itinatag ang promosyon noong 2002.

“Isang hindi kapani-paniwalang performer na lumikha ng malalim na koneksyon sa mga tagahanga ng wrestling sa buong mundo. Ang aking pakikiramay sa pamilya at mga kaibigan ni Jay Briscoe, “isinulat ng wrestling icon na si Paul “Triple H” Levesque sa Twitter. (CARD)

Nakatutuwa ang gesture ng kanyang pamilya: BEA, nagluto at ipinakain sa mga kapitbahay na Aetas sa Zambales

Posted on: January 19th, 2023 by @peoplesbalita No Comments

NAKATUTUWA ang gesture ni Bea Alonzo at ng kanyang pamilya.

Sinimulan sa isang cooking vlog kung saan ang mga niluto nila ay ipinakain sa mga kapitbahay niyang Aetas sa farm ni Bea sa Zambales.

“Nag-invite kami ng aming kapitbahay na aetas at nagpi-prepare kami ng meal para sa kanila,” kuwento ni Bea sa simula ng vlog niya.

Sa Youtube channel ni Bea ay ipinakita na nagluto sila ng Chicken Hamonado at Arroz Valenciana.

Kasama ni Bea sa video ang kapatid niyang si James at ang asawa nitong si Thalia na anak ng komedyanteng si Bayani Agbayani.

Bago pa nila sorpresahin ang mga bisita, inilahad ni Bea na may plano ang kanyang ina na tulungan ang mga Aeta.

“Kanina pa nila chinichika si mama doon. Nagplano na si mama ng medical mission,” pagbabahagi pa ng aktres.

***

BUKOD sa consistent na mataas na rating tuwing Sabado ng gabi ay may mga bagong achievements ang Magpakailanman o #MPK ng GMA at ito ay ang multiple nominations ng programa sa PMPC Star Awards for TV 2023 na gaganapin sa January 28, 2023, at 6 pm, sa Winford Manila Resort and Casino.

Nominado ito ng Philippine Movie Press Club bilang Best Drama Anthology kung saan makakatunggali niya ang kapwa GMA Network shows na ‘Tadhana’ at ‘Wagas’.

Maging ang mga aktres na nagpakita ng mahusay na pagganap sa mga hindi malilimutang episode ay nominado naman para sa kategoryang Best Single Performance by an Actress.

Kabilang dito sina Bianca Umali para sa episode na ‘Sayaw Ng Buhay’ kung saan gumanap siya bilang isang para-dance sport champion, si Jennylyn Mercado para sa episode na ‘Sa Kamay Ng Fake Healer’ kung saan gumanap siya bilang magnanakaw ng kneecap ng yumao niyang tiyahin at Kyline Alcantara para sa episode na ‘Rape Victim, Ikinulong?’ kung saan gumanap siya bilang OFW na biktima ng karahasan ng kapwa niya Pilipino sa Dubai.

Maging ang mga male actors ng #MPK ay napansin ang mga natatanging pagganap upang maging nominado bilang Best Single Performance by an Actor.

Kabilang diyan si Mark Herras na gumanap bilang physically at sexually abusive husband sa ‘I Married My Rapist’, si Martin del Rosario na gumanap naman bilang konserbatibo pero bayolenteng asawa sa ‘The Lockdown Wife’, at si Royce Cabrera na gumanap bilang massage therapist na napilitang magbigay ng extra service sa ‘Masahista For Hire’.

Patuloy na napapanood ang tunay na kuwento ng mga tunay na tao sa #MPK o Magpakailanman tuwing Sabado, 8:00 pm sa GMA.

Naka-livestream din nang sabay ang mga episodes nito sa GMANetwork.com, sa YouTube account ng GMA Network at sa Facebook at TikTok accounts ng #MPK.

***

Isa pang toprater ng GMA, ang ‘Maria Clara At Ibarra’ ang may pambulaga sa viewers dahil sa mga bagong karagdagan sa mga miyembro ng cast ng show.

Ipinakilala na sina Sparkle stars Khalil Ramos, Pauline Mendoza, at Julia Pascual bilang karagdagan sa cast ng teleserye.

Si Khalil ang gaganap bilang binatang Basilio, ang karakter na ginampanan ng child actor na si Stanley Abuloc sa unang bahagi ng programa.

“I’m super excited lang din talaga na ma-fill in ko ‘yung shoes ng isang character na ilang beses na rin nating napanood. Siyempre, isa siyang character na sinulat ni Jose Rizal so I’m very much excited and very thankful to be part of this wonderful show,” pahayag ni Khalil.

“Nakaka-one day pa lang ko ako sa pagsu-shoot and so far sobrang natutuwa po ako kasi winelcome po talaga ako ng buong cast and crew ng show na ‘to. They made me feel comfortable and sobrang collaborative din nila.

“I’m very excited kung anong puwede naming maibigay na kuwento dito sa El Filibusterismo. Excited din ako na ma-fill ‘yung shoes ni Basilio dahil alam po natin na napaka importante din ng role ni Basilio sa El Filibusterismo,” kuwento pa niya.

Si Pauline naman ang gaganap bilang Juli, ang kababata ni Basilio.

“I’m a fan of Maria Clara at Ibarra. Sobrang ganda! I’m very happy and grateful. Sobrang successful ng Maria Clara at Ibarra. Now, napabilang ako sa El Filibusterismo, so sobrang thank you.

“Thank you for giving me this opportunity. I’m very excited to work with everyone, to give life to my character as Juli. Excited akong makatrabaho si Khalil kasi ako ang kbabata niya. I’m looking forward to working with everyone,” lahad ni Pauline.

Espesyal daw para kay Pauline ang maging bahagi ng Maria Clara at Ibarra dahil isa itong “first” para sa kanya.

“This is gonna be my first ever period piece. Nagre-research ako kung sino ba si Juli, kung ano ba siya, paano ko bibigyan ng buhay ‘yung character niya. Nilu-look forard ko rin talaga to be working also with direk [Zig Dulay],” dagdag ng aktres.

Si Julia naman ang magbibigay buhay sa karakter ni Paulita Gomez, ang pamangkin ni Doña Victorina (Gilleth Sandico).

“Sa tingin ko, sobrang iba ako sa karakter ni Paulita Gomez. Kailangan kong ibigay ‘yung lahat ng makakaya ko dahil sa pagkakaalam ko sa kuwento ng El Filibusterismo, talagang mas madilim ito. This is about revenge, its about fighting harder for what you believe in,” bahagi ni Julia.

Sa tingin daw ni Julia, magiging challenging ang role para sa kanya.

“I think my character really has to understand that the love she has for Isagani and also for the other characters that she may meet in this part of Maria Clara at Ibarra, kailangan niyang matutong tumayo sa kanyang sariling mga paa. Gagamitin niya ‘yung isip niya imbis na ‘yung puso niya ang gagamitin.

“Challenging role po ito sa akin. Sana po mabigyan ko po ng justice ‘yung character na ‘to lalo na kasama ko ang mga napakagaling na mg aktor. Excited na po ako na bigyang buhay ang El Filibusterismo,” pahayag pa ni Julia.

Bukod kina Khalil, Pauline, at Julia, magiging bahagi rin ng programa si Kim de Leon bilang kasintahan ni Paulita na si Isagani.

Kasama rin si Arnold Reyes bilang Kabesang Tales, na una nang napanood bilang taong kumupkop sa batang si Basilio sa unang bahagi ng Maria Clara at Ibarra.

Mapapanood ang tumitinding mga eksena ng Maria Clara at Ibarra, Lunes hanggang Biyernes, 8:00 p.m. sa GMA Telebabad.

(ROMMEL L. GONZALES)

Ads January 19, 2023

Posted on: January 19th, 2023 by @peoplesbalita No Comments

Rafael Nadal nahirapan kontra kay Jack Draper

Posted on: January 19th, 2023 by @peoplesbalita No Comments

Tatlo’t kalahating oras ang kinailangan ni Rafael Nadal bago nakumpleto ang 7-5, 2-6, 6-4, 6-1 win kay 21-year-old Jack Draper sa round 1 ng Australian Open nitong Lunes.

Mukhang may kalawang pa ang Spaniard sa mga unang yugto ng paluan sa Rod Laver Arena pero nang makuha ang ritmo sa fourth set ay nagtuloy-tuloy na.

Nakaiwas si Nadal sa upset, kung nagkataon ay una sanang defending champion ang Spaniard na napatalsik sa first round pagkatapos ni Boris Becker noong 1997 – ang kumalos kay Becker ay si Carlos Moya, coach na ni Nadal ngayon.

“I need a victory, so that’s the main thing,” bulalas ni Nadal, 36. “Doesn’t matter the way.”

Sunod na makakatapat ni Nadal si Mackie McDonald, dating NCAA champion mula UCLA.

Nilaktawan ni McDonald si Brandon Nakashima 7-6 (5), 7-6 (1), 1-6, 6-7 (10), 6-4 sa match na inabot ng 4 hours. (CARD)

19 Siargao surfers lalaban sa La Union int’l tourney

Posted on: January 19th, 2023 by @peoplesbalita No Comments

Labinsiyam na propesyonal surfers mula sa Siargao Island sa Surigao del Norte ang lalahok sa Enero 20 hanggang 26 sa World Surfing League (WSL) La Union International Pro.

“Nasa competition site na ang mga surfers natin since Jan. 16, Monday. Kailangan nilang gawing pamilyar ang surfing site lalo na ang mga alon ng Urbiztondo Beach sa La Union,” ayon organizers ng event.

Tampok sa international surfing event ang Men’s and Women’s Qualifying Series 3,000 at ang Longboard Qualifying Series (LQS) 1,000.

Ayon sa WSL, ang La Union international surfing event ay “magiging isa lamang sa ilang mga Longboard event sa Asia Region sa 2023.”

“Pagkatapos ng dalawang kaganapan sa LQS, ang nangungunang lalaki at nangungunang babae sa mga ranggo ay bibigyan ng puwesto sa 2023 WSL Longboard Tour na tatakbo sa ikalawang kalahati sa apat na lokasyon sa buong mundo,” sabi ng WSL. (CARD)

Pagbubuwis sa luxury items, bahagi ng tax reform-NEDA

Posted on: January 19th, 2023 by @peoplesbalita No Comments

BAHAGI ng tax reform program ng pamahalaan ang pagbubuwis sa mga luxury items.

“This is still part of making the tax system simpler,” ayon kay National Economic and Development Authority (NEDA) Undersecretary Rosemarie Edillon.

Sa ulat, sinabi ni Albay Rep. Joey Salceda na pinag-aaralan na ng kanyang komite na patawan ng mas malaking buwis ang mga luxury goods sa harap ng panawagan na dagdagan ang kinukolekta sa mga mayayaman.

Sinabi ni Salceda, na siyang chairman ng House committee on ways and means na ito’y sa harap naman ng panawagan ng Oxfam International na patawan ng mas malaking buwis ang mga “super-rich” sa bansa.

“The committee is particularly studying taxing wristwatches, bags, and other leather items above P50,000, private jets, luxury cars above P5 million, the sale of residential properties above P100 million, beverages above P20,000 per bottle, traded paintings above P100,000, among other items,” sabi ni Salceda.

Nauna nang sinabi ng Oxfam ang inequality na nararanasan sa Pilipinas kung saan mas malaki pa ang yaman ng siyam na pinakamayayamang Pinoy kumpara sa pinagsamang yaman ng kalahati ng populasyon ng bansa na aabot sa P55 milyong piso.

Sinabi ni Edillon na ang pagbubuwis sa luxury goods ay “theoretically”, isang buwis sa mga mayayaman.

“So maganda na rin ito para makatulong sa pagkuha ng revenue. It’s also a way for the more fortunate ones na makatulong,” anito.

Gayunman, sinabi ni Edillo na ang “good governance” ang dapat na sukli o kapalit para sa “mas mataas at bagong buwis.”

“[Dapat] napupunta sa maayos na proyekto na pang-development and poverty reduction,” ayon kay Edillon. (Daris Jose)

Presensiya ng mga OFWs sa Middle East, isang “plus factor” para makapanghikayat ng Arab investors- PBMM

Posted on: January 19th, 2023 by @peoplesbalita No Comments

ISANG malaking factor ang malakas na presensiya ng overseas Filipino workers (OFWs) sa Gitnang Silangan para makapanghikayat ng mga investors mula sa Arab countries.

Sa open forum sa World Economic Forum (WEF) sa Davos, Switzerland, sinabi ni Pangulong Ferdinand Marcos Jr. na welcome sa Pilipinas ang anumang major capital intensive investment lalo pa’t sinusubukan nitong nakalabas mula sa utang na natamo nito.

Aniya, kailangan na mabawi ng Southeast Asia ang posisyon na mayroon ito bago ang COVID-19 pandemic.

Ang rehiyon ay mayroong fast-growing economy habang pinapanatili ang basic elements na nagdala sa nasabing punto bago pa mangyari.

“The workforce is still workforce, still exists. It is up to us as leaders, I think, to be very careful how we direct now the development of the economy because it’s not business as usual. The pandemic changed everything,” ang wika ni Pangulong Marcos.

“So specific to the Middle Eastern countries, we have very strong relations actually with the Middle Eastern countries,” dagdag na wika ng Pangulo sabay sabing “This is due to the huge numbers of OFWs in the Middle East.”

“Because in the talks that we’ve had with some of the leaders from the Middle East, the discussion always begins with the overseas Filipino workers,” ani Pangulong Marcos.

Winika pa ng Punong Ehekutibo na ang kalakalan ay bahagi ng talakayan sa Arab nations katulad ng pinag-uusapan naman ang panukalang sovereign wealth fund, Maharlika Investment Fund.

“Some of the examples that we’re looking at are the ones in the Middle East because they have been the ones that have been most successful,” ani Pangulong Marcos.

“The connections are there — we just not have — put it in that area. But I’m sure that any opportunities that we will be given… have to take full advantage of,” aniya pa rin. (Daris Jose)

Siya na raw ang ‘Donnalyn Bartoleme’ part 2: KRIS, nakisawsaw at ipinagtanggol pa ang maling ginawa ni ALEX

Posted on: January 19th, 2023 by @peoplesbalita No Comments

MARAMI ang pumuri kay Ria Atayde sa pagiging bagong Calendar Girl niya ng White Castle Whisky.

Binali kasi ni Ria ang nakasanayang image o molde ng isang White Castle Whisky Calendar Girl na kailangan payat na payat para masabing sexy.

Ang iprinisinta rin daw na advocacy ng brand ang dahilan kung bakit napa-oo siya, though, kahit si Ria, aminado na hindi niya na-imagine na magiging Calendar Girl pala siya.

“Noong kinausap kasi nila ko, buo na, ‘yung concept nila about body positivity kaya madali sa akin na mag-yes because it’s also my advocacy.”

Sabi pa niya, “Usually ang calendar girl, there’s a certain mold. That’s why this campaign resonated with me because it’s out to prove that beauty is in all forms, shapes and sizes.

“Definitely, I never thought that I’ll see myself as a calendar girl. If anything that changed, kaya ko pala. Kaya ko pala.

“Actually, I did a birthday shoot but it feels like my personal consumption kind of thing. Pero publicly, kaya pala. I think, it brings confidence in myself also.”

Supportive naman daw sa kanya ang pamilya ever since kaya hindi na niya kailangang magpaalam, kahit sa boyfriend na si Zanjoe Marudo. Na ngayon nga ay out na sila.

At least ngayon, mas open na sila ni Zanjoe at wala rin pagde-deny.

Katwiran niya, “I feel like it’s all out in the open anyway. I don’t think there’s something to deny or confirm. I feel like it’s already out , so take it for what it is, I guess.”

Parang seryosohan na talaga sila dahil nga sa pagiging open na nila sa publiko sa kanilang relasyon.

“Sana po, sana po,” nakangiti niyang sagot.

***

SUMAWSAW pa ang singer na si Kris Lawrence sa isyu ng kanegahan ni Alex Gonzaga.

Dinipensahan nito ang naging action ni Alex.

Nag-post ito ng comment na, “People always have something negative to say. Let’s fast forward and after this event that waiter just went viral, will probably get something after, and a LOT of sympathy. Most recognition he ever got as a waiter. So after all the noise… I’m sure he will be grateful that this happened. Looks like people just like to extract the negative out of things instead of the positive.”

At may kasunod pa itong post na, “So now it’s bad to put cake on someone’s face during a birthday? I thought that was a normal thing.”

Dahil sa mga post at comment na ito ni Kris, nag-land ang pangalan niya sa top trending sa Twitter. Either intentional o hindi, wagi si Kris sa pagpapa-ingay ng pangalan niya na halos hindi na masyadong namamalayan.

Ilan sa mga mababasang comment ng netizens tungkol sa kanya, “Grabeng pangmamaliit yung “most recognition he ever got” like WTF Kris Lawrence.”

“So utang na loob at dapat ipagpasalamat pa ata ni Kuya Allan ang nangyari sa kaniyang kahihiyan sa kamay ni malditang Alex Gonzaga. Ayon iyan sa bibliya ni Kris Lawrence.

“Kausapin niyo nga ‘yang La Ocean na songerette na ‘yan. KLK.”

“I never though Kris Lawrence will be this shallow. Well I guess the last picture shows. Another Donnalyn Bartolome wanna be. Dude, Alex Gonzaga is fucking rude. Calling out her bad attitude is not bullying. It’s just us letting her know.”

“Congrats to kris lawrence on achieving the most recognition he will ever get as a singer.”

“Imagine someone celebrating their birthday on a Kris Lawrence gig, he sings them happy birthday, and they surprisingly smeared a cake icing on his face while he is performing/working on stage. Yeah that seems pretty normal to me.”

Mababasa rin na si Kris daw ang Donnalyn Bartoleme part 2, huh!

(ROSE GARCIA)